حال العرب مع القهوه

[مفتاح 14]

بعد انقطاع طويل عن مكشات واحبتي هنا
اعود اليكم واود ان افتح معكم موضوع مهم بالنسبه للعرب وبالأخص للبدوي الأصيل
الا وهو موضوع القهوه والشعر عند العرب

فمن كانت لديه اي ابيات في هذا الموضوع فلا يبخل بها علينا
وارجو ان يكون هذا الموضوع بمثابة مرجع لنا عن القهوه وما قيل فيها

القهوة العربية كانت علماً على الكرم والرجولة والطيب في تاريخ الآباء والأجداد وقد تغنى بها كثيرا من الشعراء
ومدحوا كثيراً من الكرماء الذين عرفوا بالكرم (وقهاويهم ) نسبة إلى القهوة ( مبرهجه) أي مفتوحة طوال الوقت
وكانت النار لاتسمد بل كانت مشتعلة طوال الوقت (والدلال) بالوجار على جانب النار ...
ومن الذين اشتهروا بهذه الصفات وبمنطقة حائل خاصة نذكر على سبيل المثال من سارت بأخبارهم الركبان
وكانت بيوتهم (ملفى للخطار) وعابري السبيل ...من هؤلاء (ابن لحيدان راعي الوسيطاء) ( وابن ربيعان راعي المستجدة) (وعثمان راعي جفيفاء) (والقبالي راعي قصر العشروات) (وابن خوير راعي قفار) (وابن بايح راعي الجثامية) ( وابن عبيكة أهل قناء وجبة) ( وبريك راعي بقعاء) وهناك الكثير من هؤلاء الذين يكرمون الضيف...
ولكن لعل هؤلاء أشهرههم حسب معرفتي المتواضعة... وسأبدأها بقصيدة للأمير الشاعر الكريم ابن خوير:
هو الشاعر الأمير / زيد بن سلامة الخوير ... توفي بحدود عام 1334هـ رحمه الله
يقول الخوير ........



قال الذي يبدع على كل قافي = من ضامرٍ ياتن رْيامٍ مواليف
بمنومسة لقم على بكر صافي = عليه من شغل ابن سكران توليف
خلّه ليا ماتونس النذل غافي= وقرب دلالٍ مثل بطٍّ مهاديف
بدلال ماعنهن سنا النار طافي= بوجار من لادونهن بابهم جيف
مبرهجٍ تسفي عليه السوافي= من خلْقته ماطق في ركزة السيف
واحمس ولقّم بالعجل يالسنافي = بشاميةٍ طرّف لها الجمر تطريف
حماسها قرمٍ من الغوش شافي= دايم يقلبها حريصٍ على الكيف
وزلَّه وصَفَّه عن سريب المصافي = من خوفة أحدٍ قال بالكيف ياحيف
كِنَّه ليا منه غشاها الرّعافي= نثر الذّهب من فوق لوح المشانيف
وبهارها من يمّة الهند لافي= في مركبٍ يقداه زجر العواصيف
وان كان تزمل من طيورٍ هوافي = بيضٍ فسدّ أفواهها باشقر الليف
فنجالها لاشف بين الأشافي = لاكن يجذب من شفا شاربه شيف
يبرالها من مير فِجّ الخوافي= بكايرٍ تِرْمَهْ سهيلٍ ليا شيف
صبه لمن يثني خلاف المقافي = يوم الفرنج يقذِّف الملح تقذيف
ونفَّل بها اللي للمروات وافي= مادوَّر التَّجْرات به والمصاريف
اللي لياغليت شراها جزافي = مارطّله عند الدلاليل بنصيـف
ياسامعٍ مني علومٍ تشافي = خذها من اللي نافلٍ كل عرِّيف
دنياك لو ضحكت تراها بخافي = يبرم دواليب الشِّقا والتكاليف
إنهب منه من قبل مالعمر يافي = صيٌّور ماتقفي ركابك مواجيف
صيُّور عمرك ناهجٍ للذلافي= سمر الليالي تكمله بالتتاليف
صيُّور مايمسي لظى الجمر طافي = دنيا تفرق كل ربعٍ مواليف
وليا حصل عزٍّ مع الكيف كافي = ماني على الدنيا كثير التحاسيف




=====================================
وهذه قصيده للشاعر / عضيب بن شلاح الحربي ... يذكر فيها مجالس القهوة ويصنف الرجال حسب رؤيته ...يقول


ياما حلا عقب العشا شبة النــــــار=عقب الهجوع لا رقد كل كوبـــــــه
بقفرية ياعبيد يودع له اشعــــــــار=وسواة فنجال يشوق بصبوبـــــــه
حبه على المطلوب من بن وبهــار=يعجبك بالفنجال صبغه وروبـــــــه
كيف يجوز لشارب الكيف والكــــار=لو دوروا به غمزة مــــا لقوبـــــه
في مجلس فيه المشاكيل حضــــار=بغيبة ردي الحظ عنهم بنوبــــــــه
اللي يخزوون المسير بالانظـــــــار=تكاظموا واللي جليس شوشوبــــه
تلافتوا على بعضهم بالانظـــــــــار =وتغامزوا مابينهم وضحكوبــــــــه
الناس فيهم يافتى الجود هــــــــذار=مسترحل لبليس زين ركوبـــــــــــه
عراض غرة مسلم غافل غـــــــــار=يعرضه للناس لو ما حكوبـــــــــــه
دايم لغرات الاجاويد عقـــــــــــــــار=يظهرعيوب ولا درى عن عيوبــــه
وفيهم تبيني لايسرك ولاضـــــــــار=ماغير يحسب للربايع ضروبــــــــه
وفيهم حصيني قبوع قمــــــــــــار=يوصف على ماقيل به طير ذوبــــه
وفيهم بليهي على الكود صبـــــــار=يصبر ولو زادت عليه الصعوبـــــه
لا جا زمان فيه غلين الاسعـــــــــار=غدى لربعه بالمكاييل جلوبــــــــــه
وانا جا نهار الضيق بالموسم الحار=يرخص بعمره مايعد محسوبـــــــه


