الي عنده علم بالمشكله لايبخل علينا جزاكم الله

[samialmutere]

السلام عليكم ورحمة الله ويركاته

الله يحيي الجميع وكل من قام على هالمندى الرائع

عندي مشكله وان شاء الله بلقاء حلها من عندكم



عندي جمس 2001 يوكن

مشكله اذا جيت من العمل الظهر يحصل فيه تقطيع بسيط ونوب يطفي دقيقه وبعدها اشغله ويشتغل والصباح مااحلى منه لاتقطيع ولا شي

علماً اني بعد مافكيت تانكي البنزين حصلت هالمشكله هذي وسبب فك التانكي تهريب في الليات الموجوده في التانكي وتم تغييرهن

وزياده على المشكله البنزين لاوصل تحت النص يطفي الموتر ولازم اعبيه فل او اعلى من النص



حاولت اذكركم كل شي :D لقلت خبرتي بالسيارات
وعدم وثوقي بهالزيود الي ماليه الصناعيه

[ابو غسان2009]

تاكد من طرمبة البنزين اعتقد المشكلة فيها لان البنزين اذا كان مليان يبردها واذا نقص تسخن ويطفي الموتر

[hassan-55]

اخوي بإختصار
موضوع قياس البنزين انا متأكد مائه بالمائه انه من العموامه تحديداً حساس العوامه ما يعطي قراءه مضبوط
يوهمك ان البنزين على النصف وهو بالواقع فاضي التانكي
ممكن تكفها و تنظفها وان شاء الله تضبط

المشكله الأولى قد تكون من عدة أسباب
من أهمها
احتمال الطرمبه ضعيفه
فلتر البنزين يحتاج تبديل
البخاخات تحتاج تنظيف

في مشاكل أخرى قد تكون سبب و تفتفة السياره مثل ضعف كهرباء الدينمو
وأيضا خرطوش الهواء مهم جداً جداً و يسبب تفتفه
هذي جاري قبل كم يوم شافني اهندس بموتري وهو معه كامري قالي ياخي موتري ما ادري وش علته تعال شفه
المهم اعطاني المفتاح شغلته واذا هو ينتفض و يطفي
فتح الكبوت لقيت خرطوش الهواء مقطوع جزء منه
تم لفه بشطرطون و شد قفيزاته وانتهت مشكلته وصار صافي وما به الا العافيه

مشكلتك والله اعلم من الثلاث نقاط الأولى اللي ذكرتها