السيارة تطفى احيانا من اتوقف على p

[bilal09979]

السلام عليكم
عندي سيارة هونداي النترا موديل 2000،
صارت عندي حالة جديدة لما أتوقف وأوحول مبدل السرعة من d الى p ينزل العزم بشكل ملفت اقرب الى ان تطفى ويصعد يستقر واحيانا تطفى السيارة واحيانا تصير الحالة من أحول n مباشرة ايضا الا أذا ما حولته مباشر يعني امشي الكير من d الى r واخيرا p على مهل تستقر وما ينزل عزمها

ممكن تشخيصكم للحالة لو سمحتم

[bilal09979]

مساء الخير

[hassan-55]

اخوي مشكلتك ماهي صعبه مره
يحتاج فحص و تتبع الخلل
افحص الكويلات و البواجي
ثم نظف البوابة و حساس الدعسه و حساس الهواء وقد تحتاج تنظيف بخاخات وممكن تحتاج فلتر بنزين
وفلتر الهواء اذا قديم غيره و افحص خرطوش و علبة الهواء ان كان بها كسر او شق بسيط
قبل فتره قريبه جاري فاتح كبوت سيارته طفشان و حالته حاله قلت له سلامات وش في موترك
قالي تفتفه قويه واذا دعس بنزين يكتم الموتر
بعد فحص ومع اني كنت بأفك الكويلات ثم البخاخات وانظف البوابه
قلت ابدأ بالاسهل امامي لقيت علبة فلتر الهواء ماهي راكبه مضبوط مكسور كلبساتها فربطتها بسلك حديد من الجانبين مكان الكلبسات
واختفت المشكله تماماً

مثل ما ذكرت لك اخوي صعب تحديد المشكله بالضبط الا بعد الفحص والمعاينه
فأنت ابدأ بالاسهل والله ييسر امرك

[hassan-55]

سؤال//
بالطبلون مولعه لمبة الفحص ؟
اذا مولعه فالاسهل فحص كمبيوتر بيوفر لك التعب والبحث ان شاء الله

[bilal09979]

اهلا أخي حسان

شكرا للنصائح سأتتبع الأمر ان شاء الله

هي اشارة الجيك انجن ما مولعةلكن تشكل عندي اشارة الباتري اي الداينمو ولما ادعس بانزين قوي تختفي

وفحصت على الجهاز طلع عندي حساس الكام شفت يقره قراءة عالية

وما اعرف اذا كانت السالفةالها علاقة بالحالة اللي شرحتها

[hassan-55]

حياك الله اخوك حسن

انت تقول لمبة البطارية تشتغل ولما تدعس بنزين تطفي
انا اشك بالديمنو افحصه بواسطة جهاز ملتيميتر ترى ضعف الدينمو عن تجارب مريت بها يسبب تنتيع وضعف أداء
رح لأي كهربائي خله يفحصه ممكن يحتاج فحمات او قطع أخرى
واذا عندك جهاز افحصه بنفسك

[SGL]

نظف البوابة وحساس الهواء وشيك على الخرطوش مثل ماقال لك أخونا حسن
أما بخصوص لمبة البطارية طبيعي إذا الموتر جاته الحاله وضعف وقريب يطفي تولع اللمبه