=====================================
وهذا محمد بن مديبغ التميمي
راع المستجدة رحمه الله


يادلتي لايجزعك واهج النار= ماجبتك إلا باغي تحْتضينه
أبي ليا جونا مشاكيل وخيار= اقلّطك والرزق ربي ضمينه
ياعنك ماغظلم حجاجي عن الجار= ولايوم ماعنا تقازى الظّغينه




================================


وهذي لحمد بن ناحي المطيري .. يقول


يازين شبة نارها العصر ياخليف=لا مالت الفيه وزان البراد
كسرت فنجال على غاية الكيف =لاعج ريحه مثل ريح الزباد
جونا مسايير يبون العجاريف =لى أوحو دنين النجر مثل المنادي
جابوا سوالف طيبين المحاريف =اللي عليهم يقهرون الطراد




===============================



وهذه قصيدة .... زيد الخشيم [يرحمه الله] ... ايضاً بالقهوة... وغير القهوة



لاضاق صدري قمت اسوي من الكيـــف= فنجال بن مايغــــبب ســريبــــــه
بكرٍ على بكرٍ عـــذي عن العيــــــــف= يطرى على ان نام خطو الزريبه
وانٍ مصـبـه كــن لــــــونه الى شـيـف= سـلـك الحـرير الى تمهل صبيبه
صــــبــــه الممرور براسـه زعـانـيـف= اللي إلى شبت يصالي لهيبـــــــه
ويثنـــى عن الرّبع المقفين بالســــيـف= لاحـــــل في تال التفافيق ديبـــــه
وفيــنــا محـازمنــا اسـوات الكرانيــف= ومعــنا خطاة املظب لاح شيبـــه
لعـيـــون غـيـدٍ شرّ كت تـنـثـر الليــف =اللي شـــكا وارد قـناهـا عـسيـبـه
بشرقــي قـفـار كنهــا مزنة الصـيـف= شـرقٍ عن البطحا بجازع شعيبه
اللي نمـاهـا لــلـــمـســايير والضـــيف= يوم ان ولــد النذل حارب قريبـه
صرنا لعدلات المناظر كــلاليـــــــــــف = ننجش لهم ملح الشـفا كل عيـبــه





===============================


وهذه أبيات من قصيدة لاتحضرني كاملة
للشاعر ( الصعيليك ) يمتدح ( ابن لحيدان )
الكريم المشهور بما يستنفد من القهوة يقول :


حرام مايرخص بصنعاء بضاعه=وابن لحيدان على جاهد القاع
مانفدت يمناه من البن ساعه =يطبخ شهر للزوم صكاك الاصباع
ليا من عيلات الاجاويد ضاعه = يفدع لو ان المجيدي على صاع




===============================



وهذه القصيده الرائعه .. لمبارك بن عبيكه بن رمال
*******************************************


قم يالمقهوي دن نجر ومحماس=واحمس لنا من حب صنعا نماها
احمس وزين حمسة البن بقياس =دقــه ولقمهـا وعـجل سواهـا
وصبه لممرور على الخيل مدباس=تقفي عنه صم الرمك لانصاها
من فوق ماتاخذ على الخيل مرواس=لاجدعت خبثات الانفس حذاها
واثنه لمن حوله على الزبر جلاس=اهل السموت اللي بعيد مداها
ابن عبيكه هرجته مابها باس=تطرب لها كرام اللحى من حلاها
طول الجدار وقصرة الرجل نوماس=لا صار ما للرجــل داع دعاهــا
تصير بعيون الرفاقه معك باس=لاصار ماتدعى تره من عناها
يصير قالات ويصير لولاس =ونوبن من الادنين ياتي بلاها
قلبك يصير ويضرب القلب عوماس=والنفس تقدح عقب زايد غلاها
خلك على بابك تقل لون حراس=لاجو عليهن محترين عشاها
لاجن مع الخل الشمالي لها اضراس=والكل تشكي رجلها من حفاها
نرحب بهم من قبل تجديع الالباس =ونقلط لهم تمر الحلا من نماها
ونذبح لهم كبش مربى بالاطعاس=ونقلطه من قبل يقرب مساها
هذي سلوم جدودنا قبل من راس=واللي بعدنا كــان ربي هداهـا




=====================================



الشاعر/ سلطان بن عبدالله الجلعود يرحمه الله ولد بسميراء حوالي عام1320هـ وتوفي بها عام1374ه


