قدر الكاتم سيراميك أو كاتم تيفال ؟؟

[بايسن حار]

السلام عليكم


ظهر في الآونه الاخيره قدور كواتم من داخل سيراميك (لونه اسود واكثر لمعه من التيفال) ولكن وجدت الكاتم نفسه صناعه صينيه ومن شركات غير معروفه

رابط الصوره

http://scontent.cdninstagram.com/t51.2885-15/s480x480/e35/15337309_223340954780874_5626228701868851200_n.jpg ?ig_cache_key=MTQxMDE3NzYyNzQ4NjkzNzk4MA%3D%3D.2



فهل السيراميك افضل من التيفال ووش عيوبه
والا نشتري قدر teval اللي كان اسمه سب الفرنسي (من داخل تيفال)
والا ستيل

[علم162]

فيه قدور بي ان كوريه تجي ستيل وتجي عادي وممتازه جدا تسوي بكسر التاء الطبخه وتتسكر ماتهرب وسهل تنظيفها لكن الستيل يحتاج عنايه في التنظيف علشان مايتمشخ

[خيال الغلبا]

لايحوشك الصيني خامته مغشوشه ومع النار يخرج منه بلاوي تسبب امراض

خذها قاعده

كل سلعة تمنعها اوربا ولا تدخل الدول الاوربيه فهي ضاره وخطيره

[sal7]

اذا يهمك سرعة التنظيف التيفال جداً ممتاز لكن يعيبه كثرة الخدوش لانها راح تأثر على السطح الغير قابل للالتصاق يعني ملاسك يجب ان لا يكون المونيوم او حديد و كذلك عند التنظيف يجب انك تستخدم الوجه الناعم من السفنجه الصفراء اما من افضل ماركه فانا اعتقد حالياً هي تيفال و بي ان الكوريه لكن يعيب هذي الماركات نظام الغلق و طريقة الكتم لانها تعتمد على الضغط من البخار لاحكام الربله. اما الصيني جيد لكن ما انصح فيه اذا توفر ما يكون اكثر امان لكن يميزه انه يتم الضغط على الربله لغلقها بطريقه ميكانيكيه"ربط" و هذي توفر لك احكام اكثر و ضغط اقوى و كل هذا ما راح تحس فيه الا اذا اغلقت الكاتم و انت منمل على النار.
السيراميك جيد و اتوقع انه اقل قدره من التيفال من ناحيت الالتصاق لكنه اكثر صلابه من التيفال و اقل خدوش.

نصيحتي اذا طلعاتك مطوله و تخاف على الماء خذ تيفال لكن اذا تبي الطعم خذ العدن و انت مغمض.
من الناحيه الصحيه العدن و الستيل واحد العدن اذا ما حكيته بشيء يخدش سطحه تراه افضل من الستيل لان اغلب الستيل يكون مطلي بالكروم و الكروم ماده سامه فالوضع اكثر خطوره مع كل انواع القدور خذ المجرب و ابعد عن الرخيص

[هشام القصيم]

عندي سيراميك ميزته ما يتمخش من الداخل عادي تستخدم معه ملاس حديد او المنيوم
لكن يعيب السيراميك وزنه ثقيل جدا مقارنه بالتيفال و فيه التصاق للأكل
التيفال اخف وزن و اسهل بالتنظيف لكن يعيبه لازم تحرص على طبقة التيفال ماتمخش