السياره ما تشتغل

[hassan-55]

السلام عليكم ورحمة الله

كنت مسافر والسياره كانت ما تشتكي من شيء
فجأه اتصل بي الوالد قال السياره رحت بها مشوار و بالبدايه بدأت تنتع و طفت كذا مره
تدق سلف لكن ما تشتغل وبالشارع حاولوا ينتعونها واشتغلت مع تنتيع قوي والحين ما تشتغل ابد تدق سلف لكن ما تشتغل السياره

قبل قليل فحصت كل الفيوز كلها سليمه
وش تتوقعون هل هو من الطرمبه اللي بالتانكي ام الفلتر ام البخاخات
السياره ما كان بها أي مشكله فجأه تعطلت

كان عندي جهاز obd وضيعته
ان شاء الله بأشري واحد ثاني وافحص
بالبدايه انتظر نصائحكم و ما تقصرون ان شاء الله

السياره مديل 2006 قير عادي

[hassan-55]

قبل قليل فكيت طربة البنزين وطلعتها من مكانها
الكهرب واصل لها
لكن كيف اتأكد انها شغاله او عطلانه عن طريق جهاز ملتيميتر او بأي طريقه كانت لأن ما ودي اشتري جديده وما يطلع منها المشكله

وفي قطعه راكب فيها ليات في الكبوت هل لها علاقه بالمشكله ؟
هذي صورتها
http://www.2zoo.org/uploads/14825699531.jpg

[hassan-55]

رحت سألت ع طرمبة البنزين دينمو بس مو كامل ب 680 ريال
يعني لو ابي كامل مع فلتره والعوامه كم بيطلع يعني ابيع الموتر واشتريه :D

[ابوراكان تبوك]

فحص الاو بي دي مايطلع لك مقدار ضغط الطرمبه
هي تشتغل فعلا لكنت انت لاتعلم هل دفعها قوي او لا
لازم تفحص بكمبيوتر يدعم قياس ضغط الطرمبه
انت قلت السياره 2006 لكن ماذكرت النوع واعتقد انها تويوتا يارس من رقم القطعه
وعي حسب علمي تتعلق بالفحامه وليس لها علاقه بعدم تشغيل المحرك والله اعلم
وهذا موضوع للمهندس اصيل عنها
http://www.mekshat.com/vb/showthread.php?465656-%DF%ED%DD-%CA%DA%D1%DD-%E6%CA%D5%E6%E4-%E6%CA%E6%D6%C8-%E6%CA%CE%CA%C8%D1-%D5%E3%C2%E3-%C7%E1%E3%C8%DC%F5%CE%D1-EGR-%C8%C7%E1%D5%E6%D1-%E6%C7%E1%C3%D4%D1%D8%C9-%E6%D4%D1%E6%CD-DIY-%BF%BF%BF%BF%BF%BF%BF

[hassan-55]

حياك الله يابو راكان
السياره كرولا
اشتريت قطعة الفحص قبل شوي
وعلى كلام الوالد انه كانت والعة لمبة الفحص ع الطبلون
وان شاء الله الصبح افحص السياره بالجهاز واكتب لك الكود
اليوم فكيت الطرمبة طلعتها برا الصفايه معدومه اكرمك الله وسخه مره
لو في طريقه لفحصها افضل لان السياره بعيده من الورشه وعندي عدتي وجهاز ملتيميتر

[ابوراكان تبوك]

ممتاز جدا

انت قلت لك يارس احتمال القطعتين نفس الرقم للكورلاء واليارس

انا الصراحه اشجع اللي يبحث بنفسه عن الخلل واذا اللمبه حقت الفحص والعه افحص واسدح الكود هنا وان شاء الله انا والاخوان هنا بنفيدك حسب عرفنا

[hassan-55]

