استفسار بخصوص الصيانه السياره

[yhya -ksa]

سلام عليكم ورحمه الله وبركاته كيف حالكم يالربع طيبين عساكم بخير ي شباب

ابي استفسر لمن يعرف للصيانه السياره

طبعا انا اشتريت سياره كرولا 2006

ماشاء الله على حاله الوكاله والحمدلله ماتغير فيها شيئ الا فحمات كفرات حساس الحراره خلال 10سنين لكن انا يوم استلمتها غيرت اشياء الي مستهلكه فيها وراح اذكرها وياليت الي عنده خبره ودقيق بصيانه ينزل رده لاستفيد ويستفيد الجميع

استلمت السياره كان حالها يرثى لها بس الحمدلله قير مكينه ماشاء الله ممتازه لكن البدي لك عليه ورشيته والعلم ماشيه 140 الف وانا مشيتها ممكن مايقارب 15 الف الحين ماشيه ممكن 157 الف

دخلت السياره الورشه وقلتله شيك ع ارضيه السياره وشيكلي عليها قالي عندك المساعدات متفقعه وعندك صوفه القير بين المكينه تهرب قلت مافيه مشكله


المهم دخلت السياره عنده ونزل القير قلت دامك نزلت القير بتغير الصوفه غير دزق وكلتش الفحمه السياره وغيرناها ورحت اشوف كتلوج زيت القير وتم تغير زيت القير مع الزوجه المناسبه للقير مع ان زيت القير كان مطوف والحمدلله يوم غيرته زيت القير باقي لونه ممتاز بس كان فيه ريحه واستعنت بالله وغيرته

بعدها غيرت المساعدات السياره وثم غيرت مويه الرديتر مع الغسيل مويه تايوتا اصلي وغيرت زيت الدركسون بترومين وغيرت الفلاتر وغيرت فريون المكيف وغيرت فحمات امامي خلفي السياره وغيرت فلتر خاص بوابه الهواء وغيرت فلتر مكيف وغيرت طقم كفرات
وغيرت زيت المكينه بترومن لزوجه 10w40 ثما انتقلت الى لزوجه 5w30 لاختبار نقصان المكينه والحمدلله مافيه نقصان بلمحرك وبعدها دخلتها فحص الدوري ورسبت في ضعف الفرامل الي هو قسام يوزع الزيت للفرامل اضنه مسدود وارجع للصناعيه فكه العامل ونظفه ورجع طبق وزود زيت فرامل ورجعت فحصتها الحمدلله انفحصت السياره

والحمدلله بعد الصيانه هذي استخدم السياره مايقارب 3 شهور الحمدلله ماواجه مشاكل والسياره فحصتها عن طريق obd2 مافي اي مشاكل

ودوامي يبعد 130 كيلو ولاكن ليس يومي ولم اواجه مشاكل الحمدلله


ف يا اخواني هل في اشياء تحتاج تغير بعد الصيانه هذي الي عملتها او لا ياليت الي عنده خبره يسدحها ان شاء الله نستفيد كلنا ..

[ابوراكان تبوك]

ماشاء الله عليك ماخليت شي
لكنك لم تذكر فحص الاذرعه وفحص الكفرات ودوامك بعيد 130 كيلو لابد من التأكد من الاذرعه وفحص العكوس + التأكد من عمل الرافعه اوالعفريته + التأكد من صلاحية الاسبير + ومن الامور الاختيارية وجود ماطور هواء واشتراك
فقط

والأخوان اذا عندهم اضافات مايقصرون

[yhya -ksa]

ماشاء الله عليك ماخليت شي
لكنك لم تذكر فحص الاذرعه وفحص الكفرات ودوامك بعيد 130 كيلو لابد من التأكد من الاذرعه وفحص العكوس + التأكد من عمل الرافعه اوالعفريته + التأكد من صلاحية الاسبير + ومن الامور الاختيارية وجود ماطور هواء واشتراك
فقط

والأخوان اذا عندهم اضافات مايقصرون


اهلا بك حياك الله يابو ركان بخصوص الكفرات ذكرتها غيرت طقم كامل الحمدلله هانكوك ..

