مواقع قرى ومحطات بنزين على برنامج (Mapsourse) [الأرشيف]

بـــدر

17/03/2003, 08:53 PM

بسم الله الرحمن الرحيم
هاذ الملف المرفق فيه أكثر من (250 ) موقع ونقطة في منطقة الصمان والنفـود وكذالك بعض مناطق الشمال
الجهد مني ومن بعض الزملا المهتمين بالبر والمكاشيت أسآل العلي القدير ان ينفع به اخواننا رواد هذا المنتدى الطيب.
لمعرفة اسما المواقع والنقاط المسجلة في هذا الملف:
1 - اول شي روح لنقاط بعد ما تنزلها بجهازك.
2- أفتح اي نقطة بعدين اظغط الزر (Menu) يفتح لك مربع حوار فيه تقريبا ثلاث خيارات على حسب نوع جهازك.
3- روح للخيار ( waypoint Note) بعدين اظغط الزر (Enter) يطلع لك مربع في اسم المكان.

انا،، حاولت اكتب الحروف بلغة الترميزالقديمة مثلا (3=ع ، 5=خ) بس والله بعض الشباب قالو محد يعرفها لانها لغة ترميز قديمة.
لاتنسوني وكذالك الاخوان الي ساعدوني في اعداد هاذ الملف من صالح دعائكم

العازمي

17/03/2003, 09:21 PM

رائع رائع رائع أخوي بدر الله يكثر من أمثالك ومثال كل من قام على هالعمل الجبار:good: :good: :good:
أرفق لكم صورة الأحداثيات بعد مادخلتها على الماب سورس...ولكن فية ملاحظة أن كل الأحداثيات باالأنجليزي
ويصعب علينا معرفة الموقع حنا بالعربي مانعرف بعض المواقع بالسعودية... ولكن جهد تشكرون علية..
فية ملاحظة:: الملف مايفتح معك الأ أذا فكيت الضغط عنة وبعدين تشغل الماب سورس
وتروح لملف ودور الملف اللي فكيت الأحداثي فية وتظغط علية تطلع .. ... للمعلومية فقط..تحياتي

http://www.mekshat.com/pix/upload/images/mab sors.jpg

بـــدر

18/03/2003, 11:50 AM

كلامك صحيح 100% بنسبه لبعض المواقع ماراح تنفهم لانها مكتوبة بالإنجليزية ، السبب لان القارمن ما يقبل عربي، لاكن لو إستخدمنا الترميز العربي واعتمدوه الشباب مستقبلا راح انشالله تنحل المشكلة وراح اعطيك مثال بسيط:موقع روضة خريم التسمية بالنجليزية (Rodah khraim)
لو اتستخدمت الترميز راح يصير كتالي (Ro8ah 5raim)
حاول تنطقها (8) يوافق حرف (ض)
(5) يوافق حرف (خ) .

بالنسبه ليش انا ارفقت الملف مظغوط لان المنتدى ما يقبل الا الملفات التي تنتهي بالإمتداد (zip.*). يعني لازم اظغطه عن طريق برنامج ( Winzip ).
والله الموفق

أيمن

18/03/2003, 01:09 PM

أحسنت أحسنت ..
عز الله ما قصرت أنت وربعك، وجعلك دوم على القوة ..

تحيتي

almotla3

18/03/2003, 01:55 PM

يعطبك العافيه على هذا الجهد

تحياتى

new1

18/03/2003, 02:22 PM

:good: جهد كبير تشكر عليه

جزاك الله خير

ابوهلا

18/03/2003, 04:40 PM

الله يثيبك على جهدك
اليوم قليل الي ما يطلب بيزات;)

العازمي

18/03/2003, 05:06 PM

يعطيك العافية أخوي بدر..
ياريت لو يرفق ملف بأسماء المواقع بالأنجليزي ومقابلة مترجم بالعربي يعني؟؟
يعمل جدول:مثلاً
Rodah khraim------------- روضة خريم.... الموقع...منطقة الرياض وهكذا..
============------------========.... الموقع..
أنا عارف أنة متعب أشوي لكن على أقل من مهلك... مثل هالموقع هذا أقراة بالأنجليزي لكن مأعرف وين يوجد(((krym ))
أنا عارف أن شاء الله أن صدرك وسيع ويتحملنا والقصد الفائدة للجميع.. مشكور أخوي بدر

almohtrif60

19/03/2003, 05:36 AM

الله يعطيك العافية

almohtrif60

19/03/2003, 05:37 AM

الف شكر

عبدالله الدوسري

19/03/2003, 02:05 PM

أحسنت وجزاك الله كل خير....

