المساعد الشخصي الرقمي

مشاهدة النسخة كاملة : لغز ماكل رماع يجيبه....فك الضبع...حل:صاحب اللغز


شبح الآلغاز
05/02/2007, 11:14 PM
لغز ماكل رماع يجيبه


بنشدك عن رجال لصك بابه
ماكل رجالٍ يجيه ويفكـــه
الا بطريقة واحداً قد درابه
ياللي تعرف الحل وش لون فكه
معروف من عصر النبي والصحابه
يوم السفر بين المدينه ومــــــكه
:D :D :D
الحسكولي
05/02/2007, 11:38 PM
التقوبم الهجري
القـــناص
06/02/2007, 12:18 AM
اخوي: شبح الالغاز

اعتقد انه شبك العنكبوت...
حبيب المساكين
06/02/2007, 12:19 AM
الجربوع والعالم الله
asaad
06/02/2007, 12:39 AM
اعتقد انه القنفذ ---- تحياتي
البركة
06/02/2007, 08:22 AM
أعتقد انه باب الكعبة والله أعلم
ابو نجود
06/02/2007, 10:36 AM
وش رايك بحل الحرام بعد انتهاء العمرة او الحج؟؟؟
ابو نجود..
المسفري
06/02/2007, 10:46 AM
هو السحر ويفكه القرآن والعلم عند الله

المسفري
ساطي
06/02/2007, 11:45 AM
اللغز,,,,,,,,,,,,,,,,,,,,,,,
شبح الآلغاز
06/02/2007, 09:31 PM
ياربع مالكم لواء جميعاً وشكراً لكم على المرور

اخوكم (الشبح)
ابوسعود
06/02/2007, 09:45 PM
صح السانك يخوي على الغز

وش رايك في المري (الي يتبع الجره)
شبح الآلغاز
06/02/2007, 09:50 PM
صح بدنك يابوسعود ومالك لواء
السنافي 1
07/02/2007, 03:00 PM
اخوي شبح اولاً مساك الله بالخير وانت وجميع الاعضاء

ثانياً تخميني يقول انه ( السر ) للي بين الاثنين
الخيال2006
07/02/2007, 07:51 PM
شبح الالغاز

صح لسانك على هاللغز الممتاز

ورمعتي والله اعلم

مثل ماقال اخوي السنافي 1

السر اذا جاوز الاثنين شاع
شبح الآلغاز
08/02/2007, 11:05 PM
اخوي السنافي مالك لواء والله يمسيك بالف خير انت وجميع اعضاء المنتدى
شبح الآلغاز
08/02/2007, 11:15 PM
ابرق العزاف شكراً على المرور








(لاكن مع الاسف مالك لواء):no2:
شبح الآلغاز
08/02/2007, 11:22 PM
ياربع اسفين على تكرار الردود اكثر من مره:D :D :D :D
المربث
08/02/2007, 11:27 PM
ماهو القفل والمفتاح ؟؟
شبح الآلغاز
08/02/2007, 11:35 PM
شبح الالغاز

صح لسانك على هاللغز الممتاز

ورمعتي والله اعلم

مثل ماقال اخوي السنافي 1

السر اذا جاوز الاثنين شاع



الله يمسيك بالف خير وهاذي شهادة اعتز فيها لاكن مع الاسف مالك لواء
ابرق العزاف
08/02/2007, 11:42 PM
وش رايك بالتجوري
شبح الآلغاز
09/02/2007, 12:12 AM
المربث مالك لواء وشكراً على المرور
ابوسعود
16/02/2007, 01:08 AM
مااقول الى الله يبيض وجهك علي هاالغز بس مافيه احد قرب لانهمشغلني
اللندني
16/02/2007, 02:57 AM
السلام عليكم ... مدري تأخرت في المشاركه وحصلتوا حل للغز