الله على الفنجال مع هجعة النــــــــــاس= بدلال نارٍ مايبطل سنــاهـــــــــــــــا
مع حمسة يملا بهــا كل محمـــــــــــاس=ويقلبــه قرم يعـرف استواهــــــــــــا
قم يافرج شبّه تر الكبد والـــــــــــــرأس=العين اشوفه قازيه من خطاهـــــــــا
حط الجروم اللي من العام يبـــــــــــاس=ليـاما يطوح ضوها مع فضاهــــــــا
واحمس على جمـــر ترى ماله اجـناس=وكفـّه ليا منه عرقها غشــاهــــــــــا
واودع بهاره هيل ورهه بالاجـــــراس= ياخالط الفنجال تر هو حلآهـــــــــــا
ودقه بنجر يسمعه كل نعـــــــــــــــاس= ولاتغلق الضبة على من بغاهــــــــــا
وصفـه وصبه تر هو الصفى بقيــــاس= ماهو خطاة الخامل اللي طهاهـــــــا
اللي يحطه باوسط النار مرفــــــــــاس= لما يطير قبوها مع غماهــــــــــــــــا



===========================================


نسقت بواسطة راعي مرات

[الجريح]

هلا هلا هلا هلا

هلاوغلا بك اخوي مفتاح 14

مشكور اخوي على الموضوع المشوق..

سلمت يميتك

لاعدمت ..

تقبل تحياتي الحارة اخوك الجريــــــــــــــح

[مفتاح 14]

عزيزي الجريح شكراً لتواصلك وللموضوع بقيه

====================================
يقول حسن التبيناوى الشمرى :





فرد عليه الامير عبيد العلى الرشيد وقيل محمد العبدالله فقال:


لعيون حسناء يسهجن الظله = يجرن بنا غوص النجايب الى الليل


====================================

وقال الشاعر مبارك البدرى الاطرش يرحمه الله :

قم سولى ياهيبة الربع فنجال= وقصرله الزله بنزه المعاميل
بدل عفر ريحهن يبسط البال=0 من كنز كثير مايرمى بها الجوز والهيل
كنه على الفنجال وصفه ليا مال = ورس خمرنه ناسعات المجاديل


====================================

وقال الشاعر جروان الطيار العنزى يرحمه الله :


لولا العماس وضيقة الصدر ماجيت= ايضا ولالى حاجة بالتعاليل
باحلو فنجال الضحى كان قهويت= ان سولفوا به شاربين الفناجيل
بدلال من يضحك حجاجه ليا جيت = ان جو لبيته مضرمين على الهيل
اللى قهوته تقعد الراس وتقيت = تطرد عماسك سوق هدف المعاميل
شرابها عدة على مشرع البيت= لو هو مغب ومردف الربع ومحيل


====================================

وقال الشاعر حمد بن عبداللطيف المغلوث يرحمه الله :


عند السبايب لابه مثل شرواك = الكل منهم يحتمل بالخساير
اهل دلال كالغرانيق ودكاك = وحيل تقلط للوجيه السفاير
شفنى من الفرقا ولا الحال يخفاك = مثل المريض انهض ولانى بثاير


====================================

وقالت الشاعره فلجا بنت مطلب الفهيديه الشمريه :



-----------
وقالـــــــــــت ايضـــــــــــــاً :


قم ياولد صلح الدله= لايهمونك هل الشور
الناس ماتدمح الزله= الثور يرجع الى الثور
ابعد عن حكى العرب كله= ابعد لمرمى من الغور
يرديك من عالى الحله= صر من اول الوقت سامور


====================================

وقال الشاعر سالم بن فتنان ال روق القحطانى يرحمه الله :


يازين فنجال الضحى يابن محمود= فى سرحه دوحى وظل برادى
هلها ثلاث ماتبى غيرها زود= واللى يواليها الظريف استادى
عده لمن يروى شبا مقدم العود = لادبحت صم الرمك بالعوادى
وعده لمن يبهش لياجاه مضهود = دون ابن عمه مابنى بالزهادى
وعده لمن يومى لاهل ضمر قود= تلقى لهن قدام بينه مرادى


====================================
وقال الامير الشاعر محمد الاحمد السديرى يرحمه الله:


قم سو فنجال الضحى يا ابن قماع= فى صبته يالقرم خلك سريعى
صبه لمن هو ضايق البال منلاع= غدى هواجيس الضماير تضيعى
هم بقلبى بين محنى الاضلاع= شيى يضيق به الحماد الوسيعى
لا راح هم جت هموم له انساع= تسابقت قلب المشقى جميعى


==================================================


وهذه قصيدة القاضي الشهيرة.....
التي لا تحتاج الى تعليق او تقديم... مع فنجال قهوة وتمر حلوة للهالوجيه الفليحة...



