لحم الطشت من الالف الي الياء ,,,,,,,,,,,,,,

[كشته 111]

باسم الله الرحمن الرحيم ,,,
الموضوع منقول من هشام في موقع المسافرون العرب ,, مع الاعتذار لهشومي ,,,


طيور البر من ذكور وإناث
السلام عليكم ورحمة الله وبركاتة

هذا العيد كما هي الأعياد نتعيد بديرتنا الرس ...
بهالعيد استأجرنا مخيم يبعد عن الرس 15كم وهالمنطقة تسمى بالقشيعين للي مايعرفها هالقشيعين عبارة عن جبلين واحد يسمى القشيع الأيسر والآخر يقالة القشيع الأيمن ...
بينهم طريق الجنوب اللي يودي للدوادمي وعفيف وهو طريق مكة القديم ....
الأرض جافة ومافيها زود لكن قربها هو اللي خلانا نستأجر فيه خصوصاً بهالبرد اللي جانا ولايخلي البزارين يتأخرون بالمخيم وحدهم 9 بالليل وبعده يالله يالدفا وينه ....


من خلال هالطلعة وعدة الأهل اني اسويلهم عشوة وهي الغدوة " غشا " وطريقة اول مره تمر عليهم وقلت برضه لزوم اهلي بالعرب المسافرون اشركهم بهالغشوه ...
راح اقدملكم طبق اليوم والمسمى " لحم الطشت " ...
الطشت معروف أنه يستخدم لغسل الملابس منذ مبطي وإلى الحين فيه ناس يستعملونه لأنه يغسل ولا يخرب الملابس وأنا أولهم http://www.travel4arab.com/vb/images/smilies/24.gif
ومن المعروف بأن الطشت من البلاستيك ولكن اللي اقصدة هنا هو طشت المعدن ...

له مقاسات يبتدي من 1 إلى 5 واللي انا بستخدمة هو مقاس 2 ...
راح اشرح الطريقة بالصور تزوداً بالمعرفة ...

اول شي ودنا بحفرة بشكل دائري تناسب كمية اللحم ومقاس الطشت طبعاً كل شيء تقديري وبالنظر واهم شي ماتكون الحفرة اصغر من الطشت ....
ولو صارت اكبر مهنا مشكلة نقدر نلم الجمر بعدين لين يتناسب مع الطشت ...

http://www.334433.net/hesham/Ar'rrass/Arrass003.jpg

http://www.334433.net/hesham/Ar'rrass/Arrass004.jpg

http://www.334433.net/hesham/Ar'rrass/Arrass005.jpg

زبطنا الحفرة وجهزناها ولازم تكون قعيرة شوي يعني بعمق نص اليد ...
حطينا عودان الرميثات نبي النار تلهلب بسرعة ....

http://www.334433.net/hesham/Ar'rrass/Arrass006.jpg

وحطينا عليها كم جرمة سمرة وكله تقديري بس كل ماكان الحطب اكثر كل ماكان جمرنا اكثر ومنها اراح يصير طعم اللحم انضج واسرع بالنضوج ....

http://www.334433.net/hesham/Ar'rrass/Arrass007.jpg


والي الجزئ الثاني ,,

وسلامتكم والسلام عليكم ,,,

[كشته 111]

هلا با الربع الي الجزئ الثاني ,,,




http://www.334433.net/hesham/Ar'rrass/Arrass008.jpg

لزوم نستغل النار حطينا عليها بريق التفويح وبريق شاهي حسايف هالنار والله ....

http://www.334433.net/hesham/Ar'rrass/Arrass009.jpg

سن السكينة ساولد لو على بلكة http://www.travel4arab.com/vb/images/smilies/smile.gif ...

http://www.334433.net/hesham/Ar'rrass/Arrass001.jpg

قطع لحمك قطع صغيرة كبر الكف ولو حصل نسويها مثل الستيكات فهو شي احسن ...
لاتنسون الضلوع لزوم العرمشة http://www.travel4arab.com/vb/images/smilies/11ight.gif ....


قطعنا اللحم وبعد ما قطعناة نقوم ونملحه حسب التقدير بكمية الملح وكل على هواه ...
مارغبنا بالبهارات واللي وده ببهارات يحط وحسب ماتشتهي لحمك وش تبيها من طعم ....
بعد ماتملحها ياليت انكم تنشرونها للهواء علشان تجف من الخارج ولو تخلونها ساعه ولا أكثر مايضر ...
كان ودي اني مصورها بس المصور حقنا توه يتعلم التصوير ففوت هالنقطه وانا بعد ما نبهته ...

جمرة نارنا ويازين جمرها وتجهزت للشغل الحامي ....

http://www.334433.net/hesham/Ar'rrass/Arrass010.jpg

http://www.334433.net/hesham/Ar'rrass/Arrass011.jpg

قربنا لحمنا ورتبناها على مساحة النار ..



