المساعد الشخصي الرقمي

مشاهدة النسخة كاملة : الـقـرقاص فائدة ودواء تعال معي وشف شاي القرقاص على اصوله صور × صور ... راعي الهـــدد


راعي الهـــدد
11/02/2007, 09:38 PM
القرقاص .... فائدة .... ومتعة .... ونشاط .... وحيوية

هل شربت من مشروب القرقاص الرهيب ......... حلوه الرهيب هههههههه

اذا مابعد شربت من مشروب القرقاص فاعلم انك مابعد شربت اي مشروب وانك ناسي عمرك

تعال معي وشف كيف يظبّط مشروب القرقاص وتدعي لي

اولاً / قم بغسل كمية من القرقاص غسلاً جيدا كما هو موظح بالصورة ادناه

http://www.mekshat.com/pix/upload/images27/mk33838_ss11.jpg


ثانياً / قم بوظع الكمية المرغوب فيها من القرقاص المغسول بحسب كبر او صغر بريقك وظع معه سكر حسب الرغبة كما هو موظح بالصورة ادناه مع ملاحظة انك كل ماكثرت كمية القرقاص كل ماصار احلى وألذ وتحس بطعمه الاذع وريحه الطيب ياسلالالالالالالالالالالالام

http://www.mekshat.com/pix/upload/images27/mk33838_ss22.jpg


ثالثاً / قم بتفويح البريق على النار واتركه يطبخ له شوي مع التحريك بالملعقه لأنه يطلع فوق القرقاص ولابد تغمسه وتحركه من اجل يطلع مافيه من فوائد


http://www.mekshat.com/pix/upload/images27/mk33838_ss33.jpg



رابعاً / تقهو وعين من الله خير وادع لبو حمد وترى ملاحظه بتحس بنشاط عجيب وحيويه يعني خلك حول البيت او هاه بالديره على الأقل لاتقولون ورطنا راعي الهـــدد ههههههههههههههه

الله يحفظكم ويرعاكم

وهالبيله اهديها واقدمها لكل عضو مكشاتي كريم

وللأخ معاند الليل بالخصوص يوم دلني على مكان القرقاص جعله يسلم

http://www.mekshat.com/pix/upload/images27/mk33838_ss44.jpg


تنبيه ...... تنبيه

ترى هالبيله الي تشوفونها بالصورة اعلاه بدون زعفران ولا حاجه سبحان الله زعفرانه منه وفيه الله يبارك

وترى فوائد القرقاص ماتعد ولاتحصى منه منشط (( هذا بلى ابوك ياعقاب ))... مقوي للدم عموماً ... والدورة الدموية بالخصوص ... ومناسب لمرظى فقر الدم ... واذا خلط مع الشيح فهو نافع بإذن الله لمرضى السكر ... ويكفيك يخوي ريحه الطيب يوم ترفع البيله عند فمك وتشم الريح الطيب ياسلالالالام

وتسلمون يالغالين
محبكم

ابو حمد
الضاحي
11/02/2007, 09:43 PM
يا سلااااااااااااااااااااااااامممممممممممممممممم عليك يابوحمد

انت والله اللي رهيب

بس حلوة خلك حول البيت هههههههههههههههههههههههههههه

تسلم والله يالرهيب
حمد الذكي
11/02/2007, 09:50 PM
تسلم والله على الشغل المظبوط
الشاص
11/02/2007, 10:04 PM
تسلم والله ياابو حمد على هالشرح الطيب
راعي الهـــدد
11/02/2007, 10:24 PM
أخوي الغالي الضاحي اشكر لك مرورك ودعابتك

ايه مثل ماقلت لك لاتبعد عن البيت

______

الغالي حمد الذكي شكرا لك ومقدر لك ذلك المرور الطيب

______

الغالي الشاص الله يسلمك ولايحرمنا من الطيبين امثالك

------

ولازلت اكرر وحتى الآن لايفوتكم القرقاص
الحي يحييك
11/02/2007, 10:28 PM
تسلم ياااارعي الهدد على هالشااااي ...ولكن هل طعمه جيد او منشط فقط ....



