في احد قد اصابته طلقه هوائي ( وش سوى )

[الطلقة]

السلام عليكم ورحمه الله وبركاته

حيالله الشباب اليوم تفجأة الوالد يتصل علي من الديره

العلم سلامتك رخصه السكتون الهوائي حقك عندك قلت ايه نعم عندي عسا خير

قال لا بس اخوك فلان جاته طلقه في فخذه ولا ندري وش نسوي
قلت ودوه المستشفى

قال السكتون بسمك والرخصه معاك واحنا في الديره وانت وين ونحنا وين

عاد ديرتي السياره الصغيره ماتطلع بس جيوب وونيتات

قلت العلم سلامتكم الحمدلله انها ساكتون هوائي

( لو كانت الخرازه او السوجن كان جيتكم صليت عليه )

فقلت للوالد ان كان يقدر يمشي فخلها في رجله ما بتضر ان شاء الله

((اذكر برنامج وثائقي شفته في التلفاز في واحد جاته طلقه في راسه وحس وجع في راسه بس مانزف فماهتم فيها ولا كان يدري انها طلقه وبعد كم سنه سوه اشعه واكتشف الطبيب ان في شي غريب في راسه وحين سوله عمليه وجدو انها رصاصه))


بس داوه باعشاب اذكر اذا انجرح احد في الديره كانو يحطون في الجرح بُن عشان يوقف الدم او في بيت العنكبوت في غشاء الي تضعه العنكبوت على بيضها تلاقيه غشاء اقو من البيت العنكبون نفسه هذ كنا نحطه في الجرح ويوقف الدم



في نفسي قلت خليني اشوف اعضاء مكشات هل احد مر عليه

نفس الحاله وش سو بعدها




والسلام عليكم

اخوكم الطلقة

[هدام الطوابير]

ما تشوفون شر ان شاء الله .. والحمد لله على سلامة اخوك والله يحفظكم دوم

الحمد لله ما مر علي موقف مثل هذا ولا يمر ان شاء الله :)

[DR.M0M0]

عقمو المكان بعد ماطلعون الصتمه منه واجر وعافية ان شاء الله

[باثفندر]

http://www.mekshat.com/pix/upload/sign/images/mk41765.gif





حمدلله على سلامته اولا
بعدين لاتستهين بالصتم الصغير لانه من رصاص والرصاص ماده سامة تمشي مع الدم والحمد لله قدروا يطلعونه بسرعة وعندي لك قصتين للعبرة :
الاولى واحد من الجماعة صغير في السن رماه اخوه بالغلط بعظمة الفك وانكسرت العظمة وانشبت الصتمة بالعظلة سووله ثلاث عمليات لين طلعوها بس الولد صار وجهه مشووه .
والثانية قبل 15 سنه كنا طالعين للسفانية مخيمين وخوينا رما نفسة بالغلط برجله طقت بالعظم ومشت داخل الساق طبعا ربطناه وجهزنا الصيخ ( ولا واحد كان له سابق تجربة او درايه ) وحسناه المسكين وهو يصرخ من الالم لين طلعناها من بكره مكانه قلب ازرق رحنا مستشفى الخفجي نظفوا الجرح وقالوا يقعد تحت المراقبة لان المكان متسمم وقالنا انتظروا لين يجي العسكري ( فيها عسكري ؟؟؟؟؟) مشينا للمخيم وصفطنا الدكتور قبل لا يجي العسكري وجلس الالتهاب اسبوع لين طاب الحمد لله بغوا يقصون رجله من طفاقتنا وتسيبنا بس الحمد لله .

[عبادل العاصمي]

كان ولدكم يصبر شقوا محل الطلقة بالموس وطلعوها

ثم جيب عثرب "نوع من النباتات "وأمضغه وعطه على الجرح وبأذن الله يطيب ولدكم ولايحصل نزيف

وسلامتك

[مخاوي قناص]

سلامات اجر وعافيه وبسيطه انشاء الله سارت على واحد من اخواني اخترقة الكف وستقرت في الابهام بطريقه عجيبه ودبرنا سكتون خريده منتهي ماله رخصه وقلنا هو الي رمى نفسه وعالجناه فلمستشفى وفتكينى من الشرطه ولافادي فسكتون وعالج اخوك ولاتجيب طاري لتصريح وللمعلوميه الصتم سسسسسسسسسسسسسام اتحرك

[مخاوي قناص]

سلامات اجر وعافيه وبسيطه انشاء الله سارت على واحد من اخواني اخترقة الكف وستقرت في الابهام بطريقه عجيبه ودبرنا سكتون خريده منتهي ماله رخصه وقلنا هو الي رمى نفسه وعالجناه فلمستشفى وفتكينى من الشرطه ولافادي فسكتون وش جابت وهي في يدينهم وعالج اخوك ولاتجيب طاري لتصريح وللمعلوميه الصتم سسسسسسسسسسسسسام اتحرك

[جفيل]

الو شي أشكرك على الموضوع

قبل عشر سنين أذكر ان واحد من أخواني طلق عليه واحد بالغلط وجت على صدره .. ولا جاه شي.. والسلاح سكتون35 ألماني

[حويزي]

بعد السلام والتحية
اخي العزيز سلامات واجر وعافية ، قبل عشر سنين جات طلقه في فخذ خويي واتقرت قرب العظم ورحنا المستشفى لأن حياته اهم من كل المصاعب التاليه من تحقيق وغيره وقابلنا الدكتور وقال :الطلقه مستقرة قرب العظم وشاف الساكتون والستمه وقال من الصعب شق الفخذ لأنها مليئه بالعظلات والأربطه وامرنا بالتوجه للسعودي الألماني وذهبنا وقابلنا الطبيب وقال بسيطه فيه جهاز شفط خاص لهذ الاشياء لكن خوينا حلف وطلق يوم عرف التكلفه وهي بفخذه حتى يومنا هذا والرجال طيب ومافيه الا العافيه . لكن الحذر مطلوب

[أبو صندوق]

الحمد لله على السلامة ..
وأنا أخوك قبل 20 سنة ( 1408) أشار عليّ أخوي بالساكتون وطارت الطلقة على ساقي مباشرة واستقرت في وسط العظم وتفتتت الرصاصة لخمسة قطع .. وعلى سليمان فقيه لكنهم رفضوا أن يعملوا أي شي حتى تحضر الشرطة .. طبعاً جاء الضابط ( قائد شرطة الشرفية ) سخصياً ، ولما شافني أمشي على رجولي استغرب وقال : هاذولا المصارية قالو لي إنك مصاب ببندق رش !! قلت ألحق الرجال قبل ما يموت .. لو أدري إن الشغلة ساكتون كان ارسلتلك عسكري ..
بعدها أخذ أقوالي ( طبعاً قلت : أنا اللي صوبت نفسي )الله يغفر لي .. وأخذوا عليّ تعهد وتأكدوا من رخصة الساكتون ( لو ماله رخصة يصادرونه) وتعهد على أخوي بالمحافظة على السلاح .
وأخوكم استعجلت الخروج من المستشفى بعد العملية وتعبت ورجعت مرّة ثانية وتنومت يومين وبعدها ياربي لك الحمد بخير وعافية ..
نصيحتي لك لا تهمل الإصابة والرخصة لو تأخرت لن يصادر السلاح وكل ما فيها تعهد على أخوك بعدم حمل السلاح والعبث به وتعهد عليك بالمحافظة عليه وعدم إعطائه لأحد ..