والي لقاء قريب ,,,,

[كشته 111]

الجزئ الثالث ,,,,


طبعاً نصف اللحم على الجمر على طول بدون مانحط شي بينهم ...

http://www.334433.net/hesham/Ar'rrass/Arrass013.jpg

http://www.334433.net/hesham/Ar'rrass/Arrass014.jpg








خل شغلك سريع صُف اللحمة بسرعة وعلى طول حط الطشت عليها .. سكر على النار واللحم ...

http://www.334433.net/hesham/Ar'rrass/Arrass015.jpg

ثم قم وبسرعة ودفنها بالتراب ....

http://www.334433.net/hesham/Ar'rrass/Arrass016.jpg

بعد ماتدفنها جبلك جرمتين من الحطب وحطها فوق الطشت ...

http://www.334433.net/hesham/Ar'rrass/Arrass017.jpg

http://www.334433.net/hesham/Ar'rrass/Arrass019.jpg

وقت ساعك على حسب اللحمة ...
اذا هي لحمة تيس وجمرك كثير فخلها اقل من ساعه ..
واذا هي لحمة نعيمي ولا هرفي حسب حجم الذبيحة فزد عليها نص او ساعة ...
احنا خليناها ساعتين بالضبط ....
اعرف ان لحمك ماراح يحترق بإذن الله بس مانبيها تذوب ولا نبي الجمر يطفى وتروح حرارتة ولا ينضج اللحم ...

الي الجزئ الرابع ,,,,

[كشته 111]

الجزئ الرابع ,,,





وقتنا ساعتنا وقلنا خل نستمتع بالبر ومع هالشباب نطقطق معهم بالدبابات < يعيب الشوم عليك ياهشام هذا كبرك ودباب http://www.travel4arab.com/vb/images/smilies/108.gif

http://www.334433.net/hesham/Ar'rrass/Arrass020.jpg

واللي حاب يطير معهم حياه الله الربع ساعة بـ 150ريال ...

http://www.334433.net/hesham/Ar'rrass/Arrass023.jpg



اخذنا ساعة ونص بالفرفرة قلنا يالله رجعنا لخيامنا نبي نشوف وش صار على الغشا ...
شلنا الكسرتين عن الطشت وابعدنا التراب من جوانبه لزوم نبعد التراب عن اللحم بعد مانرفع الطشت ...
هذانا رفعنا الطشت وصار اللحم مثل مانتم شايفين ...

http://www.334433.net/hesham/Ar'rrass/Arrass024.jpg

http://www.334433.net/hesham/Ar'rrass/Arrass025.jpg

http://www.334433.net/hesham/Ar'rrass/Arrass026.jpg

الي الخامس ,,,,

[كشته 111]

الجزئ الخامس والاخير ,,,,


وانتم تشيلون اللحم حاولو انكم تزيحون الجمر اللي لاصق به وقرب الصفرية او القدر ...

http://www.334433.net/hesham/Ar'rrass/Arrass027.jpg

اللحم محمر ولو صار لحم تيس بيكون مثل البسكوت الذ منه مافيه ...

http://www.334433.net/hesham/Ar'rrass/Arrass029.jpg

http://www.334433.net/hesham/Ar'rrass/Arrass030.jpg

http://www.334433.net/hesham/Ar'rrass/Arrass031.jpg

http://www.334433.net/hesham/Ar'rrass/Arrass032.jpg

رزيزة بيضاء ولو حصل مراهيف بتقول وانت وتآكل << يم يمييييييييييي

http://www.334433.net/hesham/Ar'rrass/Arrass033.jpg

تفضلو حياكم الله على قل الكلافة وسامحونا على القصور يالربع ....

http://www.334433.net/hesham/Ar'rrass/Arrass034.jpg



وسلامتكم والسلام عليكم ,,,

[أبو المثنى]

ما شاء الله
مشكور على هالنقل الرائع
بإذن الله نبي نطبق الحركة ونشوف وش يصير

[كشته 111]

مشكور ابو المثني علي الحضور المميز ,,,

[الغزال الشارد]

مشكور ويعطيك الف الف الف العافية على هذا الموضوع صراحة ترتيب طيب بالهناء والعافية مشكور اخوي كشتة 111

[ابوفيصل200]

الله يعطيك العافيه على هالموضوع الجميل الصراحة ان الشرح واااااااااااااااااااااااااضح مره مره

[ابوفيصل200]

الله يعطيك العافية على هالموضوع الجميل الصراحة ان الشرح وااااااااااااااااضح مره مره :good: :good:

[ابو درع]

شغلك عدل وبجربها باسرع وقت باذ الله


يعطيك العافية وبالهنيوالعافية

[الكهف1]

مشكور
وبالعافية

[sal7]

أنت :good:

الله يعطيك العافيه