المساعد الشخصي الرقمي

مشاهدة النسخة كاملة : ماهو افضل طريق من جده الي للقصيم .


Algthami
05/02/2007, 06:44 PM
السلام عليكم ورحمة الله وبركاته



اخواني مشرفين و اعضاء منتديات مكشات مساكم الله بالخير
ان شالله ناوي اروح القصيم يوم السبت الجاي وابي افضل طريق من ناحية ( الامان - ومحطات البنزين -والمسافه )وهل الطريق زين .....انا قبل قد رحت عن طريق الحجاز الي هو الطائف - ظلم - عفيف - البجاديه - نفي - رفيع الجمش - دخنه - الرس - عنيزه - وسلامتكم .
ابي اشوف اقرب اذا فيه

وشاكر تعاونكم وجزاكم الله خير ..
عاشق سفر
05/02/2007, 06:52 PM
حي الله راع الحوية حي الله القثامي....

اسمع طال عمرك انا بعلمك عن درب جدة المدينة ومن المدينة للقصيم....

طال عمرك من جدة للمدينة المسافة 400 كيلو تقريبا.... والمحطات متوفرة والامان لا تخاف يارجال انا امتر بالمملكة من شمال لجنوب ومن شرق لغرب وغير دول الخليج مترنا لين شبعنا ماهناك مشاكل يالغالي الديار امان والحمدلله... انا امتر وانا لوحدي والله محد قال وين انت رايح...

بالنسبة لطريق المدينة القصيم فهو 467كم تماما واول لوحة بتقراها هي بهالرقم وراح تتذكرني... المحطات طال عمرك عب بنزينك من نفس المدينة المنورة لانك لو طلعت على خط القصيم وماعبيت فما راح تعبي الا بمنطقة بعيدة عن المدينة اسمها صويدرة وبتدخل داخلها وتتعب نفسك فالافضل تعبي فل من نفس المدينة وامسك خطك ولا توقف الا بالقصيم والمحطات تراها قليلة مو كثيرة الظاهر انها 3 وماهي على نفس الخط لا ماخنتني الذاكرة...

يعني المسافة من جدة للقصيم مع هالخط هي 867كم تقريبا...

انا لك من الناصحين رح مع هالخط احسن لك لانه مزدوج ووسيع احسن من خطك مع ظلم وعفيف انت عارف انه اقشر وخط واحد الظاهر...وحتى اعتقد هذا اقرب لك دام بتروح من جدة

طريق السلامة يا قثامي والله يوفقك
بعيدالدرب
05/02/2007, 07:07 PM
هلابك ياخوي انا معلمك ان خط المدينه القصيم ازين لك توكيل علي وسري حديدك والله الله بالخوي الذيب

ولا تنسي ((((؟؟؟؟؟)))) اللي من جيزان والله يستر عليك
ابو خالد 2006
05/02/2007, 07:08 PM
لا ازيد عما ذكره الاخ تركي
Algthami
05/02/2007, 07:12 PM
الله يعطيكم الف عافيه وماقصرتو
وحيالله ولد ميسان تركي بن عازب كنك عارف اني من الحويه هههههههههههههههههه
بعيد الدرب يبو سعد رح لدوامك اطيبلك وراك دوام شوي
ابو خالد لاهنت يالغالي
خوي النشاما
05/02/2007, 07:37 PM
فيه طريق جديد من الطائف -ظلم -عفيف بعد عفيف بخمسه كيلو يسار -الحماده -ضريه -ضليع رشيد - الرس
مجنون رحلات
05/02/2007, 09:02 PM
يا اخوي خوي النشما الطريق الي ذكرته تماما ولكنه مقطعه انا قد رحت معه وما يصلح ابدا على ما اضن في الصيفية الكلام هذا وكان توه يسفلت ولكم تحياتي
Algthami
06/02/2007, 02:54 AM
خوي النشاما -ومجنون الرحلات

ماقصرتو جميع وبيض الله وجيهكم
راعي السنع
06/02/2007, 02:08 PM
طريق المدينة القصيم السريع فيه محطات على الخط نفسه عند مخرج الحناكية بعد ماتطلع من المدينه بـ 120 كيلو تقريبا ومحطة أخرى بنص المسافة تقريبا بين القصيم والمدينة ..
Algthami
06/02/2007, 03:11 PM
الله يعطيك العافيه يا راعي السنع
وبيض الله وجهك..
ريم البراري
08/02/2007, 10:56 PM
أنصحك بطريق جدة -المدينة- المدينة- القصيم
Algthami
09/02/2007, 03:04 PM
أنصحك بطريق جدة -المدينة- المدينة- القصيم






الله يعطيك الف عافيه وماقصرتي ياوخيتي
راعي الفورت
09/02/2007, 03:35 PM
الاخوان ما قصروا



طريق المدينة القصيم السريع مسطره ما شاء الله بس يبي لك تنتبه من المحششين


http://images.google.com.sa/images?q=tbn:UVTECs0qQDQbQM:http://www.alriyadh.com:81/2006/07/05/img/057199.jpg
وهاللي يمسكون السرعة حتى لو انك ما أنت مسرع يتعمدون عليك الخطأ
http://images.google.com.sa/images?q=tbn:uNtOe8vdsWePGM:http://www2.f900f.com/pic/f900f.com_06071313011678841.jpg
نصيحتي لا تتعدى المية والعشرين
http://images.google.com.sa/images?q=tbn:HZU3WXVCVc4JYM:http://mazda3.jeeran.com/DSC02652.JPG

تراهم يندسون ورا الجبال والكثبان الرمليه
وما تدري إلا هو ناط عليك مثل :
http://www.al-fateh.net/images/faz16.gif












ودعواتك لنا والمسافر له دعوة مستجابه.
قل : اللهم اقض دين أبو فارس ...
Algthami
09/02/2007, 09:45 PM
الاخوان ما قصروا







طريق المدينة القصيم السريع مسطره ما شاء الله بس يبي لك تنتبه من المحششين




http://images.google.com.sa/images?q=tbn:UVTECs0qQDQbQM:http://www.alriyadh.com:81/2006/07/05/img/057199.jpg

وهاللي يمسكون السرعة حتى لو انك ما أنت مسرع يتعمدون عليك الخطأ
http://images.google.com.sa/images?q=tbn:uNtOe8vdsWePGM:http://www2.f900f.com/pic/f900f.com_06071313011678841.jpg
نصيحتي لا تتعدى المية والعشرين
http://images.google.com.sa/images?q=tbn:HZU3WXVCVc4JYM:http://mazda3.jeeran.com/DSC02652.JPG

تراهم يندسون ورا الجبال والكثبان الرمليه
وما تدري إلا هو ناط عليك مثل :
http://www.al-fateh.net/images/faz16.gif












ودعواتك لنا والمسافر له دعوة مستجابه.
قل : اللهم اقض دين أبو فارس ...


الله يعطيك الف عافيه اخوي راعي الفورت وجزالك الله الف خير

اللهم اقض دين أبو فارس ...اللهم امين اللهم امين