راعي الصقلاوي
13/05/2017, 06:46 PM
مسيكم بالخير الجميع .
في فترة عزوبيتي قبل زواجي بحوالي سنه وشوي قررت اطلع للقنيص جهزت نفسي وحصاني قبل اطلع من البيت .
اكلت شيء من الفاكهه وما غسلتها زين وطلعت مشواري وصلت مكان فيه ارانب وقفت تحت شجرة خروب كبيره .
شفت ارنب صوبت عليه وقبل اطلق الرصاصه حسيت بوجع ومغص شديد في بطني وصارت الدنيا تتماوج قدام عيوني .
وشعرت اني بحاجه استفرغ حطيت اصابعي في فمي فاستفرغت وانتم بكرامه وصابني صداع قوي وما عادت ارجولي تحملني .
وقعت البندقيه من يدي وانطلقت الرصاصه تممدت على الارض واخر شيء اذكره حصاني كان يتشمم وجهي .
حين صحيت على نفسي ناظرت حولي اذا انا في خيمه وكان الهدوء يسود المنطقه قمت من فراشي شفت مجندي وبندقيتي معلق في واسط البيت .
وحصاني مربوط على بعد حوالي 8 امتار من الخيمه .
ناديت : ياهل البيت يالربع . كررت الامر حوالي 3 مرات .
ما في احد رد علي طلعت من الخيمه وتوجهت لحصاني حين شافني صار يصهل وصلته تحسست وجهه وطبعت على جبينه قبله .
صرت امسح بيدي على رقبته قام حط راسه كتفي وهو يهمهم بصوت خافت .
قلت في نفسي : وين انا في اي ديره ناظرت حولي كانت منطقه فيها اشجار متفرقه وفيها عشب كثير .
بعد لحظات سمعت صوت اولاد صغار يتصايحون ناظرت صوب الصوت كان 4 اولاد مراهقين قدرت اكبرهم حوالي 15 سنه .
ومعهم بنت كبيره كان يمشي خلفهم ريال طويل القامه رجعت صوب الخيمه .
الريال اسرع صوبي وقالي : الحمدلله على سلامتك .
رديت عليه : الله يسلمك وما تشوف شر . كم صار لي هنا ؟
سحبني من يدي واجلسني على الفراش وقال : صار لك يومين نايم .
كمل الريال كلامه يا وليدي مريت من جنب الشجره شفت حصانك واقف عندك وانت منسدح على الارض ظنيتك نايم ناديت عليك .
ما رديت حينها عرفت انك مو بزيين حين وصلتك شفت اثار التطريش حملتك على حصانك وجبتك البيت وعطيتك بعض الاعشاب .
تساعد على تخفيف المغص والام المعده والحمدلله انك تشافيت وتعافيت .
قلت للريال : انقذت روزحي بعد الله وهاذ معروف ما انساه لك طول حياتي .
رد علي : يا وليدي ما ساويت شيء اي ريال شهم يسوي اللي سويته لك وانت بذاك الوضع .
انتبهت انه مجند الريال مقطوع واعاد خياطته شفت سرج غير سرج حصاني في الخيمه نشدته عنه .
قال : تكفلت رياال حين عجز عن سداد الدين بعت فرسي الكحيله وسديت الدين عنه .
بعد وفاة ام العيال طلعت من الديره وسكنت هنا صارلي حوالي سنه في فصل الشتا ارجع للديره .
وفي الربيع والصيف اسرح بحلالي هنا .
عرفته نفسي وديرتي وقلت له اذا لفيت ديرتي اسأل عني الجميع يدك بيتي استأذنت منه ارجع للديره .
قالي : لا الضيف اسير المعزب تاخذ واجب ضيافتك وتمرح الليله عندنا وفي الصباح ترجع ديرتك .
حاولت اقنعه ابد انه الريال يلين قضيت ذاك اليوم والليل عنده وفي الصباح رجعت للديره .
