فزعة النواخذ والحداقين

[بتعلم واجيك]

السلام عليكم مساكم خير.

اخواني انا جديد على الطرادات وكنت دائم احدق بالسيف.

من يوم خذيت الطراد واعاني من التيارات الخيط ما ينزل لقاع البحر للاسف. وياخذه التيار.
ومافي صيد. للمعلومية اصيد حول الجسر وعند التحلية. مدينة الخبر

ركبت ثقاله 4 و 5 ولاكن مانفع بعد تيارات.
عندي باورا مقاسها 7 كيلو لتثبيت القارب.

للعلم اصيد عند التحلية وجمب الجسر. ولا عمره نقد علي اي شي.
ياليت واحد يعطيني نبذه تعريفه ويساعدني انا من عشاق الصيد وبقوه. حتى لو بمقابل ما في مانع.
ابي اعرف طريقه الحداق والاحداثيات ووش احتاج للحداق بالقارب مشكورين.


واي شخص وده يرسلي ملف صوتي على الواتساب مافي مشكله يعطيني رقمه واكلمهً واتس.

والله يجزاكم خير جميعا وانتظر فزعت النواخذ نبي نصيد 😂

[ابوعد3]

السلام عليكم ورحمة الله وبركاته
اولا الف مبروك الطراد والله يرزقك ويوفقك ان شاء الله
اما بالنسبة لموضوع ان الخيط ماينزل القاع فهذا والله اعلم
حسيب خبرتي البسيطة بسبب المد والجزر فااتوقع انه لازم تقوم بتغيير موقعك
علشان تتفادى المد
اما بالنسبة للمواقع بالامكان تستعين بالاجهزة الحديثة مثل جهاز الاعماق وتشوف لك
شخص تطلع معه رحله كم ساعه وتستفيد من خبرته
وبتصير معلم ان شاء الله
وتقبل تحياتي

[الصيادالمليح]

المنطقة اللي تصيد فيها عادة تكون شحيحة الصيد بسبب الاعمال القريبة من الجسر .. يبي لك تتجه للمناطق العميقة نسبيا

و انصحك بجهاز كاشف الاعماق حتى تعرف الاماكن التي تحتوي على صخور مرجانية تنتشر حولها الاسماك

[accentkool]

بحر الخبر معروف بالتيارات
تحتاج رداع مقاس 12 متر وثقال 10 ولا 9
وثبت الطراد بالباورة

[خالد.الخبر]

مبروك عليك الطراد
بحر الخبر إذا كان التيار قوي زيد ثقل البلد وخل الترديعة(المسافة بين البلد والسنارة)7باع والأماكن عنك شمال وجنوب وحاول كل مدة تغير المكان إذا مافية صيد وعليك بالقص إذا عندك فيش فيندر وإذا ماعندك شوف وين واقفة الطراريد وخلك حولهم بس لاتقرب منهم حيل وشوي شوي بإذن الله بتسلك أمورك

[NEWASSER]

اذا تبي شي من بحر الجبيل ابشر بعزك كلمني خاص