ناوي تقرنس طيرك السنة بالبيت ، ولا عندك خبرة.أدخل وتعلم من أجابات الأعضاء. [الأرشيف]

مشاهدة النسخة كاملة : ناوي تقرنس طيرك السنة بالبيت ، ولا عندك خبرة.أدخل وتعلم من أجابات الأعضاء.

خيال الصبحا

04/02/2007, 11:53 PM

بسم الله الرحمن الرحيم
السلام عليكم
ورحمة الله وبركاته
كيف حالكم يا أهل مكشات

اليوم موضوعي عن الربطة(المقيض-القرنسة)
وكما تعلمون أن الطيور في كل عام تبدل ريشها
القديم بأخر جديد ، وهذا شيء معروف للجميع.

وهناك مرابط تهتم بالطير طوال فترة الصيف بمبلغ يدفعه
الصقار لصاحب هذا المربط ( الرجاء من الي يعرف مرابط
أنه يضيفها ، وكم المبلغ المطلوب ،وهل يفحصون الطيور او لا؟
و..و..و..للفائدة)

ولكن لو أنك أنسان تحب التجربة ، وتبي تقيض الطير عندك بالبيت
أو أن الفلوس راحت بسوق الأسهم لذلك تبي تربط الطير بالبيت أو غيره
من الأسباب ، وش الشيء الي راح تسويه؟؟
هذا الي راح نتناقش فيه اليوم (وانا أخترت الوقت هذا حتى تقوم بعمل التجهيزات
اللازمة من الآن ، وتحسب الميزانية)والرجاء من الصقارين الي لديهم الخبرة أنهم يجاوبون
على الي يعرفونه من الأسئلة ، ولهم مني الشكر والعرفان مقدماً ، فلنبدأ(طبعاً هناك أسئلة
للفائدة ، وليس لها علاق بالتجهيزات):

1-أيهما أفضل القرنسة طلق أو مربوط(سواءً للفرخ أو القرانيس البيتيه أو قرانيس الهواء)؟
2-إذا كانت القرنسة طلق هي الأفضل فهل مقاس الغرفة 3×3 والأرتفاع مترين مناسب؟
3-إذا كانت القرنسة ربط هي الأفضل فهل مقاس الغرفة 1.5×1.5×1.5 مناسب؟
4-ماهي مواصفات غرفة المقيض؟هل تكون مغطاه بسعف(جريد نخل)أو بالقماش الأخضر ؟ أو جدران؟
5-وما هي الأرضيه ؟ هل تكون من الرمل الأحمر ؟ أو من الحصبا أو غيره؟
6-الطير المقرنس طلق هل تبقى السبوق برجليه؟
7-هل أترك فتحات يدخل منها سنا الشمس(ما أقصد الضوء ، ولكن هل أترك له فتحات تكون الشمس
ساطعه عليه مباشره)؟
8-هل تكفي المروحه مع رش المكان صبح وعصر؟أن كان الجواب لا هل يكفي الكطيف الصحراوي؟
9-هل المكيف يكون داخل غرفة المقيض أو بالخارج(توصيلات)؟
10-كم وجبة باليوم ؟ وهل يلزم تنويع الوجبات(سمان - جرابيع - حمام ...)؟ولو أني قرنست
الطير على وجبه وحده(مثلاً سمان)هل هذا يضر الطير؟
11-هل أترك باقي العلفة لو أن الطير تركها أو أخذها؟
12-هل العلف يقدم مذبوح أو لا (أخاف أهده حي ويتعب الطير وينكسر من ريشة)؟
هل أرش الطير بالماء أو لا ؟
13-سمعت أنه فيه بودرتين تعطى للشياهين حتى تصفي مع أول الموسم(بودرة حتى يبكر بتبديل ريشه ، وبودرة
لتقوية الريش )وش البودرات هذي؟وكيفق نتايجها؟
14-سمعت أنه فيه بودرة تعطى كمضاد للطير مع العلف حتى تزيد من مناعته ، فما هي ؟وهل ينصح بها؟
15-وش فايدة رفع عدة الطير أو(تنزيلها)بأول الربطه؟
16-سمعت عن بودرة تعطى للطير تغير لون الطير(شفت صوره لشيهانه بيضا مايله للصفار كلها ، راعيها يقول
أنها مصبوغه ، وأن الصبغه هذي بودرة أو مادة تعطى للطير فترة القرنسة تبدل لونه ، وإذا قرنس السنة الي
بعدها يرجع لونه طبيعي)فهل تعرفون عنها شيء؟
17-ببالي فكره وهي لو أنها غريبة ولكن أبي أطرحها وأنتم أبدوا رايكم(الفكرة غريبة شوي)
لو أني قرنست الطير طلق ، وكل يوم أجيب العلف بيدي وأخليه ينقز على يدي ويعلف على يدي.هل هذا مناسب
أنا أدري أن الطير ماينقلونه وقت الربطة ، ولكن الفكرة هذي حتى مايتنكر الطير ببداية الموسم(مجرد فكرة وأنتظر
مداخلاتكم)

