اعطال مكيف السياره

[ابوسارهه]

السلام عليكم . نخش بالموضوع دايركت . ياشباب انتبهوا ترى مشاكل الكمبرسور ومروحة المكيف احياناً ماتكلف غير ريال واحد . وهي فيوز فقط والكهربائيين اكثرهم الا من رحم الله امين ويصلحلك المكيف ويطلب مبلغ بسيط . انا حصل لي موقف وهو الكمبرسور مايشتغل اشغل المكيف يطلع هوا فقط كانك فاتح الهوايه . اول كهربائي كشف ع الفيوزات يوم خلص قال ما اعرف اصلحه رح للباكستاني اللي باخر الشارع هذاك يعرف . ورحت للباكستاني وقام يفحص الفيوزات وبعد قرابة نصف ساعه قالي السياره لازم تبقى يوم كامل لازم افك الطبلون وشغله كبيره . انا مااقتنعت سيارتي وعارفها الشغله بسيطه . شريت فيوزات وشغلت السياره وشغلت المكيف والله يجيرك كل فيوز افكه وابدله بواحد سوا خربان صالح ابدله . والله يالربع بعد ربع ساعه تقريباً الا يوم اشتغل الكمبرسور وبرد المكيف . والله من الفرحه ماصدقت . وبعد البحث والتحري الكمبرسور له ثلاثة فيوزات اذا خرب اي واحد يوقف الكمبرسور ولا يبرد المكيف . فأرجو الانتباه . السياره تويوتا هلي 2010

[ابوسارهه]

واحب اضيف ع الموضوع الفيوزات الثلاثه ظ¢ فيوزات مع مجموعة الفيوزات الداخليه وواحد مع مجموعة الفيوزات اللي خلف البطاريه ولكل فيوز من الثلاثه له مقاس موجود بالكتلوج اللي يجي مع السياره هذا ماحبيت افيد فيه اخواني والسلام عليكم

[hassan-55]

بارك الله فيك
صدقت ياغالي وغالباً التويوتا وممكن الأنواع الأخرى
الكمبروسر فيوزيه مرتبط مع فيوز الولاعه و الساعه
فالافضل الواحد يحط عده متواضعه ويخليها دائما بالسياره ما تطلع منها
عدد 2 مفك مسامير سالب وموجب
زراديه
مفك صاموله و مسامير متعدد المقاسات
والاهم قلم فحص النوع الجيد تايوان الصنع ب 10 ريالات
وكل هذا بالكثير و بالمبالغ يكلف اقل من خمسين ريال
اضافه الى ذلك كمبروسر هواء لنفخ الكفرات + رقع كفرات + اداتي تركيب الرقع
+ اشتراك بطارية
+جهاز الفحص ملتيميتر
كل ما ذكرت انا الحمد لله ما اطلعه من السياره و اثناء السفر شنطة العده الكامله تلازمني واعتبرها من ضمن العفش :)
وحاط لي جهازين ميلتيميتر واحد بالبيت و الثاني دائماً في السياره
+ جهاز obd لفحص كمبيوتر السياره

[ابوسارهه]

الهدف من كتابة الموضوع يا اخوان التوعيه كثير من الناس تجيه هالمشكله وهي بسيطه ويقوله الكهربائي غير كمبرسور . لا بد اننا نوعي بعضنا ونتعلم

[كايد]

جزاكم الله خير