طيب اللي عزوبي يشربه والا لا:)
راعي الهـــدد
11/02/2007, 10:42 PM
حياك ياخوي الحي يحييك

وبالنسبه لطعمه فطعمه رهيب رهيب بمعنى الكلمه ومع ذلك منشط

اما عن هل العزوبي يشربه او لا

الجواب

يشربه مع الأستعاذه من الشيطان
البّري
11/02/2007, 10:50 PM
راعي الهدد جزاك الله خير على هذا العرض الجميل

اول مره ادري ان القرقاص يشرب مثل الشاهي
ابو عاذر
11/02/2007, 11:01 PM
يعطيك العافية على هالشاي الذي شوقتني فيه ،،،،،،،،،،،،،، الحين بطلع بروح أشتريه من عند العطار

مع تحيات أخوك ابو عاذر
راعي الهـــدد
11/02/2007, 11:40 PM
اخوي البري واياك جزا

نعم هو يصلح مثل الشاهي وفيه فوائد وفوائد وفوائد

لااوصيك اشرب الين تقول بس ......

---------


اخوي ابو عاذر شاكر مرورك

بس ودي ما تآخذ من العطار الا اذا فيه عطار يبيعه طازج فيمكن

انا ترى اتكلم عن الرطب الي يعني انت الي قاطعه او حاصده بيدك هذا احلى وأحلى

والله يحفظك ولاتبعد عن البيت
كن كن
12/02/2007, 12:04 AM
على فكرة طعمه روعة بس كل ما زدت القرقاص كل ما صار حار شوي
راعي الهـــدد
12/02/2007, 01:25 AM
أخوي الفاضل كن كن شاكر مرورك

وحرارة القرقاص غير مؤذيه تحس بس بلذعه رهيبه يارهيب

وياهلا بك
ابوفريح
12/02/2007, 01:35 AM
بيض الله وجهك يا بو حمد
وتهقو .......صب بيالة
راعي الهـــدد
12/02/2007, 01:40 AM
ووجهك يابو فريح

وياليت من قابلك على بيالة قرقاص وعلم غانم

العز والشرف في صب الفناجيل لمن هو شرواك يالغالي
ابرق العزاف
12/02/2007, 03:02 AM
في الحجاز يسمونه القراص
وفي نجد القرقاص
مشكور
راعي الهـــدد
12/02/2007, 07:16 PM
أخوي الغالي ابرق العزاف

شاكر لمرورك وتعريفك بمسميات القرقاص

ياجعلك تسلم
طـير شلوه
12/02/2007, 10:39 PM
الله يجزاك خير يراعي الهدد
راعي الهـــدد
13/02/2007, 01:35 PM
الغالي طير شلوه

شرفني مرورك واشكرك والله يغفر لك ووالديك يارب
الفهد11
13/02/2007, 02:49 PM
ماقصرت ياراعي gxوصفه حلوه من شكله
لاكن ماأتوقع ابد يجي اطيب من البابونج .
ريم البراري
13/02/2007, 02:56 PM
أمس صادف أني رحت لمكان في قريص بشكل جدا ملفت على طريق رامه في الرس.وفكرت أسوي شاهي قريص(قرقاص):D جمعت منه شوي ولما رجعنا للبيت سويته مثل طريقتك.وكان فعلا لذيذ.بس بعد كذا عرفت ان الزهور لحالها تتسوى شاهي وطعمها جدا رائع:D
شكرا ياخوي على الموضوع وتراك سبقتني لاني كنت بحط الموضوع:D
راعي الهـــدد
13/02/2007, 04:33 PM
ماقصرت ياراعي gxوصفه حلوه من شكله
لاكن ماأتوقع ابد يجي اطيب من البابونج .



