أرتفاع حرارة السيارة لاندكروزر 2006

[بوسعود1221]

السلام عليكم ورحمة الله وبركاتة

أخواني الكرام عندي مشكلة الحرارة اذا السيارة واقفة والمكيف شغال احيان توصل قريب الH واذا سكرت المكيف تنزل الى النص او اقل مع العلم اذا تحركت الحرارة تكون طبيعيه.

طبعاً المراوح شغاله بشكل سليم ولله الحمد.

أرجو منكم تساعدوني في حل المشكلة وجزاكم الله خير

[yousif06]

اخي العزيز أبو سعود
شيك على السيور اذا تقول المراوح سليمة وذا مشيت تكون طبيعية مالها غير السيور فيها تكون مرخية
هذا حسب معلوماتي المتواضعة ولاكن الاخوان فيهم الخير يمكن يفيدونك

[اهم ثاني واحد]

تاكد من المراوح لا تكون تشتغل عكس

[ابوراكان تبوك]

فك البلف وجرب الموتر بدونه وان بقى مثل ماهو صيخ

[alwali]

نظف الراديتر وحط ماي تويوتا الاحمر
و
ركب بلف ديزل 76 درجة

[بوسعود1221]

الله يجزاكم خير على التفاعل الطيب.

،أول شي سويته سييخت الرديتر قبل يومين وقفت السيارة الساعة 10 الصبح والحرارة ترتفع لين وصلت النص سكرت المكيف نزلت الحرارة شي بسيط.
واليوم العصر شليت بلف الحرارة ديزل 76 ووقفت السيارة ووصلت الحرارة تقريباً الى النص.

والخطه الجاية هي اني اشتري رديتر جديد.

السؤال هل المكيف له علاقة بحرارة السيارة؟
كيف اعرف اذا المكينة فيها شي مثل شعر في راس المكينة؟

مع العلم اذا رحت مشوار على السيارة الحرارة طبيعية ،وبالنسبة لبلف الحرارة شغال 100‎%‎

[تيرنيدو]

ياسيدي الفاضل تاكد من راس المكينه اذا فيه شعر او تنسيم هذا الاهم

[بوسعود1221]

ياسيدي الفاضل تاكد من راس المكينه اذا فيه شعر او تنسيم هذا الاهم

هذا هو سؤالي كيف أعرف؟

[صدى الاطلال]

هذا هو سؤالي كيف أعرف؟

أعتقد لو هناك مشكلة في الراس تجد الحرارة فل وماتنزل نهائياً.
اترك السيارة تبرد ثم شغل السيارة وافتح الرديتر اذا كان هناك فقاعات تتصاعد بصورة مستمرة من الماء داخل الرديترفاحتمال يكون الراس مشعور، ايضا اذا الماء جامد مايقلب داخل الرديتر فالطرمبة خربانة، اغلق الرديتر وسر بالسيارة مسافة بسرعة 100-120 ثم توقف قليلا لعشر دقائق مع بقاء السيارة في وضع التشغيل ثم قم بلمس خراطيش الرديتر فان كانت جامدة وعليها ضغط قوي فاحتمال يكون الراس.
رغم انني استبعد ذلك عندك، بما انك تسير بالسيارة وتنخف حرارتها.
ارى ان تقوم بتغيير غطاء الرديتر بجديد أصلي وتركب بلف ديزل وماء احمر وجرب .
والله يعينا واياك اطلع على هذه الروابط
http://www.mekshat.com/vb/showthread.php?744258-%CD%E1-%E3%D4%DF%E1%CA%ED-%E1%CD%D1%C7%D1%C9-%C7%E1%DD%CA%DF-%DA%E4%CF-%C7%E1%E6%DE%E6%DD

http://www.mekshat.com/vb/showthread.php?317517-%C3%D5%E1%CD-%E6%CC%E5-%D1%C3%D3-%E3%CD%D1%DF-%D3%ED%C7%D1%C7%CA%DF-%C8%DC%DC-5-%D1%ED%C7%E1-%DD%DE%D8-%D8%D1%ED%DE%C9-%E3%CC%D1%C8%C9-%E6%DD%DA%C7%E1%C9-%DD%ED-%C8%CF%C7%ED%C9-%C7%E1%E3%D4%DF%E1%C9&highlight=

