عندي مشكله بالصيد وابي استشيركم

[ا ابو روان ا]

السلام عليكم ورحمة الله

انا دايم اصيد سمك بكورنيش الخبر والهافمون من على السيف (الشاطئ الرملي)
بس ما اصيد سمك كبير وان صدت صغير يكون العدد مايتعدي 4 😕😕

سنارتتي طولها 4.2
والخيط 45 شفاف
والثقل 2
والميدار صغير مقاس 4 وأحياناً 6

طريقه ربطي لهم..
الميدار الاول بعدين 20سم بعدين الميدار الثاني بعدين 30سم بعدين الثقل.
الخيط اللي فيه الميدار طوله 10سم.
جربت الطعم الخثاق وحبات الذره.

احس بنتق او دق السمك بس اذا سحبت يرجع الخيط بدون طعم 😕😕😕😕
احس اني لارحت اصيد اروح أوكل السمك وارجع...
وش المشكله عندي؟؟

[ا ابو روان ا]

http://store6.up-00.com/2017-05/149407818236241.jpg

[ا ابو روان ا]

وينكم يا محترفين وخبراء... نحتاج خبراتكم وان شاء الله الفايده لي وللجميع

[ا ابو روان ا]

افاااااااا.... وين الناس

[أبوحافظ]

عليكم السلام

اخوي الكل يعاني من صيد الشاطي ماصار زي أول

الصيد ضعيف جدا جدا عدا مواسم الصيد يمكن يتحسن الصيد نوعا ما

الصيد غالبا يكون طيب بعد توفيق الله في الأماكن اللي يمنع دخول الناس فيها مثل محطات التحليه و المواني غيرها وتحتاج الى واسطه للدخول فيها
لكن ما انصحك فيه هو ارسال الطعم لابعد مسافة ممكنه

عن طريق توصيل الطعم الى داخل البحر مسافة بعيده لا تقل عن 200 متر وعندك طرق كثيره
بالفلين او كيس زباله اذا كان الهواء متجه الى البحر
او قارب ريموت كنترول

لما تستخدم هذي الطريقة زود عدد السنارات الى 4
حتى تزيد فرص الصيد

استخدم القصبه في الارسال

والخيط اللي فيه السنارات يفضل وضع مقاس 0.50 او 0.60 و توصله مع الخيط الاساسي بواسطه المدور

الطعم احرص ان يكون طازج

لابد من التنويع في الطعم عشان تعرف الطعم المفضل لاسماك المنطقة

جرب الروبيان و الحبار و الميد والسلس والمنشوس

جرب انك توصل الطعم باكثر من قصبه صيد

استخدم هذي الطريقة في وقت المساء

هذي الطريقة نستخدمها باستمرار و تجيب نتايج طيبه جدا

الاهم استفيد من اهل الخبره في هذي المجال و تلقاهم بالشاطي حاول تتعرف عليهم وتستفيد منهم قدر المستطاع

الخبره و وفره الصيد ما راح تجيك الا بعد توفيق الله اولا ثم اكتساب الخبره مع السنوات و تقدر تختصر هذي السنوات بالتعلم من اهل الخبره

شوف هذا المقطع شرحت الطريقة اللي ذكرتها لك وراح تفيدك و ملاحظ كثير من المنطقةالشرقيه يستخدمونها بالصيد و نتائجها ممتازه خصوصا مع الهوامير و الكناعد لكن تستخدم المصفر(السيم) و طعم يكون كبير

https://youtu.be/Ju7Om5t--Hw

نقطه اخيره :

ملاحظ انك مستعجل في ان احد يرد عليك و دام ماعندك صبر بتطفش من الصيد


والله يرزقك من واسع فضله

[DevDas]

يعطيكم العافيه وموفقين ان شاء الله بالصيد الطيب
أبو حافظ شكرا عالمعلومات الممتازه

انا مثلا الأخ أبو روان مبتدأ في الصيد وهذا انا اجرب جميع الطرق واتعلم
ولما التقي مع احد عالشاطئ نسولف معاه وناخذ خبرته وتجاربه
والحمد لله توفقت وطلعت بصيد طيب أكثر من مره
وكل ويكند اطلع لي يوم لمكان جديد وابتدأت في كورنيش دارين وباقي الاماكن في القطيف
الصيد ممتاز هالفتره بربيان او قباقب صغيره نصيد شعم حجم طيب بدون سناره سماري عالسيف
وبزمرور صدنا سبيطي حجم 3 كيلو بسنارة طول 4.5 متر

فحاول تجرب وتغير وتصير

موفق

[ا ابو روان ا]

ابو حافظ
الله يعطيك العافيه على ردك الكافي والوافي.. اسهبت في الرد وشكرا لوقتك على هالمداخله الجميله
طبعاً انا اصيد من اكثر من سنتين لكن ماعمري استخدمت الروبيان دايم استخدم الحبار وفي الفتره الاخيره جالس اجرب الصيد بالذره
وبصدور الدجاج..... لكن يبدو ان ضالتي هي الروبيان...
الطلعه الجايه راح اختار توقيت المد أو السقي.. واخذ روبيان ونتوكل على الله


اخوي ديفاس.. شكرا للمداخله. والإضافة المفيدة.... خلينا يوم نجرب الصيد بالجبيل
انا دايم اروح دارين اصيد هناك على السيف

