ريف النشاما
13/11/2006, 06:25 AM
بسم الله الرحمن الرحيم
""
أعضاء مكشات المحترمين
السلام عليكم ورحمة الله وبركاته
يسرنا أن نزف لكم نتيجة مسابقة مكشات الشعرية والتي نال فيها الفوز
كل من :-
المركز الأول = الشاعر / خالد التومي - حايف ليل (http://www.mekshat.com/vb/member.php?u=13530))
المركز الثاني = (الشاعر / عبد الله سعود الدغيثر- ساطي (http://www.mekshat.com/vb/member.php?u=3402))
المركز الثالث = (الشاعر /.... حفيد اعقيل (http://www.mekshat.com/vb/member.php?userid=23517))
المركز الثالث =:(مكرر) (الشاعر /فيصل بن عبدالرحمن - برق (http://www.mekshat.com/vb/member.php?u=24546) )
فنبارك لإخواننا الشعراء الفائزين بهذه المسابقة ونتمنى التوفيق والسداد لبقية الشعراء
والذين كانت قصائدهم محل اعتزازنا حيث شرفونا بإبداعهم الشعري
والذي لا يقل جودة عن القصائد الفائزة
---------------------------------------------------
------------------------------------
----------------
------
((المركز الأول))
""
متى تبي تذعذع هبـوب الشمالـي =وتبدا مطاليـع المـزون الثقيـلات
متى يبـي يجنّـا سـواة الجبالـي =لا عرّضنْ مابين صـاره وابانـات
بروقهن من تحـت لهـن اشتعالـي =وحس الرعد فيهن يجلجل بالاصوات
لا ذكّروهـن عاشقيـن الخِيـالـي =وجابوا خبرهن قبـل هـذا بفتـرات
سوّوا لهن بالنـت نـوع اتصالـي =ومرّوا على الياهو ومرّوا بمكشـات
وشافوا صورهن قاطعـات المجالـي =وحطّوا لهن مع شيّة الرب حـروات
والى اقبلن طاروا لهـن باعتجالـي =على الجيوب اللي مع الدرب عجلات
مثل المحب ان جاه بالـدرب غالـي =يطير من شوقه لنصـف المسافـات
ويوم اوصلوا واستملسن بانهمالـي =كـزّوا لنـا تبشيرهـم بالرسـالات
هذي امانـي سقتهـا مـن خيالـي =وارجي من المولى تحـوّل حقيقـات
ويسقينا من فضله عزيـز الجلالـي =اللي بحر جوده يفـوق المحيطـات
ياالله يـاربٍّ علـى النـاس والـي =ياعالـمٍ كـل الامــور الخفـيّـات
نرجيـك ياسامـع دبيـب النمالـي =ترسل علينا مـن تواليـك رحمـات
يمّـك رفعنـا صوتنـا بالسـؤالـي =يوم ابتدا الوسمي وجالـه علامـات
اسق الديـار الدارسـات المحالـي =واحي الدعوب اليابسـات السنيّـات
يازين لا قالوا ترى الكمـب سالـي =وواد النسا من حدري الجسْر كد فات
هنـاك ابستانـس ويرتـاح بالـي =واشفق على نظم البيوت الجزيـلات
واسج سجـة دالـه القلـب سالـي =ماضاع له في سوق الاسهم فليسات
لاسقت جيبك يـم هـاك السهالـي =شرقيّ الاريل بين عبـلا ورامـات
وهـي مناقعهـا سـواة اللـوالـي =تبرق وتعكس صورتـك كالمرايـات
وعقب التمشي جيت فـي دوّ خالـي =تسورب شغيّاته كما زحـف حيّـات
واوقدت لـك بالرمـث نـارٍ تلالـي =ريحة ندا رمثه تفـوق البخـورات
وفرشت من حوله ثـلاث الزوالـي =اللي على الجالس تفصّـل مقاسـات
وصفّيـت فيهـا مهدفـات الدلالـي =وضبطت بالبن اليماني لـك اسـواة
وفنجال شايٍ خـادر اللـون حالـي=مثـل الدعايـه لاتذوّقـتْ رشفـات
ومعك من الربـع القـروم العيالـي =اثنين بالحِسبـه ..وبالفعـل ميّـات
وافين ماهم مـن هـواة االجدالـي =صافيـن بالخـوّه علاقـه ونيّـات
