ضمن فعاليات مهرجان الربيع بالرس ((( سباق المقناص )))

[ابو صاالح]

بسم الله الرحمن الرحيم



ضمن فعاليات مهرجان الربيع في محافظة الرس أقيمة عدة فعاليات وكان ضمن هذه الفعاليات مهرجان سباق المقناص الذي كان عباره عن (( سباق بين كلاب الصيد )) وكان السباق مفتوح بين مدن القصيم والقرى التابعه لهاا والمدن الاخرى ،، وقد اقيم هذا السباق في يوم الخميس الماضي ، والذي شهد كثير من الحضور وقد كان عدد المشاركين ما يقارب الأربعين ، وقد قامت بلدية محافظة الرس والمنظمون جزاهم الله خيرا بالترتيب والتنسيق لهذا السباق ،، إلا ان السباق لم يلقا من المتفرجين والحضور التعاون الذي كان مطلوب منهم ، وحصل اختلافات كثيره حول الفائز رغم وضوح النتيجه ،، إلا ان اللجنه رجحت احدى المتسابقين والذي كان له الحق بالفوز وهو أحد سكان محافظة الرس ويستاهلون اهل الرس ، وقد تم تسليم الجائزه وهو الظبي ,, نتمنى من الجميع المشاركه بالموضوع وطرح وجهات النظر ، وزيارة هذا الرابط اللذي قام بتغطية الحدث
http://www.alrassxp.com/forum/showthread.php?t=59669
ونشكر المنظمين على ما قامو عليه من جهود وافكار - سباق المقناص - الذي كانو السباقين لمثل هذه المسابقات التي يهتم بها شريحه كبيره من الشباب وجزاهم الله خير على ما فعلو
وبإذن الله لنا تغطيه خاصه ورجعه للموضوع بالصور والمقاطع التي تفصل ما حدث . اخوكم ابو صالح

[ابو صاالح]

وهذي صورة السلوقي الذي فاز بالظبي بعد رجوع اللجنه لشريط الفديو .

http://www.9q9q.org/index.php?image=UekSTRPsNvvqa2

[ولد عنيزة]

ازين شي بالسباق اننا لقينا الذيخ المسروق
ومشكور ابو صالخ على التغطيه

[جمر الغضى]

ما شاء الله
ما شاء الله
ما شاء الله

سباق رائع-تنظيم رائع(لولا الهمج الأغبياء)

ماشاء الله على السلوقي حقيقه مسكت (الأبيض طبعاً) انا من الناس الي شافته على الطبيعه وعلى التصوير...

تغطيه رائعه أخوي ونتمنا منك تنزيل صور عن أشهر السلق المشاركه .....

[القحطاني505]

مشكووووووووور اخوي ابوصاالح على المجهود الرايع وهدد حلو وتستاهلون ياهل الرس كل خييييير بس في ملاحظات صورة الاول مو واضحه تبين مواريه والشيء الثاني المشاكل ماتعيب على الهدد لان صارت واجب في كل هدد وماقصرت يابوصالح والله يعطيك الصحه والعافيه

[ابو صاالح]

حيااااك الله اخوي دواااس الضلما ومبرووووووك مبرووووووك والحمد لله الحلال يرجع لأصحابه بالنهايه وأبيك بالماسنجر تعلمن السروقين تكفى .. اخوك ابو صالح
---------------
اخوي جمر الغضى صدقت البلديه ما قصرو ابداا لدرجة انهم جابو دوريتين من الشرطه بس عاد على قولك الهمجيين حاسو بس الحمد لله ما حاسو إلأ بعد ما وصل اول سلوقي للضبي رغم ان الظبي واقف وما فز لين وصلنه بس الحمد لله الحوسه بعدين صارت ،، اما بالنسبه للصور السلق المشاركه واللي تاصل لثمان وربعين سلوقي وسلقه ما احصيت منها شيء ولا عرفت منها شيء إلا القليل القليل ولا يذكرني منها شيء والجمييييع ما قصر ،،، والبنسبه للسلوقي الأبيض (( اصفر شوي )) لونه هو الفائز وشهادتك يعتز بها اصحاب السلوقي والله يعطيك العافيه .... اخوك ابو صالح
---------------
اخوي القحطاني حياااك الله وبشر بالصور بس لا تستعجل نبي ننسق شوي ونصفي الصور ونعطيك العلووووم ،، وعلى قولتك المشاكل صارت لازم بكل هدد شلووون والهدد عااام ومفتووح والحضارين ما شاء الله وش كثرهم والصور توضح ذلك .. ويعطيك العافيه على المرور .. اخوك ابو صالح