أخوي الفهد اشكرك على المرور

وتراه افظل من البابونج خصوصاً ان البابونج مايصلح للمتزوجين هههه

يعتبر مهدي

الله يغفر لك ووالديك
راعي الهـــدد
13/02/2007, 04:35 PM
الأخت بنت الرس الله يحفظك من كل شر

اهم شي الفايده ومادام الموظوع طرح سواء انا او غيري طرحه اهم شي نستفيد ونفيد والله من وراء القصد
محب البشر
14/02/2007, 12:49 AM
مشكور على الموضوع الجميل


وش الفرق بين القرقاص والبابونج؟
ابو ســــاره
14/02/2007, 10:15 AM
جزاك الله خير وبارك الله فيك ونفع الله بك ولك
راعي الهدد اذا رأيت لك موضوع ابتسم مدري ليه . مدري علشانك شخص خلوك ولسانك رطب وعطر وخفيف دم سبحان الله كأني اعرفك

على حد علمي وتراى مناب ابخص منك بالاعشاب انه القرقاص هو الي راس زهرته على شكل قرص وبعد اكتمال نموه تضهر وتؤكل زي ما هي اما الي اشوفه معك هذا مهوب البابونج ! ولا انا غلطان وخابر رجال معنا في المنتدى اسمه عاشق البابونج يمكنه ابخص.
راعي الهـــدد
14/02/2007, 10:52 AM
الغالي محب البشر شارك لك المرور

والبابونج يختلف كثير عن القرقاص

البابونج زهرته اصغر من زهرة القرقاص وتكون مدببه اكثر من زهرة القرقاص وتميل للأصفر الباهت

واوراق البابونج ايظاً دقيقه شوي وشكلها في العموم تختلف كثيرا وتستطيع تمييزها اذا قطفت هذي وهذي والشرح صعب شوي
راعي الهـــدد
14/02/2007, 10:55 AM
الغالي ابو ساره شكرا لك على المرور والتعقيب

والله يغليك عند مولاك ياربي ومعرفة الرجال شرواك مكسب ونخوك

الله يحفظك ياربي وييسر لك امورك ياكريم وانا والله سعيد بمشاهدة اسمك في مواضيعي يالغالي

تقبل فائق المحبة والتقدير
مستبشر
14/02/2007, 11:14 AM
قرقااااااااااااااااااص !!!!!!



متأكد من طعمه يالغالي00أذا متأكد 00عبيت خيشة 00ورميت اللبتون 00قصدي شاهي الصبغه 000
:) :)
راعي الهـــدد
14/02/2007, 02:23 PM
أخوي مستبشر شرفني مرورك

وطعمه عالمي ومتأكد منه وعب الخياش ان استطعت ودع عنك البيتون وغيره من هالخرابيط

عليك بعطايا الرحمان ولاتشرب الا شي طيب ياطيب

اسمع شوري وبس
راعية الهدد
14/02/2007, 02:39 PM
يااااااااااااا زين ما سويت ياااا رااعي الهدد

من ودك يشرب معك عندك كاااسين
راعي الهـــدد
14/02/2007, 03:42 PM
راعية الهدد شاكر المرور

وابشرك عندي من يشرب معي ولاعندي الا كاسين وكلها مشغوله الله يصلحك
مستبشر
14/02/2007, 04:07 PM
جااااااااااااااااايك يالقرقاااااااااااااااااااااص
بنت حواء
14/02/2007, 04:13 PM
الله يعطيك العافيه موضوع رائع
راعي الهـــدد
14/02/2007, 04:40 PM
مستبشر لاتحمس زود ثم تقص يدك بدال القرقاص ههههههههه

الله يحفظك ياربي

-----------------------------

بنت حواء الله يحفظك من كل شر ومن كيد كل كائد وشكراً على الأطراء
طالب الحور
14/02/2007, 05:42 PM
تصدق أني تحمست بالحيل


وعزمت أذهب لشعيب حولنا


أدور سنافي


عفوا قصدي قرقاص


لكن لما قرأت قولك


((ملاحظه بتحس بنشاط عجيب وحيويه يعني خلك


حول البيت او هاه بالديره على الأقل لاتقولون ورطنا راعي

الهـــدد ))