18- كالعادة سؤال شاطح عن الموضوع،وش معنى الطير مجرود؟
وأسف أن كنت طولت بالأسئلة ولكن من أجل الأستفادة لي ولكم
وشكراً لكم مقدماً

محبكم
خيال الصبحا

طارق الحربي

05/02/2007, 01:22 AM

1 قرنسة الطلق

2 حسب استطاعتك بس يكون الارتفاع عالي

3 حسب الاستطاعه وعدد الطيور

4 مرة ثالثة اقول حسب الاستطاعه :) فيه ناس تحط غرفة المنيوم وفيه ناس جدار مسلح وفيه ناس شبك وتلف حولة قماش اخضر ( بس ماينفع للطلق عشان الطير مايكفخ ويحسب ان مافيه شبك )

5 يفضل انها تكون من الرمل الاحمر الناعم يعني رمل النفود لانه زي ماتقول ثقيل مايطير مع الهواء او التحريك

6 يفضل عشان لو بغيت تعلفه على يدك اذا بغيت تشوف وش الريش اللي كمل او للحاجه

7 الشمس زينه يعني لو تحط فتحات باعلى الغرفه مغطاه ببلاستيك او شبابيك يكون احسن

8 والله مع جونا هذا ماتنفع ابدا والصحراوي ينفع بس لا يكون موجه للطير عشان مايضره مع تنظيف الارضيه ورشها يوميا

9 اذا كان المقيض طلق لازم مايكون ظاهر فيه بروز عشان ماتضرب الطير اما الربط عادي

10 وجبه وحده كافيه ويفضل التنويع وخصوصا الجرابيع يقولون انها تخليه يحذف بسرعه

11 مافهمت السؤال هذا؟

12 مذبوح اكيد ويفضل يكون منظف من اللي بحشا الطير او العلف المقدم اذا كان طازج وترش الطير بالماء اذا خلص وتنظف مكانه

13 صحيح ويسمى كورس اما النتايج مدري والله

14 اول مره اسمع فيها

15 مافهمت السؤال !!

16 الصبغه اللي اعرفها اما بالليزر او رش وقليل اللي يسويها

17 الغرض من المقيض ان الطير يكون حر نفسه لان هذا يساعد انه يحذف بسرعه

18 مجرود !! يمكن تقصد جرودي

وشكرا لك على هالموضوع تحياتي يابو نايف وعقبال ماتقرنس طيرك

صاحب الطير

05/02/2007, 08:24 AM

-أيهما أفضل القرنسة طلق أو مربوط(سواءً للفرخ أو القرانيس البيتيه أو قرانيس الهواء)؟

طلق بلا شك.

2-إذا كانت القرنسة طلق هي الأفضل فهل مقاس الغرفة 3×3 والأرتفاع مترين مناسب؟

زيد الإرتفاع والنسبة لمقاس الغرفة حسب عدد الطيور.
3-إذا كانت القرنسة ربط هي الأفضل فهل مقاس الغرفة 1.5×1.5×1.5 مناسب؟
يعني ..موبو شين.

4-ماهي مواصفات غرفة المقيض؟هل تكون مغطاه بسعف(جريد نخل)أو بالقماش الأخضر ؟ أو جدران؟

أنا والله اقيض في جدران واجد أن الطير يحذف فيها بسرعه لأن الطير يكون مرتاح نفسيا ومهيئ نفسه للحذف ولا في شئ يلفت إنتباهه.