بخصوص الاستبنه فهي جديده يعني تمشي الحال لا قدر الله وانفجر الكفر ..

اما بخصوص الماطول الحمدلله موجود الماطور واختبرته قبل اسبوع وشغال الحمدلله

والعفريته برضو موجوده


اما نجي من عضلات السياره الحمدلله فحصتها ذاك اليوم قالي نص عمر مقصات العكوس ولكن

انا خايف منه العكس هل اسوي عليه صيانه او لا مثال هل هو يتشحم او لا لان العكس الي بسياره اصلي والعكوس انت عارف سعرها نار الواحد ما تاخذه من قطع غيار اصلي فوق الالف ريال

اما بخصوص الذراعات والمقصات الحمدلله السياره مافيها قربعه بخصوص

[hassan-55]

ما شاء الله عليك على قولت أبو راكان قعدت اعصر افكاري ما لقيت شيء اكتبه توكل على الله ان شاء الله ماعليه خلاف
الموتر مافيه مشاحم انا قد سألت كان ودي اشحم العكوس و كل شيء اسفل رحت للبنشري اذكر قبل فتره قالي ما يحتاج وماني مقتنع الى الان
فأنا قاعد افكر افك ربلات العكوس وانظفها واشحمها بس بعد ما اصلح الموتر ان شاء الله
س/ كم كلفك رش البويه ؟

[yhya -ksa]

ما شاء الله عليك على قولت أبو راكان قعدت اعصر افكاري ما لقيت شيء اكتبه توكل على الله ان شاء الله ماعليه خلاف
الموتر مافيه مشاحم انا قد سألت كان ودي اشحم العكوس و كل شيء اسفل رحت للبنشري اذكر قبل فتره قالي ما يحتاج وماني مقتنع الى الان
فأنا قاعد افكر افك ربلات العكوس وانظفها واشحمها بس بعد ما اصلح الموتر ان شاء الله
س/ كم كلفك رش البويه ؟


هههههههههههههههههههههههههه
الله يسعدكم بس

بخصوص الرشه الموتر رشيته ب 2500 ريال لكن انا ماني مقتنع بذا السعر فيه ارخص ولكن رشيت الموتر احس اني مارشيته لونه اسود اول ماطلعتها من الرشه ماشاء الله السياره تشوفها تقول مخزنه لكن في الشارع عندنا بزران مايقصرون كل ما جا شخمط ع السياره ومشى لكن عوافي الله يهديهم

ترا فيه اشياء ترا ماذكرتها ولا سويتها

مثال تغير سير المكيف والبواجي ماغيرتهم مافيه صوت السيور والبواجي ماغيرتها الحمدلله السياره تشغليتها سريعه ومافيه تفتفه

اما بخصوص صفايه البنزين سمعت شفت مواضيع يقولون مهمه تتغير فما ادري اغيرها او لا

اما بخصوص زيت الفرامل هل يتغير او لا وبما ان المكنيكي فك قسام الفرامل الي بلكبوت ورجعه واكيد الوزنيه حقت الوكاله خربت هم مايعرفون يوزنون زيت الفرامل فانا مادري

اما بخصوص العكوس سعره غالي جدا انا مثلك متردد افكها ولا يزبطونها ومادري هل هي ضروري تتشحم ولالا الربله باقي كويسه او لا وبما هل العكوس لها عمر افتراضي ثما تفك لابد من التشحيم او لا ..