:( هونت :(


يالله تصبِّرنا



العزوبية


:D فعلت فينا الأفاعيل :D





موضوع قيم ككاتبه




سلمني على الإبداع


قل آمين


ياراعي الهدد


الله يسكنك الفردوس الأعلى



بعد عمر طويل وعمل صالح رشيد




وتكفى المزيد المزيد



من مواضيعك الجميلة
راعي الهـــدد
14/02/2007, 07:24 PM
آمين آمين آمين واياك ياكريم

الغالي طالب الحور شاكر لك المرور

ومن قال لك اقعد اعزوبي هههههه

الله يغفر لك يالغالي

وهذا الجديد توه نازل السوق هههههههه

هالمغربيه وشاكر لك الأطراء ولاتمدح تراني اصدق على طول ههههه

http://www.mekshat.com/vb/showthread.php?p=714046#post714046 (http://www.mekshat.com/vb/showthread.php?p=714046#post714046)

شي دايم ينساه البعض منا
مسافر1
15/02/2007, 07:01 PM
أخي الكريم : راعي الهدد .......
تشكر على هذا الموضوع الجميل ..
والذي ارجو من خلاله أن تبين منافع هذا المشروب ,, وربما مضاره ..
وهل طريقة عمله بكامله أم فقط زهرته ؟..
لك كل الشكر .
راعي الهـــدد
15/02/2007, 08:20 PM
أخي الكريم : راعي الهدد .......
تشكر على هذا الموضوع الجميل ..
والذي ارجو من خلاله أن تبين منافع هذا المشروب ,, وربما مضاره ..
وهل طريقة عمله بكامله أم فقط زهرته ؟..
لك كل الشكر .


هلا والله بالغالي ابو فهد

هلا والله ترى لك قدر خاص يابو فهد ياربي انك تغفر له يارب

وبالنسبه لمنافعه ترى ذكرتها بالموضوع بس نعيدها لعيونك ياغالي

(( وترى فوائد القرقاص ماتعد ولاتحصى منه منشط (( هذا بلى ابوك ياعقاب ))... مقوي للدم عموماً ... والدورة الدموية بالخصوص ... ومناسب لمرظى فقر الدم ... واذا خلط مع الشيح فهو نافع بإذن الله لمرضى السكر ... ويكفيك يخوي ريحه الطيب يوم ترفع البيله عند فمك وتشم الريح الطيب ياسلالالالام ))



ومضاره لم اعلم ان له مضار انا من فتره وانا مكرع فيه هههههه

ماغير فمي يقطر قرقاص بل ازيدك من الشعر بيت انا الآن ارد عليك وابريق القرقاص قدامي واشرب فيه شرب يهول

ابو فهد اما عن طريقة عمله فكما ذكرت بالصور وتضع الشجرة بالكامل حتى عرقها اذا بغيت

الخطر على الطينه الي معها هههه

الله يحفظك يابو فهد
راعي الهـــدد
16/02/2007, 07:28 PM
اليوم يا أخوان دخلت المطبخ على حين غرة من الأهل

لأنهم الله يهديهم يقولون انك تحوس علينا

فتشوفوني ماغير ادخل سراقه

المهم جبت لكم طريقة تفجيرية جديدة لم يسبقني لها احد (( واثق ))

الا وهي طريقة جديدة في أعداد القرقاص

وهي انك تآخذ قرقاص شجرته كامله تآخذ لك (( غمطة في يدك وانصحك كثر )) وتحطها في الخلاط حق مولينكس تعرفونه

وتطحنه مع مقدار كاس ماء وتخليه ينطحن بس قد مايتقطع ولا تطحنه مره زين

ثم صبه في الأبريق وضع رغبتك من السكر ولا انصحك تكثر من السكر لأنه السم الأبيض كما قالو