كلامهـم مثـل القـراح الـزلالـي =لا ذاقه الظامي عقب طول مظمـات
لحظة صفا فيهـا زمانـي صفالـي =للنفس لـذّاتٍ .. وللعيـن مجـلات
ويزيدهـا لا غـرّد الطيـر عالـي =وهبّت علينا من طرى النود نسمات
تنسيك لو ساعـه همـوم الليالـي =اللي على مثلي لها نـوع غـارات
""
((المركز الثاني))
""
النوّ بانت يالنشاما مواريه *=* أقبل من القبلة تكاشف بروقه
مثل الهضاب النايفة في مناشيه *=* يفرح به اللي كل برق(ن) يشوقه
ويطرب له اللي كاثرات(ن) طواريه *=* حب الصحاري لاجي(ن) في خفوقه
ويفرح به الشاوي وتكبر هقاويه *=* وينومس اللي (مشْقِيَه)1حبنوقه
وراعي الولع طيرة بكفه يخاويه *=* الصبح بالجنحان محلاخفوقه
عقب المقيض اصبح على كف راعيه *=* يكشف له البرقع ويطلق سبوقه
يالله على نجد العذية تقدّيه *=* والله على ذيك المفالي يسوقه
عساه يمطر فوقها بأمر واليه *=* وينثر على الضلع الموالي حقوقه
وتزين سجات القدم في خباريه *=* ويطيب قلب(ن) كاثرات(ن) فتوقه
والبر يبهج خاطر اللي مشى فيه *=* لاصار نبته راويات(ن) عروقه
والأرض خضراء مالها مايحاليه *=* حتى افخم الشيراز واطيب عموقه
من فوق جيب(ن) لا عطا الخط يطويه *=* ذب العروق الزامية ماتعوقه
ماهوب جيبٍ ماتعدا مبانيه *=* راعيه في وسط المباني يسوقه
لا والله إلا بالمساري مظريه *=* وإلى سرى ليله يغني طروقه
يازين مغباشه ومحلا مساريه *=* يشوش راس اللي سرى الليل فوقه
يدنيك قفر(ن) صادق الغيث محييه *=* ويبعدك عن ضوضا البلد والخنوقة
""
((المركز الثالث))
""
يامحلا والنار يضوي لهبها = في فيضة فيها الحيا مابعد شيف
في خيمة منصوبة في خببها =ودلال صفر ماشريته من السيف
في مجلس فيه النشامى وأدبها = قصيد ينقونه ولاهوب تصفيف
وسوالف رجال معدن ذهبها = مع قهوة تطرب هل الراس والكيف
والجيب والعدة وباقي زهبها = وســـمان ماطبت شبوك وتعليف
2007 والسست ماسحبها =شد البلد نقد ولاهوب تسليف
منوة هل البران غاية طلبها =مطوع العسرات نقرة مع السيف
له شهرة ياما عقول سلبها = فكس آر مايحتاج مدح وتعريف
وذود شعاع الشمس عنا حجبها = دانا حليبه دون خلط وتغليف
وشحنة سمر وإرطا من أرضه حطبها = النار عنوانه كروكي وتوصيف
وذبيحة للضيف لاجا سحبها = ماحسب حسابه ولابه تحاسيف
وطباخ له خبرة قديم كسبها = ماحاقه الهندي ولاسالم الشيف
هذي مناتي لابطايف ولا أبها = وأيضا ولالندن وباريس وجنيف
هذا علاج النفس ساعة عطبها = مابي المدينة بين عادي وتكييف
وصلاة ربي عد سيل بشعبها = وعداد مانبت الحيا وأزهر الريف
على النبي الهاشمي من عربها = اللي صدع من دون كذب وتزييف
""
((المركز الثالث- مكرر))
""
ياوالله الا برّد الوقت للطير = البرد عقب القيض نوّى مجيه
يدوج فالبال المولع تفاكير =يبغى يشوف الصيد بأرض ٍ خليه
في خايع ٍ مابه عسوس ٍ مداوير = ارضه بحذرات الحباري حريه
يازين مقناصه مع الصبح وعصير = مع الرجال اهل الكرم والحميه
ربع ٍ لهم في داخل القلب تقدير = مافيهم اللي ما يحشّم خويه
زينه ليا جات الحباري معابير = عقب البطا نهجر ذرى كل فيه
وننصاه مع دواس روس المعاشير = اقشر يدوس الخرب لو هو بليه
