منظم المواقد الامريكية بريموس وغيرها

[تميم . م]

السلام عليكم ورحمة الله وبركاته
اسعد الله اوقاتكم وزادكم خيراً وسعاده
الحقيقة يا اخوان انا ابحث عن المنظم اللي يجي مع المواقد الامريكية مثل البريموس وغيرها وبشتى الطرق والوسائل لكن لم اجده
واطلب منكم المساعدة والفزعه في ذلك
طبعا انا لا اريد إلا الصامولة او المنظم او القطعة اللي تدخل في الموقد او القز فقط لا اريد المنظم كامل ولا اريد الماصورة والمنظم اللي يركب على دبة الغاز او الاسطوانة
وماعرفت كيف ابحث في امازون او اي باي
لأنه اكيد انه ينباع لحاله لكن عجزت ومالجأت لكم إلا بعد انتهاء جميع السبل
اللي عنده معرفه او خلفيه عن موقع يبيعه او مسماه بالانجليزي لايبخل علينا وله دعوه في ظهر الغيب
اسأل الله لكم التوفيق
https://www.google.com.sa/search?q=Coleman+5430+Regulator&espv=2&source=lnms&tbm=isch&sa=X&ved=0ahUKEwiT99HMo5fRAhVWMFAKHXh0ALoQ_AUICCgB&biw=1093&bih=518&dpr=1.25

حاولت انزل الصور لكن دون فائدة في كل مره يرفض التحميل ولا اعلم ماهي المشكلة لذلك اضطريت انزل الرابط لفتحه في المتصفح وظهور الصور كلها

[أبو يوسف]

اذا كنت تقصد منظم كولمان فات'قع ما يباع لحاله حتى في علي اكسبرس ما حصلته

Coleman 5430 Regulator https://www.amazon.com/dp/B000646U3Q/ref=cm_sw_r_cp_apa_siszybG7TKEMC

سعره هنا اقل من 50 ريال لكن المشكلة الشحن يكلف 50 ريال مع واصل عالمي

[تميم . م]

الله يجزاك خير وشاكر لك ردك
انا ما اقصد كولمان بعينه انا اقصد المواقد اللي يشتغل عليها المنظم هذا مثل قز البريموس وتكسبورت وترانسبورت .. المواقد الامريكية عموما دون استثناء
وانا ما ابغى المنظم كامل
فقط اللي لونه ذهبي الصغير اللي نشبكه في القز او الموقد
اما اللي نشبكه في دبة الغاز ماني في حاجته ولأنه في الاساس مايركب على الدبات عندنا في السعودية
والمشكلة ما اعرف اسمها الصامولة هذي اللي تركب في الموقد بالانجليزي واكيد انها موجوده وتنباع لحالها لكن كيف الوسيلة والطريقة
لاهنت على كل حال

[sal7]

http://bitywrehla.com/b1/index.php?route=product/product&path=79&product_id=696

هذا الرابط ممكن تحصل اللي تبيه و زياده و بالسعوديه او تنتظر كم يوم وراح تتوفر عند المرباع كل قطع الغيار او انك تشتري وصلة الاخ سرهيد و متوفره عند محل المرباع و يظهرلي انها عند برق الحيا

لكن اذا تبي شوري لي موقد تكسبورت المطور عند محل بيتي و الرحله راح يغنيك عن كل شيء اسأل مجرب

[تميم . م]

ارحب ياهلا وغلا
الله يجزاك خير ولا يهينك

انا فقط اريد الوصلة النحاسية اللي تركب في القز او الموقد فقط بدون اي شي
المسمار نفسه اللي يركب في الموقد .. يعني ابغى منه كميات كثيرة

اما بالنسبة للقز عندي الاخ سرهيد جعله يسلم ماقصر وبيتي والرحلة مثل ما أشرت اخي الكريم متوفر لديهم فليس لدي مشكلة في هذا الموضوع

اشكرك ولاهنت على كل حال