ثم فوحه بالنار ثم اذا فاح زد عليه ماء الي أن يمتلي بريقك

ثم تعال اشرب

وهذي بيالة نمونة منه

والي يبي يشرب بكيفه

الله الله الله

شف بس القرقاص منتثر وسط البيالة والله شي لايوصف وطعمه على طول في قاع ... راسك

مفعوله على طول سريع سريع ماتحس به الا في هامتك

عموماً الصورة خير برهان هذي وحده منه بعد التصليح مغربية اليوم

http://www.mekshat.com/pix/upload/images28/mk33838_2222-d.jpg


وهذي صورة مقربة جداً جداً لترى بأم عينك كيف صار جنان ولا تحشد (( حلوه تحشد .. صار مرة اخو ههههه)) ابد اشربه بهالقطيعات الي فيه تراه دواء

http://www.mekshat.com/pix/upload/images28/mk33838_1111-d.jpg


والله يوفق الجميع لما يحب ويرضى

لايفوتك على المطبخ ياواااااد
المطنوخ 222
17/02/2007, 03:09 PM
وش معنى خلك حول البيت ههههههههههههههههه

الله لا يهينك ابو حمد ويبض وجهك

بس ليتك سويته بوادي توه سايل كان والله ان تشوف الطعم على اصوله

لا خلا ولا عدم
راعي الهـــدد
17/02/2007, 03:46 PM
وش معنى خلك حول البيت ههههههههههههههههه

الله لا يهينك ابو حمد ويبض وجهك

بس ليتك سويته بوادي توه سايل كان والله ان تشوف الطعم على اصوله

لا خلا ولا عدم


شرفني مرورك ياغالي

وابشرك سويناه بوادي قد سال من زمان ههههه وفيه عشب وشف الصور في موضوعي الثاني فقع قرقاص حميض الخ تحصل به الي تبيه

واما عن خلك حول البيت فالمقصد في بيت الشاعر ههههههه
الآراك
19/02/2007, 03:43 PM
على حسب ماعرفت من الصورة انه هو البابونج وقد قريت انه من الأفضل انك ما تفوحه على النار لأنه يحتوي على الزيوت الطيارة الي هي
مثل مايقولون زبدة البابونج والفوايد الي فيه في هالزيوت وأفضل طريقة انك تفوح الماء لين يقول ربي الله ثم تحط البابونج لين يخدر
ثم قرطع أبو البريق لين ماتميز الي حولك.
وصحتين وعافية.
هاوي الله
19/02/2007, 04:03 PM
أرحبوووو كلكم وعلى راسكم راعي الهدد ولاتهونون

أنا اشهد إن القُراص رهيييييييييييييب طعم إدمااااااااااااااان ولا في الخيال .

راعي الهدد تدري وش اللي خلاني أدخل على موضوع شاهي القُراص ؟ عشاني أتقهوى شاهي قراص الحين ههههههه .

الظاهر إن القراص = البابونج >>>>>> إن كان مانيب غلطان

القرقاص !!! = وش بلاك تقرقصها ههههههههه ؟ أجل أنت من اعوال الشايب ههههههه كفو &
مزن
19/02/2007, 04:30 PM
ياحلييلك ياراعي الهدد مثلي تحب القريص الله يديم النعمة.

جزاك الله خير وترى له اثر طيب كمسكن للكحة .
راعي الهـــدد
19/02/2007, 06:39 PM
على حسب ماعرفت من الصورة انه هو البابونج وقد قريت انه من الأفضل انك ما تفوحه على النار لأنه يحتوي على الزيوت الطيارة الي هي
مثل مايقولون زبدة البابونج والفوايد الي فيه في هالزيوت وأفضل طريقة انك تفوح الماء لين يقول ربي الله ثم تحط البابونج لين يخدر
ثم قرطع أبو البريق لين ماتميز الي حولك.
وصحتين وعافية.


الغالي أرآك اشكر لك المرور

بس باقول لك شي

هذا الي صوره موجودة قرقاص

وليس بابونج

البابونج يختلف في الشكل والطعم اختلاف جذري

راجع الكتب المصورة وتجد الفرق او رح لأقرب شعيب وحاول تلتقط هذا وهذا وحاول تفرق بينهم

شكراً لك ياغالي
راعي الهـــدد
19/02/2007, 06:41 PM
أرحبوووو كلكم وعلى راسكم راعي الهدد ولاتهونون

أنا اشهد إن القُراص رهيييييييييييييب طعم إدمااااااااااااااان ولا في الخيال .

راعي الهدد تدري وش اللي خلاني أدخل على موضوع شاهي القُراص ؟ عشاني أتقهوى شاهي قراص الحين ههههههه .

