المساعد الشخصي الرقمي

مشاهدة النسخة كاملة : امطااااااااااار الرين وتقرير بمقاطع فيديو ولله الحمد المنه والشكر على فضله!!!


سعد777
03/02/2007, 04:49 AM
بسم الله الرحم الرحيم

السلام عليكم ورحمة الله وبركاته


هذا التقريريوم الخميس ويوم الجمعه بتاريخ 13_14 /1/1428

تعريف عن الرين


هي شبه مدينه وتضم اكثر من 35 هجره وتقع جنوب غرب الرياض بحوالي 180 كيلو من مدينه الرياض


اخبار الأمطار والسيول:


وصلت للرين قادماً من الدمام للسلام على الشيبان وكنت قد تابعت منتديات مكشات وصراحه شجعتني التوقعات الطيبه على مدينه الرياض وما جاورها من توقعات امطار وخير بعد مشيئة الله سبحانه وتعالى حيث نحن بشر نجتهد وعلم الغيوب عند الله سبحانه وتعالى المهم مشيت وصلت الرين الساعه 3 صباح يوم الخميس وحصلت الأرض منقع من الماء والمطر قبلي
ونمت وصحيت الساعه 5 وانصف على صوت الرعد وصلينا ولا جاء مطر يذكر ونمت ثاني مره وصحيت الساعه 9 على منظر الجو اللي يخليك تعد من اول وجديد والله لو انك سهران 10 ايام يا عيونك مايجيها النوم من جمال الجو:j

المهم تمشينا في ربوع الرين وهجرة الشفاء وما جاورها وعند الساعه 3 عصراً من يوم الخميس جانا مطر وبرق ورعود طيبه بس بدون سيل يذكر
وعن تما م الساعه التاسعه من مساء الخميس اي ليله لجمعه اقبل علينا شي برق ورعد يخووووووووووووووووووووف وبرق ما يفصل ومن ثم انهمر المطر وحبات المطر كبيرة بشكل ملحوظ لمده نص ساعه وما لبثت حتى رأيت الأرض تمشي بالماء والسيل فذهبت اتمشا وكان المطر لا يزال متواصل بس انه صار على شكل خفيف ومتوسط والأرض رويانه وتمشي وديانها وشعبانها ولآكن للأسف لم يكن معي كاميراء تعرفون مسافر

المهعم ذهبت على طول للوديان المجاوره لنا من اهمها وادي الرين وادي بمعنى الكلمه والوديان اصغيره وادي الشفاء وادي مصغر مناشيه قريبه يعني 5 ساعات وينقطع السيل وادي البوق و وادي حبيش وودايان يمكن وشعبان اكثر بس اتعب ما عديتها

وتعرفون في الليل وسيارتي افالون ولا هيب راعية بر بس فيه زفلت ابشر بسعدك غيره يخلف الله :(

المهم صرت محشور بين واديين لا أقدر اقطع وادي الشفاء ولا اقدر اقطع وادي قبيبان ابغا اشوف وادي الرين لأن سيله ما يسيله اي مطر ومناشيه بعيده جداً

المهم صباح اليوم الجمعه ذهبت لوادي الرين فوجددت مايسر الناظر:)

واتركم مع بعض مقاطع الفيديو وصورتين على الطائر





الرين عمليه انقاذ مهبول ولا وشو اللي حدة يسوي كذا طبعاً بمساعدة رجال الدفاع المدني
http://up.9q9q.net/up/index.php?f=KmIBc8b98


سيل الرين 2
http://up.9q9q.net/up/index.php?f=8A4qQNnoJ

سيل الرين 3


http://up.9q9q.net/up/index.php?f=JlH34ZHEd


لو صدمته الشجرة راح فيها بس يحمد ربه راعي مخابز الكف الأخضر

http://up.9q9q.net/up/index.php?f=VxTstP372



بدايه السيل وادي الشفاء بس في الليل


http://up.9q9q.net/up/index.php?f=EgCCDa381



وادي هجره الشفاء بالرين

http://up.9q9q.net/up/index.php?f=EgCFGd784



صورة للوادي
http://www.9q9q.org/index.php?image=xGM785dD7DBA0W



سد هجرة الشفاء بالرين على نفقة احد المواطنين جزاه الله خير ويدوم لأكثر من 4 اشهر
http://www.9q9q.org/index.php?image=YzXLmhiJExt
الهوى الغربي
03/02/2007, 05:30 AM
مشكوووووور وماقصرت

يعطيك الف عافيه على المقاطع الحلوه يالغالي
سعد777
03/02/2007, 05:51 AM
مشكوووووور وماقصرت