1/يا مل قلبٍ0كل ما التم الاشفاق=من عام الاول به دواكيك وخفوق
2/ يجاهد جنودٍ في سواهيج الاطراق =ويكشف له أسرارٍ كتمها بصندوق
3/ إن عن له تذكار الاحباب واشتاق =باله0وطفْ بخاطره طاري الشوق
4/ قرّبت له من غاية البن ما لاق =بالكف ناقيها عن العذف من سوق
5/ إحمس ثلاثٍ0 يا نديمي على ساق =ريحه على جمر الغضا يفضح السوق
6/ حذراك والنّيّه وبالك والاحراق =واصحى تصير بحمسة البن مطفوق
7/ إليا اصفر لونه ثم بشّت بالاعراق =وبقت كما الياقوت يطرب له الموق
8/ وعطّت بريحٍ فاضحٍ فاخرٍ فاق =لا عنبرٍ ريحه بالانفاس منشوق
9/ دقّه بنجرٍ يسمعه كل مشتاق =راع الهوى يطرب ليا دق بخفوق
10/ وكتّه بدلة مولع ٍ كنها ساق =بلّورة ٍ منصوبة ٍتقل غرنوق
11/ خلّه يفوح وراعي الكيف يشتاق =ليا طفح له جوهره صح له لوق
12/ أصغر اقموره كالزمرد بالاشعاق =وكبارها الطافح كما صافي الموق
13/ وزلّه على وضحا بهاخمسة أرناق =هيلٍ ومسمارٍ بالاسباب مسحوق
14/ مع زعفران ٍ والشمطري اليا انساق =ريحه مع العنبر على الطاق مطبوق
15/ إليا اجتمع هذا وهذا بتيفاق =فصبّه كفيت العوق عن كل مخلوق
16/ بفنجال صينٍ صافي عنه الارماق =تغضي وكرسيّه اخدان لمعشوق
17/ إلى صب فابصر جوهره تقل شبراق =رنق ٍ تصوّر بالحمامه على الطّوق
18/ شكلٍ غرا الفنجال صبغه كما راق =دمٍ لقلب ٍوانمزع منه معلوق
19/ خمرٍ ليا منّه تساقى بالارياق =وعليه من ما صافي الورد مذلوق
20/ راعيه كنّه شاربٍ ريق ترياق =كاس الطرب وسرور من ذاق له ذوق
21/ يحتاج من خمر السكارى00 ليا فاق =طفلٍ يشف اشفاه والعنق مفهوق
22/ عبْث(ن) يعيل بحبةٍ منه ما 0 ماق =وهو يضاهي باهي البدر بشعوق
23/ في وجنتيه ليا غنج بارقٍ حاق =عجلٍ رفيفه بالطها الغرق بطبوق
24/ سحرٍ كتب من حبر عينيه باوراق =خدّيه صادينٍ ونونين من فوق
25/ كن العرق بخدودها حص أرناق =نثرٍ على صفحات بلّورة الشوق
26/ اليا تبسم شع واشرق بالافاق =نورٍ يفوق البدر سحار منطوق
27/ وبالعنق كن المسك والورس به راق =ما مشخصٍ في صدره الشاخ مدفوق
28/ تمشي برفقٍ خايفٍ مدمج الساق =يفصم حجولٍ هزّه الثقل من فوق
29/ إليا صفت لك ساعةٍ وانت مشتاق =فاقطف ثمر ما لاق والعمر ملحوق
30 / فليا حضر ما قلت عندي فالارزاق =بيدي كريمٍ كافل ٍ كل مخلوق
31/ هذا وصلوا عد ما لاح براق =أو ما شكا الفرقا شفيقٍ لمشفوق
32/ على النبي ما زج زاجٍ بالاوراق =وآله وصحبه عد ما سيق مسيوق


==================================

قصة الشيخ سليمان بن رفاده احد شيوخ قبيلة بلي الذي عاش في اوائل القرن العشرين تقريبا ومن القصص التى تروى عنه ان عددا من شيوخ قبيلته اجتمعوا عنده للقهوه فأحب ان يثني عليهم بما يستحقون فقال للمقهوي ان يبداء بأولهم قائلا:


يامسوي الفنجال عجّل بسوقه=خصّ الشيوخ وبدّ ناسٍ على ناس
خصّ الشجاع اللي تخلي طروقه=فكّاك ربعه يوم الارياق يبّاس

ثم ألتفت الى الثاني وقال:
والثاني اللي كل عدٍ يذوقه=فوايهه تشهر جديدٍ ودرّاس

ثم التفت الى الثالث وقال:
والثالث اللي مسرفٍ في حقوقه=يملا الصحن ويرّفض النفس الانفاس


ويبدو انه اراد ان يكرم الشيوخ الثلاثه دون ان يلتفت الى رابعهم وهو احد ابناء عمه لانه اعتبره من اهل البيت ومما اغضب هذا الرابع ان الشيخ سليمان أردف ببيت رابع


وباقي الملا اللي هيناتٍ حقوقه=عطهم من (الثنوه) ولا عاد به باس

فغضب ابن العم ورحل باهله عاتبا وقال:

بيت الشعر بانت علينا فتوقه=شمسه علينا حرّها دوخ الراس
كيف الجمل من البد فوقه=من ينهمه عن عضة البد ياناس
لاعاد ماني قاطعٍ فيه ابوقه=ولا لي عضود ٍ تنقل السيف عباس
اخير مانفغل ضعنا نسوقه=نشوم عنة دارالغباين والافلاس


======================

عندما تجتمع القهوة والشعر، والوجيه الفليحة، تتذكر ايام الطفولة، حينما كنا نقف بالدلة لنقدمها للضيوف، كانت كل حواسنا تشتغل لحظتها، اما عيون الوالد ( عليه رحمة الله) فتكاد ان تأكلك، لو سهوت ولو قليلا .. كان الشايب يردد دائما ( اللي ما يشتهي القهوة.. ما يصلح القهوة) .. اما طقوس صنع القهوة العربية، فكلها فن ومتع وابداع..

اما الآن فقد تغيرت القهوه واعتقد ان السبب في فقدانها على مراحل:

* ظهور الصلاعة.
* حمس القهوة بالقدر.
* ظهور الدل المعدن ( بدل المطباخة).
* انقراض النجر الحجري .. وظهور الطاحونة.
* هدم الوجار بالمجلس ، وتحويل عمليات صنع القهوة بالمطبخ.
* قيام المرأة بتصليح القهوة .. ثم الشغالة لاحقا.
*حمس كميات كبيرة من القهوة ، وربما طحنها، ووضعها في علبة بلاستيكية..
* انقراض المبرادة.
* انقراض الرمث كوسيلة وقود.. ذو الرائحة العطرية...
* طريقة تقديم القهوة الحالية، عندما يقدمها طفل كبير، والدلة مرتخية بيده.