في اعتقادي انه الغار والحصاة ..... والله اعلم
بحر بر
21/02/2007, 01:10 AM
ماهو الختم او الرقم السري
دايم البر
22/02/2007, 04:24 AM
اعتقد والله اعلم انه حامل مفتاح الكعبه الشرفه
طرقيه وحطابه
24/02/2007, 08:33 PM
السلام عليكم ورحمة اللة وبركاتة
عندي رمعة :الجدى










http://www.m5zn.com/uploads/2fdb81f56d.jpg (http://www.m5zn.com/)
راعي الشعل
24/02/2007, 09:28 PM
?????????????????????????
zs300400
25/02/2007, 05:52 PM
الحل هو الاحرام
ذيب الموشم
25/02/2007, 10:16 PM
قفت الباب والمفتاح
شبح الآلغاز
02/03/2007, 01:23 PM
مالكم لواء جميعاً وعذراً في التاخير في الرد لاني صار عندي ظروف
ويابوسعود بعض الاخوان قربوا من بعيد
طرقيه وحطابه
04/03/2007, 09:19 PM
السلام عليكم ورحمة اللة وبركاتة
رمعة : الجاده
حطاب ليل
04/03/2007, 10:36 PM
يعطيك العافيه وانا اقول يمكن الطريق البري او البحري
خالد777
05/03/2007, 12:10 AM
الله وأعلم يمكن الاحرام والتحلل والاشتراط عند الحابس
هاوي مقناص
05/03/2007, 12:49 AM
السلام عليكم ورحمة الله وبركاته .

مساك الله يالخير ياشبح الا الغاز

ولغز طيب

انا رمعتي اذان الصلاه

ودمت .

اخوك:

هاوي مقناص
0ناصر0
05/03/2007, 10:18 PM
الله أعلم إنه القفدل والمفتاح صح وإلا لا؟
بحر بر
06/03/2007, 10:04 PM
عرفته الشفره.. اقصد الرساله المشفره واذا تبون شرح اكثر قولو هاه وش رايك ياراعي اللغز
فاضل
06/03/2007, 10:28 PM
م

ش


ك

و

ر
ك ه ك 777
08/03/2007, 12:44 AM
السلام عليكم
رمعتي : الحرم (الحرم المكي والحرم النبوي)
الصيرمي
08/03/2007, 01:52 AM
صباح - مساء الخير جميعاً



الأخ / شبح الألغاز وش رايك بـ ( حديد الفرس )
الرفاعي
08/03/2007, 03:28 PM
هذه الرمعة الأولى / يمكن الفخ
شبح الآلغاز
09/03/2007, 01:16 PM
الله يمسيكم بالخير ويصبح من صبح بالخير

ولالكم لواء جميعاً وعذراً على التطويل في الردود لاني في هاذي الايام مشغول

مع تحيات اخوكم شبح الالغاز
الجزوم
09/03/2007, 02:12 PM
الشمع الاحمر

في القديم يسمى المهر
0ناصر0
09/03/2007, 06:57 PM
باب الكعبة والعلم عند الله.
شبح الآلغاز
10/03/2007, 01:13 PM
مالكم لواء جميعاً

(( توضيح))

ارجعو للقديم شوي وتراء جميع ابيات اللغز في الوصف تقيقه جداً:D :D
راعي زيزوم
10/03/2007, 01:28 PM
السلام عليكم ...
عندي رمعه وشرايك في معرفة الطرق باستخدام النجوم ... وشكرا
شبح الآلغاز
10/03/2007, 01:58 PM
وعليكم السلام

ولالك لواء
المتبدوي
10/03/2007, 02:09 PM
الله يسعد مساكم جميع

انا رمعتي (غار حراء).......

ودمتم بخير وعافية
بواردي الدلم
10/03/2007, 04:58 PM
الحل ان ماخاب ضني انه الخلفه اذا ماعطفت والعلم عند اللع
شبح الآلغاز
11/03/2007, 12:56 PM
مساكم الله بالخير جميعاً

ومالكم لواء
صياد الوعل
13/03/2007, 02:24 AM
سدنة باب الكعبه
الريفي
13/03/2007, 11:38 PM
جاك المرماع الجيد ( يمكن يكون الكنز تحت الارض )
راعي دهام
14/03/2007, 04:55 AM
لغز ماكل رماع يجيبه




بنشدك عن رجال لصك بابه


ماكل رجالٍ يجيه ويفكـــه
الا بطريقة واحداً قد درابه
ياللي تعرف الحل وش لون فكه
معروف من عصر النبي والصحابه
يوم السفر بين المدينه ومــــــكه
:D :D :D



الله يعطيك العافيه يالشبح ..


الله العالم انه (( المحّار )) اللي يستخرجون منه اللولو ..



تحيه طيبه .
..





