مشكله العزم باثفاندر 2001 الله يجزاكم خير

[فياض الربيع]

السلام عليكم ورحمه الله وبركاته

عندي مشكله وكشفت كمبيوتر وطلع كل شي سليم

السياره عزمها ضعيف وفيها تفتفه واذا دعست البنزين كله للأخير

تحس انه نشيط وتروح التفتفه واذا دعست نصف الدعسه يضعف
الموتر وتنقص السرعه تدريجيا وش السبب الموتر نظيف حتى ممشاه
قليل 91 الف كلم فقط قير عادي تتوقعون من الدعسه نفسها ولا وش العلم
ارجوا الرد لاهنتم

[قاضي]

عليك السلام ورحمة الله

انا عندي
باثفاندر 2001 نفس المشكله والمكنيك يقول الديلكو فيه مشكله

وممكن يكون البخاخات

[فياض الربيع]

عليك السلام ورحمة الله

انا عندي
باثفاندر 2001 نفس المشكله والمكنيك يقول الديلكو فيه مشكله

وممكن يكون البخاخات


طيب ماسويت صيانه له ماطلع معك شي
ثاني شي اذا دعست الدعسه للاخير يتغير معك العزم ولا نفسه

[فياض الربيع]

مافيه احد عنده حل

[hassan-55]

اخوي نظف البخاخات بإذن الله ستلاحظ فرق
وفي أسباب أخرى و هي فحص الكويلات و جلدها
و تنظيف البوابه + حساس الدعسه
اضافه الى تنظيف فلتر الهواء او استبداله اذا كان قديم
+ تنظيف حساس اير ماس
هذه الأشياء السهله اللي ذكرت استهلاكيه و يفضل صيانتها كل فتره من باب الصيانه و المحافظه

[SGL]

وزيادة على كلام أخونا حسن الله يعطيه العافية
غير صفاي البنزين وتأكد إن فلتر الهوا للباثفندر لأن بعضهم يركب عليه فلتر نيسان صني مايصلح
وعندك خرطوش الهوا لو فيه تنسيم يسوي هالحركات

[فياض الربيع]

بيض الله وجيهكم مافضيت له لكن ان شاء الله بوديه الايام هذي
بس ملحوظه ليش اذا دعست الدعسه كامله يصير الموتر طبيعي
وقوي واذا نص دعسه يصير ضعيف ويتفتف وتنقص سرعته بشكل
ملحوظ انا اشك ان السبب حساس الدعسه ولا وش رايكم

[فياض الربيع]

اخوي نظف البخاخات بإذن الله ستلاحظ فرق
وفي أسباب أخرى و هي فحص الكويلات و جلدها
و تنظيف البوابه + حساس الدعسه
اضافه الى تنظيف فلتر الهواء او استبداله اذا كان قديم
+ تنظيف حساس اير ماس
هذه الأشياء السهله اللي ذكرت استهلاكيه و يفضل صيانتها كل فتره من باب الصيانه و المحافظه

ابو محمد لو تكرمت هل تنظيف البخاخات عند بترومين ممتاز
لاني سمعت انهم ينظفونها

[hassan-55]

اخوي فياض مراكز بترومين جيدة السمعه لكني ما جربت عندهم الا تغيير زيت المكينه فقط
ترى تنظيف البخاخات سهل انت لو عزمت وتوكلت على الله انت تسويه بنفسك
ادخل اليوتيوب وابحث عن طريقة التنظيف اذا سويته بنفسك يكلفك حدود 20 ريال او حسب نوع المنظف اللي تستخدمه واغلى منظف ما يتعدى سعره 40 ريال وتجد أنواع كثيره بساكو او شارع الريل في بعض المحلات تبيعه
انا الحقيقه استخدم w40 وسعره من 10-15 ريال
وابره من الصيدليه بريال
والباقي عليك بإمكانك استخدام بطارية السياره او محول 12 فولت

باسألك انا ما اعرف قطع سيارتك نظام الشراره بموترك هل هي اسلاك ام كويلات ؟
اذا كويلات قبل تنظيف البخاخات ابيك تفحص الكويلات و جلدها ضروري
او اذا كانت اسلاك بواجي افحص الاسلاك اللي رايحه للبواجي (اختبرها) توصل كهرباء مضبوط او لا
وكما ذكر الأخ الله يجزاه خير فلتر البنزين اذا لك فتره ما غيرته غيره من باب الصيانه
فهو يلعب دور في توصيل الكميه المناسبه للبخاخات اذا متسخ اكرمك الله يضعف كمية البنزين و أيضاً هو سبب تلف او وسخ البخاخات بحيث يسد فلتر(شخال) البخاخ فيضعف دفع البخاخ
اعتذر عن الاطاله

[F34666]

انا صار عندي نفس المشكلة لقيت خرطوش القربة مشقوق ويدخل هواء ولا يمكن تشوفه الا اذا سحبت الخرطوش براى وشيكت عليه حاول تشوف هذا السبب يمكن يكون منه

[فياض الربيع]

بيض الله وجيهكم جميع وماقصرتوا وبيض الله وجهك يابو محمد
وتقبل الله منا ومنكم صالح الاعمال وبعد العيد بأذن الله ندخله الصيانه
ونشوف علته وان شاء الله يضبط