ياليت ي اصيل حجازي لو خشيت موضوعي اتمنى تفيدنا ضروره بلمعلومه هذي لأستفيد ويستفيدون الشباب بارك الله فيكم

[hassan-55]

الله يعطيك العافيه
السير اذا ما في شقوق لا تغيره وان غيرته فهو الأفضل لأن كما سمعت منك انك تمسك خطوط و ما اذكر بالضبط سعره لكنه رخيص أتوقع 90 ريال
وتركيبه جداً سهل ترخي مسمار الدينمو و تدف الدينمو و تطلع و تركب الجديد
طبعا هو سير واحد للكمبروسر و الدينمو و للمكينه

أيضاً البواجي رخيصه ب 30 ريال و تركيبها اسهل من السهل تفك غطاء المكينه المسمارين اللي فوق تطلعها و اللي بالوجه ترخيها
ثم تفك الكويلات ثم البواجي
حاول تطلع الكويل بحذر عشان ما تنقطع جلدته

في شيء نسيت اذكره لك ومع اني ما غيرته بس من باب الاحتياط خصوصاً ان مشاويرك طويله يفضل تغير سير التايمن ( سير المكينه الداخلي )
الله يعينك بيكلفك شوي

اما بخصوص زيت الفرامل اذا نظيف لونه ما يحتاج تغيره خصوصاً كما ذكرت ان العامل فك القسام طبيعي يخرج الزيت القديم

بخصوص فلتر البنزين يفضل تغيره وما هو غالي انا امس ركبته اصلي ب 145 ريال
موقعه داخل التانكي اسفل المرتبه الخلفيه شوف موضوعي بأول المواضيع موجود صورة الفلتر

[yhya -ksa]

تسلم الله يسعدك ويعافيك على الردود


راح اشيك على سير ان شاء الله واشوفه ان شاء الله يكون ممتاز

اما بخصوص البواجي هل ضروري جدا اغيرها السياره عندي ماشاء الله صافيه مافيها اي شي اذا هي لازم مافيه مشكله اشتري بواجي واغيرها


اما بخصوص سير التايمن معلومتك صحيحه اخوي مكينته خبطت وتبهذلت كنت اقوله غير سير التايمن وماسمع كلامي لين انقطع وخربت المكينه

سؤال سير التايمن حق الكرولا هل هو جنزير او ربل وكم راح يكلف الشغل حقه ؟.


ولد عمي معاه كرولا 2005 مشاها خطوط سير التايمن ماجاه ابد اضن السياره اشتراها ماشيه 190 الف الحين مشاها مقارب 390 الف

اما بخصوص فلتر البنزين هل عمليه فكه سهله او لا اخاف افكه اجيب العيد ياخي سيارات القديمه سهله الجديده مصعبينها داخل التانكي السياره القديمه من الكبوت فكه وغيره وامش..

[SGL]

موترك ماهو سير ربل
*جنزير حديد*

[yhya -ksa]

موترك ماهو سير ربل
*جنزير حديد*

حياك الله الله يسعدك ويعافيك


هل الجنزير ينقطع مثل سير التايمن او لا ؟ ياليت تفيدنا الله يسعدك

[SGL]

حياك الله الله يسعدك ويعافيك


هل الجنزير ينقطع مثل سير التايمن او لا ؟ ياليت تفيدنا الله يسعدك

ينقطع بس نادر جدآ جدآ والجنزير إذا إرتخى وخرب شداده أو الزلاجات أكيد تسمع صوت الجنزير واضح بنسبة لموترك لاتشيل همه وإن شاء الله مافيه شي

[yhya -ksa]

ينقطع بس نادر جدآ جدآ والجنزير إذا إرتخى وخرب شداده أو الزلاجات أكيد تسمع صوت الجنزير واضح بنسبة لموترك لاتشيل همه وإن شاء الله مافيه شي

جزاك الله الف خير ..


