بنت عوينه في فكاك النشيبه . صوتي 121...الحل:العوقده....حله:الدمرجي

[ابو ماجد 2]

بسم الله الرحمن الرحيم

السلام عليكم ورحمة الله وبركاته

العود . دلوه .. في اقاصي . قليبه
من جمة الماضي . لكم لغز يزعب
ينحر به .. ربع . للغطاوي عطيبه
جمع على الغطوات ارهب وارعب
عن بنت عونه .. في فكاك النشيبه
بنت . لها راس .. وصافه . تشعب
ان راح ثاني حرف تصبح صعيبه
ون راح رابع حرف اصعب واصعب
اتلى ثلاثه .. ذا . وهذا . دري به
في سالفٍ .. للوقت . تطري بملعب

http://b.top4top.net/m_4271mciz0.m4a (http://b.top4top.net/m_4271mciz0.m4a)

مع تحيات ابو ماجد

مكشات . خيمة الالغاز

[الدمرجي]

صح لسانك يابوماجد وبيض الله وجهك على الابداع

جاري التفكير

[ف ف]

صح لسانك ملايين يانهر الابداع. الله لايضرك

جاري التمحيص بهالمزيون





ان راح ثاني عرف . حرف ههههه

[ف ف]

رميعه يازعيمنا


همزه. ء
همز

هزه

مزه

[ابو ماجد 2]

صباح الخير على الجميع
صحت ابدانكمجميعا
شرفني حضوركم واللغز لايزال قائم
ابو ثامر ماشاء الله عليك كما اسلفت معك دقه بالملاحظه
سوف اقوم بالتعديل بارك الله فيك

[الدمرجي]

صح لسانك يابوماجد ملاااااين لاهنت


عوقده

عقده

عقوه

قده / عارضة باب الملعب

والعوقده تستخدم إذا حدث أن وقع الدلو في البئر يدلون العوقده ولها خطّاف حديدي له أكثر من رأس لا يلبث أن يشتبك مع حبل الدلو فيسحبونه إلى الأعلى

دمت بوووود

[يمكن شاعر]

عليكم السلام
صح لسانك ملايين ي غالي لاهنت
ورمعه ابومروان جزله من جزل
ووارده على الحروف
لو اني ماعرف شكلها او وصفها

[ابو ماجد 2]

صباح الخير على الجميع
اللغز انهاه ابو مروان
لي رده والرد بالتفصيل

[ف ف]

ماشاء الله. كفوووو يافكاك اللدايد يابومروان عاداتك والله.


وصح لسانك زعيم

[ابو ماجد 2]

هلا بكم جميعا وصحت ابانكم
واللغز انهاه ابو مروان
كفوووووووووووووووووووو كفووووووووووووووووووووووووو كفوووووووووووو
كفووووووووووووووووووووووو كفوووووووو
نعم
العوقده
وهي عباره عن عصى طويل راسه متفرع عن شناكير
ينزل للبير لاستخراج اي ساقط فيها
واما بعد حذف بعض الحروف فتصبح
عوقه . عقده . قده

[الدمرجي]

ياهلا بالزعيم

كفووووووك الطيب ياغالي

ويعطيك العافيه على اللغز الجزل