[أبـ [مطلق] ـو]

مشكور يابو صالح على التغطيه ..

ماقصرت يالغالي ..

بس اعذرني اقولك بصراحه هدد فاشل الي صار هاذا

ولا يبين الكلب الطيب من الكلب الردي ..

يعني ما مشا الظبي ولا شي وراعي الشاص الله يهيده ما بقا الا نحط رقم على باب الشاص ونعتبره من المتسابقين

ولا انا عرف سلق والله حاطه الظبي بمخباته بالنسبه ان السباق لسلق الرس وانا اعرفهن كلهن


مشكور مره ثانيه ..


تحيااتي

.

[طلو]

السلام عليكم يستاهله ضبيان
بس والله يالناس بعضهم همج واحد جايبي لي سلوقي اسود يقول هو الي طارح الضبي عطني الضبي ومتعلق بالجيب وشايل سلوقيه معه يحسبها خبط لزق ما درى ان فيه كمره ولجنه واشوى ان الكمره لقطت صوره السلوقي الي وصل الضبي الاول
وشكرا

[قناص_قطر]

مشكور على التغطيه يابوصاح ويعطيك العافيه

بس الذا تقدر اتزودنا بافيديو ونشوف الهدد

وماقصرت

[ابو صاالح]

حياااك الله اخوي ابو مطلق ومشكور على المرور ،، وصدقت امطلق بأن السباق مسافته قصيره لكن اخااالفك باللي حاطين الفوز بمخابيتهم لأن السلق الطيبات وااجد وانت ما تعرفهن ،، وللمعلوميه اخوي ابو مطلق يوجد عرض فديو قريبا ننزله سيغير كلاااامك كثيرااا ،، لأنك ستجد بالمقطع ان السلوقي من ااخر السلق اللي انطلقت (( اقول ماله داعي نتفلسف بس راح تشوف المقطع ونشوف رايك بعدين )) وللمعلوميه السباق للي ياصل الظبي اولااا واللي وصله الأول يستحقه بغض النظر عن المسافه ،، وانا كنت اتمنى المسافه تطوول اكثر عشان نستانس بالهدد اكثر :d :d الله يعطيك العافيه ابو مطلق اخوك ابو صالح .
==================
اخوي طللو الله يعطيك العافيه على المرور ووصلنا الموقف اللي سويته لتسوية الأمر بالمهد وفك الاحتجاجات بين (( بعض الناس )) اللي كلن يقول الظبي لي والحمد لله ظهرت النتيجه بأعيننا اولاااا وبكميرا اللجنه ثانيا وبكمرات المصورين من الجمهوور وهي الأفضل ،، وتستاهل كل خير اخوي طللو ويعطيك العافيه على المرور .
==================
قناص قطر حياك الله وبشر بالمقطع ولو ان الهدد صغير إلا ان المقطع فيه لقطات حاسمه وقويه للهدد
=================
للمعلوميه انطلاقة السلق لم تكن بشكل واااحد بل بشكل ملخبط والمقطع يبين كل شيء .

[معدي المرقاب]

الاخ ابو صالح تحيتة طيبه انت تقول وكان السباق مفتوح بين مدن القصيم والقرى التابعه لهاا والمدن الاخرى ،، فنحن مع احترامي لك انا تفاجئنا من قبل اللجنه المنظمة للحفل ان المشاركه مقصوره على اهالي الرس فقط وهذا ماحصل عندما اراد احد الشباب من المحافظات القريبة للرس تم رفض المشاركه بهه الحجة:
وشكراً

[القـــناص]

اخوي : ابو صالح

مشكور على هذه التغطيه الجميله

مبروووك للسلوقي الاول....