وش بعد ؟ باقي
ليش ما تتغير القهوة، وكل هذه افتقدناها..

ارجو منكم ان تشاركوني الرأي

واعذوروني على التقصير
اخوكم المخلص
مفتاح 14
ــــــــــــــــــــــــ

نسقت بواسطة راعي مرات

[الكوكب]

ياهلا يامفتاح 14

وصح لسانك وبيض الله وجهك.....

ماشاء الله بعد الغيبه جبتنا موضوع رائع عن القهوتشكر على
هذا الموضع الجيد

تقبل تحيات اخيـــــ الكوكب ـــــــك

[ابوعلي الشمري]

ماقصرت والله يعطيك العافية وانا اشهد انهم اهل كيف وكرم ممن استدليت بهم والله يجعلنا نقتدي بارسول عليه السلام فهو اكرم الخلق 0

ايوالله لاتخلونا من هلمواضيع الى توسع الصدر
بارك الله بالجميع
اخوكم ابوعلـــي

[مفتاح 14]

كل الشكر لكم اخواني الكوكب وابو علي الشمري على مروركم الكريم وتشريفكم
وارجو ان اكون قد وفقت فيما اخترت


اخوكم
مفتاح 14

[ابو عمر اللاحم]

مشكور اخوي على هذه الابيات الجميله عن القهوة ....

وفعلاً كانت القهوة في الماضي تعطى اهتمام كبير وعناية خاصة لاعدادها وما هذه الابيات التي قيلت في القهوة الا اكبر دليل روعة القهوة ..

فقيمة القهوة والذتها في حسن اعدادها ..

تحياتي ،،،،

[مفتاح 14]

اخوي نهار دامت ايامك كلها افراح وقهوه ياطيب الأصل والمعدن


اخوك مفتاح 14

[الشيخ]

الحمدلله على السلامة
حياك الله والعود احمد
الف شكر على موضوعك القيم واسلوب طرحك الجميل
والله انه موضوع ممتاز الي رجعك بعد غياب 9 شهور
يا خوك وين كنت و وين كنت مخبي هالمواضيع الطيبة والروائع عن المنتدى
بصراحة موسوعة شعرية ممتازة

الله يعطيك العافية

[مفتاح 14]

اخــ العزيزـــــي الشيخ

الله يسلمك من كل شر هذا اولاً

ثانياً اشكرك من كل اعماقي لأنك افتقدتني في غيابي وهذا مما يدل على وفائك وطيب معدنك الأصيل

وانشاء الله نكون معكم على اتصال بما ينفعنا واياكم


وتقبل تحيات اخوك

مفتاح 14:D

[دله وفنجال]

مشكور اخوي مفتاح 14 والله يجزاك خير .
والحقيقه انك قلبت المواجع وخليتن اهوجس بلقهوه .
لاكن ان كان ماعندك كلافه انك تعطينا ابيات للشيخ راكان بن حثلين الي مطلعة .
ياما حلا الفنجال مع ساحة البال .... ابمجلس مافيه نفس ثقيلة .
والحقيقه انا ادور الابيات هذي من زمان ولا حصلتة .
مشكور اخوي على الموضوع والله يجزاك خير.

[صقر]

اخي مفتاح 14

مشكور على الموضوع:

العرب ترى القهوة من الموروثات التي يعتز بها العربي ولذلك مجدوها في شعرهم ووضعوها جنبا الى جنب مع الصفات الفاضلة لهم وعلامة من علامات تميزهم عن الشعوب الاخرى.


ولي طلب بسيط من المشرفين : ارجو اضافة هذا الموضوع الى المواضيع المميزة في هذه الخيمة

كما ارجو من الاعضاء اضافة قصائد على هذا الموضوع المهم.

بارك الله فيكم جميعا...

[ابوعلي الشمري]

والله هاذي علوم الرجال الى يطربلها البال ويانس بها انا اشهد انها ابيات من اهل كرم وكيف واغلب هذه الابيات يوم الفقر وقلة القهوة ومع ذلك يحرصون على تقديمها لضيف الله المستعان تغيرت الايام هلحين بدلت الدله بزمزميه وتطحن القهوه لاستهلاك شهرين واكثر مهو كل يوم بيومه تسلم اخوي على هالجهد الكبير الجيد

[نقا هشال]

اخوي
مفتاح 14
تسلم تسلم تسلم يابعدي
موضوع متكامل
كفييت ووفيت ياغالي

[راعي الطويلة]

أخوي الغالي

مفتاح 14

والله أنك جيت عالجرح ... القهوة عربية وما خبرت أن لها أصول أجنبية أبد ...
ومثل ما تكرمت لها فن ومزاج وصنعها (( تسويتها )) لها طقوس خاصة أن صح التعبير ...

وأحب أن أشارك بهذه القصة عن القهوة .. بعد أذنكم طبعاً .

الوالد الله يحفظه من الناس المدمنين على القهوة ودوم يسويها بنفسه .. المهم يوم من الأيام حب يعلمني وشلون أسويها ((( لا وبعد يبيها على الأصول ))) لا تقولون الا أنه زهمني وقال تعال سو القهوة ..
قلت ما أعرف .. قال تفهم العربي .. قلت نعم .. قال ما هناك خلاف .. أن بأوصف لك وأنت سوها على ما أقول لك .. قلت تم ..

