اريد حل : لاندكروزر GXR صار سفينة تايتنك

[Al3tiby]

السلام عليكم ورحمة الله وبركاته


لاندكروزر 2015 ماطب البر الا قليل

امس كنت مسافر من الرياض باتجاه الخفجي وكان الجو مطر وغبار بين فتره وفتره الي صار لاحظت السياره صارت مثل سفينة تايتنك تهتز يمين ويسار كانه هواء قوي يدف السياره من اليمين واليسار الغريب انه استمر معي كل ماتعديت سرعة 120 كيلو في الساعه او اذا جاني ارتفاع وهبوط في طرف الطريق يبدا الجيب يهز يمين ويسار لدرجه حسيته بيقلب الجيب ...

الاكيد اني شكيت في المساعدات لاني اكلت لي حفره كبيره في طرف السياره الايمين و ماخليت ولا ميزان في الخفجي الا مريتها ماهم متاكدين انها مساعدات وكلن يفتي
الاكيد قلت بغير مساعدات غيرت الي شكيت فيه قدام يمين جربت السياره على 100 كيلو زانت الامور 30ظھ قلت اغير الكل وغيرت كل المساعدات


المصيبـــــــــــــــــة يارقاله ان المشكله لاتزال موجوده والي طار من جيبي 1400 ريال حق الطقم مع التغيير :(


وش الشور ومن منكم صارت معه

[Al3tiby]

للمعلومية

السياره تغيرت علي بعد ثلاث اشياء والله اعلم

سحبت لي ابن حلال مغرز على طرف الطريق السحب كان عادي جدا
اكلت لي حفره كبر راس واحدن جنبي
زحف الجيب بسبب الطين والازفلت بعد طلوعي الصحرا وزحفته بسيطه ( درفت بسيط )

[المعاوي1991]

الثلاث اشياء هذي اسويها دايم وماصارت لي مشكلتك واغلب اللي معهم جيوب يسون الاشياء هذي وماصارلهم شي لكن انا كان عندي اللاندكروزر يعوم يعني اذا اسرعت فوق ظ،ظ¢ظ× يبدا يلف يمين ويسار ع خفيف ورحت عند واحد قالي مجموعة دركسون وهي غالية جدا فوق ظ¤ظ×ظ×ظ× لكن لقيت لي واحد وغير الجلد التالفه وضبط الموتر والاخوان بيفيدونك وماهم مقصرين وان شاء الله تنحل مشكلتك

[Al3tiby]

معليش يالغالي تكتب الاسعار عندي طالع حروف غريبه

وتعلمني وين بالضبط فحصته ؟

[ابوراكان تبوك]

تاكد اولا ان وزن هواء الكفرات متساوي
واذا كان الهواء مضبوط
ضروري تفحص عمدان السحب الخلفيه

افحص الجلد حقتها كيد رايحه

وهاذي مشكلتها ومشهوره جدا في اللاندكروزر

[Al3tiby]

تاكد اولا ان وزن هواء الكفرات متساوي
واذا كان الهواء مضبوط
ضروري تفحص عمدان السحب الخلفيه

افحص الجلد حقتها كيد رايحه

وهاذي مشكلتها ومشهوره جدا في اللاندكروزر

الهواء موزون تمام الحمد لله والكفر سليم من الرجه
وش يعدمها الله يكفينا الشر الموتر ما كمل سنتين معي
وكيف يتم فحص عمدان السحب ووين مكانها علشان بكره اشيك عليها بنفسي مع العامل واذا ماعليك امر هل لها صوره تبينها
ماعاد ورى خسارة اليوم شي الحمد لله على كل حال

[Al3tiby]

لقيت المشكله ان شاء الله

الي له خبره يبشرني هي منها ولا ذا شي ثاني طحت عليه ولاهو نفس المشكله ؟


لكم الصوره


http://store6.up-00.com/2017-03/149006587584741.jpg

وكيف نحل مشكلة توسع فتحت مدخل المسمار ؟

[الخالدي999]

اخوي من الصوره واضح ان مسمار الرباط منكسر غيره و ان شاءالله يضبط انت ناتل المغرز نتل ولا من الحفره

[الخالدي999]

محل المسمار اي مخرطه ولا ميزان محترف يضبطها بالحام

[Al3tiby]

لا طال عمرك هذا من حديد في الخط السريع في ليل ماشفته الا بعد وطيته وشيكت وقتها لها اسبوع تقريبا وتوها تبان معي
هل اللحام بينفع معها ؟؟

[ابوراكان تبوك]

الخابور طايح
ركبه وان شاء الله تروح المشكلة

[ابوراكان تبوك]