وصلت البيت كان خالي وشايبتي وزوجة خالي في البيت طرحت السلام عليهم وحبيت على ايدينهم . وسولفت لهم السالفه .
قالي خالي : يبه لزوم نرد المعروف للريال .
رديت عليه : طبعا يبه وعرفت مقصدك جري ابو طالب عنده فرس كحيله ومعها اوراق سلالتها يعرضها للبيع .
وكانت الفرس لاقحه من فحل لشخص من ديرتنا فصيلته العبيان اسم الريال ابو سالم واسم الفحل رماح .
توجهنا لجاري ابو طالب وسولفنا عن فرسه واشتريتها منه وعطاني اوراق سلالتها اخذتها للبيت ربطتها علفتها واسقيتها .
قلت لخالي : يبه باكر الصبح نروح للريال ونعطيه الفرس جزاة معروفه الطيب معي .
في الصباح حوالي الساعه 8 دق جرس البيت فتحت الباب اذا الريال واقف باب البيت طرح السلام رديت السلام وصافحته .
وادخلته البيت ودقيت على خالي جا ومعه اخوالي قدمت واجب الضيافه له وما طلع من بيتي الا بعد الغدا .
حنا جالسين نشدني الرياال : ما فقدت شيء يا حمود ؟
قلت له : لا ما فقدت شيء .
مد يده على جيب ثوبه واطلع منه سلسال ذهب ومعه ليرة ذهب جدتي رحمها الله واموات المسلمين عطتني اياه قبل وفاتها .
نسيته في جيب الثوب وحين طلعت مشوار القنيص وقع من جيبي في بيت الريال جنب فراشي .
قالي : ما احد ضافني من يوم عزبت بالحلال الا انت وهاذ لك لقيته امس حين رتبت البنت البيت .
شكرته على امانته وقلت له : لولا انه هالسلسال والليره الذهبيه من جدتي رحمها الله لقلت لك تراه هديه ما من وراه جزيه .
حين هم الريال يطلع من البيت طلبت منه يتونى سبقته سحبت الفرس من مربطها تحت الشجر وربطتها مقابل باب البيت .
وحطيت عليها معرقه ولجمتها وحين طلع الريال من البيت وقف مشدوه تسمر مكانه حين شاف الفرس .
قلت له : علامك يا ابو صالح تسمرت مكانك ؟
انتبه لي وقال : يا الله سبحانك ما ابدع خلقك يالربع هالفرس تشبه فرسي اللي بعتها .
قلت له : ما هي قلطه على خوالي / تراها جتك هديه ما من وراها جزيه مبروكه عليك وتراها لاقحه من فحل اصيل .
صار لها لاقحه 3 شهور الله يعطيك خيرها ويكفيك شرها .
اخذها الريال وراح في طريقه بعد حوالي سنه لفاني ابو صالح ضيف وعطاني دعوتلي ولخوالي لحضور حفل خطوبة بنته .
توجهنا لمكان الحفل استقبلنا هالريال بكل حفاوه بعد ما خلص الحفل طلب منا نرافقه لمكان جنب بيته قريب من ديوان ربعه .
وقال لنا : هاذ المهره اللي ولدتها الفرس كانت مهره لونها احمر يضرب للسواد ويزين وجهها طبعه بيضا وفيها تحجيل 3 ارجول .
واليمنى طليقه بدون تحجيل .
قلنا له : ان شاء الله تكون فال خير وسعد عليك .
ودعنا الريال ورجعنا للديره قابلت الريال بعد سنوات سألته عن احواله حيث شفت معه حوالي 20 نعجه للبيع .
قالي : الحمدلله بخير واموري زينه اتاجر بالحلال اولادي تزوجو كلهم وانا بعد تزوجت وعندي طفل من الحرمه الجديده .
بعد ذيك المره ما شفته حتى ديرته رحل عنها على اثر اشكالات مع ربعه .
وسلامتكم يالربع .
