باثفيندر 2006 نقص في زيت المحرك

[ماجد البير]

السلام عليكم

ودي اطرح المشكلة عليكم لان اكثر العمالة في الصناعية تبي تتعلم وتكسب بس

معي باثفيندر 2006 اغير زيت سوبر جي تي تيتان 10/30 من 10 سنوات ولافيه نقص

الايام هذي بدأ النقص على 1700-2000 كلم حوالي نص او ثلث العلبة

خليت الموتر شغال 10 دقايق ودعست دعسة كاملة ولاشفت دخان

لاألاحظ اي رجة او تقطيع او انخفاض في العزم

سمعت ان فيه شيء اسمه بلف التبخير بس قال واحد لو كان عطلان راح تشوف دخان

ياليت تشاركوني بالموضوع يمكن حلولكم تكفينا شر الصناعية او تكاليف غير مبررة اصلا

دمتم بحفظ الرحمن

[SGL]

عليكم السلام ورحمة الله وبركاته
أذكر واحد معه نفس موترك كان ينقص يوم يمشي عليه خط وتكون سرعته فوق120 بعدين أتوقع زاد عنده النقص وسقطله شنبر على ماأذكر الكلام قديم شوي :D
بخصوص بلف التبخير فكه ونظفه وتأكد إنه شغال تمام لأنه يسوي هالحركات أو غيره جديد بكيفك موقعه على ماأذكر بالمكينة جهة اليسار بين البودي والمكينة من الخلف
وإذا الموتر ماشي واجد وبدت تنقص بسبب الشنبر حول على زيت ثقيل