تدرون وش سوى ؟

بدأ يقول الخطوات واحدة واحدة بس شعراً ((( طبعاً القصيدة ما هي للوالد )))

قال..............

يـاريف قلبي للمسـايير قم شب
................................. وحـط المنـاره في طويـل الضلالي

عقب تشق لها لجزل الحطـب جب
................................. وهات النجر وأحضر جـداد الدلالي

ثـلاثن الهن راعي الكيف يطـرب
.................................. وسوطهـن ضمر والآخـر جـلالي

وبطونهن ماخذن اسبوعن عن الرب
................................... وجنـوبـهن صـفرً تـلالا تـلالي

والرابعـه ملقـامةٍ لونـها أصهب
.....................................حيـث إنهـا للنـار دايم تصــالي

ولاجبت كل شروطها اللي تطـلب
.................................... إجلـس عليهـن يازعيـم العيـالي

وإحمـس لنا بريـة ٍحبهـا أشهـب
................................... وبهـارهـا هنـدي ومـاهـا زلالي

وإعـرف ترى قانونـها مايـخرب
..................................... ونـدارهـا ينقـى وماهـا يكـالي

تراه مايصـلح لهـا كل مـذهـب
.................................. ولاتقـبل الراضـه ولا الاعتجـالي

وليا حمست إحرص على حمسة الحب
................................... واعرف ترى الحمسه تبي وسع بـالي

تاخذ على ادنى الجمر فتـره تقـلب
.................................... لين العـرق يطـلع سـوات اللوالي

ومن يـوم يطلع فالمبرد لـها كـب
................................... لـين النـدار ان كـان فيهـا يشالي

وليا خذت مقـدار للنجـر قـرب
................................... ودنـه بصـوتٍ يسمعـه كـل غالي

دنـه وخلـه للمسـايير يـجذب
................................لاقـام صـوتـه لـلنشـامى يـلالي

يـوحونـه الـجيران لاقم يقنـب
................................. ويجـيك الاقصى والقصـير الـموالي

وعقـب تـدق البن لقـم وركب
.................................. لين انـها تسمـح مـن الاجتــوالي

وقبـل تبهـرها عـن النار تجذب
.................................. وتركـد شـويه لين يصـفى الحثـالي

وبـرويد في أحـدى المباهير تسكب
.................................... مـن عقـب غـال الـهيل فيها يهالي

واعـرف ليـا بهرتـها يالمشــبب
................................... تـراه يكفيهـا مـن النـار صــالي

ثم اجـذها من يوم بالهيـل تقــلب
...................................ومن يـوم تـركد صبهـا للرجالي

حـتى يجي الفنجـال منهـا لياصب
.................................. بين الشقـار وبين لـون الشعــالي

أما اشقرٍ رايب مثـل بـول الارنب
.................................... والا اشعـل يشـبه لـدم الغــزالي

يطـرب لها من كان للكيف يشرب
.................................... كيـف النشـامى اللي من العيب خالي

واعـرف تراها عـادةٍ مـاتسيـب
................................... ولاينتقـدهـا إلا قصـير الحبـــالي

احـرص تخـلي عـادة الجد والاب
.................................. ما هم عـليه اول عـليه انت تــالي

تـراك مـن كل المنـاسب معـرب
.................................. مـابين جـدان وعمـام وخـــوالي

وابيـك عـن منهاجهم مـا تجـنب
.....................................ان كـان فكـنك بنـات الليــالي

عاد تدرون سويت قهوة الله لا يوريكم ((( ما تنشرب )))


أنا آسف على الأطالة لكن الموضوع يستأهل ...

أخوكم

راعي الطويلة

[الفهد]

الغالى مفتاح14
تسلم على الموضوع الطيب يا الطيب
وعسى دلالك وديوانك عامرة بأهلها وزوارها لاعدمناك

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيك ألف عافيه ((( مفتاح 14 ))) موضوع جيد وتشكر عليه


شـــكـــراُ

[جوكر]

بسم الله الرحمن الرحيم












قصيدة الشاعر عطا الله بن محمد بن عبد العزيز بن علي بن عمر بن خزيم السبيعي النجدي من اهالي مدينة

البكيرية بمنطقة القصيم:-




قم سو مايطرب له الكيف ياضيـــــف..........فنجال بن كالــــف الهيــل وافـــي
واحمس ونسفها على الجمر تنسيف..........لما تبش مــن العرق يالسنافــــي
واصح تخيلــها تجــــي للاطـاريـــــف..........يخلفك لونه بالحرق وانت غافــي
والــى غدا حبه شبيـــه الرعاعيـــف..........أشقر ويشبه له خطات الرعافــي
كبه بنجر فيــــه للكـيـف تشريـــــــف..........حسه ينادي من له الشوف شافي
حسه ينـــــادي لك ربـوع مواليـــــف..........قلبـــك موالفهم وهم لك ولافـــــي
ولقــــم بغداديــــــةٍ تصنـع الكيــــــف..........عَلْيَه من هجرانهـــــا لا تخافـــــي
معهــــا ثلاثٍ تقــــل بطٍ مهاديــــــــف..........مـــن صنع بغداد لطافٍ نظافــــــي
والى صفا اليعلول منها على الليـف..........فادر إن فنجاله عن التول صافــي
زله وبهرهــــا بهـــار المناكيـــــــف..........اللــــي من الهند والسند لافـــــــي
والى اجتمع عندك رْجَال عراريـــف..........معهم موازين الحكى والكفافـــــي
صبه وذكرهـــــا بزين السواليـــــف..........وأهلا هلا يـاذا ويـاذا عوافـــــــي
وان كان معها من نوال الخراريـف..........لاباس والا العذر والطيب كافـــــي




....