5-وما هي الأرضيه ؟ هل تكون من الرمل الأحمر ؟ أو من الحصبا أو غيره؟

من الرمل الناعم حتى إذا كفخ ما يتكسر ريشه.
6-الطير المقرنس طلق هل تبقى السبوق برجليه؟

كله سوا.
7-هل أترك فتحات يدخل منها سنا الشمس(ما أقصد الضوء ، ولكن هل أترك له فتحات تكون الشمس
ساطعه عليه مباشره)؟

نعم.

8-هل تكفي المروحه مع رش المكان صبح وعصر؟أن كان الجواب لا هل يكفي الكطيف الصحراوي؟

الأفضل أن تقيض في مكان بارد..مثل المناطق الجبلية كااهدى بالطائف والباحة وعسير وأهل الطيور في السعودية وهذه الأماكن يرحبون بالأخوة من كل مكان..
الشياهين تحتاج إلى الجو البارد وكذلك الأحرار أم الوكارى فأنا أمثلها بالهالكس..تتحمل.
9-هل المكيف يكون داخل غرفة المقيض أو بالخارج(توصيلات)؟
===================
10-كم وجبة باليوم ؟ وهل يلزم تنويع الوجبات(سمان - جرابيع - حمام ...)؟ولو أني قرنست
الطير على وجبه وحده(مثلاً سمان)هل هذا يضر الطير؟

الوجبات وجبتين واحده في الفجر واحده في العصر..والأفضل أن تشكل العلف له حتى يحذف بدري.
11-هل أترك باقي العلفة لو أن الطير تركها أو أخذها؟
لا تترك باقي العلف حتى لا تكون سبب في مرض الطير..لأن الطير معرض للامراض وقت المقيض.
12-هل العلف يقدم مذبوح أو لا (أخاف أهده حي ويتعب الطير وينكسر من ريشة)؟
مافي مشاكل بس خل العلف يفتر من البرودة وقدمه له.

هل أرش الطير بالماء أو لا ؟

لا خل الماء عنده والطير يا خذ راحته بالتفلي.
13-سمعت أنه فيه بودرتين تعطى للشياهين حتى تصفي مع أول الموسم(بودرة حتى يبكر بتبديل ريشه ، وبودرة
لتقوية الريش )وش البودرات هذي؟وكيفق نتايجها؟

أفضل شئ أن تشكل العلف بلا بودرة بال كلام..الطير يوم عو وحش كان يحذف ببودرة؟؟!!
14-سمعت أنه فيه بودرة تعطى كمضاد للطير مع العلف حتى تزيد من مناعته ، فما هي ؟وهل ينصح بها؟
لا..لا تبقي علف حول الطير وإن شاء الله ما يمرض إلا إذا حدتك الظروف إلجاء للادوية كادوية الديدان والقلاع.

15-وش فايدة رفع عدة الطير أو(تنزيلها)بأول الربطه؟

القرنسة تتعب الطير ..فلو كانت عدة الطير نازله طالت مدة المقيض وإذا كانت نرتفعة قلت مدت المقيض..والطير لك ما كانت صحته زينه كل ما سهل الحذف عليه.
16-سمعت عن بودرة تعطى للطير تغير لون الطير(شفت صوره لشيهانه بيضا مايله للصفار كلها ، راعيها يقول
أنها مصبوغه ، وأن الصبغه هذي بودرة أو مادة تعطى للطير فترة القرنسة تبدل لونه ، وإذا قرنس السنة الي
بعدها يرجع لونه طبيعي)فهل تعرفون عنها شيء؟

الطريقة الصحية هي الجرابيع ..وهي والله ترجربه مرت بي ..فوالله زانت وسرت الطير بسبب الجرابيع.

17-ببالي فكره وهي لو أنها غريبة ولكن أبي أطرحها وأنتم أبدوا رايكم(الفكرة غريبة شوي)
لو أني قرنست الطير طلق ، وكل يوم أجيب العلف بيدي وأخليه ينقز على يدي ويعلف على يدي.هل هذا مناسب
أنا أدري أن الطير ماينقلونه وقت الربطة ، ولكن الفكرة هذي حتى مايتنكر الطير ببداية الموسم(مجرد فكرة وأنتظر
مداخلاتكم)
ال تسويها وإذا سويتها لا أحد يدري..ههههه
18- كالعادة سؤال شاطح عن الموضوع،وش معنى الطير مجرود؟
مجرود لا أعلم لها أصل واللي اعلمه هو الطير جروودي..

