المساعد الشخصي الرقمي

مشاهدة النسخة كاملة : تهريب بطرنبة الدركسون لشاص 2015 افيدونا جزاكم الله كل خير .


فتك الشمري
15/02/2017, 09:58 PM
السلام عليكم اخواني الاعزاء
عندي تهريب بطرنبة الدركسون شاص 2015 افيدوني بمحل مضمون بعد الله يصلحها وكيف اصلاحها يغيرها كامله ولا لها اصلاح بالوكاله وكم سعر الاصلاح ان وجد وكم شغل الفني علماً اني بالرياض وجزاكم الله الف خير.
hassan-55
16/02/2017, 12:24 AM
اخوي قبل أي شيء تأكد مضبوط من الليات ممكن منه التهريب
ممكن مجروح او يهرب من أعلاه فتحتاج تشده بقفيز أبو مسمار مقاس نص بوصه
ولا تروح لمحلات الهيدروليك الا بعد التأكد لأن اغلبهم بدون ذمه
سبق كان عندي تهريب بالاندكروزر انا الحقيقه استعجلت ورحت لمركز الطائر
علطول رحب بي وقال لي من الدوده و ركب دوده من عنده (مجدده) واخذ القديمه
ومازال التهريب قال لي اكيد من العلبه و فحصها او غيرها والله ناسي الكلام قديم شوي
وما زال التهريب !!!
اخر شيء طلع من اللي بما انه غالي بالوكاله اشتريت بالمتر نوع امريكي ممتاز
قلت له ياخي خسرتني و طلع من اللي قال لي بكل وقاحه و بدون ضمير عندك تهريب بالدوده بسيط !!

المهم واعتذر عن الاطاله افحص مكان التهريب أولا قبل ما تروح لأي مركز
رح للمغسله و اطلب منهم غسيل بالديزل اسفل السياره و داخل الكبوت مكان الليات و الدوده و العلبه
وراقب من وين التهريب
وارجع بلغنا ان شاء الله تفيدك او ندلك
وبالنسبه لليات اللي بالمتر تحصلهم في بداية شارع العويضه مقابل المسجد جنب محل العطاس
وفي بشارع الأربعين محلات الزينه الصغيره تحصل ليات بالمتر وأنواع جيده امريكيه و تحصل القفيز عندهم
فتك الشمري
16/02/2017, 09:53 AM
لقيت التهريب من نفس علبت الدركسون يبيلها اصلاح فقط
فتك الشمري
16/02/2017, 09:54 AM
لاهنت اخوي حسن
hassan-55
16/02/2017, 06:30 PM
اخوي ارفق صوره لمكان التهريب
لأني ما فهمت مكان التهريب
انت تقول طرمبة دركسون و ردك الأخير تقول العلبه
بعضهم يسمي الطرمبة علبه عشان كذا ابيك ترفق صوره و حاول توضح مكان التهريب
لأن اذا التهريب من العلبة اللي يعبئ منها الزيت فحلها سهل اما بشراء مستعمله تشليح او شراء نوع ياباني درجه أولى او ثانيه و هو نوع جيد يعتبر اصلي و ممكن تلحيمها بغراء و تضبط
فتك الشمري
17/02/2017, 08:30 PM
اخوي ارفق صوره لمكان التهريب
لأني ما فهمت مكان التهريب
انت تقول طرمبة دركسون و ردك الأخير تقول العلبه
بعضهم يسمي الطرمبة علبه عشان كذا ابيك ترفق صوره و حاول توضح مكان التهريب
لأن اذا التهريب من العلبة اللي يعبئ منها الزيت فحلها سهل اما بشراء مستعمله تشليح او شراء نوع ياباني درجه أولى او ثانيه و هو نوع جيد يعتبر اصلي و ممكن تلحيمها بغراء و تضبط


هلا اخوي العفو منك اقصد طرنبة الدركسون وليس العلبه .
التهريب من صوفة الطرنبه حقت الدركسون اشتريت اصلاح من الوكاله ب 73 ريالوالمخرطه ضحكو علي وسووها ب 80 ريال مع العلم انها ماتتعدا ال 50 ريال
وشغل الورشه ب 100 ريال فك وتركيب
اتمنى اني افدتكم
hassan-55
17/02/2017, 09:27 PM
احسن ما سويت لو وديتها لمركز هيدروليك ب يقول لك نركب لك مجدده و ياخذون القديمه و يكلفك اقل شيء حسب خبري قبل فتره حدود 350 ريال
الحمد لله انك انهيت المشكله و ان شاء الله تضبط