هجر ٍ يعزر وافي العرف تعزير = يمناه حرشا بالمضارب قويه
ماخذ فعول الوايلي سالم الزير = والا فعول عقاب زبن الونيه
ياعنك طير ٍ لى ضرب بالشاكير = ودّع زعيم الجول تحته ضحيه
من كوبرت قدمه عطبها بتسطير = واللي دبسها ما هقى اتشال حيه
واللي توالو في طردّها الصقاقير = وعافت من التلقيف قاع الشغيه
اليا توارت عن عيون المسابير = هو طبها اللحاق يا حي حيه
عوق الطيار الهاربات المذايير = لى تل مسباقه يحصل نويه
موقف جناح ولا يعرف التناكير = يشدي ليا شبهت فرخ بحريه
يبطي ولا ياصل مواصيله الجير = عجّزو هل التفريخ يلقون زيه
مجناه فارس حي ذيك المواكير = مجنى الحرار اللي لها مقدريه
شقر الحرار القاطعات النوادير = نوماس للصقار في كل هيه
وعقب الهدد يازين كيف المباهير = اليا اجتمهنا حول جال الضويه
سوالف رجال وقصايد شواعير = دارت ولا فيها معيّب وزريه
ويالله ياوالي جميع المقادير = ياواحد ٍ ماله شبيه ٍ حليه
يالله نرجي غيث سحب ٍ مزابير = غيث ٍ من المنشا غزير ٍ هميه
يسقي الديار الممحلات المداهير = عقب الدهر ينعش ثرى القاع ميه
وتعود من عقب الشهابه مخاضير =ويزين نسناس الفياض العذيه
وتزين دوجات الرياض المزاهير = ماكنك الا تمشي ابمزهريه
تلقى البراري كامله بالتصاوير = تلقى النفل ويّا الخزامي سويه
وتفحت وسط البطون النواوير = والقاع باعداد الزبيدي غنيه
وياللي توشف افهم ترى فيه تذكير = ربي مثل هذا بحيي البريه
لاتغرك الدنيا ترى عمرك اقصير = اعمل لجنه بالنعم ممتليه
وصلاة ربي عد صدح العصافير = على حبيب الله محمد نبيه
""
أعضاء مكشات المحترمين
السلام عليكم ورحمة الله وبركاته
يسرنا أن نزف لكم نتيجة مسابقة مكشات الشعرية والتي نال فيها الفوز
كل من :-
المركز الأول = الشاعر / خالد التومي - حايف ليل (http://www.mekshat.com/vb/member.php?u=13530))
المركز الثاني = (الشاعر / عبد الله سعود الدغيثر- ساطي (http://www.mekshat.com/vb/member.php?u=3402))
المركز الثالث = (الشاعر /.... حفيد اعقيل (http://www.mekshat.com/vb/member.php?userid=23517))
المركز الثالث =:(مكرر) (الشاعر /فيصل بن عبدالرحمن - برق (http://www.mekshat.com/vb/member.php?u=24546) )
فنبارك لإخواننا الشعراء الفائزين بهذه المسابقة ونتمنى التوفيق والسداد لبقية الشعراء
والذين كانت قصائدهم محل اعتزازنا حيث شرفونا بإبداعهم الشعري
والذي لا يقل جودة عن القصائد الفائزة
---------------------------------------------------
------------------------------------
----------------
------
((المركز الأول))
""
متى تبي تذعذع هبـوب الشمالـي =وتبدا مطاليـع المـزون الثقيـلات
متى يبـي يجنّـا سـواة الجبالـي =لا عرّضنْ مابين صـاره وابانـات
بروقهن من تحـت لهـن اشتعالـي =وحس الرعد فيهن يجلجل بالاصوات
لا ذكّروهـن عاشقيـن الخِيـالـي =وجابوا خبرهن قبـل هـذا بفتـرات
سوّوا لهن بالنـت نـوع اتصالـي =ومرّوا على الياهو ومرّوا بمكشـات
وشافوا صورهن قاطعـات المجالـي =وحطّوا لهن مع شيّة الرب حـروات
والى اقبلن طاروا لهـن باعتجالـي =على الجيوب اللي مع الدرب عجلات
