مشكلة تكتيم

[أبو خالد 99]

اخواني واحبتي في الله
الســـــــــــــــــــــــــــــــــــــــــــــــ ــــــــــــــــــــــــلام عليكم ورحمة الله وبركاته

عندي مشكله ارجوا منكم الفزعه لا هنتو

فورد اكسبلورر 2007 ما استخدمه كثير مخليه للبيت ( سياره عائله فقط )

المشكله =

في البدايه قبل سنه كل شي في السياره تمام
واصبحت اذا كنت مسرع شوي لو على 80 وفجأه وقفت ودعست مره ثانيه (دعسه عاديه ابي امشي فقط )
ما تمشى تجلس شوي يمكن ثواني وتفك ( تحس كانها ما تعشق تتأخر )
و غيرت زيت القير وصفاية البنزين وبواجي .....



راحت المشكله وطلعت بعدها ......... هذه المشكله التي ابي فزعتكم فيها

كل بعد فتره تقطع السياره في المشي ولا تقبل دعس اذا دعست احس انها تكتم
وتأخذ لمبة الصيانه الصفراء تأشر ( تشتفل وتطفي بسرعه ) والمكيف يقلب حار
اقوم اخفف من الدعس شوي وتعتدل
اكثر شي مع الصعود تجي هذه المشكله

وبعد فتره تروح هذي المشكلهحتى لمبة الصيانه تنطفي وتاخذ وقت ثم ترجع
كنت اعبي 95
والحين 90

رحم الله والديكم الى يعرف حل او قد جاته هذه المشكله يفيدني



اللهم يجعلني ووالدي واياكم ووالديكم ممن يقال لهم
((ادْخُلُوهَا بِسَلامٍ ذَلِكَ يَوْمُ الْخُلُودِ))

[hassan-55]

اخوي والله اعلم مشكلتك يا دينمو ضعيف
يا كويلات انا ابيك بالبداية فك الكويلات و فحص جلدها اذا فيها قطع بسيط تسبب كتمه وتقطيع
اذا لقيت احدهم مقطوعه جلدته ابيك مؤقتاً تلفه بشطرطون اذا راحت الكتمه اعرف انه من الجلد
غير جلدها في بعض المحلات تبيع الجلده لوحدها دون شراء كويل كامل بمبلغ وقدره
ان تركت بالشطرطون مع الحراره يذوب الشطرطون و ترجع المشكله
افحص اللي ذكرت لك وارجع بلغني
وانا اقترح دام ولعت لمبة الفحص افحصها كمبيوتر افضل بيطلع لك المشكله بالضبط
جهاز صغير و رخيص جداً اسمه OBD سعر المطور منه WIFI يشتغل على كل الجوالات سعره ب 80 ريال
وبواسطة الجوال وبرنامج الجهاز يطلع المشاكل
المفروض كل شخص يشتريه بدل ما يروح لمراكز الصيانه خصوصاً اللي مشاكل سيارته كثيره

[أبو خالد 99]

اخوي ابو محمد
رحم الله والديك وجزاك الجنه
ابي اشوف موضوع الكويلات وارد عليك
هل للدنمو كل هذا التاثير
وكبف اعرف انه ضعيف
بس جهازOBD ما اعرفه دخلت على الشيخ جوجل
وشفت صورته
وشكل له فيش ممكن تقول لي وين اشبكه في السياره
بحيث يبحث عن المشكله ويطلعها
شاكر لك من كل قلبي والله يجزيك خير الجزاء على مساعده الناس
وانتظر باقي الاخوان يقولون الى عندهم

[hassan-55]

ورحم الله والديك ومن يقرأ
جزاك الله خير على الدعوات ولك مثلها ان شاء الله تعالى
هذا سلمك الله جهاز صغير يشبك في الفيش تحت الدركسون تلقى فيش OBD
ومن خلال الجهاز في برنامج بالماركت نفس الأسم تحمله بجوالك و تعمل اقتران
في نوعين من هذا الجهاز في نوع قديم سعره الان لا يتجاوز 40 ريال
يعمل بالبلوتوث فقط يعمل على الاندرويد فقط
وفي اصدار حديث من هذا الجهاز يعمل عن طريق ال WiFi
ويعمل على كل الاجهزه سواء اندرويد او Ios
انا زمان اشتريت النظام القديم والان اشتريت الجديد اخذته ب 80 ريال من واحد عندنا بالرياض يبيعها في المنتديات
واذا انت بالرياض ادلك مكانه او تبي تستخدم اللي عندي ماعند مشكله