وتشكر يا أبو نايف على الموضوع وأرجو ان أكون افدت الأعضاء وأنا ترا منهم أستفيد..

أبوهداف

05/02/2007, 09:25 AM

خيال الصبحا
ماشاء الله عليك متميز بمواضيعك وتستاهل 100/100 على هذا الموضوع الرائع مع اني ماني راعي طيور راعي سلق بس الموضوع مفيد جداً والله لايهينك
وأشكر طارق الحربي وصاحب الطير على الرد لأني قريت الأسئلة (شكلك مدرس ياخيال الصبحا) وتحمست للأجوبة وماقصروا الإخوان على الرد الوافي .

خيال الصبحا

05/02/2007, 10:58 AM

راعي الجير

05/02/2007, 05:55 PM

مكشورين يا اخوان على الطرح المفيد ومعنى الطير مجرود يعني يهد يوميا على حمام او اي طريده سريعه ولياقته فل

تواق

05/02/2007, 06:47 PM

خيال الصبحا

صراحه الاخوان كفو وفو في موضوع المقيض

اما سوالك عن المجرود

اعتقد انك تقصد الطير الذي حصل على لياقه كامله في الهدد سواء عن طريق الشلو (التلواح ) او الهدد على حمام سلم

خيال الصبحا

05/02/2007, 09:46 PM

السلام عليكم

راعي الجير
تواق

أشكر لكم
مروركم وردكم
وهذا الي انا أقصده
وانا يوم قريت ردودكم
فهمت والكلام تطابق مع
الي اسمعه واقراه

وشكراً

أبو رداد

05/02/2007, 10:50 PM

السلام عليكم ورحمة الله وبركاته

مشكور اخوي خيال الصبحا على طرح الموضوع
والاخوه ماقصروا في اجاباتهم
واضيف موضوع وهو
فحص الطير فحص شامل ضروري للطير
وانصح بالتطعيم ضد الجدري وامراض الكبد والصرع
حتى وان كان الطير سليم
تقليم منسر ومخالب الطير قبل وضعه في المقيظ
في حالة المقيظ طلق وكان في اكثر من طير يجب عد اوصنع الطيور قبل
اطلاقهم في المقيظ حتى لاتتشابك الطيور فيما بينها
واذا كان الشبك صغير والطير وحش او من طرح اخر الوقت
انصح بمقيظه ربط وعدم هده
هذا ماحضرني من ملاحظات حول المقيظ

خيال الصبحا

05/02/2007, 11:22 PM

السلام عليكم ورحمة الله وبركاته

مشكور اخوي خيال الصبحا على طرح الموضوع
والاخوه ماقصروا في اجاباتهم
واضيف موضوع وهو
فحص الطير فحص شامل ضروري للطير
وانصح بالتطعيم ضد الجدري وامراض الكبد والصرع
حتى وان كان الطير سليم
تقليم منسر ومخالب الطير قبل وضعه في المقيظ
في حالة المقيظ طلق وكان في اكثر من طير يجب عد اوصنع الطيور قبل
اطلاقهم في المقيظ حتى لاتتشابك الطيور فيما بينها
واذا كان الشبك صغير والطير وحش او من طرح اخر الوقت
انصح بمقيظه ربط وعدم هده

هذا ماحضرني من ملاحظات حول المقيظ

وعليكم السلام
ورحمة الله وبركاته
فعلاً الفحص نقطه مهمه
أنا نسيتها.
بس وش لون تقليم المخالب؟
هل ممكن للمبتدأ أنه يسويها.

ومشكور

ابو فيصل 200

06/02/2007, 01:36 PM

مشكورين على المواضيع الرائعه

والطرح الساخن للمواضيع

اخوكم ابو فيصل 200

وشكرا

خيال الصبحا

06/02/2007, 01:59 PM

الأخ أبو فيصل200
هلا بك

**

عندي سؤال
للجميع : وش علاقة
الماء بالحفاة؟أسمع يقولون
أهم شيء أن الماء مايوصل لكفوف
الطير.