الظاهر إن القراص = البابونج >>>>>> إن كان مانيب غلطان

القرقاص !!! = وش بلاك تقرقصها ههههههههه ؟ أجل أنت من اعوال الشايب ههههههه كفو &


سلمه
هلا بك ياهاوي هدد

هلا وغلا والحمدلله انك جربت القرقاص بس وش رايك بطعمه

والله ياله خنة مجنونة تجي في الراس منطلقة عبر الأنف هههههههه
راعي الهـــدد
19/02/2007, 06:43 PM
ياحلييلك ياراعي الهدد مثلي تحب القريص الله يديم النعمة.

جزاك الله خير وترى له اثر طيب كمسكن للكحة .



جزاك الله خير

شكراً لك كثيرا
جبل راف
20/02/2007, 12:39 AM
بصراحة اول مرة اسمع فيه

دياري من الشمال

شكله شبيه بالبابونج

عافاك الله عموما
راعي الهـــدد
20/02/2007, 01:26 AM
بصراحة اول مرة اسمع فيه

دياري من الشمال

شكله شبيه بالبابونج

عافاك الله عموما


هلا بالغالي المعترض وبأهل الشمال كلهم

نعم هو شبيه البابونج شكلاً وليس طعماً

الذي لم يعرف القرقاص من قبل قد لايميز بينه وبين البابونج

عموماً اكبر اختلاف بينهما هو في الزهرة

فزهرة البابونج مدببة اكثر من زهرة القرقاص

وشكل ورقة القرقاص اكبر من ورقة البابونج وكذلك شكل الورقة تختلف قليلاً من ناحية الشرشرة شوي

هلا بك ياخوي
إلياس المطلق
21/02/2007, 03:14 PM
رائــع ,, خــــــيال ,, رهـــــــيـــــب ,,,
بيض الله وجهك ,,
ولـــــــك خـــــالص تحياتي و إحــــتــــــرامي ,,,


إلياس المطلق
http://alsaha.fares.net/sahat?224@145.El3IcblXaVN.2@1dcfb0ee@.3ba9c911
راعي الهـــدد
21/02/2007, 09:14 PM
رائــع ,, خــــــيال ,, رهـــــــيـــــب ,,,
بيض الله وجهك ,,
ولـــــــك خـــــالص تحياتي و إحــــتــــــرامي ,,,


إلياس المطلق
http://alsaha.fares.net/sahat?224@145.El3IcblXaVN.2@1dcfb0ee@.3ba9c911




هلا بك باغالي وشاكر لك النقل

واشكر لك المرور والتعقيب

شكراَ شكراً
راعي الهـــدد
21/02/2007, 09:31 PM
رائــع ,, خــــــيال ,, رهـــــــيـــــب ,,,
بيض الله وجهك ,,
ولـــــــك خـــــالص تحياتي و إحــــتــــــرامي ,,,


إلياس المطلق
http://alsaha.fares.net/sahat?224@145.El3IcblXaVN.2@1dcfb0ee@.3ba9c911




هلا بك باغالي وشاكر لك النقل

واشكر لك المرور والتعقيب

شكراَ شكراً
إلياس المطلق
22/02/2007, 11:49 AM
الله يطول في عمرك -
مخاوي قناص
22/02/2007, 01:04 PM
اخوي ابوحمد الله يسلمك هل انت متاكد من انه ماله اعراض غير مستحبه الحرص في الاعشاب مهم وهل هو الي من اسمائه القريص ابتئكد .................................................. ............................واخيرا حولين البيت ليششششش فسسسسسررر اكثثثثرررر
راعي الهـــدد
24/02/2007, 11:16 PM
اخوي ابوحمد الله يسلمك هل انت متاكد من انه ماله اعراض غير مستحبه الحرص في الاعشاب مهم وهل هو الي من اسمائه القريص ابتئكد .................................................. ............................واخيرا حولين البيت ليششششش فسسسسسررر اكثثثثرررر



