المساعد الشخصي الرقمي

مشاهدة النسخة كاملة : اللي يعــرف هالطير ..يقولي ولايهون


هقاوي
10/02/2007, 12:31 AM
السلام عليكم ورحمة الله وبركاته

يقول الشاعر بندر بن سرور

نبي عليها نصخرالبعد تصخير
تصخير شيهان لفرخ الزراجي


وش هو فرخ الزراجي ؟ من أي فصيله من الطيــور ؟


الرجاء من اللي يعرف يفيدني

ولاهنتــوا يالغالين
501
10/02/2007, 12:39 AM
والله اعتقد انه نوع من انواع طيور البحر يجي لونه ازرق وفي صدره بياض * وهذا والله اعلم &&& 501&&&




http://www.m5zn.com/uploads/97e4fe2df6.jpg (http://www.m5zn.com)
هقاوي
10/02/2007, 12:23 PM
يعني ماهو طير بري ؟؟

طيب وش يجيب الشيهان لطير البحر ؟؟

مامن سنع والله

اللي شافوا الموضوع 63 ومارد الا واحد !!!!


ياجماعه الخير لاعليكم كلافه اللي يعرف يرد
هقاوي
10/02/2007, 12:37 PM
يرفع للاهميه

طيب وش انتو فاتحين هالخيمه لي صرتوا ماتعرفون ؟؟
راعي الشيهانه
10/02/2007, 01:16 PM
هذا شاهين بحري قرناس

وتسلم يا 501 واحد على الصوره
أبو رداد
10/02/2007, 01:17 PM
وعليكم السلام ورحمة الله وبركاته


هههههههههههههه
اعصابك ياهقاوي
الطيور في البلد الواحد الها عدت تسميات
وشلون نعرف شاعرك شوكان يقصد ؟؟؟
والمعنى دوم في قلب الشاعر ههههههه
على كل حال
حمام الدحول في السعوديه = الزرقي في العراق
وشي من العرب يسميه زركي وشي من العرب يسميه زرجي
وجمع زرجي زراجي (لان لونه ازرق كماهو معروف)
وهذا والله مايسخره غير الشواهين الخلويه في هجرة الطيور
يجوز شاعرك يقصدها !!! يجوز
ويجوز يقصد فروخ الحباري
لان شي من العرب لما يشوف حباره او خرب قرناس يقول عنها زرقا
والي يزرق في الحباره او الخرب لما تقرنس هو عرفها ... يجوز
هذه كلها احتمالات

واقترح عليك طرح الموضوع في خيمة الصيد البري
لانهم ابخص منا في فصايل الطيور الاخرى

والسلام
هقاوي
10/02/2007, 01:23 PM
لاهنت يابورداد ..

تسلم يالقرم
501
10/02/2007, 01:52 PM
يا ابو رداد حناء نسمي الطير الي صايد ه الشيهان زرقي ماادري هل يختلف تسميته عند الغير ** والعذر والسموحه**501
صياح العرض
10/02/2007, 11:59 PM
السلام عيكم الضاهر جت مشاركتي متاخره .......حسب علمي ان الزراج[ هو الحزم ]واعتقد ان الحزم او الحزوم معوفه لدى الكثير والطيور الي تضع بيضها في هاذا الجزء من الارض[الحزوم ]هو طائر القطا.. والباديه يعرفون انه مايفرخ في الزراج اي الحزم الا القطا........والله اعلم
خيال الصبحا
11/02/2007, 01:06 AM
يعني ماهو طير بري ؟؟

طيب وش يجيب الشيهان لطير البحر ؟؟

مامن سنع والله

اللي شافوا الموضوع 63 ومارد الا واحد !!!!


ياجماعه الخير لاعليكم كلافه اللي يعرف يرد

السلام عليكم

شوي شوي الله يجزاك خير

لو أن الي شافوا الموضوع يعرفون
الحل ردوا ، ماهو معقوله يعرفون الرد
ويسكتون ، وأن كانهم مايعرفون وشوله يردون



يرفع للاهميه

طيب وش انتو فاتحين هالخيمه لي صرتوا ماتعرفون ؟؟
حلوه هههههههههههههههههههههه
المفروض نقفل الخيمة ونحط بدالها
خيمة تعارف هههههههههه

مشكور
العنييد
11/02/2007, 09:51 AM
نبي عليها نصخرالبعد تصخير=تصخير شيهان لفرخ الزراجي

اخي العزيز هقاوي اولا لاهنت على الموضوع
وثانيا الزراجي مامر على احد من الاعضاء حسب ما بان لي من الردود السابقه
وانا اعتقد ان فيه خطأ في الطباعه
ويمكن يقصد به طائر الدرجلان او الدرج وهو من اسبق الطيور واصعبها على الصقور بحيث يصعب الاقتناع بالخبر عندما يكون عن مدح طير يصيد هذا الطائر
واذا وجد وتاكدوا من صحة الخبر يكون هذا الطير مضرب مثل عند الكثير في السبق ويكون الحديث عنه في مجالس الصقاقير لفتره ليست بالقصيره
فهد الميموني
11/02/2007, 10:03 AM
الزراج هو فرخ القطا وهو من اسبق الطيور في الطيران ولا يلحق هذا الطائر الا النادر من الشياهين السبوقه فالشاعر

يصف سرعة السياره بسرعة تصخير الشيهان لفرخ القطا (الزراج)وهو تشبيه بليغ من الشاعر رحمه الله
وسلامتكم
كل القصيد
11/02/2007, 10:38 AM
الزراج هو فرخ القطا وهو من اسبق الطيور في الطيران ولا يلحق هذا الطائر الا النادر من الشياهين السبوقه فالشاعر



يصف سرعة السياره بسرعة تصخير الشيهان لفرخ القطا (الزراج)وهو تشبيه بليغ من الشاعر رحمه الله
وسلامتكم
كلااااام سليم والله أعلم
رعد الصقار
11/02/2007, 06:39 PM
السلام عليكم ولايهون راي الاخوة المشاركين وكما عرف الاخ ابو رداد ان الزراجي هو فصيلة من الحمام الوحشي الذي يعيش في الكهوف والابار المتروكة ويكون ازرق اللون وسريع الطيران وعادة نستخدمه نحن صيادي الصقور في العراق لصيد الشاهين تحديدا لان هناك فصيلة من الشاهين ترغب هذا النوع من الحمام اكثر من القطا ..ولكم الشكر