الله يسعدك يابو راكان ما قصرت الله يحفظك
هذي الطرمبه شوف الوسخ اللي على الصفايه اكرمك الله
يوم فكيت الليات طلع بنزين منها يمكن شغاله والمشكله من شي ثاني كيف اختبرها انها شغاله عندي محول 12 فولت بس الفيش فيه ثلاث مخارج ما اعرف وين اشبك الموجب والسالب
تتوقع المشكله من الفلتر قالوا لي مكانه اسفل السياره تعرف موقعه بالضبط ؟
http://www.2zoo.org/uploads/14826532141.jpg


وهذي الأعطال اللي ظهرت لي عددها 5

http://www.2zoo.org/uploads/14826532142.png

[ابوراكان تبوك]

الله يعافيك

لو علمتني انك بتختبرها برا كان اعطيتك طريقة بدون ماتفك لكن يالله منها تنظف الصفاية او تغييرها اذا كانت منتهية
الفلتر اذا قالوا لك تحت معناة راكب بقفيز ع الشاص تتبع المواسير اللي طالعه من التانكي تلقاها على نفس الخط
وبخصوص كيف تشبكها الان شوف انت فيشها السلك الاسود او الابيض المخطط بالاسود وين راكب لانه دلاله على السالب اما الخط الثاني الكهرباء اما السلك الخاص بالكهرباء عادة يكون لونه احمر او ابيض بدون خطوط
ركز على ماذكرت جيدا
لو اكتشفت ان الطرمبة خربانه بعض الانواع لها فيوز داخلي تفقدها وتفقد اسلاكها ولو تودي الطرمبة للكهربائي يفحصها لك ويفحص الدوائر الخاصه بها ليؤكد الخلل افضل واذا اكتشفت انها فعلا خربانه لاتشتري ب680 فيه انواع تركب بدالها واكثر نوع مشابه لاغلب السيارات اليابانية طرمبة بنزين المازدا اصليه حول 380 او اقل
عموما اذا اشتغلت معاك برا ركبها وافحص الفيوزات حق الطرمبة اسمه fule pupm اذا كان سليم احتمال فيه سدد من فلتر البنزين روح للثروتل او حوالين مسطرة البخاحات دور اي ماسوره خاصه بالبنزين يكون نهايتها لي او هوز مثل اللي حق الغاز فكه وافتح السويتش وشوفه يدفع او لا
واذا مادفع دور فلتر البنزين وفكه افتح السويتش لين تولع اللمبات وشوف مكان الصفايه بعد الفك يجي منه بنزين او لا
بالنسبه للاكواد
بالرد القادم

[hassan-55]

الطرمبة شغاله شبكتها ب محول 12v
واشتغلت ، الحمد لله ما تهورت واشتريت جديده لأنه القطع الكهربائيه ما ترجع
انا كنت شاك كل ما افك الليات اللي راكبه عليها يطلع بنزين !

تتوقع المشكله من وين السياره تدق سلف بس ما تشتغل يعني البنزين ما يوصل المكينه !

اعتذر عن الاطاله تحملني اخوي رافع ضغطي الموتر

http://www.2zoo.org/uploads/14826551901.jpg

[ابوراكان تبوك]

p1300 بخاخ بس اي ماهو محدد لك ممكن لو تضغط الوصف يطلع معاك
p1305 فيوز Efi حق البخاخات لالالازم تفحصه يمكن قاطع الكهرباء عن البخاخات
https://encrypted-tbn3.gstatic.com/images?q=tbn:ANd9GcT-gX_52ZMaZ4OI1C19fKOYYHvY4R5d12YohVwmvXUXDPBAkmSCEg
p1310 طلع معي نفس البحث ممكن اني مخطيء
1315 ماعرفته
كذلك البقيه لم اجدها
لكن الكلام يدور حول البخاخات احدهم متعطل لكن لو تعطل واحد تشتغل السياره وتكون غير صافية فقط الاهم تفقد فيوز البخاخات EFi احتمال ضارب ومايوصل البخاخات كهرباء نهائي

