مكشات يضيق الصدر

[المموه]

مكشات يضيق الصدر ليش .
قلتوا ليش . الواحد مربوط بمكتبه من الصبح الى العصر ماغير يقلب بمكشات وهو يقول اه ثم اه ثم اه يالحريه اه يالبران ويطلع للبيت وجب وهات ورحبنا وجبنا وشوي بالاستراحه ثم يجي ينام ويقوم مدارس بزارين ثم عمل وما غير يجمع بصدره اهات والا جاء اخر الاسبوع والا الضغط عنده 1000 من اللي شافه بمكشات من رياض وفياض وفقع وصيد وامطار وكشتات وطبخات وسعة صدر ويقرر يطلع للبر لاي مكان المهم يهج . عاد وشلون يهج لازم يصرف عياله ويتقضى لهم ويعطيهم مصروف ثم يدور احد يطلع معه واذا حرك وش يطلعه من الرياض يبي له 3 ساعات وان طلع ورجع متى يدخل الرياض من الزحمه واذا وصل والا كلا يحتريه اللي يبي واللي وده واللي يقول ليش لازم يدفع ضريبه طلعته ووناسته . وانا لازم اشوف مكشات كل صبح وش الحل .

[محمد بن ناصر الثبيتي]

[QUOTE=المموه][grade=00BFFF 4169E1 0000FF] مكشات يضيق الصدر ليش .
قلتوا ليش . الواحد مربوط بمكتبه من الصبح الى العصر ماغير يقلب بمكشات وهو يقول اه ثم اه ثم اه يالحريه اه يالبران ويطلع للبيت وجب وهات ورحبنا وجبنا وشوي بالاستراحه ثم يجي ينام ويقوم مدارس بزارين ثم عمل وما غير يجمع بصدره اهات والا جاء اخر الاسبوع والا الضغط عنده 1000 من اللي شافه بمكشات من رياض وفياض وفقع وصيد وامطار وكشتات وطبخات وسعة صدر ويقرر يطلع للبر لاي مكان المهم يهج . عاد وشلون يهج لازم يصرف عياله ويتقضى لهم ويعطيهم مصروف ثم يدور احد يطلع معه واذا حرك وش يطلعه من الرياض يبي له 3 ساعات وان طلع ورجع متى يدخل الرياض من الزحمه واذا وصل والا كلا يحتريه اللي يبي واللي وده واللي يقول ليش لازم يدفع ضريبه طلعته ووناسته . وانا لازم اشوف مكشات كل صبح وش الحل .
عزالله انك صادق نفس الحاله اعيشهاخاصه دفع الضريبه:D !!

[عاشق البران99]

الله يرحم حالنا وحالك ،،،

المشكلة الي مثلي ماعنده ربطات دوام والفياض المربعة مغير 50 كيلو عن البيت وكل يوم ينقز لم حدا هالفياض وتمشي وجلسة وسعة صدر ثم يرجع بالليل وهو مقصر ومستانس ويدخل مكشات مو البيت ويشوف شباب مكشات وشيبانه ماشاء الله تبارك الله عليهم شغالين مواضيع من زينها وترتيبها تخلي الواحد يعاف مكشاته ،،،

مكشات صحيح يضيق الصدر لكن احمد ربك ان فيه أعضاء كسالى ومقصرين في حق مكشات مثلي مغير ياخذ ولايعطي والا لو كل الأعضاء تفاعلو كان شفت ظيقت الصدر صح ،،،

[المموه]

ياحظ القريب للبران

[الرسن]

اقول
ناس هايصه وناس لايصه..وسلامتكم
احمدو االله على النعمه والصحة والعافية
غيركم مالقى فرصة لاخميس ولاجمعة ولا سبت ولا احد
مغير مربط اما مربط في سريره ولا مربط في سجنه ولا مربط في عمله
ولا مربط في بيته وانا مااقصد بالتربيط التربيط الحسي انا اقصد التربيط المعنوي
يعني مريض مسجون وهلم جرا.
تحمدو الله على العافية ياقوم خلو عنكم المهايط واحمدو الله على نعمة الصحة والعافية.
معالسلامة

[راعي الهـــدد]

قال صلى الله عليه وسلم (( سددو وقاربو واغدو وروحو وعليكم بشيء من الدلجة ))

فالمسألة مسألة تسديد ومقاربه يالغالي

وانصح الجميع بعدم التفريط في جانب الأبناء والزوجات

فهم أمانة في اعناقنا يوم القيامة وسنسأل عنهم

واروجو أن لانغلب جانب سعة الصدر على واجب وحقوق الزوجات والأبناء

فوالله لهم حق وواجب علينا

قال صلى الله عليه وسلم (( مامن عبد يسترعيه الله رعية يموت يوم يموت وهو غاش لرعيته إلا حرم الله عليه الجنة ))

يالله يارب أنك ترحمنا وتعيننا على القيام بواجبهم ورعايتهم خير رعاية ياكريم

واذا شفت ام العيال (( معوكسه )) هههه فطيب خاطرها بقولة ابشري من يطلعك السبوع الجاي وابشري ابد ولايهمك ومن هالكلام الي يخليها ماتحوس طلعتك بكثر الطلبات ولا بكثر الكلام

وش رايك حل او ماهوب حل

الله يوفقك ويسددك

[ع.ف.الدرويش]