فيه نقطه ابي اقولك عنها نسيت ماذكرها السياره يوم جاء الشتاء اول ماشغلها فيه خشونه في التشغيل اول ماشغل سياره تجلس ثانيتين وتروح واذا السياره سخنت او الجو ساخن الصوت هذا مايطلع فما المشكله .؟

[yhya -ksa]

السلام عليكم اخوي hassan-55 (http://www.mekshat.com/vb/member.php?242607-hassan-55)

بخصوص ردك السابق شيكت على السيور حصلت سير المكينه والمكيف متقطع وطبعا اشتريت واحد اصلي 100 ريال من الضحيان

وجيت اركبه واجي اقرا كلامك ماعرفت افك السير انت قلتلي فيه مسمار بدينمو فكيته اثاري فيه مسمار تحت انا مادري عنه المهم توجهت لمحل كهربائي ركبه لي وكان تركيبه سهل لو انك تكلمت ان فيه مسمارين بدينمو كان فكيته لكن كويس عرفنا طريقه التركيب اما بخصوص اما خصوص البواجي بسحب عليها وهي الصفايه البنزين لان الحمدلله الموتر سليم مايشتكي من شي لكن فيه مشكله بسيطه

الي هو الغطاء فلتر الهواء مكسور من تحت من كثر الفك والتركيب والحراره والتشميس ممكن 1% يدخل هواء معه اغيره ولا ؟.

وهل الاصلي غالي او لا و ايش الوكيل المضمون غير عبد الطيف جمميل يكون قطع غيار اصلي للسياره لان عبلدالطيف ماعنده الا نهب فلوسس .. دبل

[hassan-55]

وعليكم السلام ورحمة الله
هلا بك اخوي
ماني حول الموتر الحين ولا تأكد لك بالضبط لو علمتني انك تبي تغيره
انا قلت لك انه في مسمار راكب على الدينمو
ترخي الأول و الثاني تطلعه برا او ترخيه و تدف الدينمو للخلف و تطلع السير القديم و تركب الجديد في المجرى مع مراعات الفات اللي تمر على البكرات و الدينمو و الكمبروسر و علبة الدركسون
اذا ركبته لازم تجيب حديده مثل مفك صواميل الكفر او أي حديد بحيث تركب الحديده خلف الدينمو و تشده بواسطة الحديده ثم تشد مسمارين قاعدة الدينمو
لأن اذا ما شديته مضبوط راح يطلع السير صوت صرصره
لو تواصلت معي كان شرحت لك واذا كنت بالرياض كان انا ركبته لك
هذي صورته

http://www.2zoo.org/uploads/14830964351.jpg

واذا تامر بأي خدمه باللي اقدر عليه ساعدتك سواء كان بواجي او أي شيء انا حاضر

بخصوص قاعدة فلتر الهواء اذا الكسر بسيط ممكن تلحمه بالغراء اللي يجي اثنين تخلطهم سوى ب10 ريال صناعه اندنوسي جيد
واذا كان مشكله بالمشقبيات اللي تقفل العلبه ممكن تركب بدالهم سيم حديد و تشده

عموماً فك القاعده وطلعها برا و افحصها
طبعاً اول شيء تفك خرطوش الهواء و تطلع سلك البنزين اللي واصل للبوابه و تفصل فيش حساس الهواء
ثم تفك غطاء الفلتر و تطلع الفلتر برا تلقى اسفل القاعده ثلاثة مسامير مقاس 10 تفكها و بكذا انفكت القاعده تقدر تطلعها الان

اعتقد ان الجديد غالي والله اعلم انا ماسألت على سعره رح للتشليح وابحث عن قاعده نظيفه مو متكسره لكن بالبداية اسأل عن سعره جديد اذا الفرق بسيط خذ جديد

اذا انت بالرياض ارسل رقمك انا بأرشدك على محلات تبيع اصلي و سعر ارخص من الضحيان و غيره

[yhya -ksa]

جزاك الله الف خير اخوي حسن على المساعده

واعتذر عن التاخير..