صوره شجرة خروب ( تعبيريه )
http://www.mekshat.com/pix/upload06/images/2017/05/mk348597_1.jpg
في فترة عزوبيتي قبل زواجي بحوالي سنه وشوي قررت اطلع للقنيص جهزت نفسي وحصاني قبل اطلع من البيت .
اكلت شيء من الفاكهه وما غسلتها زين وطلعت مشواري وصلت مكان فيه ارانب وقفت تحت شجرة خروب كبيره .
شفت ارنب صوبت عليه وقبل اطلق الرصاصه حسيت بوجع ومغص شديد في بطني وصارت الدنيا تتماوج قدام عيوني .
وشعرت اني بحاجه استفرغ حطيت اصابعي في فمي فاستفرغت وانتم بكرامه وصابني صداع قوي وما عادت ارجولي تحملني .
وقعت البندقيه من يدي وانطلقت الرصاصه تممدت على الارض واخر شيء اذكره حصاني كان يتشمم وجهي .
حين صحيت على نفسي ناظرت حولي اذا انا في خيمه وكان الهدوء يسود المنطقه قمت من فراشي شفت مجندي وبندقيتي معلق في واسط البيت .
وحصاني مربوط على بعد حوالي 8 امتار من الخيمه .
ناديت : ياهل البيت يالربع . كررت الامر حوالي 3 مرات .
ما في احد رد علي طلعت من الخيمه وتوجهت لحصاني حين شافني صار يصهل وصلته تحسست وجهه وطبعت على جبينه قبله .
صرت امسح بيدي على رقبته قام حط راسه كتفي وهو يهمهم بصوت خافت .
قلت في نفسي : وين انا في اي ديره ناظرت حولي كانت منطقه فيها اشجار متفرقه وفيها عشب كثير .
بعد لحظات سمعت صوت اولاد صغار يتصايحون ناظرت صوب الصوت كان 4 اولاد مراهقين قدرت اكبرهم حوالي 15 سنه .
ومعهم بنت كبيره كان يمشي خلفهم ريال طويل القامه رجعت صوب الخيمه .
الريال اسرع صوبي وقالي : الحمدلله على سلامتك .
رديت عليه : الله يسلمك وما تشوف شر . كم صار لي هنا ؟
سحبني من يدي واجلسني على الفراش وقال : صار لك يومين نايم .
كمل الريال كلامه يا وليدي مريت من جنب الشجره شفت حصانك واقف عندك وانت منسدح على الارض ظنيتك نايم ناديت عليك .
ما رديت حينها عرفت انك مو بزيين حين وصلتك شفت اثار التطريش حملتك على حصانك وجبتك البيت وعطيتك بعض الاعشاب .
تساعد على تخفيف المغص والام المعده والحمدلله انك تشافيت وتعافيت .
قلت للريال : انقذت روزحي بعد الله وهاذ معروف ما انساه لك طول حياتي .
رد علي : يا وليدي ما ساويت شيء اي ريال شهم يسوي اللي سويته لك وانت بذاك الوضع .
انتبهت انه مجند الريال مقطوع واعاد خياطته شفت سرج غير سرج حصاني في الخيمه نشدته عنه .
قال : تكفلت رياال حين عجز عن سداد الدين بعت فرسي الكحيله وسديت الدين عنه .
بعد وفاة ام العيال طلعت من الديره وسكنت هنا صارلي حوالي سنه في فصل الشتا ارجع للديره .
وفي الربيع والصيف اسرح بحلالي هنا .
عرفته نفسي وديرتي وقلت له اذا لفيت ديرتي اسأل عني الجميع يدك بيتي استأذنت منه ارجع للديره .
قالي : لا الضيف اسير المعزب تاخذ واجب ضيافتك وتمرح الليله عندنا وفي الصباح ترجع ديرتك .
حاولت اقنعه ابد انه الريال يلين قضيت ذاك اليوم والليل عنده وفي الصباح رجعت للديره .
وصلت البيت كان خالي وشايبتي وزوجة خالي في البيت طرحت السلام عليهم وحبيت على ايدينهم . وسولفت لهم السالفه .