http://www.mekshat.com/vb/showthread.php?316096-%E3%DA%E1%E6%E3%C7%CA-%E3%E5%E3%C9-%CC%CF%C7%F0-%DA%E4-%DB%D8%C7%C1-%C7%E1%D1%CF%ED%CA%D1-%E1%E3%E4-%ED%D4%CA%DF%ED-%E3%E4-%CD%D1%C7%D1%C9-%D3%ED%C7%D1%CA%E5-%C8%C7%E1%D5%E6%D1-%E3%DA-%DF%C8%D3%E6%E1%C92&highlight=

http://www.mekshat.com/vb/showthread.php?161939-%CD%D1%C7%D1%C9-%C7%E1%D3%ED%C7%D1%C9-%C8%E5%D0%E1%CA%E4%ED-%E6%DD%ED-%C7%E1%E4%E5%C7%ED%C9-%C3%DA%C7%E4%E4%ED-%C7%E1%E1%E5-%DA%E1%ED%E5%C7-%C8%DD%D6%E1-%E3%E4%E5-%E6%CA%DB%E1%C8%CA-%DA%E1%ED%E5%C7-%C8%D8%D1%ED%DE%C9-%BF%BF%BF%BF&highlight=

والثلاث الاخيرة هي للمشرف المبدع كبسولة2 وفقه الله حيثما كان.
موفق ياغالي، واذا لقيت حل لاتنسانا من اخبارنا به.

[SGL]

الرجال ماقصرو جزاهم الله خير
لاكن عندي إضافه
1-يوم ترتفع الحرارة فك الكبوت وتأكد هل الموتر محتر أحيان حساس الحرارة خربان ويشكل
2-كلتش المروحة شيك عليه زين لايغرك دورانه+المراوح خلف الشبك تأكد إنها شغاله تمام
3-شيك على أصابع البطارية وعلى كيابل السالب في البودي والمكينة وشد عليها
4-النقطه الأخيره والأهم موترك يوم تشغل المكيف ترتفع دعسة البنزين أو لا
إذا ماترتفع هذي هي المشكلة

[بوسعود1221]

أبشروا بالحل ، بعد عناء طويل و فلسفت العمال وكل واحد يتفنن على السيارة قررت ان اشتري رديتر جديد وطرمبة الماي والخراطيش وماي الاحمر. واريح نفسي من التعب.

ورحت لمحل كنت امر عليه واجد لكن ما اجيه قلت في خاطري بتفنن في السيارة وبياخذ الفلوس كذا ..
المهم فوق عنده وقلت له اول شي ابغى انظف المكينة وبعدين اركب رديتر جديد وطرمبة الما، وقال لي طرمبة الماء تحتاج تبديل و عندك ليّ تعبان ماينفع وتم تبديل والحين الامور طيبه وكل شي زين ولله الحمد.

وتم تركيب بدون بلف الحرارة، كان شغل يده ب500 ريال
وقطع الغيار هي طرمبة الماء 320 و الخراطيش 100 والما الرديتر ثلاث علب ب60 والرديتر 1680

وشكراً لتفاعلكم الطيب وجزاكم الله خير

[ابوراكان تبوك]

ماشاء الله تبارك الله
الحمد لله ع انتهاء المشكلة
مشكله اديترات تويوتا اذا جاها حراره تتعفط الجرايد وهذا اللي حصل معك مع ان القضية 3 اشياء رديتر وطرمبه وخراطيش
الزيت لو انك مركب رديتر فكسار اكبر شوي واقوى تبريد
وعموما الحراره اهم شي ماتتعدى النصف
وتكون الربع عند الممشى كذا مضبوط

[بوسعود1221]

ماشاء الله تبارك الله
الحمد لله ع انتهاء المشكلة
مشكله اديترات تويوتا اذا جاها حراره تتعفط الجرايد وهذا اللي حصل معك مع ان القضية 3 اشياء رديتر وطرمبه وخراطيش
الزيت لو انك مركب رديتر فكسار اكبر شوي واقوى تبريد
وعموما الحراره اهم شي ماتتعدى النصف
وتكون الربع عند الممشى كذا مضبوط


يا حياك الله يا ابوراكان تبوك، بنسبة للحرارة ابشرك ماتعدت الربع ، واما بنسبة لرديتر الفكسار قلت للبائع وقال لي ترى توصيلات تختلف وما استفسرت منه اكثر وقلت في خاطري شيٍ تعرفه ولا شي تجهله والحمدلله الامور طيبه.