انشدك عن عذرا خذت دور رجال..الحل:قير الدبل و دقمة الدبل...حله:يمكن شاعر

[راعي الجيب2]

السلام عليكم ورحمة الله وبركاته

اسعد الله صباحكم ...

انشدك عن عذرا خذت دور رجال \\\ الشكــل غـيــر الشكـل والـفـعــل فعـله

عن موقع الرجال حِطّت على جال \\\ كم ضايق ( ن ) وقت المنافع رجـعـله

الرجـل باقـي فـي لزومـة ولا زال \\\ وإن احضرت غاب الرجل ما خضعله


الرجل مر اجيال واجيال و اجيال \\\ وهــذي زمــانـــه تــو زان وشـرعــلـه
اخوكم \ ابو محمد

[الدمرجي]

صح لسانك يابومحمد ع اللغز الجزل

وشرايك


فرشاة الاسنان والمسواك

[ابو ماجد 2]

صح لسانك يابو محمد
ابداع . طرب . امتاع
محاوله
البنك
والبنت الصرافه
والصرافه بالغالب على جال الطريق
واذا حصل اشكاليه بالصرافه تراجع البنك

[راعي الجيب2]

صح لسانك يابومحمد ع اللغز الجزل

وشرايك


فرشاة الاسنان والمسواك
صح الله بدنك ابومروان
رمعة طيبة لاكن للاسف ما صابت المطلوب

[راعي الجيب2]

صح لسانك يابو محمد
ابداع . طرب . امتاع
محاوله
البنك
والبنت الصرافه
والصرافه بالغالب على جال الطريق
واذا حصل اشكاليه بالصرافه تراجع البنك
صح الله بدنك ابو ماجد اسعدنا فوق اطلالتكم مع اخوي ابو مروان الكلام الطيب عسى الله يحفظكم
رمعاتكم تنم عن ذكاء ما شاء الله ولاكن المطلوب لايمكن ان تجتمع العذرا مع الرجل بمكان واحد بل مستحيل

[يمكن شاعر]

عليكم السلام
صباح الخير يابومحمد
صح لسانك ملاييين ي غالي لاهنت
محاوله
بصمه الجوال اخذت مكان رمز الدخول السري

[راعي الجيب2]

عليكم السلام
صباح الخير يابومحمد
صح لسانك ملاييين ي غالي لاهنت
محاوله
بصمه الجوال اخذت مكان رمز الدخول السري
صح الله بدنك ابو مريم عسى الله يسعد صباحك بكل خير
رمعة طيبة لاكن للاسف ما صابت المطلوب والبنت لا تنسى على جال بعيدة عن موقع الرجال والمكان لايحتمل الاثنين اما العذرا او الرجل

[يمكن شاعر]

طيب ي غالي
حلقه المعده
وبالون المعده
وكلهن عملهم التنحيف والضعف
مايجتمعن مكان واحد اما الحلقه او البالون
كم ضايق رجعله ممكن مقصدك السمين بالجسم يرجع للامور هاذي علشان يضعف بسرعه

[راعي الجيب2]

طيب ي غالي
حلقه المعده
وبالون المعده
وكلهن عملهم التنحيف والضعف
مايجتمعن مكان واحد اما الحلقه او البالون
كم ضايق رجعله ممكن مقصدك السمين بالجسم يرجع للامور هاذي علشان يضعف بسرعه
مالك لوا يابو مريم

[ابو ماجد 2]

طيب يالغالي
كمرة ساهر
اخذت دور رادار السرعه

[راعي الجيب2]

طيب يالغالي
كمرة ساهر
اخذت دور رادار السرعه

مالك لوا يالعود

[راعي الجيب2]

اسمحولنا بأضافة بيت لمحاصرة اللغز اكثر

انشدك عن عذرا خذت دور رجال \\\ الشكــل غـيــر الشكـل والـفـعــل فعـله

عن موقع الرجال حِطّت على جال \\\ كم ضايق ( ن ) وقت المنافع رجـعـله

الرجـل باقـي فـي لزومـة ولا زال \\\ وإن احضرت غاب الرجل ما خضعله

الرجل مر اجيال واجيال و اجيال \\\ وهــذي زمــانـــه تــو زان وشـرعــلـه

[راع الحزم]

صح لسانك يالغالي
وش رايك بالزير والبرادة
او البصمة ودفتر التوقيع

[راعي الجيب2]

صح لسانك يالغالي
وش رايك بالزير والبرادة
او البصمة ودفتر التوقيع
صح الله بدنك يالغالي نورت الصفحة
وللاسف الجواب غير صحيح

[ابو ماجد 2]

طيب يالغالي
النجر والطاحونه

[قوافي ( أم نهار )]

وعليكم السلام ورحمة الله وبركاته
صح لسانك لغز طيب
تمت اظافة البيت المضاف للغز الاصل
جزيل الشكر
تحياتي وتقديري واحترامي