الغالي مخاوي قناص

لم اسمع بأعراض عنه انا شربته واشربوه الأهل ومن سير علي قهويته منه ولا احد اشتكى منه ابد

بل يطلبون مني الوصفة مباشرة ويتعجبون من طعمه الرهييييب

اما عن سؤالك الأخير

أخاف اجاوب بشفافية ووضوح أكثر فيوضع علي بلاك او تشويت

عموماً خلك حول البيت هههههه
مخاوي قناص
25/02/2007, 09:55 AM
لاوالله مايرضينا بلاك ولاتشويت ابجربه انشاء الله وبكشت عند باب البيت ليلة الخميسسسسسسسسسسسسسس
شيخ نجد
25/02/2007, 06:50 PM
اخوي راعي الهدد هل له اسم اخر غير هذا الاسم.. بحثت عنه ولم اجده في محلات العطارة .. انا بوادي الدواسر هل ممكن ان اجده في منطقة مجامع الهضب؟؟





وماهي طبيعة الارض التي يحتمل وجوده فيها؟ (تحس اني متحمس شوي ..صح)





عموما احد الشباب جاي يوم الاربعاء من الرياض اتفقنا معه على طلعة البر هذا الاسبوع حيث الجو والقمرررررراء جنان



اذا فيه محل عطارة بالرياض يبيع هذي العشبة فالرجاء اخباري بعنوانه عشان خوينا يجيبها معه .. ونطلع بها للبر معنا بس مافيه خلك حول البيت:D



تحياتي
مخاوي قناص
25/02/2007, 07:46 PM
اخوي راعي الهدد هل له اسم اخر غير هذا الاسم.. بحثت عنه ولم اجده في محلات العطارة .. انا بوادي الدواسر هل ممكن ان اجده في منطقة مجامع الهضب؟؟




وماهي طبيعة الارض التي يحتمل وجوده فيها؟ (تحس اني متحمس شوي ..صح)


عموما احد الشباب جاي يوم الاربعاء من الرياض اتفقنا معه على طلعة البر هذا الاسبوع حيث الجو والقمرررررراء جنان

اذا فيه محل عطارة بالرياض يبيع هذي العشبة فالرجاء اخباري بعنوانه عشان خوينا يجيبها معه .. ونطلع بها للبر معنا بس مافيه خلك حول البيت:D



تحياتي
اه ثم اه ثم اه خويك جاي من الرياض وتسئل عن القراص والله اني كنت في الرياض واحري عليه وناضر به في طريق الخرج لاكن ملحوقه ابطلع خصيص له وبسوي خزن استراتيجي فلفريزه :confused:
قرناسه
27/02/2007, 09:28 AM
وش القرقاص ماعرفته

هل هو البابونج اخوي...

ومشكور..
الرائد الأول
27/02/2007, 11:51 AM
هل لهذي النبته اسم ثاني وشكرا
راعي الهـــدد
28/02/2007, 12:24 AM
وش القرقاص ماعرفته

هل هو البابونج اخوي...

ومشكور..




القرقاص ليس البابونج يختلف عن بعض اختلاف جذري في الطعم والفوائد والخواص

اما في الشكل فمتقاربه نوعاً ما

الردود قبل تبين لك الفروق بين هذا وهذا

شكرا شكرا على المرور والرد
راعي الهـــدد
28/02/2007, 12:26 AM
هل لهذي النبته اسم ثاني وشكرا



اسمها القرقاص ... وبعض الناس يسمونها القريّص بتشديد الياء وتسكين الراء

وبعضهم يسمي عامة ما انبت العشب وله زهرة صفراء يقول عنه صفّار بتشديد الفائ

تقبل المحبة والتقدير واشكر لك المرور
الغزال الشارد
01/03/2007, 10:09 AM
مشكور على الموhttp://www.moq3.com/pics/up_2007/01_2007/4b6dabe240.gif (www.moq3.com)ضوع رائع وتسلم الغالي تحياتي
راعي الهـــدد
04/03/2007, 02:28 PM
مشكور على الموhttp://www.moq3.com/pics/up_2007/01_2007/4b6dabe240.gif (http://www.moq3.com/)ضوع رائع وتسلم الغالي تحياتي