[ابوراكان تبوك]

ماشاء الله عليك مبدع الله يعطيك العافية
فيه سببين ياطويل العمر
1- فيوز او كتاوت البخاخات البخاخ له كتاوات وفيوز في نفس الوقت افحص الفيوز و دور كتاوت EFi وفكه وركب مكانه حق المكيف A/C كـ تجربه ان اشتغلت اشتر كتاوت
2- السبب الثاني بعد ماتشوف موضوع الكتاوت والفيوزات اعلمك فيه

بالنسبه للكورلاء ما ادري هل فيها حساس مفتاح حق السرقه او لا
لانه الحساس حق المفتاح اذا خرب ايضا يقطع البخاخات والكويلات

[hassan-55]

تلميذك يالغالي الله يعافيك
ان شاء الله اليوم اشتري الصفايه اللي بالصوره فوق ومع اني حاولت انظفها بايسي دلكو لكنها ما تنظفت زين
والجديده على 160 ريال
أتوقع هي الفلتر لأني بحثت بقوقل و كتبت فلتر بنزين نوع سيارتي ما لقيت الا هذا الشكل
ممكن مافي غيرها و بأروح لقطع الغيار واتأكد اكثر

وبأنظف الطرمبة وقاعدتها وبأرجع اركبها
وبأشيك على اللي قلت و بأحاول فك الثلاجه مع البخاخات و انظفها

الله يسعدك ما قصرت يالغالي

[hassan-55]

جاري البحث عن العطل طبعاً اجتهاد مني و بمساعدة الأخ أبو راكان الله يجزاه خير بالنصائح ما قصر الحقيقه
أولا / تم فك قاعدة الطرمبه وفك اجزائها كامله من دينمو و فلتر و صفايه و العوامه
ثانياً / رحت لمحل قطع الغيار و اشتريت فلتر جديد ب 145 ريال موضح بالصوره وركبته
ثالثاً / شكيت في البواجي و فكيتها لقيتها معدووومه و غيرتها بجديد
رابعا / فكيت البخاخات و لقيتها معدووومه موضحه بالصوره أولا نظفتها من الخارج لاحظ لون البنزين قلب اسود
خامساً / جبت المحول ال12v ونظفتها من الداخل

،،،

بعد كل هالمحاولات للأسف ما اشتغل الموتر بقي على حالته و الحمد لله على كل حال
بعد مشاورة الأخ أبو راكان و نصائحه كشفت على الكويل طلع ما يوصل كهرب للبواجي فنصحني بفحص حساس الكرنك
بالصدفه لقيت جاري ميكانيكي رحت معه لسياره وفحص الدينمو حق الطرمبه طلع ما يضخ بنزين ضغطه ضعيف و هذا ما كنت خايف منه لأنها غاليه
امس اشتريت دينمو جديد و اشتريت حساس كرنك وجاري تركيبهم والله يعين

http://www.2zoo.org/uploads/14828203931.jpg

http://www.2zoo.org/uploads/14828203932.jpg

http://www.2zoo.org/uploads/14828203933.jpg

http://www.2zoo.org/uploads/14828218421.jpg

http://www.2zoo.org/uploads/14828218422.jpg

[ابوراكان تبوك]

الصراحه وبدون مجامله انت مبدع ومهما تعبت لا تتحسف على التعب بالعكس انت تتعلم جيدا هكذا وانا نفس طريقتك اذا خلصت الحلول اروح اقرب ورشه حتى اعرف الخلل وبعد كذا ماراح انساه
واتمنى تقييم موضوعك لانه يستحق التقييم فعلاً نظرا لسردك تفاصيل الحل وعملك اللذي قمت به ويستفيد غيرك من الموضوع وتؤجر عليه

[hassan-55]

