تجربتي في تغيير زيت الدركسون لسيارتين و الثالثه في الطريق ان شاء الله

[hassan-55]

السلام عليكم ورحمة الله

عند تغييري لزيت الماكينة في مركز بترومين طبعاً اخذت العرض أبو 90 ريال لفحص أجزاء كثيره من السياره
من ضمن العرض هو تزويد زيت الدركسون
قال لي العامل الزيت عندك معدوم لازم تغيره ، قلت له كم تغيره قال لي ب 250 ريال
انا شفت السعر غالي شوي
قلت اسويه بنفسي
رحت اشتريت اربع علب زيت بترومين ب 11 ريال العلبه اخذت اربع احتياط لأني بأفرغ الزيت كامل وحاسب حساب سيارتين
المهم لقيته في هذي السياره الزيت لابأس به اما الثانية تقل زيت مكينه محرووووق والعلبه معدووومه سوداء اللون (تعبت في تنظيفها)
فكيت العلب كامله و نضفتها بعدة بخاخات تنظيف + بنزين
وفرك و خض لين طلعت الاوساخ داخل العلبه وفي فلترها

النتيجه /

ما شاء الله تبارك الله الدركسون صار خفيف (هواء)
وتم تغيير زيت السياره الثانية و نفس النتيجه حتى اخوي ساقها قال لي وش سويت بالموتر !
قال لي يارجال الدركسون تغير صار خفيف و الابتسامه شاقه وجهه :D

الطريقه اللي سويتها مثل هذي الطريقه لكني زودت التنظيف بإستخراجه من اللي فصرفت بالسياره الواحده تقريبا 2 لتر أي علبتين


https://www.youtube.com/watch?v=G0U85DMkH6o

[بدر دبي111]

يعطيك العافيه اخوي ابومحمد ماشاءالله عليك ابدعة بصراحه اول مره اعرف ان زيت الدركسون يتبدل وان شاءالله راح ابدل حق سيارتي لان صاير ثقيل اشوي ,,,,

[hassan-55]

الله يعافيك اخوي بدر
انا الحقيقه بسيارتي الثانيه كنت ناوي اغيره لأنه مره معدوم
واللي شجعني بسياره ثانيه يوم رحت لبترومين ومع انه شبه نظيف بس العامل قال لازم يتغير ما ادري نيته استغلال ام فعلاً يحتاج تبديل
والحقيقه تغييره و تنظيف العلبه جداً سهل و راس ماله اقل من 25 ريال
علبتين زيت ب 22 ريال
وبريال بنزين لتنظيف العلبه
تعمله بنفسك افضل و اوفر من 250 ريال!! في الورش

[ابوراكان تبوك]

الله يعطيك العافية
مهم جدا تغيير زيت الدركسون كذلك الفرامل
انا مغيره في لاندكروزر بسبب اصوات في الدركسون قبل سنه
اول مره شفطت الزيت بدون تغسيل العلبه ثلاث مرات وراء بعض وكل مابين مرحله منها كنت اشغل السياره والف الدركسون يمين ويسار وهكذا
اللي لاحظته تغير طفيف فقط

لكن غيرته مره اخرى قبل 6 شهور وهذه المره نفس طريقتك فكيت العلبة العلوية وغسلتها ببنزين والنتيجة ضبط الدركسون واختفت الاصوات وكان ينفخ الزيت مع الغطى وراحت المشكله
اصحاب جيوب تويوتا ممكن لاحظو معضمها او تقريبا كلها ان علبة الدركسون تنفخ الزيت مع الغطى وكثير مواضيع تكلمو عنه انه عيب مصنعي من الغطى وبعضهم دبلو الغطى بجلده بدون نتيجة

مع ان الخلل الاساسي انسداد في العلبة العلوية

عموما تغيير زيت الدركسون يعطي الدوده عمر اطول

كذلك تغيير زيت الفرامل يحافظ ع الايبي اس وبتزيد فاعلية الفرامل بشكل ملاحظ بعد التغيير

[بدر دبي111]

يعطيكم العافيه ابومحمد و ابو راكان ,,,,فعلآ معلومات مفيده وطيبه وان شاءالله ف اقرب اجازه ابدل زيت البريك والدركسون,,,,

[hassan-55]

الله يعطيك العافية
مهم جدا تغيير زيت الدركسون كذلك الفرامل
انا مغيره في لاندكروزر بسبب اصوات في الدركسون قبل سنه
اول مره شفطت الزيت بدون تغسيل العلبه ثلاث مرات وراء بعض وكل مابين مرحله منها كنت اشغل السياره والف الدركسون يمين ويسار وهكذا
اللي لاحظته تغير طفيف فقط

لكن غيرته مره اخرى قبل 6 شهور وهذه المره نفس طريقتك فكيت العلبة العلوية وغسلتها ببنزين والنتيجة ضبط الدركسون واختفت الاصوات وكان ينفخ الزيت مع الغطى وراحت المشكله
اصحاب جيوب تويوتا ممكن لاحظو معضمها او تقريبا كلها ان علبة الدركسون تنفخ الزيت مع الغطى وكثير مواضيع تكلمو عنه انه عيب مصنعي من الغطى وبعضهم دبلو الغطى بجلده بدون نتيجة