بخصوص الدينمو كنت مستعجل ذاك اليوم وانت تركتلي رد واحد بخصوص المسمار الي هو مسمار واحد ماقلتلي فيه تحت مع اني شفت المسمار هههههههههه قلت لو فكيت قلت يمكن دينمو يفلت

ورحت عند باكستاني قلتله كم بتركبلي السير قالي بركبه ب 30 قلتله ركبه لي 20 وسالته قبل عيا مايعلمني العماله مايعلمون احد بس يبون يلهفون فلوس عشان كذا انا مو مقتنع الواحد بقدر الامكان يحاول يعتمد ع نفسه

ع العموم ركبه والحمدلله وسير الثاني باقي ماشاء الله شاد حيله ممتاز ..



وقبل شوي طلعت وصورت المشكله الي تكلمنا فيها في الاعلى بخصوص فلتر الهواء

شوف الصوره الاولى

شوف مكسور من عند الزاويه


http://gulf-up.com/do.php?img=238747 (http://gulf-up.com/)

هذا نفس الكسر بس ع الجانب ..


http://gulf-up.com/do.php?img=238748 (http://gulf-up.com/)


بخصوص الكسر وش رايك ماضنتي يتصلح لازم يتغير

وقلت بشيك ع الخرطوش مليان تراب ..


http://gulf-up.com/do.php?img=238750 (http://gulf-up.com/)



وبرضو اشيك ع بوابه الهواء ماكله تراب لين قالت بس..

http://gulf-up.com/do.php?img=238749 (http://gulf-up.com/)


وش الوضع لازم انظفها بدري لاسمح الله بتجي مشاكل لو خليته وهل بامكاني انظف البوابات هذي بدون ماتخخش الوساخه للبخات

وانا برياض وبرسلك رقمي ع الخاص ابيك ترشدني المحلات يبيع قطع غيار رخيصه الله يعطيك العافيه ويسعدك

[hassan-55]

حياك الله اخوي
بإمكانك فك العلبه كامله و المكان المتكسر انا اشوفه قليل وسهل
بإمكانك تلحيمه بالغراء اللاندنوسي اسمه لحام بارد اعتقد اللي يجي اثنين مع بعض تخلطهم
قبل وضع الغراء امسح المكان بخرقه مبلوله

http://www.2zoo.org/uploads/14833573151.jpg

،،،،،

الخرطوش امسحه بخرقه
البوابه عندك تحتاج تنظيف
في كذا طريقه لتنظيفها
الأفضل لكنه صعب شوي تفك الثلاثة مسامير اللي راكبه بها و تطلع سلك البنزين و تطلع الخراطيش و الليات اللي راكبه عليها
وتفصل افياش الحساسين اللي راكب عليها
بمعنى تفكها و تطلعها برا
وبما انها راكبه على الثلاجه اكيدد بتحصل الثلاجه ملياااانه اوساخ اكرمك الله وكربون
هذي اذا ما تعرف تفكها خل العامل ينظفها لك لانه فيها حوسه شوي

او تشتري بخاخ يباع بساكو خاص بتنظيف الثروتل (مرسوم عليه)
وتبخ في البوابه و تمسحها بخرقه

انا عن نفسي مرات استخدم بخاخ ايسي دلكو رخيص و ممتاز

قبل كل شيء افصل اصبع البطارية السالب و اشتغل ونظف

[yhya -ksa]

جزاك الله الف خير

معروف الغراء ذا بمحل زينه احصله

بخصوص الكسر شوف لو لحمت الكسر مافيه مشكله بيتلحم هو بس شوف الزاويه بيجي فيها فراغ الفراغ هذا مكسور منه شوي

وبخصوص التنظيف البوابه الافضل اشوفها انها تفتك وانظفها مافيه مشكله ابفكها ان شاء الله سهله بس ممكن تعلمني ايش المسامير الي تفكفك والدعسه RPM اضنها مشبوكه معها مابي اقربها ابي بس افك القاعده وانظفها وارجعه زي ماهو


بعد شوي بروح ساكو وباخذلي كذا غرض محتاجهم ع الدايري الغربي واذا حصلت المنتج الي قلتلي شريته وبرفقه بردي الجاي ان شاء الله

[hassan-55]

