عطل دبل سلفرادو 2012

[علي أبو أمير]

مساء الخير يا شباب عندي سلفرادو 2012 فيه مشكلة في الدبل بداية المشكلة كان يكتب لي في الطبلون (يجب تصليح نظام الدفع بالعجلات الاربع )وما يشتغل الدبل وكان اطفي السيارة واشغلها ايحيانا تروح الكتابة ويشتغل واحيانا لا والحين قام يعشق لحاله اوقات يعشق الخفيف واوقات يعشق الثقيل وخاصة اذا وقفت وباخذ يوتير يعشق على طول رحت لكهربائي قالي غير المفتاح والدينمو حق الدبل وما اتوقع فيها مشكلة
افيدونا يا اهل الخبرة وجزاكم الله الف خير

[مخ سعودي]

مشكلتك يالغالي بنسبه 90 % من حساس الدبل وسعره 350 ريال وانت وشطارتك ممكن ينزل لك وتركيبه سهل لكن لازم تفك عمود الدبل
وبعدها تفك 3 مسامير بعد ما تفك الفيش 6 اسلاك ويطلع معك الدينمو حق الدبل وبعدها تفك مسامير غطاء الدينمو 4 مسامير مشرشره مع مسمارين على الغطاء الالمنيوم.. عندها ترفع الغطاء ويطلع لك الدينمو وتروس وبتقول وين الحساس ما اشوفه ترفع الترس الكبير وتشوف الحساس تحته وقبل ما ترفع الترس ضع وسم على الترس الكبير مع الصغير وركب الحساس الجديد له فيش فيه اربع اسلاك .. ونظف مكان الحساس وضع قليل من الشحم على سنون الترس وتأكد أن التروس معشقه مع بعض زين على مستوى واحد.. بعدها رجع كل شي زي ماكان والسلام ختام

والورش برى يركبونه لك انت وشطارتك لكن مايعدي250 ريال ومايحتاج برمجه اللي يقول لك برمجه ماعنده سالفه ويبي يستغلك
ولك مني اروع تحيه

[isuz]

بلا والله من طيب الامريكي