مثل المحب ان جاه بالـدرب غالـي =يطير من شوقه لنصـف المسافـات
ويوم اوصلوا واستملسن بانهمالـي =كـزّوا لنـا تبشيرهـم بالرسـالات
هذي امانـي سقتهـا مـن خيالـي =وارجي من المولى تحـوّل حقيقـات
ويسقينا من فضله عزيـز الجلالـي =اللي بحر جوده يفـوق المحيطـات
ياالله يـاربٍّ علـى النـاس والـي =ياعالـمٍ كـل الامــور الخفـيّـات
نرجيـك ياسامـع دبيـب النمالـي =ترسل علينا مـن تواليـك رحمـات
يمّـك رفعنـا صوتنـا بالسـؤالـي =يوم ابتدا الوسمي وجالـه علامـات
اسق الديـار الدارسـات المحالـي =واحي الدعوب اليابسـات السنيّـات
يازين لا قالوا ترى الكمـب سالـي =وواد النسا من حدري الجسْر كد فات
هنـاك ابستانـس ويرتـاح بالـي =واشفق على نظم البيوت الجزيـلات
واسج سجـة دالـه القلـب سالـي =ماضاع له في سوق الاسهم فليسات
لاسقت جيبك يـم هـاك السهالـي =شرقيّ الاريل بين عبـلا ورامـات
وهـي مناقعهـا سـواة اللـوالـي =تبرق وتعكس صورتـك كالمرايـات
وعقب التمشي جيت فـي دوّ خالـي =تسورب شغيّاته كما زحـف حيّـات
واوقدت لـك بالرمـث نـارٍ تلالـي =ريحة ندا رمثه تفـوق البخـورات
وفرشت من حوله ثـلاث الزوالـي =اللي على الجالس تفصّـل مقاسـات
وصفّيـت فيهـا مهدفـات الدلالـي =وضبطت بالبن اليماني لـك اسـواة
وفنجال شايٍ خـادر اللـون حالـي=مثـل الدعايـه لاتذوّقـتْ رشفـات
ومعك من الربـع القـروم العيالـي =اثنين بالحِسبـه ..وبالفعـل ميّـات
وافين ماهم مـن هـواة االجدالـي =صافيـن بالخـوّه علاقـه ونيّـات
كلامهـم مثـل القـراح الـزلالـي =لا ذاقه الظامي عقب طول مظمـات
لحظة صفا فيهـا زمانـي صفالـي =للنفس لـذّاتٍ .. وللعيـن مجـلات
ويزيدهـا لا غـرّد الطيـر عالـي =وهبّت علينا من طرى النود نسمات
تنسيك لو ساعـه همـوم الليالـي =اللي على مثلي لها نـوع غـارات
""
((المركز الثاني))
""
النوّ بانت يالنشاما مواريه *=* أقبل من القبلة تكاشف بروقه
مثل الهضاب النايفة في مناشيه *=* يفرح به اللي كل برق(ن) يشوقه
ويطرب له اللي كاثرات(ن) طواريه *=* حب الصحاري لاجي(ن) في خفوقه
ويفرح به الشاوي وتكبر هقاويه *=* وينومس اللي (مشْقِيَه)1حبنوقه
وراعي الولع طيرة بكفه يخاويه *=* الصبح بالجنحان محلاخفوقه
عقب المقيض اصبح على كف راعيه *=* يكشف له البرقع ويطلق سبوقه
يالله على نجد العذية تقدّيه *=* والله على ذيك المفالي يسوقه
عساه يمطر فوقها بأمر واليه *=* وينثر على الضلع الموالي حقوقه
وتزين سجات القدم في خباريه *=* ويطيب قلب(ن) كاثرات(ن) فتوقه
والبر يبهج خاطر اللي مشى فيه *=* لاصار نبته راويات(ن) عروقه
والأرض خضراء مالها مايحاليه *=* حتى افخم الشيراز واطيب عموقه
من فوق جيب(ن) لا عطا الخط يطويه *=* ذب العروق الزامية ماتعوقه
ماهوب جيبٍ ماتعدا مبانيه *=* راعيه في وسط المباني يسوقه
لا والله إلا بالمساري مظريه *=* وإلى سرى ليله يغني طروقه
يازين مغباشه ومحلا مساريه *=* يشوش راس اللي سرى الليل فوقه
يدنيك قفر(ن) صادق الغيث محييه *=* ويبعدك عن ضوضا البلد والخنوقة
""
((المركز الثالث))
""