[ابو عايد]

مشكور أخي مفتاح 14 على هذه القصائد الرائعه عن القهوة

وصح لسانك والله لا يهين اخوينا الاعضاءعلى طرح موضوع

الله يعطيك العافيه

وتقبل تحيات // العاشق الولهان

[راعي مرات]

الغالي000 مفتاح 14

تسلم أخي000على هذا الأختيار الطيب000

وهذا من طيب ساسك ورأسك أيها الجزل000

لقد أخترت كيف النشامى00وهو موضوع جميل وشيق00

الكثير من الشعراء قد كتب فيه000

جهد منك تشكر عليه000

أعطيتك وقتك وجهدك لتسعد المتصفحين000

نقول لك جميعاً00سلمت وسلم فكرك000

دام عزك000ولا هنت0000

وموضوع جميل أضيف إلى المواضيع المميزة في أعلى الخيمة000

وأسمح لي بإعادة تنسيقها000
ـــــــــــــــــ
والشكر موصولاً للجميل راعي الطويله على مداخلته000الرائعة000
وكذلك للغالي00جوكر على مداخلته000الجميلة00
ـــــــــــ
للجميع أجمل التحيات0000

[صقر]

حبيت اشارككم بهذه الابيات للشاعر سليمان النقيدان رحمه الله وهي جزء من قصيدة طويلة اقتطفت اول تسعة ابيات منها .


يا ما حلى الجلسة على حافة النار=مع دلة جنب المعاميل صفرا
يخلط لها من صافي البن وبهار=والعنبر الهندي مع الكيف يبرى
مع ربعة بين المجالس لهم كار=الكل عن ذكر المناقيد يدرا
ما بين حلوات السوالف والاذكار=على مسيل طامي قاع خبرا
في مربع بين الخزامى والازهار=لافاح ريحه تلقى الارواح سكرى
الارض خضرا والمداعيث نوار=والجو غيم وهامي الطل يذرى
فيه الزبيدي شالع شق الاستار=صلع مفاريع على جال مجرى
تسمع على غدرانها سجع الاطيار=الصبح دايم وساري الليل قمرا
يا صورة ما تمحي عبر الافكار=تبقى على ساعاة الايام ذكرى


وسلامتكم.

[نجمة سهيل]

اتمنى ان تحوز ولو على جزء من رضاكم:)



احلى تحيه ,،،


<p align="center">
<object id="RAOCX" classid="clsid:CFCDAA03-8BE4-11cf-B84B-0020AFBBCCFA" width="288" height="80">
<param name="SRC" value="http://207.44.196.190/voice/alqhwah444.ram">
<param name="CONTROLS" value="ALL">
<param name="AUTOSTART" value="TRUE">
<param name="NOLABELS" value="TRUE">
<param name="RESET" value="TRUE">
<embed src="http://d1d.net/1/islam/muslem/upload/992180105.rm" height="80" controls="Default" autostart="true" console="Clip1">
</object></p>

[دغيم]

أخوي نجم سهيل
وش خليت شي في وصف القهوه وخاصه إذا كان الشاعر
هو محمد القاضي سلمت يمنك ويسلم ذوقك.

[المسفهل]

شكرا لك يا نجمة سهيل على هذا الذوق الرفيع والاختيار الجميل ......

[ذيب مجيرة]

يا سلام

والله ما قصرت يالنجم

وصح لسااانك

منهو صوته المغني لا هنت

اخوي ودي احفظها عندي الى بغيت اسمعها وشلون 00 اشرح لي لاهنت

ذكرني بالصريخ الله المستعان

الا وش علوم الصريخ عساه على التزامه وعسى اللي سمعنا عنه كذب

شكرن لك يا نجم

[ابو عايد]

رائع جداً جداً




مشكورعلى هذه القصيدة الجملية المسموعة أخي الغالي نجمة سهيل

الله يعطيك الف عافيه...

وتقبل تحياتي // العاشق الولهان

[العزوم]

السلام عليكم ورحمة الله وبركاته
كانت القهوه ولاتزال رمز للضيافة العربية وهي اول مايقدم للضيف بل ربما تكون بعض البيوت خالية من من الزاد لضيق الحال والعوز ماعدا القهوة وادواتها فهي تعتبر كيف الصفوة وعلية القوم ورمز للكرم وحسن الأستقبال, ولها مكانة خاصه مرتبطة بالتكوين الاجتماعي للقبيله أو الأسرة. فقديما كانت القهوة او الشبه عند كبير الاسره وكلا يحضرمعه مقدار (طبخه) د له من هيل وقهوه كنوع من التضامن مع صاحب المعاميل وتسمى الوزنه ويقوم الشخص بحمس القهوه الحب بعد تنقيتها على النار امام الضيوف اوالحضور معه في المجلس في اداة من حديد( المحماس) ويقوم بتقليبها حتى يتغير لونها الى الاصفرار وتنبعث منها رائحة زكيه وهناك مثلا في شمال الجزيرة العربيه وبادية الشام والعراق يفضلونها محروقة قليلا .
وبعد ذلك يقوم الشخص بتبريدها في اداة خشبيه تسمى (المبرد) ثم تطحن( تدق ) في اناء نحاسي يسمى ( النجر) او الهاون او ( الموجاة ) المهباش عند اهل الشام والاخير مصنوع من الخشب ويتم بعد ذلك تلقيم (الخمره) وهي دلة كبيرة الحجم وبعد ان تغلي جيدا( تقطع) يزلها او يصبها في (المزل) وهي دلة التقديم بعد اضافة البهار او القناد( الهيل -الزعفران-العنبر-العويدي-الزنجبيل) حسب الرغبة او المتوفر لديه ويجعلها على نار هادئه(جمر قليل) حتى تفوح( تفور) مرة واحده ويبدأ في صب الفنجال الأول وذلك حسب الاصول والتقاليد حيث يقول الشيخ/هايس بن مجلاد(ابوضلعين) من عنزه:
قم سو مايجمد على الصين ياذياب @@@@@@@ بدلال يشدن البطاط المحاديب
احمس الى من العرق فوقها ذاب @@@@@@@ وستدن مايجذب عليك الشراريب
والياانطلق من ثعبته كنه اخضاب@@@@@@@ ورس صبغ بكفوف بيض الرعابيب
عده لمن قاد السرايا للاجناب @@@@@@@ له مفرس يشبع به الطير والذيب
والثاني اللي ون لفا بيته ركاب @@@@@@@ قدام بيته مثل جزر القصاصيب
والثالث اللي ون غشاالزمل ضبضاب@@@@@ يرخص بعمره دون زمل الرعابيب

