حل مشكلة تقطيع اليارس نهائياً ان شاء الله

[بارق وسم]

السلام عليكم
حصل عندي عطل في سيارة يارس 2013
وهو عند التشغيل اشوف انبير سرعة دوران المحرك يتذبذب يطلع وينزل والسيارة ترجف وفي بداية التحرك ماتقبل بنزين المهم اني غيرت البواجي وفلتر الهواء ودواسة البنزين ونظفت الثروتل او بوابة البنزين بدون فايدة
بعدين رحت بالصدفة عند كهربائي فلبيني اسمه سيد في صناعية بني مالك بجدة قال لي اعرف المشكلة وتتكرر كثير وبافك لك حساس وتنحل المشكلة مره وطلب 100 ريال قلت زين قال بعدين بتولع لمبة المكينة ماعليك منها قلت طيب
المهم من يوم فك الحساس والامور تمااااام
والحساس يوجد خلف المكينة كما في الصور وبالتوفيق
اذا ما قدرت ارفعها باحط لكم روابط الصور كالتالي

http://b.top4top.net/p_3913smbf0.jpg

او هذا
http://f.top4top.net/p_391og5zd0.jpg


‏http://b.top4top.net/p_3913smbf0.jpg (http://up.top4top.net/)

[شايب حرب]

شكرا لك ونفع الله بك اخوانك

ولاكن ماهي فائدة هذا الحساس وماهو دوره .

[SGL]

يعطيك العافية أخوي بارق وسم
بس عندي ملاحظة:
الفيش المفصول هذا أتوقع 90% إنه فيش حساس الشكمان أو القزوز وطبعآ مهم وأنصح بعدم فصله والأفضل ينفك ويتنظف وإذا ماضبط الله يعينك تغيره
ياليت تتأكد هل هو راكب في القزوز؟

[الريح الاحمر]

انا عندي ياريس 2014 بس فيها رجفة خفيفة عند الوقوف ، ما اعرف هل نفس المشكلة ، لكن فصل الفيشة اخاف تجي من وراها مشاكل بعد فترة

[بدر دبي111]

هذا مش حل انك تفصل اي شي من السياره انصحك ترجعه وتشوف وين المشكله ب الضبط

[صاحب الكشتات]

شغل عشوائي او تهرب من الاصلاح هذا حساس يحتاج تنظيف او استبدال لكن 100 ريال علشان يفصل الحساس

[عبدالهادي قطر]

الحساس ما انحط عبث اكيد له اضرار ان ازلته

ارتفعت عندك صرفية البترول او في ريحة بنزين واضحه عند الوقوف؟

[بارق وسم]

الان قربت شهر ولله الحمد لا مشاكل والكهربائي يقول ما فيه ضرر واما اللي يقول دور السبب فالله يقويه علما اني ما خليت شي ما حاولت به . والحمد لله عدد خلقه ورضى نفسه وزنة عرشه ومداد كلماته.