في مثلكم راع الغطاوي حظيظي . صوتي 91......الحل:ام تسع....حله:ف ف

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز مسائي خفافي اتمنى ان ينال رضاكم



فـــــي مثلكم . راع الغطاوي حظيظي
ذهنٍ لكم . صوب التجدد .. يهيضه
حصن الغطو يدعيه عالي عريضي
مع ذا معاكم .. مايعوِّق . قضيضه
لغزي . اتاكم .. ماهقيته .. يريضي
رمعه .. وتدعي مابجوفه خويضه
زوجين . لأمٍ .. كل ابوهم ربيضي
في جنبها .. لاتقول ياهي غميضه
يامن تعجب .. لو . حداهم يبيضي
في قلبها . لا . لا . تعجب مبيضه


http://e.top4top.net/m_367wwo3g0.m4a (http://e.top4top.net/m_367wwo3g0.m4a)
(http://e.top4top.net/m_367wwo3g0.m4a)
مع تحيات ابو ماجد

منتديات مكشات . خيمة الالغاز

[يمكن شاعر]

عليكم السلام

زوجيـــن لإمٍ كلبوهم ربيضي // في جنبها لاتقول ياهي غميضه
يامن تعجب لوحديهم يبيضي // فـي قلبهـا لالا تعجـــب مبيضه

صح لسانك ملاييين ي غالي لاهنت
محاوله
فرس البحر هو الذكر الوحيد اللي يبيض من المخلوقات او انه يشيل البيض في بطنه بدل الانثى

[سعيداخو مبارك]

صح لسانك زعيمنا
رمعه مستعجله قبل التمعن

طاولة البلياردو وعصيانه

[ف ف]

صح الله لسانك ملايين يازعيم
قد تكون لعبه ..وتلعب واللاعبين جلوس



طيب الشطرنج رميعه

[الدمرجي]

صح لسانك يابوماجد على اللغز الجزل

محاولة

لدي معلومه قديمه حول سمك الهامور

حيث تتحول انثى الهامور بمنتصف عمرها الى ذكر

[حمد؟؟]

صح لسانك ابو ماجد


ماشاء الله تبارك الله


الخرامه ونابيها

[ابو ماجد 2]

يالربع المعذره منكم
لضيق الوقت سيكون الرد جماعي
صحت ابدانكم جميعا
وشرفني مروركم
واللغز لايزال طليق

[يمكن شاعر]

محاوله ي غالي
لعبه البيبي فوت لعبه قدم يدويه تلعبها باليد
الزوجين اللي رابضين بالجنب الهدفين يمين ويسار وممكن مقصدك اللي يبيض بقلبها اثناء دخول الكوره لما تدخل بالمرمى او في شباك الملعب تطيح داخل خشبه اللعبه

[ابو ماجد 2]

محاوله ي غالي
لعبه البيبي فوت لعبه قدم يدويه تلعبها باليد
الزوجين اللي رابضين بالجنب الهدفين يمين ويسار وممكن مقصدك اللي يبيض بقلبها اثناء دخول الكوره لما تدخل بالمرمى او في شباك الملعب تطيح داخل خشبه اللعبه
هلا بالرادار
لايزال طليق يالغالي

[ف ف]

حييت يازعيم


وش رايك بلعبة البيه

[الدمرجي]

صباااح الخير


وش رايك بالركبي الامريكي

كنهم بلعبها رابضين للهدف وهي الكره البيضاوي وتجيك مدحدره بين واحد منهم

http://store2.up-00.com/2017-01/1483673875371.jpg (http://www.up-00.com/)

http://store2.up-00.com/2017-01/1483674250361.png (http://www.up-00.com/)[/URL ([URL]http://www.up-00.com/)]

[ابو ماجد 2]

حييت يازعيم


وش رايك بلعبة البيه
هلا بك يابو ثامر
شرفتنا يالغالي
والله هاللعبه اول مره اسمع فيها
وبالبحث وجدتها معروفه بالشمال
https://i.ytimg.com/vi/a2wtzR-nGSg/hqdefault.jpg

واللي اعنيها قريبه منها زبالتحديد
لاعبين اثنين رابضين حواليها
لذلك اقول
كفوووووووووووووووو كفوووووووووووووووووو كفوووووووووو
ولكن الرمعه
ام تسع
https://scontent.cdninstagram.com/t51.2885-15/e15/11380821_603720109765475_1145427665_n.jpg?ig_cache _key=NjI5MTM1NjQyNTA1MzQ5NDU4.2

كل واحد من اللاعبين يخصه تسع اما حصوات ويكون الآخر نوى التمر المهم يكونون مختلفين
من يستطيع ان يصف احجاره على خط واحد يقول للآخر طاخك وعليه حسب تعبيرنا ان يبيض اي ياخذ منه حجرا وبالغالب يضعه وسط خطة ام تسع
يستمر اللعب سجال لغاية ماينهزم احد الطرفين اما بقلة احجاره
او يركب عليه مانسميها ام غريبين وتكون ثلاث احجار على خط وخط فيه حجرين وكل ماحرك حجر بينهما يقول طاخك وبالتالي يبيض الخصم

[ابو ماجد 2]

صباااح الخير


وش رايك بالركبي الامريكي

كنهم بلعبها رابضين للهدف وهي الكره البيضاوي وتجيك مدحدره بين واحد منهم

http://store2.up-00.com/2017-01/1483673875371.jpg (http://www.up-00.com/)

http://store2.up-00.com/2017-01/1483674250361.png (http://www.up-00.com/)
هلا بك يابو موان
شرفتنا يالغالي
والحل ام تسع واللي حله ابو ثامر لقربه من المرماع المطلوب

[ف ف]

صح بدنك يازعيم والله يجبر بخاطرك.
ماقصرت. جبرت ورقعة لنا هالرمعه. وجهك ابيض

[يمكن شاعر]

صح لسانك ملاييين يابوماجد لاهنت ي غالي
وكفوووووو للغالي ابوثامر صح لسانه وفكره

[سعيداخو مبارك]

ماشاء الله لاقوة الا بالله
ماشاء الله لاقوة الا بالله
عز الله لغز
اهنيك يابوماجد على تركيبة اللغز وحبكته وعاداتك الابداع
ورمعه مايحتاج الله لايضرك يابوثامر وكفو ملايين
بيض الله وجيهكم

[ف ف]

كفوكم الطيب جميع


وصح لسان زعيمنا