عندي بكب فورويل هايلكس 2010

[جزيرة الذهب]

انا عندي بكب فورويل
2010
مشكلتها نفضه في مكينه
شليتها للفحص بالكميوتر
فحصها
طلعت مشكله حساس الهواء
رحت شريت مستعمل
وركبته بنفسي
ومشت الامور طبيعي بس
بعدها تسوي نفضه بعد فترات
بس مش نفس نفضه السابقه

[hassan-55]

ياليتك قبل ما اشتريت الحساس جربت تنظفه ممكن انه مغبر
وفلتر الهواء كيف وضعه
في أشياء ممكن تحتاج تنظيف
البوابه-حساس الدعسه -البخاخات
واشياء ممكن تسبب تنتيع ونفضه
الكويلات او جلدها ان كان به شق حتى لو كان شعر بسيط
أيضا خرطوش الهواء ان كان به شق بسيط او ماهو مشدود
او العلبه نفسها لو كانت ماهي مقفله مضبوط
وفي أشياء ان كانت قديمه جداً تحتاج تغييرها وهي فلتر البنزين
وممكن البواجي تحتاج تغيير مع اني حاس انه بيجي احد يقول ماله علاقه لكن انا مجرب ومتأكد من كلامي و خبرتي المتواضعه

ترى كل ماذكرت اجتهاد مني و بعضه ممكن ماله علاقه لكن من باب الصيانه
انت كما ذكرت انه يوم غيرت الحساس ضبطت نوعاً ما
حاول تشيك مره أخرى على العلبه والخرطوش ان كان بهن تنسيم او ماهن راكبات مضبوط
وتأكد من تركيب الحساس مضبوط وافحصه ان كان يحتاج تنظيف
وكما ذكرت بالسابق فلتر الهواء ان كان قديم غيره او انفخه بالهواء ان كان لك فتره قريبه من غيرته

واعتذر عن الاطاله