تلميذك يا أبو راكان الله يحفظك
وانا مثلك احب اخترع واتعلم صحيح أحيان او اغلب الأوقات اخسر لكن في سبيل التعلم
الحين باقي لي حساس الكرنك دورت في المنتديات ما لقيت مكانه ، محل قطع الغيار قالي اسفل صدر المكينه
وجاري البحث عنه اذا مالقيته الشكوى لله بأخلي الميكانيكي يركبه
اللي قاهرني الأشياء الصعبه سويتها باقي ذا الحساس لعله خير ان شاء الله

[badwi]

ما شاء الله عليكم حسن وأبو راكان انتما مبدعان الله يوفقكم

[hassan-55]

^^
واياك اخوي بارك الله فيك

،،

أخيراً يابو راكان لقيت موقع الحساس بعد ما دققت في الخريطه اللي صورتها من قطع الغيار والميكانيكي تأخر علي ومسكت براسي ادوره
مكانه معققققد الله يقلعه من حساس ما لقوا الا يحطونه بهذا المكان
موقعه بين بكرة المكينه الكبيره اللي تحت و بين كارتير الزيت
رفت السياره بالعفريته ودخلت تحت السياره و تبهذلت و يالله وصلت يدي لمكانه مكانه ضيق حاولت بمفك صغير مقاس 10
بس ما قدرت الفه :(
يبي لي اشتري مفك حبه ولازم يكون مقاسه صغير عشان يخش في المكان

[ابوراكان تبوك]

هذا موقع يشرح موقع القطع بشكل جميل وكتبت ايضا موضوع آخر يختص قطع السيارات ويبين مواقعها بشكل دقيق وبرقم الشاص لكن اخترت لك هذا الموقع السريع ليساعدك مستقبلا في تحديد مكان اي قطعة
ملاحظة // لاتلتفت للأسعار في هذا الموقع حيث ان السعر يتجاوز 60 دولار ويوجد موقع آخر يبيع القطعه بـ 24 دولار يعني 24*3=72 ريال طبعا بدون تكاليف الشحن

المهم الان علينا من الموقع اللي يحدد موقع القطعه
ادخل هذا الرابط
واتبع الشرح على الصور
http://parts.villagetoyota.com/
http://store2.up-00.com/2016-12/1482863747281.png
http://store2.up-00.com/2016-12/1482863748022.png
http://store2.up-00.com/2016-12/1482863748073.png
http://store2.up-00.com/2016-12/1482863748134.png

[hassan-55]

ما قصرت الله يعطيك العافيه

في كاميرا تصلح للكشف عن الأماكن الضيقه اسمها كاميرا التنظير انا قد بحثت عنها قبل فتره ولقيت اشخاص يبيعونها من 120 ريال الى 200 ريال نفس النوع
وهي ضد الماء و فيها اضاءه و توصل للاماكن الصعبه الضيقه لكشف القطع و فيها مغناطيس لسحب القطع العالقه في الأماكن الضيقه

في اكثر من فيديو لها في اليوتيوب مثل

https://www.youtube.com/watch?v=Er67fwnzTAQ

وهذي صوره لها

http://www.2zoo.org/uploads/14829043801.jpg

http://www.2zoo.org/uploads/14829043812.jpg

[hassan-55]

تقرير اليوم الله يعيننا على هالموتر
طبعاً اليوم الصبح غيرت حساس الكرنك اللي قلت مكانه صعب اسفل المكينه هذي صورته و للأسف ما اشتغل الموتر

http://www.2zoo.org/uploads/14829331271.jpg


دق علي الوالد قالي جبت لك كهربائي تعال عند الموتر
المهم فحص كهرباء كامل من فيوزات وغيره و قالي كهرباء ما توصل البواجي(قلت في نفسي ما جبت شيء جديد )
المهم علمته بالسالفه كلها غيرت طرمبه و فلتر ونضفت بخاخات و غيرت بواجي وووو مداوم عند السياره لي قريب أسبوع من بعد الفجر محضر عندها