قالي خالي : يبه لزوم نرد المعروف للريال .
رديت عليه : طبعا يبه وعرفت مقصدك جري ابو طالب عنده فرس كحيله ومعها اوراق سلالتها يعرضها للبيع .
وكانت الفرس لاقحه من فحل لشخص من ديرتنا فصيلته العبيان اسم الريال ابو سالم واسم الفحل رماح .
توجهنا لجاري ابو طالب وسولفنا عن فرسه واشتريتها منه وعطاني اوراق سلالتها اخذتها للبيت ربطتها علفتها واسقيتها .
قلت لخالي : يبه باكر الصبح نروح للريال ونعطيه الفرس جزاة معروفه الطيب معي .
في الصباح حوالي الساعه 8 دق جرس البيت فتحت الباب اذا الريال واقف باب البيت طرح السلام رديت السلام وصافحته .
وادخلته البيت ودقيت على خالي جا ومعه اخوالي قدمت واجب الضيافه له وما طلع من بيتي الا بعد الغدا .
حنا جالسين نشدني الرياال : ما فقدت شيء يا حمود ؟
قلت له : لا ما فقدت شيء .
مد يده على جيب ثوبه واطلع منه سلسال ذهب ومعه ليرة ذهب جدتي رحمها الله واموات المسلمين عطتني اياه قبل وفاتها .
نسيته في جيب الثوب وحين طلعت مشوار القنيص وقع من جيبي في بيت الريال جنب فراشي .
قالي : ما احد ضافني من يوم عزبت بالحلال الا انت وهاذ لك لقيته امس حين رتبت البنت البيت .
شكرته على امانته وقلت له : لولا انه هالسلسال والليره الذهبيه من جدتي رحمها الله لقلت لك تراه هديه ما من وراه جزيه .
حين هم الريال يطلع من البيت طلبت منه يتونى سبقته سحبت الفرس من مربطها تحت الشجر وربطتها مقابل باب البيت .
وحطيت عليها معرقه ولجمتها وحين طلع الريال من البيت وقف مشدوه تسمر مكانه حين شاف الفرس .
قلت له : علامك يا ابو صالح تسمرت مكانك ؟
انتبه لي وقال : يا الله سبحانك ما ابدع خلقك يالربع هالفرس تشبه فرسي اللي بعتها .
قلت له : ما هي قلطه على خوالي / تراها جتك هديه ما من وراها جزيه مبروكه عليك وتراها لاقحه من فحل اصيل .
صار لها لاقحه 3 شهور الله يعطيك خيرها ويكفيك شرها .
اخذها الريال وراح في طريقه بعد حوالي سنه لفاني ابو صالح ضيف وعطاني دعوتلي ولخوالي لحضور حفل خطوبة بنته .
توجهنا لمكان الحفل استقبلنا هالريال بكل حفاوه بعد ما خلص الحفل طلب منا نرافقه لمكان جنب بيته قريب من ديوان ربعه .
وقال لنا : هاذ المهره اللي ولدتها الفرس كانت مهره لونها احمر يضرب للسواد ويزين وجهها طبعه بيضا وفيها تحجيل 3 ارجول .
واليمنى طليقه بدون تحجيل .
قلنا له : ان شاء الله تكون فال خير وسعد عليك .
ودعنا الريال ورجعنا للديره قابلت الريال بعد سنوات سألته عن احواله حيث شفت معه حوالي 20 نعجه للبيع .
قالي : الحمدلله بخير واموري زينه اتاجر بالحلال اولادي تزوجو كلهم وانا بعد تزوجت وعندي طفل من الحرمه الجديده .
بعد ذيك المره ما شفته حتى ديرته رحل عنها على اثر اشكالات مع ربعه .
وسلامتكم يالربع .
صوره شجرة خروب ( تعبيريه )
http://www.mekshat.com/pix/upload06/images/2017/05/mk348597_1.jpg