ضحكو علي وما صلح الدينمو

[osqari]

يا شباب تكفون الفزعه
رحت للصناعيه اغير رمانات الدينمو ولانهم نصابين قالو لي حنا ما نفك الدينمو لانه تحت فكه وجيبه

جبته لهم بعد ما اتفقت مع ميكانيكي ب 200 ريال فك وتركيب
وقام فك الدينمو ويقول غير الرمانات
ويوم ركبه الميكانيكي ما شحن ويوم رجعت للي ركب الرمانات يقول مادري جيبه واشوف وطبعا اخد 100 حق تركيب الرمانات
ورجعت للميكانيكي وقال فك وتركيب ثاني ب 150
قلت حسبي الله ونعم الوكيل
وفكينا الدينمو ورجعناه للي ركب الرمانات وقال انا اضبطه وتعال الصباح يكون جاهز
وثاني يوم اخدت السياره واستمرت تشتغل يومين وبعده ما عاد اشتغلت لان الدينمو ما يشحن
ويوم رجعت لهم يقول لي مالي شغل انا غيرت الرمان وبس

دلوني ياجماعه وش اسوي
هل الدينمو اذا تغيرت رماناتها تخرب ولا في شي ثاني يحتاج تغيير


السيارة مازدا MPV 2001
وكانت تمام وتشحن لكن فيها صوت رمان الدينمو والان ما فيها صوت لكن ما تشحن
نصابين الصناعية فلسوني
والجديد ب 1360ريال

[hassan-55]

ربي يعوضك خير
انا من وجهة نظري اعتقد ماله دخل الرمان بالشحن
الرمان ان كان هناك صوت ونه وممكن يلعب دور يضعف الشحن من خلال بطئ حركته ان كان عطلان
وسبب اخر يضعف حركة الدينمو ان كان العمود متسخ (مصدي - مجيم - مائل)
هذا انا اشوفه بالدينمو حق مراوح الشفط والحمد لله و بفضل الله ما قد رميت مروحه ان جيمت او بمعنى ان توقفت عن العمل (حركتها ثقيله)
افك الدينمو قطعه قطعه و اصنفر العمود وانظف الرمان والصوف ببخاخ إزالة الصدى ثم اشحم وازيتها
ويرجع جديد
اترك المقدمه اللي ذكرتها وركز على الاتي:
روح لنفس الكهربائي او اخر افضل منه خليه يفحص
- الفحمات (لها دور كبير في عملية الشحن)
- قطعه اسمها موبينه او بوبينة الدينمو وهي عباره عن ايسيات تقريباً اربعه بأرفق لك صوره لها (أيضا لها دور كبير في عملية الشحن)
-اخر احتمال و ان شاء الله ما يكون منه الخلل و هو نادراً خرابه و هو قلب الدينمو و هو اغلى قطعه داخل الدينمو

ملاحظه**
لفحص الموبينه او البوبينه المرفقه صورتها لازم إخراجها برى وفحصها بجهاز القياس الرقمي (ملتيميتر) و وضع القياس على الاوم و اختبارها

ومن خلال اكثر من تجربه مريت بها بسياراتي اخر مشكله بالدينمو كان الخلل من الموبينه او البوبينه وكان سعرها حدود 250 ريال تويوتا ما اعرف سعر باقي الشركات
اعتذر عن الاطاله

http://www.2zoo.org/uploads/14893754171.jpg

[آخر العنقود]

الله يعوض عليك المفروض رحت لورشه كل شغلها دينموات اذا ركب الرمان يفحص الراوتر ويشيك على البويبينه والفحمه واذا شيك على الدينمو بالكامل يشبكه عنده على جهاز ويشيك هو يشحن والا لأ واذا تأكد انه شغال 100ظھ يسلمك الدينمو بس شغله للأسف خرابيط وما همه هالورشه الا المبلغ اللي طلعه.

[osqari]

ربي يعوضك خير
انا من وجهة نظري اعتقد ماله

http://www.2zoo.org/uploads/14893754171.jpg
جزاك الله خير
هو قال لي يوم رجعت له مره ثالثة ان شيك على الفحمات وكانت ما هي مستهلكه تقريبا باقي ثلاث ارباع
والقلب سليم وما فيه حرق او رائحه

اما البوبينه يقول ما جيتها ولا لمستها

[osqari]

الله يعوض عليك المفروض رحت لورشه كل شغلها دينموات اذا ركب الرمان يفحص الراوتر ويشيك على البويبينه والفحمه واذا شيك على الدينمو بالكامل يشبكه عنده على جهاز ويشيك هو يشحن والا لأ واذا تأكد انه شغال 100ظھ يسلمك الدينمو بس شغله للأسف خرابيط وما همه هالورشه الا المبلغ اللي طلعه.

