انشدك عن بيت شهير وله باع...الحل:دفترالتوقيع والقلم والاصابع..حله:احساس الدواسر وكفو

[راع الحزم]

انشدك عن بيت شهير وله باع
........................................ صبره قوي مامل من زايرينه
بابه يجي مفتوح مصراع مصراع
....................................... في موقع من شهرته خابرينه
زواره اربع دوم عجلين وبساع
........................................ بضعة ثواني ماتطول بحينه
راحوا ولابين وطاهم على القاع
....................................... ... لولا حديهم حط شي يدينه

[ابو ماجد 2]

صح لسانك يالغالي
كالعاده يتقاطر جزاله
نفتتح الرمعات
الأنف
وفي الشهيق يستنشق الهواء ومدري لعله مركب من اربع غازات
الشاهد الأكسجين هو اللي له البصمه بالبقاء بالحياة

او ممكن الراس
والمشاريع
الأذان والعيون والأنف والفم
والزوار
الصوت . الضوء . الهواء . الزاد
واللي يبقى أثره الزاد بالمضغ

[راعي الجيب2]

ما شاء الله لغز جزل من جزل
ابتدرق برمعة جزلة تليق بمقام هالدرة

[احساس الدواسر]

صح لسانك يالغالي ايش رايك بالبنك والصرافه وارقام الصرافه السريه

[راعي الجيب2]

رمعة للتحريك
رايك بالبساتن في المكينة اربع سلند

[راع الحزم]

صحت ابدانكم جميعا يالغالين
الرمعات ماصابت
انتظر القاضية القاصفة
مصراع مصراع

[الدمرجي]

الله ..... الله على الابداع

صح لسانك ملاااين ياراع الحزم على اللغز الجزل

جاري التفكير برمعه تليق بمقام اللغز

[صخب]

صح لسانك
رايك بالفحص الدوري
والجهاز اللي يفحص بريكات الكفرات
يسجل الكفر اللي فيه مشكله والا الجميع يعدي بسلام

[احساس الدواسر]

ايش رايك طيب
ب،،،بقوقل والله اعلم

[احمدالدمام]

صح لسانك وش وايك بالبطاقة الأئتمانية ( الفيزاء )

[راع الحزم]

صحت ابدانكم جميعا يالغالين
الرمعات ماصابت
انتظر القادم
اللغز يحتاج قصف من ضربة واحدة
مصراع مصراع

[يمكن شاعر]

صح لسانك ملايين ي غالي لاهنت
طرى علي
قفل الجوال هو البيت والاربع العجلين الارقام السريه الاربعه

[احساس الدواسر]

اش رايك بقير السياره والتروس 1234
والله اعلم

[راعي الجيب2]

فيه مكان تنبيه عن وضعية القير بالطبلون للسيارات والزوار البارك B والريوس R والفاضي N والنمرة D
واللي يبقى بالشاشة هو وضعية السيارة :(

[راع الحزم]

صحت ابدانكم جميعا
الرمعات بعيدة
انتظر القادم
مصراع مصراع

[يمكن شاعر]

طيب ي غالي
مصراع باللغه العربيه
يعني نصف بيت (شطر واحد)
ممكن تقصد بيت المتنبي والاربع
السيف والرمح والقرطاس والقلم
ويمرون عجلين بالنطق

[ابو اسامه 2]

‏صح لسانك يالغالي

وبيض الله وجهك

وش رايك طال عمرك في

القلب وحجراته الاربع

تحياتي لك

[راع الحزم]

طيب ي غالي
مصراع باللغه العربيه
يعني نصف بيت (شطر واحد)
ممكن تقصد بيت المتنبي والاربع
السيف والرمح والقرطاس والقلم
ويمرون عجلين بالنطق

رمعاتك ماشاء الله فيها تصويب دقيق للألغاز
وتفكيرك سليم
لايحتمل أي توضيح اخر
انتظر القاضية
وهو ليس بيت شعر

[راع الحزم]

‏صح لسانك يالغالي

وبيض الله وجهك

وش رايك طال عمرك في

القلب وحجراته الاربع

تحياتي لك


صح بدنك يالغالي
وحياك الله
الرمعة ماصابت
انتظر القادم

[احساس الدواسر]

ايش رايك ببراد الشاهي
الماء والسكر والشاهي
والله اعلم

[راعي الجيب2]

شرايك يالغالي بمكينة ترصيص الكفرات
عند وجود خلل يتم فحص الاربع عجلات وعند وجود التالف يضعون قطعة الترصيص

http://www3.0zz0.com/2013/11/15/05/188993859.jpg (http://www.0zz0.com/)

[يمكن شاعر]

طيب ي غالي على مامل من الزوار
الحجر الاسود

[راع الحزم]

صحت ابدانكم جميعا
لايزال يحلق في الأفق
انتظر الرمعة التي ترميه بدون شك
الرمعة لاتحتاج تاييد مني ابدا ان شاء الله
فهي واضحة للرامع دون شك

[احساس الدواسر]

اشرايك بالدفتر
والقلم والثلاث الاصابع اللي تمسكه اوالختم
والله اعلم

[راع الحزم]

اشرايك بالدفتر
والقلم والثلاث الاصابع اللي تمسكه اوالختم
والله اعلم


إحساس

بعد النظر في رمعتك اتضح انها
ذبح حسب الطريقة المكشاتية
صح لسانك يالغالي
أحرقت اللغز وقصفت به وما أقول الا صح لسانك
الحل دفتر التوقيع والقلم والاصابع

[راعي الجيب2]

ما شاء الله
لغز محبوك من حرير سلمت يالغالي
ومية كفووو ل احساس الدواسر ما شاء الله

[الدمرجي]

كفوووو احساس الدواسر

صحة الالسن وبيض الله وجيهكم جميع

[احساس الدواسر]

كفوك الطيب وبيض الله وجهك
ووجه الاخوان جميع

[ف ف]

اي والله يستاهل الكفو احساس الدواسر
وصح لسانك ملاييين ياراعي الحزم