هاجس غطو جاني ونا بين الاصحاب . صوتي 92.....الحل:قرع . عرق.....حله:سعيداخومبارك

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز مسائي خفافي اتمنى ان ينال رضاكم

نزيده لمحاصرته اكثر


هاجس غطو جاني ونا بين الاصحاب
متكنن .. ياسعيد .. والبرد . ضارج
هاجس . يابو مروان . للذهن سلاب
اصبحت . يالرادار . نفسي اهارج
لغز.. انا كاسيه .. يانجم .. جلباب
لفظين .. يابو طيف .. والكل دارج
لفظ .. يابو ثامر .. وذا جيت . اياب
تلقى .. يابو اسامه .. لحله مفارج
يطري به اللي . راد دخله مع الباب
وليانعكس يطري الذي صار خارج
هذا على الدخله . تخالف به اسباب
ون ماخرج عكسه غدا الوضع حارج
ون جت قوافي تبغي زودٍ للاحباب
خيل الغطو للزود . يالهيل . سارج
سمي لهذا . جمع . ياصاحبي . طاب
في مفرده مع ساقي . القول عارج
سمي لذا . يامسير . اصويحبه خاب
تلقى كلامه. سي . سي . المخارج


http://b.top4top.net/m_37070im60.m4a (http://b.top4top.net/m_37070im60.m4a)

مع تحيات ابو ماجد

منتديات مكشات . خيمة الالغاز
(http://e.top4top.net/m_367wwo3g0.m4a)

[ابو اسامه 2]

‏وعليكم السلام ورحمة الله وبركاته
صح لسانك يا بو ماجد
وبيض الله وجهك اليوم ودوم زعيمنا الرائع

وألف شكر على ذكر اسمي بين اغلى السطور

محاولة يا الغالي

ادخال المواشي للحظيرة
زرب
وعكسها الخروج والتقدم الى الشي
برز للقتال

[حمد؟؟]

صح لسانك ابو ماجد


ماشاء الله تبارك الله


ويستاهلون الاخوان الاسناد


والله يجيب رمعه

[ابو ماجد 2]

‏وعليكم السلام ورحمة الله وبركاته
صح لسانك يا بو ماجد
وبيض الله وجهك اليوم ودوم زعيمنا الرائع

وألف شكر على ذكر اسمي بين اغلى السطور

محاولة يا الغالي

ادخال المواشي للحظيرة
زرب
وعكسها الخروج والتقدم الى الشي
برز للقتال

هلا بالمذهل
اللغز يتشرف بذك مسماك يالغالي
صح بدنك وبياض الوجه كاسيك
شفتنا والرمعه ماصادت
انتظر مرماعك القادم

[ابو ماجد 2]

صح لسانك ابو ماجد


ماشاء الله تبارك الله


ويستاهلون الاخوان الاسناد


والله يجيب رمعه
صح بدنك يالنابغه
ياهلا بك يابو طيف
والاحباب انت منهم لكن البيت اللي فيه معرفك قمت بتغييره ونسيت اضع معرفك فيه
لكن الحمد لله ان فترة التعديل مانتهت ليتكحل لغزي بمعرفك
شرفتنا يالغالي

[ف ف]

ماشاء الله تبارك. الرحمن. تتناغم الحروف بين يديك بصوره شعريه رائعه
الله. لايضرك. وصح لسانك ملايين

وكل الشكر ع تطريز اسمي برائعتك

[ف ف]

رميععتن. مدري كيف هي قايله. تقبلها يازعيم


قاف. الشعر

فاق. فاق من النوم

[الدمرجي]

صح لسانك يازعيم وتسلم ياغالي على اسناد اسمى ضمن الاخوان بيض الله وجهك

رميعه دمرجيه

وداع

عادو

دمت بووووووووووووود

[يمكن شاعر]

عليكم السلام
صح لسانك ملايين يابوماجد
لاهنت لاهنت يالغالي
ويستاهلون الاخوان جميع
والله يعطيك الصحه والعافيه
جاري التفكير بالجزل

[ابو اسامه 2]

طيب يا الزعيم
وش رايك في

حشر إدخال الشي بالغصب
والرشح ( الزكام )

[ابو ماجد 2]

حييتم يالربع جميعا
ةصحت ابدانكم
اللغز لايزال طليق
ولعلي ازيده لمحاصرته اكثر

[ابو ماجد 2]

نزيده لمحاصرته اكثر


هاجس غطو جاني ونا بين الاصحاب
متكنن .. ياسعيد .. والبرد . ضارج
هاجس . يابو مروان . للذهن سلاب
اصبحت . يالرادار . نفسي اهارج
لغز.. انا كاسيه .. يانجم .. جلباب
لفظين .. يابو طيف .. والكل دارج
لفظ .. يابو ثامر .. وذا جيت . اياب
تلقى .. يابو اسامه .. لحله مفارج
يطري به اللي . راد دخله مع الباب
وليانعكس يطري الذي صار خارج
هذا على الدخله . تخالف به اسباب
ون ماخرج عكسه غدا الوضع حارج
ون جت قوافي تبغي زودٍ للاحباب
خيل الغطو للزود . يالهيل . سارج
سمي لهذا . جمع . ياصاحبي . طاب
في مفرده مع ساقي . القول عارج
سمي لذا . يامسير . اصويحبه خاب
تلقى كلامه. سي . سي . المخارج


http://b.top4top.net/m_37070im60.m4a (http://b.top4top.net/m_37070im60.m4a)


