حرارة الاندكروز

[yousif06]

السلام عليكم ورحمة الله وبركاتة
موضوعي يااخوان عندي لاندكروز vxr 2006 الحمد لله امورةه طيبة لاكن الحرارة توصل الى النص وماتتعداها الا اذا دخلت بالرمل تترتفع الحرارة فوق النص بقليل وهذا امر طبيعي لان ضغط المكينة يكون اعلى لاكن ودي اعرف هل الحرارة طبيعية بالنص لان واقف يمشي على النص ارجو من الاخوان الإفادة والف شكر مقدما

[yousif06]

مواصفات السيارة
http://www.xzx4ever.com/vb/up/uploads/14996899461.jpg (http://www.xzx4ever.com/vb/up/)

[ابوراكان تبوك]

بالنسبه للاستخدام في التطعيس تفرق من مستخدم لمستخدم فما تقدر تحكم عليه
اذا كان يوصل النص بالخط وحراره الجو حول 35 هذا يعتبر غير طبيعي
لازم تعرف السبب
الاهم انك معبي ماء تويوتا الاحمر ممتاز جدا بدون خلط
لو كنت معبي ماء مقطر ساده هذا يرفع الحراره
المهم
انت تاكد لايكون البلف مجيم لانه حصل من فتره قريبه لاحد الاخوان ولقى البلف مجيم ومايقتح كامل
انت شيل البلف وجرب ان زانت اموره 100‎%‎ غير بلف فقط
اما اذا بقيت الحراره
افحص تماتيك المروحة واذا كان سليم تاكد ان ضغط غطى الرديتر مكتوب 108
اذا كان مضلوط
اخر حل التصييخ واحرص انك تغير الطبة اصليه قيمتها حول 350 وتعبي معها ماء تويوتا احمر بدون خلط وتغير البلف احتياط على طريقك واذا كان يركب له بلف ديزل 76 درجة هذا مضبوط
ونصيحة اذا المكينه شد بلد لاتهمل الحراره مع ان الفكسار اقوى سيارات اللاند مقاومه للحراره

موفق

[علووووم الحيا]

عليكم السلام ورحمة الله وبركاته

انا مثلك وفكيت البلف وارتحت من ثلاث سنين والحرارة ما تعدى الربع الا نادر

لكن في الشتاء وقت البرد الشديد تحتاج من 3 - 5 دقائق حتى يدفى الموتر

[ابوراكان تبوك]

ترا ما اقصد انه يشيل البلف نهائي
بس يشيله كـ تجربه
لانه احيان يجيم ويقفل

اذا ضبط بعد ماتشيل البلف ركب بلف ديزل 76 درجة
واذا بلف الديزل مايركب خذ حقه الاساسي مع ان الديزل افضل
حق شد البلد يفتح ع 82
الديزل 76 افضل

البلف مهم جدا جدا ويحافظ ع الراس
لانه عند الحراره العاليه يقفل كـ حمايه للراس
لان الراس لو جاه ماء وهو حار ينشعر على طول
لكن بوجود البلف يطفي الموتر
لو ترمي البلف يخلط وانت مادريت اذا احتر

زياده على ذلك ان البلف اقتصادي للبنزين وينظم عمل الحساسات بشكل دقيق واعتماد الموتر كله بالوزن ع الحساسات فإذا شلت البلف تخل الحركة او المنظومه حقت الكمبيوتر

[yousif06]

السلام عليكم
شكرا جزيلا اخوان على الرد وما تقصرون لاكن الي معجبن ان الحرارة ثابتة على النص لو المشكلة بالبلف او الراديتر تكون مو ثابتة ترتفع وتنخفض حسب ممرات الماء ومويه الراديتر احمر تويوتا وبين فترة وأخرى اشيك على الماء طبيعي ما ينقص
وشكرا جزيلا ما تقصرون

[بدر دبي111]

يركب بلف ديزل 76 انا ركبت اول وكلام المهندس ابوراكن في محله 200/200

[yousif06]

هذا غطاء الراديتر
http://www.xzx4ever.com/vb/up/uploads/14997691871.png

[ابوراكان تبوك]

غطى الاديتر هذا حقه بالضبط الاصلي
لكن باين عليه قديم

اعلمك كيف تفحصه
الصباح والموتر بارد لاتشغله افتح الكبوت على طول وعينك ع الخراطيش شوف فيها شي منثني وخاصة اللي جاي من الراس وشابك بالاديتر من فوق
وبعده امسك الغطى بيدك بدون ماتفتحه اتكي عليه شويه وحركة يمين ويسار بقوه شوف به فضاوه او لا
الخطوه اللي بعدها فك الغطى شوي شوي لاحظ الصوت تسمه صوت ماء يخض او صوت هواء

بعد ماتفك الغطى تفقد حواف الجلده شوفها بها شقوق او لا واضغطها مع الوسط لاحظ حركة السسته حقته سلسه او بها تدقيره
اذا فيه اي من الملاحظات المذكوره تستوجب تغيير غطى

يبقى اخيرا فحص الخراطيش
وهذا والموتر حار اذا وصل النص او حوله فك الكبوت وخلي احد يدعس بنزين لين يجي الضغط 3 او 4 افضل
وانت راقب الخراطيش تنثني او لا

وغير كذا مايبقى الا فحص الشكمان عن السدد او احد الدبات تكون منتفخة ومسكره
وجميع ماذكرت من اهم مسببات الحراره وجميعها تقدر تفحصها بنفسك

[yousif06]

ما قصرت اخي أبو راكان وانشالله نخدمك بالأفراح

[alwali]

هذي حرارته على طول النص معروف بالاند
اذا تبي تنزل الحرارة حط ثرموستات حق ديزل

[ابو حمد 200]

السلام عليكم
اسباب الحراره معروفه واكتبها للتذكير
اوتوماتيك المراوح(تغغير)
مروحة التبريد(فحص)
بلف الحراره(غيير الكوع)
الراديتر (يحتاج تسييخ)
غطا الراديتر (يحتاج تغيير)
تهريب ماء من احد الاهواز او الراديتر
طرمبة الماء (تغيير)

وبعيد الشر شعر في الراس

تحياتي