ابي افضل بخاخ لحماية واجهة السياره من الرمل..عاجلا لو تكرمتوا؟؟؟

[القشيعين]

السلام عليكم

مساكم/صبحكم الله بالخير

وش افضل بخاخ رش على واجهيت السيارة لحمايتها من الرمل

جربت اللي بمحلات الزينه اللي سعرها15 ريال زي الطين الصراحة اي كلام

ويطير مع الهواء ويلعب بالبويه


وفيه بعض المحلات يبيعون بخاخ شفاف هل هو فعال ام لا؟؟؟؟

تحياتي لكم

[ssas1919]

فيه الفيري بعضهم ما يمدحونه يقولون يعدم البويه بس احسه هو اللي ينفع
ولا تنسى تغسل الوجهية أول ما تاصل بالسلامة

[بدر دبي111]

افضل من فيري مافي بعد تجربه لا كل انواع التغبيره

[ابو نايوفيتش]

انا حاط درايف 7

والحمد لله ماسكة ولا شايل هم اي خط ، كل 6 شهور تلميع وعش ملك

[المميـز]

افضل حل هو البرقع جلد امريكي اصلي وانسى الترميل ان شاء الله

[الرحال2222]

البرقع حلو مشكلته بالفك والتركيب ومزاج بعض المرور ممكن يوقفونك علية
عني سويت حماية عند جيوشيلد من اول ما طلعت السياره لها اربع سنوات وضمانها مدى الحياة وعندهم تلميعها مجاني وتحفظ كل شي الواجهة مع الشمعات ولاهي باينة ممتازة وتستاهل كل ريال

[الصيادالمليح]

حاليا فلم الحماية الشفاف هو افضل شيء

ولكن استخدم الملمع الخفيف امسحها على وجهية السيارة في حالة السفر و امسحها عند الوصول منها حماية ومنها تلميع

[رمال النفود]

انا استخدمت البخاخ الشفاف .. صراحة اعدم واجة السيارة لا انصحك به واهرب منه.
الصدام تغيير وتقشجعت واجته وشبك اليارة الامامي مثله .. دمر واجهت السيارة.

[abutalal200]

تبون الشور بسيط وجدا مريح .. ولا يكلفك شيء انت ما راح تحتاجه إلا وقت السفر بس
روح لأقرب مكتبه وخذ لك تجليد حق كتب عادي بس لا تاخذ اللي قوي فيه نوع شفاف يجيك خفيف الغراء اللي عليه حطه على السياره واول ما توصل شيله بتقولون يأثر على النور بالعكس الغرا خفيف ومع الحراره ما يمسك ولا يتغير لونه المساله مساله مشوار واحد سفر يعني يوم او يومين لا تنسى فكه اول ما توصل .. ومن غير وجع راس ولا شيء بس الله يعينك على الوزنيات والقص واللزق بس ما عليك هي اول مره وبعدين تصير محترف ما تاخذ معك دقايق