[راعي الجصه]

اخوي العزوم مشكور علي ها القصه وها الابيات الاكثر من رايعه والله يعطيك العافيه اخوك راعي الجصه - ابو عادل 0

[العزوم]

ويقول الشاعر دغيم الظلماوي متفاخرا بشبة النار وتقديم القهوه للطرقيه:
ياكليب شب النار ياكليب شبه@@@@@@@@ عليك شبه والحطب لك يجابي
وعلي انا ياكليب هيله وحبه @@@@@@@@ وعليك تقليط الدلال العذابي
الى ان قال:
باغ الى شبيتها بالمشبه @@@@@@@@@ تجذ ب لنا ربع سرات غيابي
بنسرية ياكليب صلف مهبه@@@@@@@@ متكفكفين وسوقهم بالعقابي
سرات بليل وناطحين مهبه@@@@@@@@لانسنست كن به سم دابي
الى ان قال
مع كبش مصلاح لك الله نجبه@@@@@@@ لادبرالهين متين العلابي
ويروى ان ابن رشيد قال اريد اختبر صحة كلام الظلماوي وعندما اخبروه ان دغيم شد يبي ينزل في النفود قال لاخوياه ضيفوا الظلماوي الليله وعطوني اخباره, وهو يعلم انهم شادين والمنطقة التي نزلوا بها قليلة الحطب فما كان من الظلماوي عندما رأى الضيوف امر بذبح الكبش واخذ من عمدان (خشب) البيوت الشعر وعشاهم !
كذلك راكان بن حثلين يقول في قصيدته المشهوره:
ياما حلا الفنجال مع سيحة البال@@@@@@في مجلس مافيه نفس ثقيله
الى ان قال:
يتلون براق سمر يشعل اشعال@@@@@@تلقا الترابي فايض عقب سيله
يسقي اخسيفاوالثمان ارضهم سال@@@@@مرتع معطرة السيوف الصقيله
من حمو ساقان الى السيف همال@@@@@ وينوش حسنا والرديفه مثيله
الى اخر القصيده,, يتبع

[مهند]

تم الاطلاع :good: ويرفع مع الشكر والتقدير لكاتبه:)

[فـ(الجـوف)ـتى]

مشكور اخوى على الابيات والقصه

الله يعطيك العافيه تسلم


تحياتي لك 0


http://www.harmah.org/Hupload/show.php/1127/الحرة 034.jpg

[(محمد العبري)]

السلام عليكم ورحمة الله وبركاته
هذي مشاركتي لدعم الموضوع
وهي قصيدة
محمد العبدالله القاضي والشاعر غني عن التعريف

يامن لقلب كل ما ألتم الأشفاق ....من عام الأول به دواكيك وخفوق

يجاهد جنود في سواهيج الأطراق ....ويكشف له أسرار كتمها بصندوق

الا عن له تذكار الأحباب وأشتاق ....باله.وطف بخاطره طاري الشوق

دنيت لي من غالي البن مالاق....بالكف صافيها عن العذق منسوق

أحمس ثلاث يانديمي على ساق ....ريحه على جمر الغضى يفضح السوق

حذراك والنيه وبالك والأحراق ....واصح تصير بحمسة البن مطفوق

الا أصفر لونه ثم بشت بالأعراق ....وبقيت كما الياقوت يطرب له الموق

وعطت بريح فاضح فاخر فاق ....لاعنبر ريحه بالأنفاس منشــــوق

دقه بنجر يسمعه كل مشتاق ....راعي الهوى يطرب الا دق بخفوق

لقمه بدله مولعه كنها ساق ....مصبوبة مربوبة تقل غرنوق

خله تفوح وراعي الكيف يشتاق ....الا طفح له جوهر صح له ذوق

قمور صغار كالزمرد بالأشعاق ....وكبارها الطافح كما صافي الموق

وزله على وضحى بها خمس ارناق ....هيل وسمار بالاسباب مسحوق

مع زعفران والشمطري الا انساق ....والعنبر الغالي على الطاق مطبوق

اذا اجتمع هذا وهذا بتيفاق ....فـ صبه كيفت العوق عن كل مخلوق

والعذر والسموحة إذا فيه تكسير أو أخطاء