أنا أقترح يا أخوي بدر... تعديلا على اقتراح العازمي

أن واحد من الشباب يتبرع وينزل النقاط هذ على ملف وورد.... (بحيث كل نقطة: اسمها مكتوب بالإنجليزي، وإحداثية الموقع...)...

بعدين إذا جهزت بهذا الشكل وخلص هالجدول... يجي دور أخونا بدر يترجم أسماء المواقع...

مهوب كذا أسهل؟؟؟

القماري

19/03/2003, 03:11 PM

تسلم والشباب إلي معاك على هذا الجهد ومشكورين

بـــدر

19/03/2003, 05:05 PM

أبشرو بعزكم والله ،،،
أنشالله في طريقة ثانيه بس اصبرو شوي كم يوم (والله يمكن كم شهر). لان الايام هذه في لخبطه في الدوام يعني قليل أجلس على النت ، الين تزبط معي وانزلها انشالله.

بعدين يا شباب الي عنده موقع زين سواء منطقة مربعه أو فيضه من الفياض يعطينا موقعها وأحداثياتها وندرجها في الملف الين يصير عندنا قاعده بينات متكامله على الماب سورس، ويمكن يستفيد منها أخونا السعلو ويضيفها الى (الخريطه حقت الصحراء) .

بـــدر

21/03/2003, 10:42 PM

السلام عليكم ورحمة الله وبركاته،،
الي يحتاج (برنامج مابسورس) إنتقل الى هذا الرابـــــط

موضوع تنزيل برنامج ماب سورس (http://www.mekshat.com/vb/showthread.php?s=&threadid=7596):butt3:أخوكم بدر:D

masiri

25/03/2003, 12:29 AM

الاخ بدر مجهود ممتاز
ولكن بالنسبة لكتابة الكلمات بالطريقة اللي اقترحت تضعنا في وضع الغراب اللي جا يقلد الحمامة في المشي وماعرف يمشي مشيتها جا يرجع لمشيته نسيها..............

بـــدر

25/03/2003, 03:57 PM

حيالك الله اخوي masiri :no2: هي طريقة ترميز للحروف العربية عن طريق استخدام الاحرف الانقليزية والطريقة ترى مستخدمة من قبل العرب في امريكا قبل ما تنتج (شركة مايكرو سوفت الويندوز) العربي يعني من سنة 1986م . والان لوجيت تقراء أسم موقع في ال(GPS) صعبه تفهمه الا بإستخدام الترميزالذي سبق وان ذكرته وانا عموما مستخدمه من فتره وماشي ممتاز 100% .
اما عن موضوع (تقليد الغراب للحمام .....) :bounce: قلي وش الحل في الوقت الراهن الا اذ الله اراد وصار هناك جمعيةهواه تنادي الشركات المصنعه لإجهزة الملاحة يترجمة برامجه وهي ترى ماهي بصعبه بس على حد علمي ما احد طلب منهم ذالك وكذالك يقولون ان السوق العربي من اصغر الاسواق طلباً
لاجهزة(GPS) عشان كذا مهم خاسرين فلوس في ترجمة اجهزتهم

وعموما هاذا مجرد اقتراح وانشاء الله بنشوف ردور من إخوانا في المنتدى لحل هذا المشكلة.

ألرسـّي

30/03/2003, 06:57 PM

مشكوووووووووووور

راعي القادا

04/04/2003, 01:24 PM

الله يعطيك العافية ويجزاك خير وامثالك من الاخوان اعضاء المنتدى

مشراف

06/04/2003, 02:11 AM

يالربع بعد السلام عليكم
يوم حملت الملف ونزلته على سطح المكتب جيت ابي افتحه ولا ماعندك احد مادري ليش وبعدين لاحاولت افتحه يفتح عن طريق برنامج الريل ون بلير ولا يشتغل وش السالفة يالربع ثم افترض ان احدكم فزع وساعدني لاني اعرف اهل المكاشيت راعين طولات من يقولي الطريقة اللي انزله من سطح المكتب على الماب سورس وتصير الاحداثيات ضمن الخريطة عشان بعدين اسالكم مرة ثانية وشلوووووون احملها على القارمن هاللي شيرته ناذخنبه الستريت بايلوت لكن ماحولك احد خويكم مامن صمايل ولامن لغة تساعده وصارلي مثل ( شضاض ) جحا الليعرف وش و الشضاض يدخل :D :D :D

