المساعد الشخصي الرقمي

مشاهدة النسخة كاملة : استفسار لاهنتم يالربع عن باترول 98 بخاخ


Ahmed1177
11/02/2017, 10:27 PM
عندي باترول بخاخ 98 قير تماتيك وفيه تاخير بالتعشيق ابي حل لاهنتم وابي اقوي عزمه وصرف البنزين عندي كثير مررره
اذاني
12/02/2017, 04:12 AM
عند حاجتين ماتجتمع . عزم واقتصاد في الوقود

وعلمها كلها في الديلكو فره وشف الوزنيه الي تناسبك اقتصاديا ومعنويا .

ووزنه عن طريق المسدس
وطن العزة
12/02/2017, 09:15 AM
ال 4500 عزمها ردي بالقير العادي فما بالك بالتماتيك يعني لا تأمل منها غير إنها صبوره فقط..
لكن تأكد من كذا شغله
وزن ديلكو.
خرطوش الهواء بين الفلتر و الثروتل غالبا يكون فيه تنسيم من بعد الحساس و يسبب ضعف عزم و تقطيع.

تركيب طرمبة فتك بتحس بفرق ملحوظ بالطلوع و يبقى عزمه شاد مو مثل حقت البلد تغثك بالتقطيع
خصوصا بعد 1.5 rpm

تنظيف الثروتل و حساسات الثلاجة ، طبعا الخطوه هذي فرقت معي بصرف البنزين صار يمشي بالتانكيين داخل الديره حول ال500 كيلو بنزين 91


طبعا لا تتوقع عقب هالشغل بتحصل على نتيجه مبهره لكن اعتبرها صيانه اساسية
SGL
15/02/2017, 01:59 AM
زيادة على كلام الرجال الي ردو قبلي الله يجزاهم خير
شيك على كلتش المروحة لو مصلب يسبب تأخير بالتبديل وصرف بنزين
زياد علي
16/02/2017, 12:06 AM
عندي باترول بخاخ 98 قير تماتيك وفيه تاخير بالتعشيق ابي حل لاهنتم وابي اقوي عزمه وصرف البنزين عندي كثير مررره

وعليكم السلام

القير غير زيت القير مع الفلتر وتاكد اول لايكون محروق+شيك على كتاوت اوكهربا القير

ومن ناحية العزم وصرف هو اساسا كذا لكن ممكن تقلل من صرفية من احد الامور المسببة للضعف بالاتي
1.شيك على جميع الحساسات خاصة حساس فلتر الهوا
2.تشييك على قربة الهوا
3.بواجي واسلاك
4.وزن دلكو
5.وزن بلوف
6.دبة الشكمان قد تكون مقفلة
7.تنظيف الثلاجة
8.تنظيف جميع الحساسات
9.تشييك على جميع اسلاك البارد
10.تنظيف البخاخات

بالاظافة ممكن تظيف فرارات وهدرز
وايضا غير نوع زيت المكينة بنوع خفيف 30-10
يساعد في قلة الصرفية

والباترول 4500 داخل الديرة يغثك ومع البر تحترمه!