[hassan-55]

اعتذر ما قرأت ردك بخصوص الدينمو
نعم نعم نعم الدينمو يسبب تقطيع و ضعف عام وانا لي تجارب كثيره معه
فحصه سهل بس يبي لك جهاز ملتيميتر في مقاطع في اليوتيوب توضح فحصه سواء بلمبة الفحص او بجهاز ملتيميتر انا من وجهة نظري وحسب تجاربي ان الفحص بالجهاز اكثر دقه

[أبو خالد 99]

ورحم الله والديك ومن يقرأ
جزاك الله خير على الدعوات ولك مثلها ان شاء الله تعالى
هذا سلمك الله جهاز صغير يشبك في الفيش تحت الدركسون تلقى فيش OBD
ومن خلال الجهاز في برنامج بالماركت نفس الأسم تحمله بجوالك و تعمل اقتران
في نوعين من هذا الجهاز في نوع قديم سعره الان لا يتجاوز 40 ريال
يعمل بالبلوتوث فقط يعمل على الاندرويد فقط
وفي اصدار حديث من هذا الجهاز يعمل عن طريق ال WiFi
ويعمل على كل الاجهزه سواء اندرويد او Ios
انا زمان اشتريت النظام القديم والان اشتريت الجديد اخذته ب 80 ريال من واحد عندنا بالرياض يبيعها في المنتديات
واذا انت بالرياض ادلك مكانه او تبي تستخدم اللي عندي ماعند مشكله

بيض الله وجهك
كفو ما تقصر
انا من ضواحي جده
ما فيه مشكله اشري الجهاز وادور الفيش هذا
واعطيك النتيجه بس الدنمو كيف اعرف ضعفه
لا هنت والله يبارك لك بعمرك ومالك وعيالك

[أبو خالد 99]

اعتذر ما قرأت ردك بخصوص الدينمو
نعم نعم نعم الدينمو يسبب تقطيع و ضعف عام وانا لي تجارب كثيره معه
فحصه سهل بس يبي لك جهاز ملتيميتر في مقاطع في اليوتيوب توضح فحصه سواء بلمبة الفحص او بجهاز ملتيميتر انا من وجهة نظري وحسب تجاربي ان الفحص بالجهاز اكثر دقه

توي شفت ردك الله يحفظك ولا يوريك مكروه
اكشف ولنا رجعه
في حفظ الرحمن
سلام

[الصيادالمليح]

بالنسبة للفورد إكسبلورر الموديلات القديمة المكينة تأتي بجنزيرين أمامي و خلفي

و أغلب مشاكل التقطيع و التفتفة و ظهور لمبة المكينة تكون بسبب الجنزير الخلفي يحتاج تغيير

فروح لورشة متخصصة في الفورد وخليهم يعاينوا الجنزير الخلفي إذا يحتاج تغيير

[أبو خالد 99]

بالنسبة للفورد إكسبلورر الموديلات القديمة المكينة تأتي بجنزيرين أمامي و خلفي

و أغلب مشاكل التقطيع و التفتفة و ظهور لمبة المكينة تكون بسبب الجنزير الخلفي يحتاج تغيير

فروح لورشة متخصصة في الفورد وخليهم يعاينوا الجنزير الخلفي إذا يحتاج تغيير

مشكور اخي الحبيت
لا عدمناك ولا عدمت عزيز وغالي
اخي الحبيب لو جنزيز تكون المشكله مستمره
وانا عندي تروح وتسلك السياره 100 في 100 وبعد فتره ترجع

اسعدني مرورك
الله يسعدك في دنياك واخراك
ويبارك لك في عمرك ومالك وعيالك

[أبو خالد 99]