.
راع الابل
14/03/2007, 08:58 AM
رمعتي ياشبح الالغاز ياكثر مركوبة

عليه الجلد ولا يشتكي من حكة
راع الابل
14/03/2007, 09:02 PM
الرمعة اللي ماوراها

رجالك المذكور يشكي من كروبة ......مقيد بالقيد وذاك الجلد حكة
عايش بالحبس في وسط جوبة ....... وان ظهر الضلع من باسة يدكة
اعور العين ماهي بالكذوبة ..... وان ظهر يسلب من العربان ضحكة

جواب غيري
عبدالله العمرو
14/03/2007, 09:57 PM
الرمعة اللي ماوراها





رجالك المذكور يشكي من كروبة ......مقيد بالقيد وذاك الجلد حكة
عايش بالحبس في وسط جوبة ....... وان ظهر الضلع من باسة يدكة
اعور العين ماهي بالكذوبة ..... وان ظهر يسلب من العربان ضحكة





================





لي عودة انخبصت والله ....
عبدالله العمرو
14/03/2007, 10:17 PM
لغز ماكل رماع يجيبه




بنشدك عن رجال لصك بابه

ماكل رجالٍ يجيه ويفكـــه
الا بطريقة واحداً قد درابه
ياللي تعرف الحل وش لون فكه
معروف من عصر النبي والصحابه
يوم السفر بين المدينه ومــــــكه
:D :D :D




=========================

يعطيك العافية وتسلم وصح لسانك ... لغز مليان الحقيقة ....

الحل (( لغزٍ )) فيه فكر وذرابة
.............. يضيع رمّاعه بعلمه وشكّه
لا خفى مفاتيحه وغيّر ثيابه
............. يصعب على اللي خبرته ما تفكه
=======================

أخوك / العمرود
عليم الظمى
15/03/2007, 08:54 AM
الدجال ،الدجال

الله يكفينا شره
الريفي
15/03/2007, 02:13 PM
وشرايك ما يكون حل الغز هو
الجــــــــــــــــــــــــــــــــــــــربـــــــ ــــــــــــــــوع
نديم طويق
15/03/2007, 02:16 PM
محاولة ....

الغار في القصة القديمة وينفتح بكلمة (( افتح يا سمسم ))

تحية
شبح الآلغاز
16/03/2007, 02:39 PM
لغزي المطروح مارماع جابه

منهو الي يفتح الباب ويصكه

شفت راعي الابل والعمرودلابه

وانطلق من بينهم مافيه شكه



:D :D :D :D :D
سلطان العوني
17/03/2007, 02:46 AM
اخوي شبح الالغاز مساك الله بالخير والمسره
رمعتب تقول والله اعلم
انه الضب وفمه اذا عظ اليدين او الرجلين ما تفكه الا بسكين والله العالم

وتقبل مروري
الهيلاوي1
17/03/2007, 03:40 AM
صح لسانك وعندي رمعه الجربوع تحياتي
الهيلاوي1
18/03/2007, 03:31 AM
الظاهر انه الجربوع
الهيلاوي1
19/03/2007, 03:25 PM
===الجربوع====
عبدالله العمرو
20/03/2007, 11:13 AM
((الطريق)) اليا اختلف راعي الذرابة
.................. حط كفّه فوق راسه ثم حكّة
الدليلة كنه يراجع حسابه
................. راكد التفكير بيدينه مفكّه

:)
راع الابل
20/03/2007, 11:40 AM
كفووووووووووووووووووووووووووووا يالعمروووووووووووووود وانا معك بالحواس الخمس وبكل ما تحملة الكلمة

تحياتي
وعليك باخو جوزاء لغة ابو الرنات تراه دوشني
شبح الآلغاز
22/03/2007, 12:32 AM
مساء الخير على الجميع كبير وصغير

((ومالكم لواء جميعاً دون استثناء))
ابرق العزاف
22/03/2007, 10:42 AM
شبح الالغاز


استلم الرمعه


هذاك الاحرام للعمره سعابه= بين الصفاء والمروه يدك دكه
راع الابل
22/03/2007, 12:31 PM
شبح الالغاز انشهد انه شبح .... تجينا افكار لغزة ساريه بالليل


كلن رمع بالحل وكلن شطح ... وما ينعرف منهو قريب بالحيل


وان ما رمعتة اطرني طرح .... انا راعيها ولا يهون كل الجيل



الضبعة تنصاد وتجعر سدح ... وتعلق للضيوف الكرام بحمابيل


في قديم الزمان والمنجرح ..... جوع وفقر ركاب البل والخيل


قلي تم وعطني شهادة مدح .... على الجواب وعطنا المواويل

(الضــــــــــــــــــــــــــــــــــبـعـــــــة)
راع الابل
24/03/2007, 06:50 PM
يقولون