مع ان الخلل الاساسي انسداد في العلبة العلوية

عموما تغيير زيت الدركسون يعطي الدوده عمر اطول

كذلك تغيير زيت الفرامل يحافظ ع الايبي اس وبتزيد فاعلية الفرامل بشكل ملاحظ بعد التغيير

الله يعافيك اخوي بو راكان
فعلاً تغيير وتنظيف زيت الفرامل و الدركسون مهم جداً الكثير يجهله او يكسل في تغييره
وسبب تعطل العلب خصوصاً علبة زيت الفرامل هو عدم تنظيف و تغيير زيتها مع الاوساخ اكرمكم الله و قل لزوجة الزيت يعدم جلدها و يوسع مجرى الزيت في العلبه

في نقطه مهمه نسيت اذكرها في تنظيف العلبه سواء علبة الدركسون او الفرامل
لإزالة الاوساخ العالقه في الفلتر تحتاج رشها ببخاخ ايسي دلكو
ويفضل عملية التنظيف بالعكس بمعنى رش البخاخ من المواصير و إضافة البنزين من الماصورتين الصغيره والكبيره
وبعدها التنظيف من الداخل برش البخاخ داخل العلبه و الانتظار قليل ثم إضافة البنزين و اغلاق العلبه بغطاها ثم رج العلبه
مع تسكير المواصير بالاصابع

اعتذر عن الاطاله

[بدر دبي111]

سلام عليكم ,,,,
بس ممكن توضح لنا وين مكان الفلتر اخوي

[hassan-55]

سلام عليكم ,,,,
بس ممكن توضح لنا وين مكان الفلتر اخوي

الفلتر داخل العلبه
في سيارات تقدر تطلعه و تنظفه تحت الغطاء مباشره
و اغلب السيارات يكون داخل العلبه قريب من اسفل العلبه ما تقدر تفكه ملحم فيه

[SGL]

يعطيك العافية أخوي حسن
ولاتنسى نوع الزيت دور على الزين والمطابق

[بدر دبي111]

يعطيك العافيه بومحمد ع معلومات المفيده والطيبه

[hassan-55]

الله يعافيكم اخواني
اخوي سعيد لا توصي حريص اخوك حريص دائما ابحث عن الاجود حتى بقطع الغيار و الأدوات و المعدات ..الخ ، رحت محلات الجمله بالصناعيه العويضه
الحقيقه كنت حاط براسي نوع كنت استخدمه قديما اسمه او تبع شركة بالبيد وللأسف مالقيته بكل المحلات
وبقي عندي نوعين احترت فيهم وكلهم تقريباً نفس السعر
الأول بترومين
والثاني ايسي دلكو الأصلي وليس اللي يباع عند البناشر
واعتقد لقيت نوع اسمه موتر كرفت اعتقد اسمه كذا
لكني ارتحت للبترومين و اخذته
في أنواع كثيره ممتازه مثل موبيل وغيرها لكن للأسف ما تحصلها بالسوق
واعتقد في أنواع جيده بساكو لكني مو متأكد منها
الأخ أبو عبد الرحمن مشرفنا الغالي هو اعلم و ادرى لعله يدخل و يبدي رأيه

[m a s]

فيه عند ساكو كذلك اللي يمنع تهريب علبه الدركسيون ومكتوب عليه لو ماوقف التهريب استرجع فلوسك بس للاسف ماجربته
لون العلبه شفاف والزيت تقريبا اصفر وسعرها اظن من 30 وتحت


واصل خراب علبه الفرامل استخدام الزيوت التجاريه لانها تحلل الجلد الداخليه
بالتوفيق

[الريح الاحمر]

جزاك الله خيرا اخي حسن على هذا المقطع المفيد ، وفي ميزان حسناتكم ، ان شاء الله بنجرب هذه الطريقة في تغيير الزيت

بارك الله فيكم

[فتك الشمري]

السلام عليكم اخواني الاعزاء
عندي تهريب بطرنبة الدركسون شاص 2015 افيدوني بمحل مضمون بعد الله يصلحها وكيف اصلاحها يغيرها كامله ولا لها اصلاح بالوكاله وكم سعر الاصلاح ان وجد وكم شغل الفني علماً اني بالرياض وجزاكم الله الف خير

[مكسيما جده]

سلام عليكم

يا اخوان قبل فتره طرحت موضوع هنا كان عندي مشكله في سيارتي مكسيما
كانت مشكلتي في الدركسون ثقيل
ابشركم لقيت حل المشكله ولله الحمد
وهي في طرمبة الدركسون ناس يسمونها كذا او علبة الدركسون اللي فوق يسمونها
والحمدلله صار الدركسون خفيف

[الحربي حاتم]

ماشاء الله
يعجبني اللي يعمل بنفسه
خل العمالة ونصبهم