ضهور لمبة الزيت في جيب ربع 2015

[Icom 2100]

السلام عليكم
عندي مشكلة في جيب ربع 2015 لمبة الزيت تشتغل مدة 3 ثواني بعد التشغيل
مع العلم اني مغير زيت وسيفون ولازالت اللمبة تشتغل بعد التشغيل على طول لمدة 3 ثواني وتطفي

[ابوراكان تبوك]

وعليكم السلام
ما ادري هل نظامها كذا بالربع الجديد او لا
لانه في الجيوب القديمه من 2009 تشتغل ممكن ثانيه
أسأل نفس الملاك
واذا المشكله توها بدأت معك تأكد من عيار الزيت اللي انت تعبيه لازم يكون مطابق لمواصفات الموتر

غير كذا يكون فيه سدد بالشخال حق الزيت اللي بالكارتير لكن موترك حديث ماشاء الله ما امداه يكون ترسبات تأكد من النقاط التي كتبتها لك في البدية

[Icom 2100]

وعليكم السلام
ما ادري هل نظامها كذا بالربع الجديد او لا
لانه في الجيوب القديمه من 2009 تشتغل ممكن ثانيه
أسأل نفس الملاك
واذا المشكله توها بدأت معك تأكد من عيار الزيت اللي انت تعبيه لازم يكون مطابق لمواصفات الموتر

غير كذا يكون فيه سدد بالشخال حق الزيت اللي بالكارتير لكن موترك حديث ماشاء الله ما امداه يكون ترسبات تأكد من النقاط التي كتبتها لك في البدية
بالنسبة للمبة المفروض أنها تطفي مع التشغيل لانها أحيانا تطفي معي بسرعة اذا طفيت الموتر وشغلته على طول

أما اذا طفيت وشغلت بعد عشر دقايق تطلع بعد التشغيل ترمش وتطفي

والزيت زيت تويوتا الأصلي مدري هل هو مناسب او لا

[ابوراكان تبوك]

قيس الزيت اكيد ناقص

من 2010 الى 2016 اذا كنت تجلد الموتر وتمشي طبلونه رايح ينقص ولو كان اصفار وهذا ليس عيب لكن هذا نظام الجيوب الجديدة مهما غيرت نوع الزيت لاتحاول
الزيوت المجربة
1-جي تي كاسترول هذا ممتاز وخفيف ع المحرك وصوت المحرك معاه ناعم ولايقلب عن تجربه شخصية
2- توتال الفرنسي مدحوه لي ملاك جيوب ربع وخصوصا من 13 وطالع واثنو عليه جدا ولم اجربه مع ان المستخدمين اللي مدحوه اعرفهم جيدا مواترهم ماتطفي ماشاء الله ودايم كشتات و مقانيص في الشهر فوق 5 طلعات يقولو مايقلب ولا يحترق على 5000 لكن ماسألتهم عن النقص

[m a s]

الزيت مناسب
لاكن خوفي من فلتر الزيت يجي مقاسين .كبير و صغير
وماعندي خلفيه عن نفس الموديل حاول تشيك مع اقرب واحد

[Icom 2100]

ابو راكان تبوك
و
m a s

شكرا لكم

بالنسبة للزيت فهو ناقص ربع علبة

وأما الفلتر شريته من عند بنشري وركبه لي ولاكن مدري عنه هل هو المناسب للمديل هذا او لا

[ابوراكان تبوك]

للمعلوميه :لمبة الزيت تولع على نقص على لتر و400ملي اما نقص ربع علبه او علبه ماتولع معاه

اخي راعي الجيب
سيفونات البناشر انا حصل لي موقف معها ولاعاد استخدمها
لاحظت ان اسنان السيفون من النوع التعبان
واذا زودت عليه شد ماينفك الا تكسره

اما السيفون اللي يباع في الوكلاء عند قطع الغيار المنيف والنهدي وغيره السيفون اللي اخذه منهم مالاحظت عليه هذا الشيء مع انه نفس ارقام اللي عند البنشري

التغييره القادمه - غير السيفون وابعد عن اللي عند البنشري اشتر السيفون من برا