من طول الغيبات جاب الغنايم
والا صاحب اللغز ما رد عليك

تحياتي
ابو دجانه
25/03/2007, 04:41 AM
لغز ماكل رماع يجيبه




بنشدك عن رجال لصك بابه

ماكل رجالٍ يجيه ويفكـــه
الا بطريقة واحداً قد درابه
ياللي تعرف الحل وش لون فكه
معروف من عصر النبي والصحابه
يوم السفر بين المدينه ومــــــكه
:D :D :D

السلام عليكم


اعتمد الحل وانا اخو منيره


الحل ((( القبر)))
الهيلاوي1
27/03/2007, 03:01 AM
خذ ذي-------------- القفل-----تحياتي
صقر الوشم
27/03/2007, 08:10 PM
شبح الالغاز مساك اللة بالخير .هو القران ,او الدين
راع الابل
27/03/2007, 08:19 PM
اخوي صقر الرجال حط اللغز والظاهر انه ما يعرف الجواب لحد الان

تحياتي
الوسمي2007
27/03/2007, 08:58 PM
وعليكم السلام ورحمة الله وبركاته


الله أعلم أنه.....( الحكم الشرعي ) أو ( الفتوى ) .


والله يعطيك الصحة والعافية...والجميع إن شاء الله
في آمان الله
صقر الوشم
28/03/2007, 04:28 PM
اخوي راع الابل اسعد الله مساك . لالالالالالامايسويها اعتقد انه قدها وقدود . وانشاء الله نحله. تحياتى
شبح الآلغاز
29/03/2007, 01:57 PM
الاخ راعي الابل الله يسامحك
مهوب شبح الالغاز الي يجيب لغز مايعرف حله لاكن انا كنت مشغول وناوي ارد عيك بقصيدة
على العموم صح السانك الحل فعلاً ((الضبع)) وليس الضبعه
لاكن مثل مايقول لافي ابن حمود
ان جات من طيب شقاها على الطيب++++ لونها اعوج من رقبة الذلولي
وان جات من مسكين منطق واساليب ++++حطيتها بين الثــــراء والنعولي
الجفالي
29/03/2007, 02:36 PM
العنكبوت تسكر على غار حراء
شبح الآلغاز
29/03/2007, 02:45 PM
اللغز انحل ياالجفالي
بحر بر
05/04/2007, 10:53 PM
اخيرا انحل

بس لوتكرم راعي اللغز يشرح وشلون الضبعه هي الحل ابغى افهم لان اللغز شغلني؟
ابرق العزاف
05/04/2007, 11:00 PM
وشلون الضبع حتى انا شغلنى معروف ان الضبع يدخل جحره

ويدخل عليه الصياد ويربطه بحبل ويطلع وبعدين يجره
لبرا ويقتلونه ومعروف ان جحر الظبع طبيعى ماينصك

ممكن شرح ياراعي اللغز 0000000
شبح الآلغاز
10/04/2007, 07:14 PM
شرح اللغز
اللغز هو فك الضبع وليس جحره يعني فمه اذا مات اوذبحته ولم تضع بين فكيه عصى لاتستطيع ان تفتح فمه بعد موته الاءبطريقه اذا لم تكن تعرفها من قبل صعبه جداً وهي
بقدرة الله عز وجل فيه عضم في موخرت الراس اذا ضغطت عليها بقوه انفت فم الضبع
وهذاء شرح اللغز ونتقبل نقدكم بصدر رحب
اخوكم (((الشبح )))
ظافر
11/04/2007, 12:37 AM
أخوي شبح الألغاز مرماعي للغزك هو(البريد)
ظافر
11/04/2007, 12:44 AM
شرح اللغز




اللغز هو فك الضبع وليس جحره يعني فمه اذا مات اوذبحته ولم تضع بين فكيه عصى لاتستطيع ان تفتح فمه بعد موته الاءبطريقه اذا لم تكن تعرفها من قبل صعبه جداً وهي
بقدرة الله عز وجل فيه عضم في موخرت الراس اذا ضغطت عليها بقوه انفت فم الضبع
وهذاء شرح اللغز ونتقبل نقدكم بصدر رحب
اخوكم (((الشبح ))
لاأوافقك ياأخي على هذا الحل لانه ليس معلوم للكثير من الناس