فايروخ ألماني وجابت لي الضغط

[ابوسيف الغامدي]

السلام عليكم ورحمة الله وبركاته
يالربع أخذت مشوار للطائف لشراء البندق الهوائي وأخترت من أفضل الأنواع (( فايروخ الماني)) لأن منطقة الباحه ممنوع بيع السلاح ولا أعلم السبب عموما ذهبت للطائف وشريت البندق الطيب بحواي 1200 أو 1300 قبل ستة أشهر
مقاس 80 والحقيقه إنها طيبه وقويه ماشاء الله عليها لكن مشكلتي في وزن المناش فأحيانا تكون الأصابه ممتازه وأحيانا أخرى تخطي الهدف يعني مره فوق مره تحت ومره يمين ومره شمال وعجزت أجد لها حل
سؤال يالنشاما هل لهذه المشكله حل وهل واجهت أحدكم مثل مشكلتي علما إن الرصاص من النوع المدبب
وكيف أحل مشكلتها ولكم مني كل شكر وتقدير
أخوكم/ ابوسيف الغامدي

[مخاوي قناص]

اخوي الحبيب انا شريت مثل بندقك بضبط ولحقيقه انها لايعلا عليها لاكن يشكل رميها شوي واوزنها في رحلة الصيد الوحده ثلاث مرات تقريبن انصحك طش الزرد المدبب بطول يدك وعليك بابو 500 الالماني راسها مثل الرمانه لون علبتها برتقالي اتمنى اكون افدتك

[مطحن]

السلام عليكم ورحمة الله وبركاته

انا معي البندق من عام 1409، ومقاسها 5و5 يعني المقاس الكبير ومن كم سنه صارت ما تنوزن ابددددد ,, الى ان غيرت الماصورة بوحده جديده مقاس 4،5 ورجعت زي اول دقيقه جدا

اخوك عبدالرحمن

[راعي جمس 450]

والله الفايرخ ممتازة لكن الرصاص المدبب ما احد يمدحه
لكن خذ الرصاص العادي اللي علبته خضراء مافي ازين منه

[عاشق نجد]

عزيزي لا يكون في البندق مشكلة تكون طايحة وفيه ميلان في الماسورة أو فيه ارتخاء في الميزانية .

انا عندي 85 فايروخ شاريها عام 1411هـ ، وإلى الأن من افضل ما يكون ما تغيرت وزنيتها من يوم شريتها .

تحياتي .

[sal7]

أنا من مقتني الفايروخ الالمانيه وهي من أحب الهوائيات عندي
على ان عندي القامو الاسبانيه و الديانا الالمانيه القديم و الجديد منه و الاومقا الانجليزيه(وهذي تكره الهوائيات بسببه)

الفايروخ ما فيها اي خراب اللي عندك جرب الرصاص العادي و شوف هل تشكل وألا لا
و بعدين أربطها بملزمه و أرم أذا شكلت عن محلها فإن الماصوره فيها شيء و في أعتقادي
أن المشكله في الصتم و منك لانها ثقيله فلذالك أيدك ما ضبطت وزنت البندق للحين

و انت جرب أختبار الملزمه و شوف يمكن تكون من الماصوره

تحاتي

[ابوسيف الغامدي]

أخوي مخاوي قناص شكرا لك يالغالي على المعلومه والظاهر فعلا الرصاص المدبب غير جيد شكرا لك أخوي

أخوي مطحن لاهنت يالطيب ولاتخوفنا السلاح جديد وماأعتقد من السبطانه خاصه إن صناعته ألماني مشكور يالغالي
أخوي راعي جمس 450 مشكور يالغالي على النصيحه وجزاك الله ألف خير
أخوي عاشق نجد أولا ماشاء الله على بندقك والله يعطيك خيرها ويكفيك شرها أما البندق فلم يطيح علي والله يستر لايكون طايح على صاحب المحل عموما التجربه خير برهان بنغير الرصاص ونشوف ومشكور يالغالي على مرورك
أخوي sal7 بالنسبه للرمي والله يالغالي إني مثبتها ورامي بها كم مره فأحيانا تصيب الهدف وأحيانا تبعد عنه وثقلها ولله الحمد لايشكل مشكله بالنسبه لي ولو بعدت قليل عن الهدف يمكن يكون من الرمي لكن يالغالي تبعد كثير جدا وهذا الذي سبب لي المشكله والشكك عموما الظاهر فعلا إما أن يكون الخلل من الرصاص أو من السبطانه والله يستر ومشكور يالغالي على مرورك وتعليقك
أخوكم/ ابوسيف الغامدي