مخاوي الصقور
17/03/2003, 04:13 PM
اخواني اعضاء منتديات مكشات
اسعد الله اوقاتكم بكل خير
بودي ان اطلعكم على محاوره صارت بين اخوان كانوا يدخنون
وواحد منهم ترك الدخان وارسل رساله جوال لأخوه يطلبه فيها انه يترك هالسم ورد عليه
واسمحوا لي في بعض الأبيات ترى ماقدرت انزلها لخصوصيتها
ابو عيضه:
تركت انا الدخان ولو كنت شفقان"="وش لون ازيد القــلب نـارٍ على هـم
ابو راكان:
ياخوفي انك تارك التتن طـــربان "=" ومن بعدها تــطرب وللكـيف بتـشم
ابو عيضه:
لا هو ولا غيره ترى القلب ندمـان "=" عفت القريب اش لون ماعوف انا السـم
احكم على قلبي بكيفي على شـــان "=" مايخـــتلط سقمي مع الـــروح والدم
ابو راكان:
ماقد عرفنا الحر من غير جنـــحان "=" وما قد لبسنا الثوب مقصــــــوص له كم
ابو عيضه:
ماترمي البندق على غير نيــشان "=" ومافي بحــــــر ياصــاح ماله ابد يم
ابو راكان
ماني من اللي يارد العد ظمـــــــيان "=" بس فرحتي جرحــــي ليا طاب والتم
ابو عيضه:
الحــمــــد لله دامـــــني دوم ريــــان "="اقلط على علـــمي ودايـــــم له اتــــــــم
ابو راكان:
ياصاحــبي لا تقعد الليل سهــــــران "="مانته بــــتاجر تعــــرف الكــــيف والكم
ترى المراجل مالها غير نشــــــطان "=" وبيتٍ بلا سيــــسان راح يتــــــــهدم
((ياريع ميدع)) فيك دارٍ وعــنوان "=" احســـــدك انا ياريع لو كان تعلم
ابو عيضه:
بيتن وصلني منك والحال شقـــــيان "=" زدته على مابــــه من الهــم والغــم
عودٍ غدابه صار له وقت وازمــــان "=" وجدي عليه الــــيوم وجد المـــيتم
ياريع انا بطلبك لو كان ماكــان "=" بيني وبيــــنك عشرة اللـــحم والدم
وسلامتكم
احب اوضح مكان ذكر في الابيات وهو ريع ميدع وهو المكان اللي دفن فيه ابو هالشخصين
تحياتي,,,
اسعد الله اوقاتكم بكل خير
بودي ان اطلعكم على محاوره صارت بين اخوان كانوا يدخنون
وواحد منهم ترك الدخان وارسل رساله جوال لأخوه يطلبه فيها انه يترك هالسم ورد عليه
واسمحوا لي في بعض الأبيات ترى ماقدرت انزلها لخصوصيتها
ابو عيضه:
تركت انا الدخان ولو كنت شفقان"="وش لون ازيد القــلب نـارٍ على هـم
ابو راكان:
ياخوفي انك تارك التتن طـــربان "=" ومن بعدها تــطرب وللكـيف بتـشم
ابو عيضه:
لا هو ولا غيره ترى القلب ندمـان "=" عفت القريب اش لون ماعوف انا السـم
احكم على قلبي بكيفي على شـــان "=" مايخـــتلط سقمي مع الـــروح والدم
ابو راكان:
ماقد عرفنا الحر من غير جنـــحان "=" وما قد لبسنا الثوب مقصــــــوص له كم
ابو عيضه:
ماترمي البندق على غير نيــشان "=" ومافي بحــــــر ياصــاح ماله ابد يم
ابو راكان
ماني من اللي يارد العد ظمـــــــيان "=" بس فرحتي جرحــــي ليا طاب والتم
ابو عيضه:
الحــمــــد لله دامـــــني دوم ريــــان "="اقلط على علـــمي ودايـــــم له اتــــــــم
ابو راكان:
ياصاحــبي لا تقعد الليل سهــــــران "="مانته بــــتاجر تعــــرف الكــــيف والكم
ترى المراجل مالها غير نشــــــطان "=" وبيتٍ بلا سيــــسان راح يتــــــــهدم
((ياريع ميدع)) فيك دارٍ وعــنوان "=" احســـــدك انا ياريع لو كان تعلم
ابو عيضه:
بيتن وصلني منك والحال شقـــــيان "=" زدته على مابــــه من الهــم والغــم
عودٍ غدابه صار له وقت وازمــــان "=" وجدي عليه الــــيوم وجد المـــيتم
ياريع انا بطلبك لو كان ماكــان "=" بيني وبيــــنك عشرة اللـــحم والدم
وسلامتكم
احب اوضح مكان ذكر في الابيات وهو ريع ميدع وهو المكان اللي دفن فيه ابو هالشخصين
تحياتي,,,