(http://e.top4top.net/m_367wwo3g0.m4a)

[يمكن شاعر]

محاوله ي غالي
قصب = قصب الشي بالدخول
قصب = قصب سكر جمع طيب
مفرده قصبه
بالعكس
بصق اخرج الشي من فمه

[الدمرجي]

محاوله يازعيمنا

قالط =دخول الضيف مع الباب
طلاق= خروج الزوجه من ذمة الزوج

[ابو ماجد 2]

محاوله ي غالي
قصب = قصب الشي بالدخول
قصب = قصب سكر جمع طيب
مفرده قصبه
بالعكس
بصق اخرج الشي من فمه
هلا بك يابو فالح
هلا بالرادار
لايزال طليق يالغالي

[ابو ماجد 2]

محاوله يازعيمنا

قالط =دخول الضيف مع الباب
طلاق= خروج الزوجه من ذمة الزوج



هلا بك يابو مروان
تفكير جميل
ولكن لايزال طليق

[ف ف]

يازعيم اسعد الله مساك

في لفظ احيانا يردد عند الدخول. درب درب

وعكسه برد

[النبهاني]

وعليكم السلام والرحمه
صح لسانك تنيني واعتلا شانك وزادك الله من فضله
الله يسعد صباحك وصباح المذكورين والحاضرين والغايبين
محاوله طال عمرك
طرق قرط

[ابو ماجد 2]

يازعيم اسعد الله مساك

في لفظ احيانا يردد عند الدخول. درب درب

وعكسه برد
هلا بك يابو ثامر
واسعد الله مساك بالمسرات
لايزال طليق يالغالي

[ابو ماجد 2]

وعليكم السلام والرحمه
صح لسانك تنيني واعتلا شانك وزادك الله من فضله
الله يسعد صباحك وصباح المذكورين والحاضرين والغايبين
محاوله طال عمرك
طرق قرط


هلا بتنيني
هلا بالغالي
صح بدنك واسعد الله جميع اوقاتك
مالك لوى وخلك على هالوزنيه

[قوافي ( أم نهار )]

وعليكم السلام ورحمة الله وبركاته
صح لسانك ابو ماجد ويستاهلون الاخوان ،،تشرفت بذكر معرفي رفع الله قدرك واسعدك بالدارين
رمعه: كاف ...فاك
جزيل الشكر والعذر من إضافة البيت لاصل اللغز لبعدي عن الجهاز
تحياتي وتقديري واحترامي

[قوافي ( أم نهار )]

محاوله أخرى:
ماك ((وجبة ماكدونلز ))....كام ((كاميرا))

[ابو ماجد 2]

وعليكم السلام ورحمة الله وبركاته
صح لسانك ابو ماجد ويستاهلون الاخوان ،،تشرفت بذكر معرفي رفع الله قدرك واسعدك بالدارين
رمعه: كاف ...فاك
جزيل الشكر والعذر من إضافة البيت لاصل اللغز لبعدي عن الجهاز
تحياتي وتقديري واحترامي
هلا بنحلة مكشات
صح بدنك
اللغز هو من يزهى بذكر معرفك فالفضل بعد الله لاستمرار الخيمه هي جهودك الجباره بتسيير الخيمه
الرمعه ماصادت
معذوره وخابر مايردك عن اي جهد الا بعدك عن النت

[ابو ماجد 2]

محاوله أخرى:
ماك ((وجبة ماكدونلز ))....كام ((كاميرا))

لايزال طليق مشرفتنا الكريمه
وتوجه تنيني هو الاقرب

[سعيداخو مبارك]

الان حصحص الحق

صح لسان الزعيم

ان صابت الرمعه فالفضل بعد الله للنبهاني ماشاء الله عليه
قرع. يعني قرع الباب. من اول كانو يقرعون البيبان لان ماكان عندهم جرس ههههههه
وعكسه عرق الخارج من الجسم
والجمع قرع من الخضروات
وسالفة قرعة الساقي
والعرق الثاني الله يكفينا وياكم والمسلمين شره

انا اعتبر الرمعه تعديل لرمعة اخوي النبهاني
هو رمع طرق والطرق قريب جدا اذا ماكان نفس المعنى للقرع

[ف ف]

عزالله ان الحق حصحص ماشاء الله لاقوة الا بالله ياسعيد


هاللغز بالذات ادخل عليه اكثر من مره باليوم وماخليت الا قرع الباب
احوم حول طق الباب وجرس الباب وووو
قرع الباب عند الدخول. وجمعها قروع الطبول للحرب وماشابه
وعرق الجسم. لابد ان يخرج من الجسم