س10

29/04/2003, 01:28 PM

جزاك الله ألف خير يا خوي بدر

أضم صوتي مع الأخ مشراف فهناك مشكله مدري هي بالملف نفسه ولا عندنا وأنا أستبعد الخيار الأول لأن بعض الشباب فتح عندهم على قولهم ولكن عندنا مايفتح إلا بالريل بلاير

أخوكم / أبو سعود

نمر

01/05/2003, 12:28 AM

ان اشهد انك بدر ومنور المنتدى كلة
الف شكر

بـــدر

01/05/2003, 08:05 PM

السلام عليكم ورحمةالله وبركاته
أخواني المشكلة مهي بالملف نفسه المشكلة تكمن في ان برنامج ( الريل بلاير) مضمن ملفات(mps.*) تنفتح عن طريقه مع انها المفروض تنفتح بواسطو ماب سورس عموما مافي مشكلة .
الحل:
1- شغل برنامج ماب سورس
2- روح للقامة (File) بعدين (Open)
3- دور على موقع الملف الي انت نزلته من المنتدى وحط الفاره عليه ، وأنقر مرتين ويشتغل انشالله.

الطريقه الثانيه:

انك تعدل مسار اقتران الملفات، بس كيف انا اقولك كيف
تروح للملف الي نزلته من الانترنت وتحط الفاره عليه بعدين تظغط الزر الايمن في الفاره تطلع لك قائمة جديده
روح للخيار الي مكتوب عليه فتح بإستخدام
بعدين تطلع لك قائمة جديده دور اسم ماب سورس من القائمة وضغط عليه
بس تاكد انك معلم على الخيار الي تحت مكتوب قدامة (استخدام هذه البرنامج لفتح هذه الملف دائما)
وادعــو لي

س10

03/05/2003, 06:50 AM

أخوي ...بدر...
المشكله تخبر ثقافتنا فرنيسه مانعرف الأنقلش وبما أني سويت مثل ماقلت لكن ماضبط !!!
طلعتلي رسالة تقول...

MapSource cannot read this file because it was created with a different version of Map Source

مدر والله وش تقول هالرساله شوفلنا حل الله يرضى عليك وأسف أني ازعجتك بالطلب

أخوك / أبو سعود

alsayed

03/05/2003, 07:42 AM

تسلم والشباب إلي معاك على هذا الجهد ومشكورين

gasim23

03/05/2003, 02:48 PM

جواباً للأخوة مشراف و س 10 بعد الإذن من الأخوة الخبراء هذه المشكله ما هي ببرنامجrealplayer هذة المشكلة في نسخة برنامج mapsource إذا نزل الأخوة نسخة حديثة من هذا البرنامج { يوجد في المنتدى (MapSource) الاصدار 4.13 من تقديم الأخ بدر [ جزاه الله الف خير ] } تستطيعون انزاله باضغط على الرابط التالي

mapsource 4.13 (http://www.garmin.com/software/MapSource_413.exe)

الإعتذار عن التقصير

س10

05/05/2003, 04:42 AM

يعطيك العافيه أخوي gasim23 على حل هذه المشكله ولكن الشكله عرفتها أنا والكلام موجه لأخوي مشراف أيضاً وهي أن تلك المواقع لا تنزل مع النسخه العربيه للبرنامج بل فقط بالنسخه الــE حيث نزلتها وأنحلت المشكله وأكرر شكري لكم ولأخوي بدر على جهوده المبذوله

« قوس السهام»

09/05/2003, 03:17 AM

جزاك الله كل خير اخوي بدر

abu

11/05/2003, 05:14 PM

السلام عليكم
مجهود رائع اخي ولكن هل بالامكان اضافة مواقع وازالتها
شكرا

الكواكبي

11/05/2003, 09:37 PM

جزاك الله خير

يا اخ بدر

وعساك على القوه

بـــدر

12/05/2003, 01:27 PM

الله يجزاكم خير جميعاً، نعم أخوي ابو يمكن تضيف مواقع جديده او تلغي من الملف ومن ثم تحمله لجهازك الشغله ابسط من مما تتصور

ملاحـــــــظه

ترى الإصدار الي انا مستخدمه في إعداد الملف (4.13) يعني اذ اصدار الماب سورس عندك اقل من هذه ما تقدر تشغله
وعموما هذه الإصدار الجديد الي وده يحدث الماب سورس عنده
:row:
تحميل الإصــدار رقم 413 لماب سورس (http://www.garmin.com/software/MapSource_413.exe)