المهم طبعاً جاء بدون عده قالي فك هذا حساس (موقعه فوق الحمد لله تحت غطاء المكينه قريب من البوابه )
فكيته طلع مثل الحساس الأول لكن اصغر قالي هذا بعد حساس كرنك :mad:
قالي رح جيب مثله ممكن هو السبب طبعاً يوم راح جبت بخاخ الصدأ لمممعته كان اسووود
قلت لعل وعسى و بأوفر قيمة الجديد وركبته ما اشتغل الموتر للأسف وان شاء الله بكره لأني مرررهق بأشتري جديد
هذي صورته بعد التلميييع

http://www.2zoo.org/uploads/14829331272.jpg


وان شاء الله يكون منه شيب راسي الله المستعان

[hassan-55]

الحساس الصغير رحت سألت عنه عند الضحيان قالي هذا حساس التايمن و قيمته 360 ريال
ما حبيت اجازف واشتريه دخلت في اليوتيوب لقيت شرح فحص الحساسات سواء التايمن او الكرنك
من عدة اشخاص من بينهم الأخ يوسف معنا هنا بالمنتدى
المهم فحصته لقيته شغال و اللي قهرني فحصت حساس الكرنك طلع بعد شغال الله يعوضنا خير
هذا الشرح
https://www.youtube.com/watch?v=7cMQQ_LOWqI

باقي لي اطلع كل الكتاوتات وافحصهم بالملتيميتر
وباقي شغله قالي عليها جاري قالي غير المفتاح ممكن الحساس داخله متعطل

والله يعين و يعوضني خير
اخر علاج الكي ، ان اشتغل و لا الله يعيننا على سطحه و اوديه مركز فحص كمبيوتر المشكله الان الكهرب ما يوصل للكويلات
الاخوان الكهربائيين يشرفون و يبدون رأيهم

[hassan-55]

الحمد لله تم حل المشكله وهي الحقيقه تاااافهه جداً و ما تخطر على البال
بعد عناء و بحث عن حل المشكله وبعد الفحص بجهازي الOBD
وبعد تشاور مع الأخ أبو راكان الله يحفظه طلع لي في الأعطال ان المشكله كلها تدور في ان الكهرباء ما توصل للكويلات
طبعا انا تعبت كثير وغيرت قطع ونظفت .. الخ
مسكت معي اليوم اتتبع الاسلاك اللي رايحه الى الكويلات لأني فكيت افياش الكويلات الموجب واصل لها
المشكله طلعت من السلك الأرضي السالب اللي راكب بجسم المكينه و رايح للكويلات !!!
والحمد لله خسرت وتعبت لكن في سبيل التعلم والله يعوضنا وياكم خير
أتمنى لتعم الفائده تعديل عنوان الموضوع و كتابة جنب ( السياره ما تشتغل -- تم حل المشكله )
هذي صور السلك المفصول وهو سبب المشكله

http://www.2zoo.org/uploads/14831872771.jpg

حاولت افكه و اركب فيه السلك لكن ما تطمنت خفت لا ينفصل مره ثانيه
فجبت حلقه دائريه و لصقتها مع القديمه

http://www.2zoo.org/uploads/14831872782.jpg

تم تركيب حلقه دائريه بسلك و ربطها بالسلك المقطوع

http://www.2zoo.org/uploads/14831872783.jpg

اخر مرحله تم لف السلك بشطرطون كهرباء نوع m3 حراري
وتم لف جميعها مع بعض

http://www.2zoo.org/uploads/14831873111.jpg


الحمد لله الان السياره شغاله باقي لي افك الثروتل بدي مع الثلاجه كامله وتنظيفها لأنها معدومه من الداخل كربووون
هذي يبي لها يوم افكها و اضبطها

اعتذر عن الاطاله و اسأل الله لنا ولكم التوفيق..