[jwan]

اخوي جرب تحط. ميدار. رقم ١٠ واذا حصلت سردين. صغير يكون افضل في الصيد ممكن الاسماك الي تأكل. الطعم فمها صغير

[الصيادالمليح]

بالنسبة لطريقتك في الصيد فهي مناسبة للمبتدئين وعليك دخول عالم التمرس و الخبرة

عليك أولا بتغيير طرق الصيد و التنوع في اختيار الطعوم

- جرب الطعوم الصناعية
- استخدم العجين المخلوط ببقايا السمك بعد القلي ( استخدم بقايا السمك المقلي أو المشوي و أخلطه في خلاط حتى يتفتت ثم أخلطه مع العجين ليكون طعم للسمك ) وهذه طريقة ممتازة للاستفادة من بقايا الطعام بدلا من رميه في الزبالة اكرمكم الله
- جرب اماكن مختلفة و اختر المناطق البعيدة عن العمران
- اذا لاحظت أن الطعم يختفي فمعناه أن السمك المتواجد صغير الحجم فغير حجم الخطاف للأصغر
- إذا اصطدت سمك صغير فاستخدمه كطعم حي لصيد سمك أكبر فأحيانا تتواجد أسماك تأكل الطعوم الحية فقط

و اتمنى أنني أفدتك أكثر

[ا ابو روان ا]

اليوم كسرت حاجز مهم بالنسبه لي... وهو صيد الهامور
طبعاً وبكل أمانة مو كبير... وزنه حول 400قرام.. بس اهم شي اني صدته...

بكورنيش الجبيل الصناعية

[الصيادالمليح]

اليوم كسرت حاجز مهم بالنسبه لي... وهو صيد الهامور
طبعاً وبكل أمانة مو كبير... وزنه حول 400قرام.. بس اهم شي اني صدته...

بكورنيش الجبيل الصناعية

وين الصور الجميلة ؟؟ وفالك الاحجام الكبيرة إن شاء الله

وعادة إذا صدت مثل هذا الحجم أصوره و أرجعه للبحر و أقول له ثاني مرة جيب أبوك أو أحد اعمامك أو أخوالك

[ا ابو روان ا]

والله ماصورته يالغالي.. كنت متأمل امه تدوره واصيدها ثم اصووها.. يوم ماطلعت الا فيه ماتحمست اصور.. واليوم الثاني طب الزيت وانسدح فوق الرز ههههههه

[ا ابو روان ا]

مشكلتي ماحبيت الروبيان.. مايمسك بالميدار... احب اصيد بالحبار (الخثاق)

[accentkool]

الصيد الفترة هذي جدا ضعيف

[ا ابو روان ا]

الصيد الفترة هذي جدا ضعيف

متى افضل الاوقات برأيك

[Tracer]

صبحكم الله بالخير جميعاً
المهم عندك بالدرجة الاولى إختيار المكان المناسب للصيد .
ومن كلامك ان الأماكن اللي تروح لها كلها قرقفان وهذا نسميه قارض ما يخلي الطعم على طول ينتفه لك
ويبي لك مثل ما قالو الأخوان تنوع في الطعم ومكن تستخدم الإرساليات وبإذن الله بتعين خير
وتقدر تتواصل مع اخونا بسام يضيفك في القروب وتستفيد من تجارب الشباب وتطلع معهم كم طلعه وبالك الصيد الطيب بإذن الله
أبو نواف

[سافيلو]

السلام عليكم ورحمة الله وبركاته

ابو روان
جرب اكتشافي مع الجهد الجهيد

الطريقه الي بالصورة خطاء ماتنفع لبحرنا ابد الصح انك تعكس

الخيط لازم يكون قطعتين كيف اقولك

اقطع لك خيط تقريبا 80 سم بعدين ركب الميدار او سنار في بدايه الخيط حلو كيفك تركب ثنين مافيه مشكله بس مو بعيد مره عشره سم بين كل ميدار حلو
بعدين الخيط الاساسي الي جاي من سنارتك ركب فيه ثقل دائري مثقوب وبعدين مدور وبعد المدور ركب الخيط الي سويته فوق يكون الميدار اول شي
بعدين مسافه 50 سم او 40 سم الى المدور
ملاحظة الثقل بكون عندك متحرك غير ثابت بس يمسكه المدور

ليش انا اقولك لانه بحرنا فيه سمكه الشعوم وليس الغرغفان
هذي السمكه تجي باحجام حلوه تسحب على خفيف وتحب تمشي الطعم شوي اذا شفت الخيط بداء يسحب بسرعة انت شد بسرعة
بتعلق معاك
وانت رامي الخيط اسحب الخيط بشويش واذا نقد خله يااخد الخيط شوي واذا سرع اسحب عليه اهبده
كذا تصيد

نصيحه من مجرب بعد

حداق بجله خيط بس بدون سنارة افضل
تحس بالسمكه اكثر
بعدين اكثر السمك الي عندنا مو بعيد مسافه لانه يجي ياكل في لصخور والسمكه مستحيل تكون عايشة على السيف
السمكه تتحرك تروح وتجي مع المايه يعني تمشي غير ثابته

وشكرا