[راعي الجيب2]

طيب يالغالي
النجر والطاحونه
يا هلا ومسهلا ابو ماجد
والرمعه مالك لوا النجر والطاحونة رمعه طيبة لاكن ما يوجد خلاف بتجمعهن بكبت او مكان واحد والمطلوب ان المكان له رجال او عذرا اخذت دوره فقط ولا يجتمعون بنفس المكان

[راعي الجيب2]

وعليكم السلام ورحمة الله وبركاته
صح لسانك لغز طيب
تمت اظافة البيت المضاف للغز الاصل
جزيل الشكر
تحياتي وتقديري واحترامي

صح الله بدنك ومشكوووره على التعديل الله يحفظك

[راع الحزم]

طيب ياطيب
الريال وشبكة الصرف
نسميها شبكة مدري له اسم غير اولا

[راعي الجيب2]

طيب ياطيب
الريال وشبكة الصرف
نسميها شبكة مدري له اسم غير اولا
مالك لوا يالغالي

[يمكن شاعر]

طيب ي غالي
صدر الام هو الرجل مر اجيال واجيال
والحين البنت
الرضاعه الصناعيه

[يمكن شاعر]

اخيرن اشتغلت عندي ايقونة اللون خخخخخ

[الدمرجي]

طيب ياغالي

حضانة الاطفال اخذت دور حضن الام

[راع الحزم]

طيب ياطيب
القديم والجديد واجد
بس الميزة في اللغز كلمة (وقت المنافع)
وش رايك بالحطب والاسطوانة

[راعي الجيب2]

طيب ي غالي
صدر الام هو الرجل مر اجيال واجيال
والحين البنت
الرضاعه الصناعيه
مالك لوا ابو مريم ومبروك اللون الجديد

[راعي الجيب2]

طيب ياغالي

حضانة الاطفال اخذت دور حضن الام
مالك لوا ابو مروان

[راعي الجيب2]

طيب ياطيب
القديم والجديد واجد
بس الميزة في اللغز كلمة (وقت المنافع)
وش رايك بالحطب والاسطوانة
نعم اخوي وقت المنافع او بالاصح وقت الحاجة عند النكبات الله يبعدنا عن النكبات
كثيرة الرمعات اللي حول المطلوب بس تختلف جزئيات بسيطة والمطلوب معروف للجميع فقط انتم لا تباعدون عن اسم معرفي وما ورى التقريب الا السدحة

[يمكن شاعر]

القلص هو الرجل اللي مر اجيال واجيال
حبل ويسحبون السياره
والحين بالسيارات الجديده
بكرة الونش من اتشغلها تسحب السياره

[يمكن شاعر]

مالك لوا ابو مريم ومبروك اللون الجديد
خخخخخخخخ تسلم يابومحمد
الحين الواحد يقدر يكشخ بالالوان خخخخ

[راعي الجيب2]

القلص هو الرجل اللي مر اجيال واجيال
حبل ويسحبون السياره
والحين بالسيارات الجديده
بكرة الونش من اتشغلها تسحب السياره

اقتربت يالداهية
وعندي مشكله المنتدى من الظهر ما يفتح معاي مدري احد مثلي او من النت مع ان المواقع الاخرى تفتح

[راعي الجيب2]

خخخخخخخخ تسلم يابومحمد
الحين الواحد يقدر يكشخ بالالوان خخخخ


الله امحليك بجميع الالوان وبهالمناسبة ابسندلك لغز يطبخ على نار هادية ولاستوى بكتبه

[يمكن شاعر]

الله امحليك بجميع الالوان وبهالمناسبة ابسندلك لغز يطبخ على نار هادية ولاستوى بكتبه

لاهنت يابومحمد الله يرفع قدرك
جزاك الله خير ي غالي


والمنتدى صحيح معلق من الضهر

[يمكن شاعر]

طيب ي غالي
قير الدبل هو الرجل
والبنت دقمه الدبل
الحين بعض السيارات الجديد الدبل عباره عن دقمه والسيارات اللي فيها دبل الدقمه مايجي فيها القير
واثنينهم عملهم واحد ومايجتمعون في سياره وحده

[راعي الجيب2]

طيب ي غالي
قير الدبل هو الرجل
والبنت دقمه الدبل
الحين بعض السيارات الجديد الدبل عباره عن دقمه والسيارات اللي فيها دبل الدقمه مايجي فيها القير
واثنينهم عملهم واحد ومايجتمعون في سياره وحده

وصلت خير فعلا قير الدبل ودقمة الدبل بأغلب السيارات الحديثة ومية كفو الله لا يضرك

[يمكن شاعر]

وصلت خير فعلا قير الدبل ودقمة الدبل بأغلب السيارات الحديثة ومية كفو الله لا يضرك


لاهنت يابومحمد لو ماوضحت مانحل
كفوك الطيب ي غالي
وصح لسانك ملاييين على اللغز الجزل