اليوم رحت جده ابي اشري الوصله حق OBD
المهم دورت عليها ووصفو لي كذا محل كل ما رحت لمحل حسب الوصف يقول ما عندي
وقت صلاة العشاء مريت مسجد وصليت وانا خارج شفت محل للكشف على السيارات بالكمبيوتر وتنظيف بخاخات
قلت امر اسأل عن الوصله
قال ما انصحك فيها لانها غير دقيقه . قلت له خلك من هذا تعرف محل يبيعها
قال اعرف انهم يطلبونها من الخارج مثل امازون. وحلف بالله ان الجهاز الى عنده يدفع عليه سنويا 4000 ريال
مقابل التحديثات.
قلت اسمع انا ما احب الى يجي يحلف لاجل يمشي سلعته
والى يحلف دائما اتحاشاه لاني طبعي اذا حلف شكيت فيه
لكن تدري انا تعبت وابي اخلص .. ابيك تكشف على السياره واخلص راح على الليل
ما ابي اطول عليكم...

المهم كشف وقـــــــــــــال :

عندك ضعف كهربائي في الكويل رقم5
وعندك مشكله في قفل التعشيق
وعندك مشكله في صرف البنزين وتحتاج تنظيف البخاخات

قلت ابيك تنظف البخاخات
قال اليوم ما اقدر وكمان لازم تسوي مشكله الكويل الخامس

سبحان الله ... حسيت ان شغله نظيف وكلامه صحيح... خاصة يوم قال مشكله في قفل التعشيق
لانه صح في بعض الاحين اجي اعشق ما يفك القفل ( الزر الذي تقوم بضغطه لأجل التعشيق )
لاني ما قلت له عنها وكنت اصلأ ناسيها

المهم اعطيته 150 ريال حق الكشف

وقلت له الحين كشفت واخذت حقك ابي نصيحه هل تنصحني بهذه الوصله
رجع يحلف من جديد
قال:- والله ثم والله ان الجهاز الى عندي اخر ( اعتقد قال اخر موديل او احدث شي ) حاجه زي كذا ناسي والله
وقال كمان انه يحدث سنوي من كل الشركات الام ويدفع 4000 ريال مقابل لها
اما الوصله غير دقيقه في التشخيص
رجعت واشتريت طقم كويلات ( اسلاك مع الكويلات )
توي واصل البيت ما ركبتها .... هذي قصتي اليوم

سؤالى للاخ الغالى / ابو محمد
هل وصلة OBD دقيقه في التشخيص والا كلام الرجال سليم
اسألك لانك جربتها

بركب الكويلات وانظف واعطيكم النتيجه .. لأجل يمكن يستفيد احد من هذي التجربه

للجميع
اسأل الذي خضعت الرقاب لعظمته طوعا وكرها
ان يرحمكم رحمة واسعه فوق الارض وتحت الارض ويوم العرض بين يديه
امين امين امين

[ابوراكان تبوك]

ماهي قصة دقة الفحص
مشكله ماتعطيك تقرير كامل
الكمبيوتر الكامل او البرنامج الكامل هو اللي
يحدد لك موديل السياره ونوعها وكم سعة المحرك
ويعطيك رسوم بيانيه وقراءات
اما حق الاو بي دي هو دقيق في حاله اللمبه مولعه ينفع للي يشتغل بيده لكنه لايعطيك تقرير كامل
اما قصة تحديث ب 4000 الله اعلم
انا اعرف ان سعر الاجهزه اللي عليها الكلام من 3000 وطالع والتحديث اول سنه مجاني والباقي مبلغ بسيط ممكن 200 دولار وحولها

[ابوراكان تبوك]

بالنسبه لك اذا تبي قطعه او بي دي
ادخل سوق كوم وافتح لك ملف وخط بياناتك ورقم جوالك وعنوانك كامل
ودور القطعه وان وجدتها اضغط عليها شراء ويجيك الخياار اللي بعده اختر الدفع عند الاستلام وثلاث ايام توصلك القطعه وتدفع حقها مع تكاليف الشحن حول 15 او 20 ريال