طيب طيب الحين ابحث لك عن فيديو لنفس السياره وارفقه لك
طبعاً يبي لك تشتري عده ، علبه حبوب ، النوع الوسط تحصله اقل من مائة ريال
النوع الجيد الألماني تحصله غالي شوي يصل الى 300 ريال او اقل بقليل
هذا يبي لك روحه لشارع الريل عند المعدات هناك ارخص الأسعار و اعلى جوده انا ما اشتري الا من ذاك الشارع

وبالنسبة للتلحيم سهل جداً
بأعطيك مثال بسيط بس لا تضحك :)
العامل البناء لا جاء يصب الجسور والسقف وش يحط ؟
الجواب يحط ابلكاش خشب من الجهتين و يصب الجدار ، وصلت المعلومه ؟
انت الصق شطرطون شفاف كبير من الجهتين متقابلين و صب بالوسط اللحام

وعندي لك طريقه مريحه و عمليه دامك رايح لساكو
في لحام ممتاز عندهم مثل العجينه افضل لك من اللحام اللي ذكرته لك اول
وقوي وميزته انك تتحكم بالاماكن الضيقه و اللفات
مثل هذا النوع وفي اكثر من نوع عندهم

http://www.2zoo.org/uploads/14833651871.jpg

[hassan-55]

هذا فيديو لنفس سيارتك بالضبط
الله يجزاه خير اللي صوره شرحه كافي ووافي وممتع و مسلي

https://www.youtube.com/watch?v=DU1TX7E2gNc

[SGL]

جزاك الله الف خير ..


فيه نقطه ابي اقولك عنها نسيت ماذكرها السياره يوم جاء الشتاء اول ماشغلها فيه خشونه في التشغيل اول ماشغل سياره تجلس ثانيتين وتروح واذا السياره سخنت او الجو ساخن الصوت هذا مايطلع فما المشكله .؟

عادي الصوت مامنه خوف ويزيد إذا كان الزيت ثقيل
وعذرنا على الرد المتأخر

[yhya -ksa]

طيب طيب الحين ابحث لك عن فيديو لنفس السياره وارفقه لك
طبعاً يبي لك تشتري عده ، علبه حبوب ، النوع الوسط تحصله اقل من مائة ريال
النوع الجيد الألماني تحصله غالي شوي يصل الى 300 ريال او اقل بقليل
هذا يبي لك روحه لشارع الريل عند المعدات هناك ارخص الأسعار و اعلى جوده انا ما اشتري الا من ذاك الشارع

وبالنسبة للتلحيم سهل جداً
بأعطيك مثال بسيط بس لا تضحك :)
العامل البناء لا جاء يصب الجسور والسقف وش يحط ؟
الجواب يحط ابلكاش خشب من الجهتين و يصب الجدار ، وصلت المعلومه ؟
انت الصق شطرطون شفاف كبير من الجهتين متقابلين و صب بالوسط اللحام

وعندي لك طريقه مريحه و عمليه دامك رايح لساكو
في لحام ممتاز عندهم مثل العجينه افضل لك من اللحام اللي ذكرته لك اول
وقوي وميزته انك تتحكم بالاماكن الضيقه و اللفات
مثل هذا النوع وفي اكثر من نوع عندهم

http://www.2zoo.org/uploads/14833651871.jpg




طيب طيب الحين ابحث لك عن فيديو لنفس السياره وارفقه لك
طبعاً يبي لك تشتري عده ، علبه حبوب ، النوع الوسط تحصله اقل من مائة ريال
النوع الجيد الألماني تحصله غالي شوي يصل الى 300 ريال او اقل بقليل
هذا يبي لك روحه لشارع الريل عند المعدات هناك ارخص الأسعار و اعلى جوده انا ما اشتري الا من ذاك الشارع



جزاك الله الف خير بخصوص العده اشتريتلي طقم قبل اسبوع رخيص ب 25 ريال مدري هو يمشي الحال ولالا اما بخصوص هو اصلي او لا وش فرق بين اصلي وتجاري انا اشوفها كلها حديد بس فك واربط ..




