مشكلة في مكيف التاهو 2010

[KAKASHI_H]

السلام عليكم ورحمة الله وبركاته

مشكلتي غريبه عجيبه جداً

وهي اني لما اوقف السياره تحت اشعة الشمس المباشره فتره النهار من الصبح الى الظهر

واجي استخدم السياره في هذا الوقت واشغل المكيف تبتدي عندي المشكله

وهي ان الكمبرسر يصير يشبك ويفصل بسرعه جداً. يشبك لمدة خمس ثواني الي عشر ثواني بالكثير ويفصل ويضل فاصل نفس المده او اكثر شوي ويجلس على هالمنوال على حسب مزاجه احياناً نص ساعه واخياناً اكثر واحياناً اقل

طبعاً هالمده هذي المكيف داخل السيار الواحد يخيس لان مافي بروده

والمشكله ان هالمشكله ماتصير الا الظهر وقت ماتكون الشمس حاميه وما تصير في الليل ابداً

وحتى لو كنت موقفها تحت الظل نادراً ما تحصل هذي المشكله

وطبعاً مو كل مره بحصل مضله اوقف تحتها

طبعاً مراوح السياره شغاله مضبوط ولا فيها اي مشكله. وكمية الفريون مضبوطه في السستم

وفحصت الكتاوت حق الكمبروسر وبدلته بواخد ثاني ونفس المشكله يعني الكتاوت مضبوط

وبدلت حساس الضغط العالي high pressure switch الي يجي في احد المواسير ونفس المشكه

وكل مره تصير الحركه وابي الحق اوديها عند فحص للكمبيوتر مايمديني اوصل الا وتكون المشكله راحت وطبعاً مادام المشكله ماهي مستمره ماراح يطلع اي خطاء او عطل اثناء الفحص بالكمبيوتر

وهذي اخس انواع الاعطال اللي ماتكون مستمره.

ياليت او احد مرة عليه هالمشكله يعطني الحل او اخد يخبر كهربائي شاطر وعنده كمبيوتر في الشرقيه.

وشكراً

[alwali]

اصلا ما عندك مشكلة
وانت جاوبت على نفسك اذا السيارة بالظل او الليل ما تصير عندك مشكلة
يعني السيارة واقفة بالشمس ودرجة الحرارة فوق الخمسين الله يعطيها العافية انها تمشي وتبرد عليك
وقفها بمظلة تحفظ فيها سيارتك من الشمس

[KAKASHI_H]

اصلا ما عندك مشكلة
وانت جاوبت على نفسك اذا السيارة بالظل او الليل ما تصير عندك مشكلة
يعني السيارة واقفة بالشمس ودرجة الحرارة فوق الخمسين الله يعطيها العافية انها تمشي وتبرد عليك
وقفها بمظلة تحفظ فيها سيارتك من الشمس

يعطيك العافيه اخوي على ردك لكن شكلك ما قريت الموضوع مضبوط او انك ما فهمت علي

الكمبرسر يصير يشبك ويفصل في ثواني يعني ما في هواء بارد يجيك داخل السياره

والمفروض لما يكون الجو حار الكمبرسر يشبك وما يفصل الا بعد ما تبرد السياره داخل

البروده حتى او درجة الحراره خمسين واشتغل الكمبرسر مضبوط وما صار يشكل

الحمدلله برودته ممتازه جداً

[alwali]

مرحبا ياخوي انا سيارتي يوكن 2010 تصير معاي هذي الحركة بعض المرات
اذا وقفتها بالشمس مدة واذا شغل المكيف ما يبرد لدرجة وانا امشي بمسافة كيلو او كيلوين اوقف على اليمين واطفي المكيف واشغله مره ثانيه علشان يشبك الكومبريسر وبعدها يشبك الكومبريسر والامور تمام اما اذا واقف في ظل ما تحصل معي هذي المشكلة

الاسبوع اللي طاف كنت رايح الاستراحة وكان حر درجة الحرارة فوق الخمسين
تصدق ان مكيف الغرفة موراضي يشتغل الكومبريسر من الحر بس يدفع هوا حار
واخذت سطل ماء ورشيته على المكيف من الخارج وبعدها قام يبرد

قال رسول الله صلى الله عليه وسلم : اشتكت النار الى ربها فقالت : رب اكل بعضي بعضا فأذن لي بنفسين نفس في الشتاء ونفس في الصيف فأشد ما تجدون من الحر وأشد ما تجدون من الزمهرير

عافانا الله وياكم من النار ورزقنا الجنة

[KAKASHI_H]

مرحبا ياخوي انا سيارتي يوكن 2010 تصير معاي هذي الحركة بعض المرات
اذا وقفتها بالشمس مدة واذا شغل المكيف ما يبرد لدرجة وانا امشي بمسافة كيلو او كيلوين اوقف على اليمين واطفي المكيف واشغله مره ثانيه علشان يشبك الكومبريسر وبعدها يشبك الكومبريسر والامور تمام اما اذا واقف في ظل ما تحصل معي هذي المشكلة

الاسبوع اللي طاف كنت رايح الاستراحة وكان حر درجة الحرارة فوق الخمسين
تصدق ان مكيف الغرفة موراضي يشتغل الكومبريسر من الحر بس يدفع هوا حار
واخذت سطل ماء ورشيته على المكيف من الخارج وبعدها قام يبرد

قال رسول الله صلى الله عليه وسلم : اشتكت النار الى ربها فقالت : رب اكل بعضي بعضا فأذن لي بنفسين نفس في الشتاء ونفس في الصيف فأشد ما تجدون من الحر وأشد ما تجدون من الزمهرير

عافانا الله وياكم من النار ورزقنا الجنة

الله يجيرنا من نار جهنم

وربي يعين على هالحر

لكن انت يمكن ماتحصل معاك على طول واذا طفيت المكيف وشغلته يضبط عندك وممكن تطفي السياره ويضبط

انا لا والله ما تضبط سواء طفيت المكيف او طفيت السياره ما يرجع يضبط الا بكيفه