مشكلة فتحة المسمار اعتقد انه يجي كذا شد بلد
فك المسمار حق الجهه الثانيه وطابقه

[osqari]

مشكلة فتحة المسمار اعتقد انه يجي كذا شد بلد
فك المسمار حق الجهه الثانيه وطابقه

ولازم. تتاكد من جلد عمود التوازن الامامي والخلفي
تراها توزن السياره

وعلمنا وش يصير معاك

[المعاوي1991]

لا طال عمرك هذا من حديد في الخط السريع في ليل ماشفته الا بعد وطيته وشيكت وقتها لها اسبوع تقريبا وتوها تبان معي
هل اللحام بينفع معها ؟؟

الحمدلله على السلامه وحسبي الله على من يسبب مشاكل في الخطوط السريعه واحب انوه ان الواحد اذا وطى شي في الخط انه مايتحرك الا الين ينزل تحت السياره ويتفقدها والله يكفينا شر حوادث الخطوط السريعه

[Al3tiby]

[COLOR=#454545][FONT=UICTFontTextStyleBody]
الخابور طايح
ركبه وان شاء الله تروح المشكلة

تم تركيب الخابور وزانت الامور من فضل رب العالمين الصور بنزلها تحت ان شاء الله



مشكلة فتحة المسمار اعتقد انه يجي كذا شد بلد
فك المسمار حق الجهه الثانيه وطابقه

لا مالك لوى الفتحه من ضربة الحديده زادت الفتحه ولحمت حديد الان لوزن الفتحه وتركيب الخابور


ولازم. تتاكد من جلد عمود التوازن الامامي والخلفي
تراها توزن السياره

وعلمنا وش يصير معاك

ابد طال عمرك الموتر جديد الحمد لله وشيكت عليها كلها بنفسي ومع الفلبيني كلها جديده بدون رضوض ولا تلف الحمد لله


الحمدلله على السلامه وحسبي الله على من يسبب مشاكل في الخطوط السريعه واحب انوه ان الواحد اذا وطى شي في الخط انه مايتحرك الا الين ينزل تحت السياره ويتفقدها والله يكفينا شر حوادث الخطوط السريعه
الله يسلمك ويسلم المسلمين من كل شر والله ياخوك مامشيت الا وقفت وشيكت ولا لاحظت شي باين خاصه محل الضربه لان المسمار وقتها كان موجود ماطاح الا بعد مشيت بكم يوم





صورة التلحيم مع ربط الخابور
http://store6.up-00.com/2017-03/149011172887521.jpg

[ابوراكان تبوك]

عوافي ياصاحبي والحمد لله ع انتهاء المشكلة

تبقى عندي ملاحظة مهمه جدا

اللحام اللي انت سويته مارشيته بيكون عرضه للصدأ والصدأ بيمشي مثل السوس

روح محلات قطع الغيار وقول لهم ابغى بخاخ اسود بلاستيك للشاص مطفي
سعر العلبه 15 ريال

وفك الصاموله ولا تسحب المسمار حتى مايصعب عليك تطبيقه لان العمود بيرجع اذا سحبت المسمار
طبعا لحماية المسمار عن البويه حط عليه اي زيت او فازلين
ورش مكان اللحام واتركه ساعه لين تشوف انه نشف وركب الصاموله وبكذا تكون انتهيت وتظمن انه مايصدي مكان اللحام ان شاء الله

موفق

[Al3tiby]

عوافي ياصاحبي والحمد لله ع انتهاء المشكلة

تبقى عندي ملاحظة مهمه جدا

اللحام اللي انت سويته مارشيته بيكون عرضه للصدأ والصدأ بيمشي مثل السوس

روح محلات قطع الغيار وقول لهم ابغى بخاخ اسود بلاستيك للشاص مطفي
سعر العلبه 15 ريال

وفك الصاموله ولا تسحب المسمار حتى مايصعب عليك تطبيقه لان العمود بيرجع اذا سحبت المسمار
طبعا لحماية المسمار عن البويه حط عليه اي زيت او فازلين
ورش مكان اللحام واتركه ساعه لين تشوف انه نشف وركب الصاموله وبكذا تكون انتهيت وتظمن انه مايصدي مكان اللحام ان شاء الله

موفق


بيض الله وجهك نعم كلامك صحيح
واللحام بعيد عن الصاموله والتلحيم خارجي قبل تركيب المسمار وبعد الوزن له تلحم باقي ارشه على كلامك بكره باذن الله ومشحم المسمار قبل اربطه

[الخالدي999]

الحمد لله على السلامة و ان شاء الله آخر الاعطال

[Al3tiby]

الحمد لله على السلامة و ان شاء الله آخر الاعطال
الله يسلمك من الشر ويحفظنا وياك منه