العذر منك ومن الزعيم استرسلنا وباقي ختم الزعيم

[سعيداخو مبارك]

عزالله ان الحق حصحص ماشاء الله لاقوة الا بالله ياسعيد


هاللغز بالذات ادخل عليه اكثر من مره باليوم وماخليت الا قرع الباب
احوم حول طق الباب وجرس الباب وووو
قرع الباب عند الدخول. وجمعها قروع الطبول للحرب وماشابه
وعرق الجسم. لابد ان يخرج من الجسم


العذر منك ومن الزعيم استرسلنا وباقي ختم الزعيم


والله يابوثامر ميزة الغاز ابوماجد انها لاجت رمعته عرفتها

يعلم الله مالقيت احد الغازه وارده مثل ابوماجد الله لايضره
يحصر لك اللغز على رمعه وحده وتجي تفصيل بالمقاس

وهاللغز لا تنسى ان النبهاني هو اللي وصل للمطلوب
بس قال طرق بدل قرع

وعلى قولك ننتظر الزعيم

[ابو ماجد 2]

يالربع
اللغز انهوه الدواهي
لي رده والرد المفصل من غير الجوال .

[النبهاني]

يالربع
اللغز انهوه الدواهي
لي رده والرد المفصل من غير الجوال .



لا تقول .. لاتقول .. لا تقول انهوه الدواهي لكن قل انهاه الداهيه ماشاء الله عليه اخومبارك
ولا يصح الا الصحيح
وكفوووو والله كفوووو ياسعيد
وصح لسانك ياتنيني دوووووووووم

[ابو ماجد 2]

الداهيه
سعيد اخو مباك
كفوووووووووووووووووو كفوووووووووو كفوووووووووووو
كفوووووووووووو كفووووووووووو
ماشاء الله من عرفتك وحتى الآن لم يتقاصر فتكك بالالغاز
لله دك وصح لسانك ملايين
وما فيك حيييييييله
ابو جار الله لم اتمادى بالاشاده بمرماعك طرق وقرط خشيت ان اقود للحل ولكن سعيد مافيه حيله
كفووووووووووووووووووووووووووو اثنينكم
والحل
قرع . عرق
شرح اللغز
هاجس غطو جاني ونا بين الاصحاب
متكنن .. ياسعيد .. والبرد . ضارج
هاجس . يابو مروان . للذهن سلاب
اصبحت . يالرادار . نفسي اهارج
لغز.. انا كاسيه .. يانجم .. جلباب
لفظين .. يابو طيف .. والكل دارج
لفظ .. يابو ثامر .. وذا جيت . اياب
تلقى .. يابو اسامه .. لحله مفارج
الاتيان بطاري جل الزملاء الاكارم المتواجدين
واللفظ قرع والعكس عرق
يطري به اللي . راد دخله مع الباب
وليانعكس يطري الذي صار خارج
هذا يقرع الباب يريد الدخول وهذا العرق خارج من الجسم
هذا على الدخله . تخالف به اسباب
ون ماخرج عكسه غدا الوضع حارج
تخلف الاسباب لمريدي الدخول والعرق لو ماخرج من الجسم سبب مشاكل
ون جت قوافي تبغي زودٍ للاحباب
خيل الغطو للزود . يالهيل . سارج
سمي لهذا . جمع . ياصاحبي . طاب
في مفرده مع ساقي . القول عارج
سميه القرع وقصة المقصوده الساقي والقرعه
سمي لذا . يامسير . اصويحبه خاب
تلقى كلامه. سي . سي . المخارج
سميه العرق مسكر وصويحبه يثقل لسانه على الهرج اضافة لتخبطه وعدم تركيزه
قصة الساقي والقرعه لمن لايغرفها

قرعة الساقي
يقولون ان رايس وجد قرعه بالساقي فالتقطها ووداها لام العيال
فقالت نبي نرق عليها اي نسوي مرقوق فطلبت لحمه وزبده وبيدجان وكوسه وطحين يوم فكر الرايس واثرها استثمنت على بال مارقوا عليها
المهم من بعدها اتت قرعه بالساقي فالتقطها وربط معها ريالين وقال هذي عانيه على اللي يبي ياخذها فاصبحت مثل قرعة الساقي

وقد وضعت فيها لغز قديم

أبسأل اللي بالغطاوي شغفها
غطوه ولا هي ياصحيبي ثقيله
عن قصة ياكثر من هوعرفها
قصة رجل فيها مثالٍِ دليله
مع بنت عانى ياولد من كلفها
من عقبها اخرى يخلي سبيله
الاوله من يوم مرت خطفها
واستثمنت ياصاح بيد الحليله
والثانيه من يوم مرت ردفها
دراهمٍِ عونه على اللي يشيله

[حمد؟؟]

كفوووووووووو كفووووووووووو كفوووووووووووو


الاخ سعيد


ماشاء الله تبارك الله


ويابو ماجد سالفة القرعه اول مره اعرفها

لاكن بلحيل جازتي هههههههههههههههههه


والله يعطيك العافيه