[hassan-55]

الحمد لله انك توصلت للمشكله وانا كما ذكرت لك بالسابق ان السبب من الكويلات وطلع اقتراحي في محله
لكن كان ودي ما تخسر و تشتري كويلات كامله لأنها غاليه كان ودي تبحث عن جلدها لأن غالباً الجلد هي المشكله اذا فيها شق بسيط تهرب كهرب (ما توصل كهرب مضبوط للبوجي)

و تنظيف البخاخات حسب تجاربي يفيد كثير من ضمن فوائده اللي جربتها
- يزيد عزم الموتر اذا كان متسخ البخاخ
-وانا لاحظت أيضا يقلل من صرفية البنزين
وأيضا فوائد أخرى يكتشفها اللي نظفه

اما بسؤالك عن جهاز الفحص أبو راكان ما قصر ذكر لك ما كنت بأذكره لك انا
اذا لمبة المكينه شغاله يطلع لك الأخطاء و الحساسات والقطع التالفه او اللي تحتاج تنظيف او تغيير
وانا سبق فحصت موتر بالجهاز وطلع لي خلل بأحد الكويلات (هو ما يكتب الوصف بالضبط لكن يذكر مثلاً عندك خلل او كهرب ما توصل لحساس معين يذكره
مثلاً يكتب البوجي الفلاني فيه مشكله معناه اما ما يوصله الكهرب بسبب مشكله في الاسلاك او مشكله بالحساس نفسه
فأنت تبحث وتفصح الاسلاك الواصله له او القطعه نفسها

انا بالنسبه لي فادني الجهاز كثير واكثر من صديق لي استخدم جهازي و استفاد منه

اعتذر عن الاطاله
الحساس ابحث عنه في المنتديات بتحصله ما ودي اذكر منتديات خارجيه لأن ممكن ما تسمه إدارة المنتدى بذكره
فإن اردت أرسلت لك رقم اللي شريت منه هو بالرياض يبيعه ب 80 ريال الواي فاي المطور والاصدار القديم البلوتوث اعتقد ب 35 ريال
والحقيقه ما اعرف ان كان يوصل خارج الرياض ام لا
ان اردت ابحث لك عن رقمه وارسله لك

[أبو خالد 99]

السلام عليكم ورحمة الله
اخي ابو راكان
الله يحفظك اسعدني مرورك يالغالي
اجهزة الفحص مالى فيها خبره ولا تجربه ابد ابد
انا نقلت كلام الرجال ولا ادري اصلا اذا كان لها تحديثات افكرها مبرمجه تعطيك النتيجه في اي وقت
حاليا ابي اركب الكويلات واجرب اما القطعه اجلت الشراء لين اشوف النتيجه
عندي العيال الله يحفظهم ويحفظلكم كل غالي
يشترون من امازون كل شي ومسوين حساب عندهم قالو لى نشريها لك وقلت اصبرو شوي
واشكرك على المعلومه الله يجزاك خير

[أبو خالد 99]

اخي الحبيب hassan-55 (http://www.mekshat.com/vb/member.php?242607-hassan-55) ( ابو محمد )


السلام عليكم ورحمة الله وبركاته
انشهد انك قلتها الكويلات الجلد حقها
باين انك خبير( ولا يهونون جميع الاخوان ) الله يحفظك ويرعاك ويجزاك عن مساعدة اخوانك كل خير
والله يكتب اجرك
بس انا ما شيكت على طول مشيت ورا القطعه

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ )

الحمد لله على كل شي
ابي اركب الكويلات بس والله مشغول حاليا
وانظف البخاخات واعطيكم النتيجه النهائيه
اما القطعه فنفس الكلام الى قلته لاخونا الغالي ابو راكان

المعذره والسموحه عندي اخر سؤال
هل علبه التنظيف حق البخاخات تفي بالغرض
علما اني شاريها من زمان ومن الشركه وشاري معها صفايه بنزين

اكرر شكري لك
ولك مني وافر الاحترام والتقدير والدعوات الصالحه