مشكلة صوت بالهايلكس

[الوئام]

السلام عليكم
يااخوان عندي الهايلوكس وانا ماشي فجأة يطبع صوت قوي كأنه اطلاق نار ههههههه تحت السيارة كان يطلع مرة او ثنتين ويختفي وبين فترة وفترة البارح يمكن اربع مرات ورا بعض وش السالفة اخوكم عليمي بالصيانة هههههه

[المكان]

الفرقعه هاذي تجي من الكهرب انت مغير شي بالبواجي او الاسلاك

[SGL]

أخوي الصوت يجي إذا دعسلته بنزين بقوة ويكتم بوقتها؟
وياليت توضح الموديل

[الوئام]

الفرقعه هاذي تجي من الكهرب انت مغير شي بالبواجي او الاسلاك
لا


أخوي الصوت يجي إذا دعسلته بنزين بقوة ويكتم بوقتها؟
وياليت توضح الموديل
لاالصوت يجي وانا ماشي عادي ...موديل الموتر96

[hassan-55]

اخوي انت مركب دبات رياضيه او مفرغ دبات الوكاله ؟
اذا الجواب لا
يا في ثقب او تهريب بالاقزوز او الشكمان نفسه
اذا الجواب لا
غير بواجي و انا حاس انه من البواجي
كان عندي دباب هارلي لا خليته فتره ما استخدمه الله لا يوريك يطلع انفجار ومع الصدى بالحوش تحس انه طلق نار
لدرجه مره شغلته و الله من قوة الانفجار تركت الدباب وانحشت نسيت ما اامنه على الجلاس وطاح بالأرض واخوي يشوفني من الدريشه وفاااك ضحك :D

واذا غيرت بواجيه يصفى و معاد يطرطع ، شاري كرتون بواجي NGK
مخليه اسبير

[محمد1411]

اذا في احد غيرك يستخدم السياره قله يخف يده على التشغيل وهي تمشي وهو بيفهم وانت الله يطول بعمرك هههه روح لحم الشكمان اذا فيه تنسيم واذا مالقيت تنسيم نهائيا اعرف ان الدبه توسعت من جوا ومالك حل الا تفرغها ويطربك الصوت او تغيرها ويروح الصوت اول مره اسمع ان البواجي تسبب انفجارات في الشكمان على كل حال 50% ان الي يستخدم السياره طفي ويشغل وهي ماشيه الين توسعت الكنداسه و 50% انو في تنسيم في الكنداسه بحكم انو كان معي جيب والحركه هذي ماتصير الا من السببين الي فوق لا ثالث لهم انت تقول اطلاق نار يعني زي ماقلتلك واعذرنا طولنا ههههههههههههههههه

[hassan-55]

اخوي محمد البواجي تسبب انفجار و خذ العلم من مجرب و ليس ناقل

[m a s]

المشكله كهرب ياغالي

غير سلك الكويل مبدئيا
بعده البويبينه والبليتين
بعده البواجي
الشاكوش ووزن الديلكو الحل الاخير
بالتوفيق لك

[SGL]

المشكله كهرب ياغالي

غير سلك الكويل مبدئيا
بعده البويبينه والبليتين
بعده البواجي
الشاكوش ووزن الديلكو الحل الاخير
بالتوفيق لك

صحيح:good:سلك الكويل يسوي نفس هالحركة
والإحتمال الثاني هو نقص بنزين يمكن الصفاية مسدوده

[محمد1411]

صدقت يالغالي ان البواجي تسبب المشكله هذي بس انا قلت ماقد شفت لاني دايم اغير البواجي بعد كل 100 الف انا اخذت الموضوع بالبدايه على انو في احد يتلاعب في السياره ولا هو بس البواجي الي تسبب كذا البليتين يسويها والشاكوش واغلب شي البليتين لانو كثير يخرب في الونيت واعتذر لك