وبالنسبة للتلحيم سهل جداً
بأعطيك مثال بسيط بس لا تضحك :)
العامل البناء لا جاء يصب الجسور والسقف وش يحط ؟
الجواب يحط ابلكاش خشب من الجهتين و يصب الجدار ، وصلت المعلومه ؟
انت الصق شطرطون شفاف كبير من الجهتين متقابلين و صب بالوسط اللحام

وعندي لك طريقه مريحه و عمليه دامك رايح لساكو
في لحام ممتاز عندهم مثل العجينه افضل لك من اللحام اللي ذكرته لك اول
وقوي وميزته انك تتحكم بالاماكن الضيقه و اللفات
مثل هذا النوع وفي اكثر من نوع عندهم



معلومه ممتازه ان شاء الله تزبط اما بخصوص منتج لساكو ماشتريته انا حطيت الرد وطلعت من البيت وجهت لساكو والمصيبه اني جوالي حطيته بلشاحن اذا تشوف ملزم اني اشتريه مافيه مشكله اروحله واشتريه بس مدري احصله ولالا

انت الصق شطرطون شفاف كبير من الجهتين متقابلين و صب بالوسط اللحام

ماضنك الحام راح يتكسر اذا فكيت وقفلت ؟؟؟

[yhya -ksa]

عادي الصوت مامنه خوف ويزيد إذا كان الزيت ثقيل
وعذرنا على الرد المتأخر

مافي مشكله الله يسعدك

[hassan-55]

العده الاصليه تفرق ونا اخوك فرق من السماء للقاع
الغير اصليه تمشي الحال اذا الاستخدام قليل جداً لان مع الأيام تلاحظ الحبوب تنحل و تتوسع
وحتى المفك حقها سيء جداً بعد الاجهاد او الاستخدام الكثير يخبط داخله رمان يخرب بسرعه

اما الأصلي قوي جداً ويخدم معك سنين طويله مع الاستخدام الشاق يارجال حتى مسكته فيها فرق شاسع بينه و بين التجاري

اللي معك يمشي الحال حالياً ، استخدمه

اما اللحام سواء كان العصار الاندنوسي اللي بعشرة ريالات
او المعجون كلها قويه جداً جداً و تتحمل و تخدم فتره طويله

الفرق ان المعجون اللي ارفقت صورته اخر شيء ميزته مثل الصلصال تتحكم فيه

وموجود بكثره بساكو وحتى حاطين عرض ملحمين قطعة حديد مسمار على قاروره زجاج و بالاسفل قطعة خشب
قوي جداً جداً هذا المنتج

اعتذر عن الاطاله..

[yhya -ksa]

العده الاصليه تفرق ونا اخوك فرق من السماء للقاع
الغير اصليه تمشي الحال اذا الاستخدام قليل جداً لان مع الأيام تلاحظ الحبوب تنحل و تتوسع
وحتى المفك حقها سيء جداً بعد الاجهاد او الاستخدام الكثير يخبط داخله رمان يخرب بسرعه

اما الأصلي قوي جداً ويخدم معك سنين طويله مع الاستخدام الشاق يارجال حتى مسكته فيها فرق شاسع بينه و بين التجاري

اللي معك يمشي الحال حالياً ، استخدمه

اما اللحام سواء كان العصار الاندنوسي اللي بعشرة ريالات
او المعجون كلها قويه جداً جداً و تتحمل و تخدم فتره طويله

الفرق ان المعجون اللي ارفقت صورته اخر شيء ميزته مثل الصلصال تتحكم فيه

وموجود بكثره بساكو وحتى حاطين عرض ملحمين قطعة حديد مسمار على قاروره زجاج و بالاسفل قطعة خشب
قوي جداً جداً هذا المنتج

اعتذر عن الاطاله..


جزاك الله خير

راح اعمل وبنزل تقرير ان شاء الله فيما بعد