مع اني سامع ان المهد كان غير منظم ابداً

وانه كانت السيارات متقدمه على السلقان

الى ان اللجنه المنظمه ماقصرت ولبّة طلب

هوات السلق واشكر اللجنه على مجهودها...

وان شاء الله السباقات القادمه تكون افضل...

[جمر الغضى]

مشكور اخوي ابو صالح واتمنى لك التوفيق على هذه التغطيه وعلى تواصلك مع الردود...


وبسراحه احيي أخوي المشرف (طلو) وأقوله انك مشرف في المنتدى والميدان وأكيد ماجت هذه الثقه إلا من الخبرةواتمنى لك التوفيق
وجميع الأعظاء

[طبيعي]

السلام عليكم ياابوصالح
مشكور على نقل الخبر ومبروك للفايز
انت ذكرت ان عدد السلق تعدى الاربعين سلوقي !!!!هذا عدد خرافي ولا يمكن في اي حال من الاحوال ضمان نجاح اي مهد تصل فيه اعداد السلق الى هذا الحد!!!! اذا كم عدد الجمهور؟؟؟كم عدد السيارات ؟؟؟لكن يبقى هذا المهد مكمل لانشطة المهرجان ليس الا
ولا يعكس المستوى الحقيقي التنافسي بين السلقان مع كامل احترامي لاصحاب السلق الفائزه بالمراكز المتقدمه
واتمنى انه تقام عندكم تصفيات دوريه في منطقة القصيم لان الواضح ان اعدادالهواة بدأ في ازدياد ولن يستطيع اكبر وامهر منظم السيطره
على مثل هذه الاعداد في مهد واحد
اتمنى لهذي الهوايه مزيد من التطور والتقدم
مبروك الف مره للفائز
مشكورالف مره اخوي ابوصالح


ودمتم لنا سالمين

[ابو صاالح]

حيااااك الله اخوي معدي المرقاب واللي حصل بينك وبين اللجنه له تفسرات وهي واحد انك جيت متأخر جدااا لأنه عندما كثر المشتركين بدأو يحصرون المشاركه لأهالي الرس والدليل ان نصف المشاركين تقريبا من خارج الرس وسأل اي واحد من الرس ،، ثانيا انا بقولك فيه من المشتركين من عنيزه وهذا يدل على انه ليس من الرس والدليل الاخر ما كتب بالمنشرات والمواقع الأخرى وجريدة الجزيره انه المشتركين من الرس وغيرهااا ويعطيك العافيه اخوي :D ياخي كان خليت خويك يجي بدري قبل السباق بثلاث ايام او اربعه المشتركين شويين ويقبلون اي وااحد ،،، عموما خيرها بغيرها ويمكنها خيره لخويك ولك ولك جزييييل الشكر على الرد