انا طبيت في وسطهم في شارع عندل اللي في اخر الشارع من عند مسجد العويضة محلات سلف ودينمو وعنده مكان يختبر فيه الدينموهات لكن قال لي انه الدينمو حقي ما يتشيك عليه الا بعد.توصيله في السياره صراحة ما ادري ليش لكن اللي فهمته ان المنظم داخل الدينمو وان السياره تشغل وتطفي الدينمو حسب الحاجة والسياره اللي تتحكم فيه
مدري صدق ولا كذب كلامه

هل معقول ان الدينمو.حقي حاله خاصة ولا يتشيك علية الا في السياره
وهذه مشكلة لان فك وتركيب الدينمو صعب ويحتاج فك العكس ويبيله 150 ريال

صراحة انا معاد ادري وين اروح ولا ايش اسوي
السياره واقفه وانا رايح جاي للدوام بتكاسي
تكفون

[hassan-55]

الله يعينك اخوي
في مهندس باكستاني ما شاء الله جيد بفضل الله أولا قبل فتره اعتقد 3 سنين تعطل عندي الدينمو معاد يشحن
ورحت عنده ما شاء الله هو ذكي و هو اختبر البوبينه و قالي اشتر جديد اعتقد كلفتني القطعه 250 ريال
و هو من سماحته اخذ 60 او 80 ريال فك الدينمو كامل قطعه قطعه و اختبر كل شيء و غير الفحمات اخذتها اعتقد ب 30 ريال
انا الحقيقه ما ادل وصفه بالضبط لكنه في شارع الأربعين خلف الاشاره الثانيه خلف محلات بيع أدوات الحداده و لوازمها
بأبحث لك عن رقمه ان شاء الله اجده و ارسله لك و خذ والوصف منه
وانت اشرح له اللي سويته
واللي بالعويضه المحلات اللي رحتها انت اللي حول البلبيسي هم قديمين لكني جربتهم اكثر من مره شغلهم رديء مع انه زباينهم كثير لكن انا عن نفسي ما استفدت منهم كثير
اعتذر عن الاطاله

[ابورايف]

أخي الفاضل أتوقع أنك لم تذهب لمختص صادق

وهذه مشكلتنا مع الورش

أذا كنت من سكان جنوب الرياض عندي لك كهربائي ممتاز

والله يعوضك ويعوض كل مسلم

[osqari]

أخي الفاضل أتوقع أنك لم تذهب لمختص صادق

وهذه مشكلتنا مع الورش

أذا كنت من سكان جنوب الرياض عندي لك كهربائي ممتاز

والله يعوضك ويعوض كل مسلم

خطائي انه ما خليته يكشف على السياره قبل ما نبدا
هو سمع صوت الرمان وقال يبيله تغيير
وغيره وما شيك على المنظم او الدائرة الكهربائيه
والخطاء الاساسي اني فكيت الدينمو عند ميكانيكي غيره وكل واحد منهم يقول مالي شغل
المهم وديته كهربائي وقال من جديد فك وتركيب الدينمو ب 200
وتصليحه حسب ما يكلف
وفك وغير الدائرة الكهربائيه بواحد مستعمل حق كاببرس يقول انه ولفه
توليف ب 300 غير حق الفك والتركيب 200 غير 340 خسرتها اول يوم غير الرمانات يعني 840ريال والله يعوضنا بخير
المشكله ان اللمبه ما طفت قام فصلها من الطبلون وشبكها بسلك خارجي مادري شلون


الزبده اذا سيارتك صعب فك الدينمو او السلف حقها فلا تصلح
فقط غير جديد او مستعمل مضمون من نفس الورشه ولا تفك ولا تغير الا عند نفس الورشه

[آخر العنقود]

هذا نصاب اي دينمو يقدر يشيك عليه عنده بالمحل وتحصل افياش لأغلب الدينموات والكشف يشمل قوة الدينمو بالشحن بالفولت وقوة الأمبير للدينمو لكن اعتقد شافوك حبيب ومشوها عليك هالعماله النصابين وما فيه شي اسمه ما تقدر تكشف عليه الا اذا ركبه بالسياره بس.

[آخر العنقود]

اذا اللمبه باقيه شغاله المشكله ما انحلت والدينمو ما يشحن البطاريه وبعدين وش هالكهربائي اللي يلغي لمبة البطاريه من الطبلون !!!!!!!هذا يتعلم الشغل
اذا انتهت عليك فحمات الدينمو او خرب عليك الراوتر او البويبينه ما راح تدري عنه وراح ينسحب كهرب البطاريه وبعد ما تفضي البطاريه بيطفى الموتر لأن ما عندك شي بالطبلون يعطيك اي تنبيه اذا صار فيه خلل بالدينمو بدايه تشغيل السياره ياخذ الكهرب من الدينمو وبعد تشغيل السياره الدينمو يعبي الطاقه اللي انسحبت من البطاريه عشان التشغيل وبعدها الدينمو يعطي طاقه للسياره بالكامل الين ما تطفي السياره يعني كل الشغل على الدينمو واي خلل فيه راح توقف السياره معك.

[osqari]

هذا نصاب اي دينمو يقدر يشيك عليه عنده بالمحل وتحصل افياش لأغلب الدينموات والكشف يشمل قوة الدينمو بالشحن بالفولت وقوة الأمبير للدينمو لكن اعتقد شافوك حبيب ومشوها عليك هالعماله النصابين وما فيه شي اسمه ما تقدر تكشف عليه الا اذا ركبه بالسياره بس.

كلامك صحيح في السيارات القديمه
انا السيارات الحديثه فالدينمو ما يشحن الا بامر الكمبيوتر المشبك مباشره
بالدينمو عشان كذا لازم يفحص الدينمو وهي راكبه وانا اتاكدت من هذا الشي من موقع MPVCLUB.COM

وبالنسبه للمبه ففيه موضوع عن واحد غير دينمو جديد مرتين على الضمان بسبه ان اللمبه ما طفت واكتشف انه لازم تطفيها عن طريق الكمبيوتر

[osqari]

هو شبك سلك مباشر من البطاريه للمبه بدل ما هي مربوطه بالكمبيوتر