مكشات يضيق الصدر ليش .
قلتوا ليش . الواحد مربوط بمكتبه من الصبح الى العصر ماغير يقلب بمكشات وهو يقول اه ثم اه ثم اه يالحريه اه يالبران ويطلع للبيت وجب وهات ورحبنا وجبنا وشوي بالاستراحه ثم يجي ينام ويقوم مدارس بزارين ثم عمل وما غير يجمع بصدره اهات والا جاء اخر الاسبوع والا الضغط عنده 1000 من اللي شافه بمكشات من رياض وفياض وفقع وصيد وامطار وكشتات وطبخات وسعة صدر ويقرر يطلع للبر لاي مكان المهم يهج . عاد وشلون يهج لازم يصرف عياله ويتقضى لهم ويعطيهم مصروف ثم يدور احد يطلع معه واذا حرك وش يطلعه من الرياض يبي له 3 ساعات وان طلع ورجع متى يدخل الرياض من الزحمه واذا وصل والا كلا يحتريه اللي يبي واللي وده واللي يقول ليش لازم يدفع ضريبه طلعته ووناسته . وانا لازم اشوف مكشات كل صبح وش الحل .


:) بصراحـــة أنا عكسك تماماً.. ما أخفي عليك الود ودي بإجازة شهر وأطفي الجوال فيها لا أسأل ولا يسأل عني أحد شهر كامل أدرعم فيه مع صحبة طيبة شرواكم في هالبر.. إلين يقول البر فكني تكفى فكني وعود لأهلك.. لكن وأنا أخوك هذه هي الدنيا.. طبعاً محدثك إللي هو أنا يمكن لي قرابة الخمسة أسابيع ويمكن أكثر :( ما طلعت حتى جلسة على رصيف.. من هنا عمل وتكليف مسائي.. ومن هنا دراسة وإختبارات.. ومن هنا منزل وأهل وواجبات.. فيعني منين ألقاها ولا ألقاها..!
لذلك وبصراحة بمجرد زيارتي لخيمة الرحلات البرية ينشرح صدري.. بشوفة الخير الربيع والفقع وبشوفة النفود.. وبقراءة الأخبار وجديد التجارب وبرؤية الطبخات والفضايح فيها.. ولا أخفي عليك أحس إني كاشت مع الكل فمرة مع ملاعب الريح في الصمان ومرة ثانيه مع مصحصح صح في نورة والتنهاة ويوم الجمعه والخميس مع نفل وإلا رسلان في خريم وكم يوم مع ريبق والأخيرة مع أبوذيب ;) ولا يهونون باقي الشباب.. فمن هنا أقول اللهم لك الحمد إستنانست .. أمس على المسنجر قابلت واحد قال توني جاي من الربع الخالي (وإياك أعني يا جارة:rolleyes:) ناقصني كم صورة وشوية اخبار بالتفاصيل واقول خلاص طلعت مع فلان للربع الخالي.. يعني بالعربي الفصيح وببال مستريح كشتتي كل هالفترة الماضية كانت في مكشات.. أما الشباب فـ الله يعطيهم العافيه ما قصروا رحلاتهم كلها تبيض الوجه..
أخيراً..
اقتبس حديث وضعه مشكوراً أخوي راعي الهدد..


قال صلى الله عليه وسلم (( سددو وقاربو واغدو وروحو وعليكم بشيء من الدلجة ))


وشكراً لك على طرح الموضوع.. وارجو ان تتقبل وجهة نظري وطرحي بصدرٍ رحب..
أخوك..( أبو فهد )..

[OtherProduct]

"رسن" مو عشان نكك "رسن" تخوف الاعضاء بالسجن والتربيط هغهغهغهغهغهغهغهغ

[المموه]

اشكر للجميع ابداء رأيه ومروره .
اخوي الرسن حنا ان شاء الله حامدين رب العالمين على النعمه والصحه . ونتمنى من الله انه يعافي كل مريض ويفك كل اسير ومسجون وما يمنع ان الواحد يتشكى الا صار رب العالمين معافيه ويحب البران والروحه والجيه .
الاخ ابوفهد اشكر لك التعليق واحترم رأيك لكن اللي يتفرج غير اللي بالبر وبحريه .
اخوي راعي الهدد . ماحد يهمل عياله وبالنسبه لي لهم طلعات بريه وغير بريه محدده كل فتره وهو من حقهم .
وعموما انا من المتولعين بالبر ومن اللي يكرهون المدينه وزحمتها وازعاجها وقيودها . البر حريه وراحه وكلا يحبه ولولا الالتزامات عند كثير من الناس كان كل وقتهم بالبر .

[الكونترولCONTROL]

كملت الناقص
========
انا نفس الشعور
و بموضوعك ما عاد فيه شيء انتظره
الهجة الهجة !!!!!!! ( بتشديد الجيم )
خيمتك و حبلك و الجبل !!!!!!!!!!!!!!!!!
=======================
اي بالله كملت الناقص !!!!!!

[طلعة الطوقي]

المموه عزالله انك صدقت مهوب انت لحالك الي تعاني منها




بس شف وانا اخوك ان تسانك من الناس الي تفتح مكشات وقت الدوام




فهاذي راح تسبب لك ضيقه صدر مما يسبب عدم القدره على الانتاج




وبالتالي يؤدي الى حدوث دوخه في راسك المصون:o <<< الله من زين التعبير




عشان كذا انصحك اذا رحت للبر تجمع اكبر كميه من القرقاص او البس باس




او الذعاليق اوالخزام واذا رحت للدوام اول ما تحس بالدوخه خذلك




شمه منها واجلس تنشقها:D وانشاء الله مايكون الى الخير




تحياتي لك..!!

[المموه]

اخوى الكنترول صدقت خيمك والجبل . يازين الهجه
اخوي طلعة الطوقي . بالدوام افتح الجهاز وقت الفضوه . ياليت ذا ينفع كان زرعته بالمكتب .