يامحلا والنار يضوي لهبها = في فيضة فيها الحيا مابعد شيف
في خيمة منصوبة في خببها =ودلال صفر ماشريته من السيف
في مجلس فيه النشامى وأدبها = قصيد ينقونه ولاهوب تصفيف
وسوالف رجال معدن ذهبها = مع قهوة تطرب هل الراس والكيف
والجيب والعدة وباقي زهبها = وســـمان ماطبت شبوك وتعليف
2007 والسست ماسحبها =شد البلد نقد ولاهوب تسليف
منوة هل البران غاية طلبها =مطوع العسرات نقرة مع السيف
له شهرة ياما عقول سلبها = فكس آر مايحتاج مدح وتعريف
وذود شعاع الشمس عنا حجبها = دانا حليبه دون خلط وتغليف
وشحنة سمر وإرطا من أرضه حطبها = النار عنوانه كروكي وتوصيف
وذبيحة للضيف لاجا سحبها = ماحسب حسابه ولابه تحاسيف
وطباخ له خبرة قديم كسبها = ماحاقه الهندي ولاسالم الشيف
هذي مناتي لابطايف ولا أبها = وأيضا ولالندن وباريس وجنيف
هذا علاج النفس ساعة عطبها = مابي المدينة بين عادي وتكييف
وصلاة ربي عد سيل بشعبها = وعداد مانبت الحيا وأزهر الريف
على النبي الهاشمي من عربها = اللي صدع من دون كذب وتزييف
""
((المركز الثالث- مكرر))
""
ياوالله الا برّد الوقت للطير = البرد عقب القيض نوّى مجيه
يدوج فالبال المولع تفاكير =يبغى يشوف الصيد بأرض ٍ خليه
في خايع ٍ مابه عسوس ٍ مداوير = ارضه بحذرات الحباري حريه
يازين مقناصه مع الصبح وعصير = مع الرجال اهل الكرم والحميه
ربع ٍ لهم في داخل القلب تقدير = مافيهم اللي ما يحشّم خويه
زينه ليا جات الحباري معابير = عقب البطا نهجر ذرى كل فيه
وننصاه مع دواس روس المعاشير = اقشر يدوس الخرب لو هو بليه
هجر ٍ يعزر وافي العرف تعزير = يمناه حرشا بالمضارب قويه
ماخذ فعول الوايلي سالم الزير = والا فعول عقاب زبن الونيه
ياعنك طير ٍ لى ضرب بالشاكير = ودّع زعيم الجول تحته ضحيه
من كوبرت قدمه عطبها بتسطير = واللي دبسها ما هقى اتشال حيه
واللي توالو في طردّها الصقاقير = وعافت من التلقيف قاع الشغيه
اليا توارت عن عيون المسابير = هو طبها اللحاق يا حي حيه
عوق الطيار الهاربات المذايير = لى تل مسباقه يحصل نويه
موقف جناح ولا يعرف التناكير = يشدي ليا شبهت فرخ بحريه
يبطي ولا ياصل مواصيله الجير = عجّزو هل التفريخ يلقون زيه
مجناه فارس حي ذيك المواكير = مجنى الحرار اللي لها مقدريه
شقر الحرار القاطعات النوادير = نوماس للصقار في كل هيه
وعقب الهدد يازين كيف المباهير = اليا اجتمهنا حول جال الضويه
سوالف رجال وقصايد شواعير = دارت ولا فيها معيّب وزريه
ويالله ياوالي جميع المقادير = ياواحد ٍ ماله شبيه ٍ حليه
يالله نرجي غيث سحب ٍ مزابير = غيث ٍ من المنشا غزير ٍ هميه
يسقي الديار الممحلات المداهير = عقب الدهر ينعش ثرى القاع ميه
وتعود من عقب الشهابه مخاضير =ويزين نسناس الفياض العذيه
وتزين دوجات الرياض المزاهير = ماكنك الا تمشي ابمزهريه
تلقى البراري كامله بالتصاوير = تلقى النفل ويّا الخزامي سويه
وتفحت وسط البطون النواوير = والقاع باعداد الزبيدي غنيه
وياللي توشف افهم ترى فيه تذكير = ربي مثل هذا بحيي البريه
لاتغرك الدنيا ترى عمرك اقصير = اعمل لجنه بالنعم ممتليه
وصلاة ربي عد صدح العصافير = على حبيب الله محمد نبيه