--------------------------------------------------------------
اخوي القناص حياك الله اخوي وحنا لو نفتك من الكلاام والأشاعات ،، اخوي اللي وصلك من كلااام صحيح بس ماا صار لين ما وصل اول سلوقي للظبي وبعدها الناس بدت تخطم على الظبي والسلق وللعلم المقطع يبين ذلك وترى الظبي واقف لين وصلنه السلق منخرش وبعدها عشق الأول وداس بس ما امداااه الناس حاسو الدنيااا وانشاء الله المراااات الجااايه يخلوونه بمكان مغلق او اي طريقه ثانيه هذا اذا صار فيه مره ثانيه وسلااامتكم .
---------------------------------------------------------------
اخوي جمر الغضى حياك الله وما قصرت على الرد وفعلاا مشرفنا طللو ما قصر لا هنا ولا هناااك وقال الحق
---------------------------------------------------------------
اخوي طبيعي حياااك الله اخوي وانا اوافق الكلاام بس بشرط ... اانا اقول السلق المتدربه على المهداات والسلق الحاره على الصيد والسلق الطيبه تبي تفعل شيء ،، اقولك ليه ؟ لأن السلق المدربه على المهداات متعوده على السيارات والزحمه وتعرف الظبي وتبي تطلبه ،،، والسلق الحاره والطيبه اذا شاف الصيد ينعمي ما يشوف قداامه غير الصيده ,, وهذا ما رأيت وما سترى بنفسك بالمقاطع اللي طولت ما جت ان السلوقي كان اخر من اواخر السلق اللي انطلقن وتجاوز السلق ووصل للظبي الأول ... وللمعلوميه اخوي السلوقي شارك قبل كذا واثبت جدارته ولا داعي لكثرة الكلام والمهاااايط بس حيت اوضحلك النقطه هذي ،، وانا مالي دخل بالسلوقي مجرد خويي راعيه والثانيه ابقول الحق واقول كل اللي صار ،، وانا لا اقول ان السلوقي هو افضل السلق بذاك المهد لكن يعد من السلق الطيبه (( ترى هالكلمه عشان ما يقولون مهايطي )) :D :D وحياااك الله اخوي طبيعي

اخوكم ابو صاالح

[أبـ [مطلق] ـو]

على العموم اخوي ابو صالح يعطيك العافيه .. :)

لكن لو اقدر اجيب سلقه اشارك به .. بس سمعت يقولون ان سلق الرس بس ؟؟


واعتقد فيه الخميس الجاي صح ؟


انتظر ردك

تحيااتي

.

[ابو صاالح]

الله يعااافيك اخوي ابو مطلق وليتك مشارك والله
اما الخميس فيه سباق والله ما ادري

[أبـ [مطلق] ـو]

انا قالوا لي ما تدخل السلق الي برا الرس ولا ادري عن صحة الخبر هاذا

لكن حاول تتأكدلي وتشوف إذا اقدر اشارك

وتأكد فيه هدد الخميس الجاي ولا لا


تحيااتي

.

[ابو صاالح]

اخوي ابو مطلق والله ما ادري فيه هدد ولا لا ،،، يمكن فيه هدد بس انا ما ادري عنه

[أبـ [مطلق] ـو]

يعطيك العافيه

ماقصرت يالغالي ..


تحيااتي

.

[ابو صاالح]

واخيرا بعد مضي اشهر احضرت لكم المقطع وكما ترون المقطع صغييير والهدد صغير ولكن عن قولة فاز السلوقي كذا وفاز السلوقي كذا ،، وللمعلوميه السلوقي كما ذكرنا سبقا هو ااخر السلق اللي انطلقت والنتيجه قداامكم ونتقبل رأيكم .
للكمبيوتر (( صافي تقريبا ))
http://www.m5zn.com/Download-7.php?name=ca19075bfa.mpg (http://www.m5zn.com/Download-7.php?name=ca19075bfa.mpg)

للجوال قليل الصفاوة
http://www.m5zn.com/Download-7.php?name=7664151710.3gp (http://www.m5zn.com/Download-7.php?name=7664151710.3gp)

-------------------------------------------------------------------
وشكراااااااااااااااااااااا

[sasasasas]

الله يعطيك العافيه اخوي ابو صالح مجهود منك طيب

وما قصرت يا الغالي

[ابو صالح]

ما قصرت يبو صاالح

[مورد القيفان]

مشكور اخوي على التغطيه المتميزه والله يعطيك العافيه

[المهاااااجر]

مشكور اخوي ابو صالح على هذي التغطيه

[ابو صاالح]

اخوي مورد القيفان حياااك الله
اخوي المهااجر تشكر على الرد والتفاعل

[راعي الفلوجه]

اخوي ابو صاالح ..
بصراحه تشكر على هذه التغطيه الجميله ..

[المواادع]

يبين على الهد منضم وخوش هد ويعطيكم الله العافية جزاكم الله خير