وشكراً

المغتر

10/02/2007, 07:48 PM

السلام عليكم ,,

الشباب ما قصروا بشي مشاء الله عليهم ,,

بس يقصدون بقولة الطير مجرود يعني انه جاهز (يدعى كل يوم على شلو ولا يفك له حمام )

طارق الحربي

10/02/2007, 08:05 PM

اخوي ابو نايف

الماء يزيد مرض الطير بالحفاة
والعلاج انك تخلي الطير ياقف على تراب ( بوجه العدو )

تحياتي

المغتر

10/02/2007, 08:28 PM

افضل شي للطير ان يكون فيه اناء مصنوع من الفخار ويملى با التراب ( في وجه العدو )

واحب اضيف شي مهم ما اضافه الشباب ,,

وجود بانيو او اناء كبير فيه ماء للطير في الصيف ويكون نظيف دائماً .. ( علشان يسبح ويطافش الا احتر ويشرب الا عطش )

صاحب الطير

11/02/2007, 12:51 AM

السلام عليكم
ورحمة الله وبركاته

أشكر كل من شاركني في
موضوعي ، وأن كان هناك شيء
أخر لا تبخلون به علينا.

أبو عبدالله
مشكور وما قصرت
والسؤال 11 أقصد يوم
أعطي الطير العلفه وينسر منها
أكيد أنه في شيء يقى من العلفه
صح والا لا ؟ كيف أخذ الي بقى ، أخاف
أدخل على الطير ويقوم يكافخ.

والسؤال 15 أقصد أنه
ببداية الربطة يرفعون عدة(وزن)
الطير ، وش فايدة رفعها؟

والسؤال 18 لا أقصد
مجرود ، الجرودي أعرفه
ولكن أسمعهم يقولون الطير ماهو
مجرود زين.

والشكر لك يالغالي.

***
الأخ صاحب الطير
مشكور وما قصرت.

2-ولكن هل الأرتفاع يلزم
أني أزيده ، أن كانت الإمكانيات
ماهي كل هذا وش السواه؟

16-أشرحه الله لا يهينك.مافهمت

17-ماعاد انا مسويها هونت هههههههه

ومشكور وما قصرت
وهلا بك معنا في منتدى
مكشات.

الأخ أبو هادف
مشكور وما قصرت
وحتى أنا ماني راعي
طيور ولكن ناشب لهم ههه

وياهلا

طبعا سؤالك عن البودرة اللي تحلي وسرة الطير ويطلع بدا الريش القديم جديد بلون أفضل..

أقول إن البودرة تعدم ريش الطير وفيه من الأخويا وانا سويتها وفضخت مخارج الريش الجديد واضطريت إن أسوي عمليه للطير..لكن الجرابيع وتنويع العلف يطلع الريش اقوى وأجمل من الريش القديم..بخلاف البودرة تعدم الريش وتضعفه هذا إذا ما فجرت مخارج الريش ..وإذا ما فهت قلي ((كان مدرسنا يقول كذا دوم))ههههههههههههههههههه

خيال الصبحا

11/02/2007, 01:10 AM

السلام عليكم

الاخ المغتر
مشكور على المرور
والردين

الاخ ابو عبدالله
مشكور على ردك

مشكور وماقصرت
ولكن لو كان الطير
سليم مافيه مشاكل بإذن
الله

وشكرًا

عجمي

11/02/2007, 02:43 PM

وعليكم السلام ورحمة الله وبركاته

الله يعافيك وماقصرت وتسلم على الموضوع الجميل

والله لا يهينك والف شكر ...

اخوك عجمي

خيال الصبحا

11/02/2007, 03:16 PM

طبعا سؤالك عن البودرة اللي تحلي وسرة الطير ويطلع بدا الريش القديم جديد بلون أفضل..

أقول إن البودرة تعدم ريش الطير وفيه من الأخويا وانا سويتها وفضخت مخارج الريش الجديد واضطريت إن أسوي عمليه للطير..لكن الجرابيع وتنويع العلف يطلع الريش اقوى وأجمل من الريش القديم..بخلاف البودرة تعدم الريش وتضعفه هذا إذا ما فجرت مخارج الريش ..وإذا ما فهت قلي ((كان مدرسنا يقول كذا دوم))ههههههههههههههههههه

هلا بك اخوي
صاحب الطير ، والعذر
والسموحه تراي ماشفت ردك
الا الحين
مشكور يامدرسنا وشرحك واضح
ومفهوم هههههههههههههههه

خيال الصبحا

11/02/2007, 03:19 PM

وعليكم السلام ورحمة الله وبركاته

الله يعافيك وماقصرت وتسلم على الموضوع الجميل

والله لا يهينك والف شكر ...

اخوك عجمي
هلا بك
ومشكور