يعطيك الف عافيه على المقاطع الحلوه يالغالي

الله يعافيك اخوي
سعد777
03/02/2007, 12:48 PM
وين اهل الرين شكل مافيه احد بس انا الموجود
ال معلى
03/02/2007, 01:07 PM
ارررررررررررررررررررررررررررررررررررررحب

يابو فيصل

وشلونك عساك طيب جعلها امطار بركه عليكم انا

ابو مبارك اكيد بتعرفني راعي النسيم
سعد777
03/02/2007, 01:13 PM
ارررررررررررررررررررررررررررررررررررررحب

يابو فيصل

وشلونك عساك طيب جعلها امطار بركه عليكم انا

ابو مبارك اكيد بتعرفني راعي النسيم

تسلم ميلون وما يحتاج عارفك الا قلي الناس يتزوجون عشان محد يشوفها ولا كيف
ال معلى
03/02/2007, 01:16 PM
ياخووووووووووووي متزوج وش ابي فيك انت يوم تزوجت شفنا عيالك وماشفنااااااك

هههههههههههههههههههههههههههههههههههههههه
ههههههههههههههههههههههههههههههههه
شلال كم
03/02/2007, 04:01 PM
ياهلا بصاحب الافالون
والله لايحرمنا منك ومن اعلومك الطيبة يالغالي
تفصيل ولا اروع !!! وتصوير ياخذك الى الحدث مباشرة !!! تمنينا ان نكون معكم بهالاجواء الروعة بس الدنيا ماهي على الكيف

ولو مكانا قريب مثل الشرقية كان قضينا الويكند معكم لكن خيرها بغيرها

اخوك شلال كم
متفائل جداً
03/02/2007, 04:40 PM
الله يحييك يا أخ سعد ويثيبك على هذا التقرير .



بس أبي منك علوم المطر على الرين وعنه شمال شرق ليلة الحمعة من الساعة التاسعة مساءً وحتى الساعة 12 مساءً.


لأني متابع هذه السحابة حتى وصلت للحريق وسالت منها شعبانه سيل قوي جداً .


.
سعد777
04/02/2007, 01:57 AM
الله يحييك يا أخ سعد ويثيبك على هذا التقرير .



بس أبي منك علوم المطر على الرين وعنه شمال شرق ليلة الحمعة من الساعة التاسعة مساءً وحتى الساعة 12 مساءً.


لأني متابع هذه السحابة حتى وصلت للحريق وسالت منها شعبانه سيل قوي جداً .


.


اخي متفائل جداً


المطر والسيل من الرين جنوب حوالي 20 كيلو فقط
ومن الرين وشمال فيضانات وسيول عارمه
ومن الرين وشرق كذلك سيول مالها مثيل وخاصة من الرين وشرق اتجاه الشرق ناحيه الحوطه والحريق

اما الرين ومنطقته وغرب منه جميع اوديته سالت بدون استثناء الوادي الوحيد اللي ما سال وادي العمق
سعد777
05/02/2007, 09:06 PM
انا هلحين تأكدت ان مافيه احد من اهل الرين ولا كان يمديهم ردو وبينوا علينا
مرفــأ
05/02/2007, 09:11 PM
ما شاء الله وماقصرت على التقرير
شلال كم
05/02/2007, 09:46 PM
ياهلا بصاحب الافالون
والله لايحرمنا منك ومن اعلومك الطيبة يالغالي
تفصيل ولا اروع !!! وتصوير ياخذك الى الحدث مباشرة !!! تمنينا ان نكون معكم بهالاجواء الروعة بس الدنيا ماهي على الكيف

ولو مكانا قريب مثل الشرقية كان قضينا الويكند معكم لكن خيرها بغيرها

اخوك شلال كم

لازم يطلع لك واحد من اهل الرين ؟؟؟؟
اترك عنك الامطار وقل لنا وش اخبار البورصة ؟؟؟
سنعوسي111
05/02/2007, 10:36 PM
شكرا اخي سعد
بيّض الله وجهك
جاري التحميل
سعد777
06/02/2007, 11:39 PM
لازم يطلع لك واحد من اهل الرين ؟؟؟؟
اترك عنك الامطار وقل لنا وش اخبار البورصة ؟؟؟

اي اخبار اخباري هي

:no: :o
النصوح
07/02/2007, 01:13 AM
يعطيك العافية وتسلم يالغالي على جهودك الرائعة
عزوتي نايف
07/02/2007, 10:26 AM
ارحبو ياهل الرين
عسى الله ينفع بها الامطار وعسى الله يعلها ويطلع الربيع
تحياتي اخوي سعد
متحري البروق
07/02/2007, 02:53 PM
يعطيك العافية على هذا المجهود الرائع وتشكر عليه
أين سكان الرين ألا يوجد أحد يعطينا أخبارها وعلومها ؟
بن المرزوق
07/02/2007, 03:23 PM
الله يعطيك العافية