شاكر لك ومقدر

والله لايحرمنا وأياكم الأجر والمثوبة
شخاط
05/03/2007, 01:06 AM
تسلم علي الشاهي واكرمك الله
راعي الهـــدد
05/03/2007, 01:46 PM
تسلم علي الشاهي واكرمك الله






حياك ياغالي

والله يغفر لك ووالديك

شاكر لك المرور يابعدهم
حطاب ليل
05/03/2007, 02:57 PM
ماشاء الله تبارك الرحمن
يعطيك العافيه والله شوقتنا نذوقه وعلى قول اخوانا المصريين محل مايسري يمري
يعجبني اسلوبك وردودك وخاصه مع ........
تسلم يمينك الله يحرمها على النار
تقبل مروري
راعي الهـــدد
06/03/2007, 12:10 AM
ماشاء الله تبارك الرحمن
يعطيك العافيه والله شوقتنا نذوقه وعلى قول اخوانا المصريين محل مايسري يمري
يعجبني اسلوبك وردودك وخاصه مع ........
تسلم يمينك الله يحرمها على النار
تقبل مروري



الله يغفر لك ياغالي واشكر لك المرور والرد

الله يحرم وجهك عن النار

وتسلم ياغالي
بري وبحري
13/03/2007, 02:54 PM
شكرا
وين يبيعونه؟
نسناس ليل
15/03/2007, 07:42 PM
القرقاص Tnipleunospenmum

وهو نبات عشبي حولي يمكن تمييزه بسهولة بازهاره الصفراء المحمولة على افرع طويلة تتراوح ما بين 10- 25سم. اوراق النبات تنمو من قاعدة النبات وهي ريشية مقسمة الى فصوص لحمية حادة.

ينمو النبات في الاماكن الرملية المتماسكة وكذلك في الاماكن الصخرية وعلى ضفاف الاودية وهو واسع الانتشار.

الجزء المستعمل منه الاوراق.

يعرف النبات علمياً باسم Tnipleunospenmum auniculatum.

المحتويات الكيميائية: يحتوي على قلويدات وفلافونيدات ومواد عفصية ومواد صابونية وزيوت طيارة ومواد قاعدية طيارة وسيترولات.

الاستعمالات: تؤكل اوراق النبات وهي ذات مذاق حار لاذع اما الازهار فيضيفها بعض الناس الى الشاي لتكسبه مذاقاً يحبه شريحة من الناس وبالاخص هواة البر والرحلات. كما يؤكل القرقاص مع التمر حيث ان التمر يخفف من حرارته.

وحسب خبرتي أن (القرقاص) الذي ينمو على الامكان الصخريه وفي الشعبان يكون اكثر حراره من الذي ينمو في الاماكن الرمليه والفياض
راعي الهـــدد
15/03/2007, 09:06 PM
شكرا
وين يبيعونه؟



هلا بالغالي بري وبحري

اشكر لك المرور الطيب

وممكن تحصله عند العطار

ولاهوب اي عطار شف عطار متميز وممكن يكون الي عنده ناشف ولاهوب شين اذا جاء ناشف يعبر ويمشي الحال

والا رح لأماكن الربيع ومنابت القرقاص وبتحصل خير

شكرا لك ياغالي
ذيب الطبيق
15/03/2007, 09:14 PM
مشكوووور اخوي على هالمعلومات المفيده
ـــــــ وله اسم آخر وهو ببونج
راعي الهـــدد
15/03/2007, 09:47 PM
القرقاص Tnipleunospenmum


وهو نبات عشبي حولي يمكن تمييزه بسهولة بازهاره الصفراء المحمولة على افرع طويلة تتراوح ما بين 10- 25سم. اوراق النبات تنمو من قاعدة النبات وهي ريشية مقسمة الى فصوص لحمية حادة.
ينمو النبات في الاماكن الرملية المتماسكة وكذلك في الاماكن الصخرية وعلى ضفاف الاودية وهو واسع الانتشار.
الجزء المستعمل منه الاوراق.
يعرف النبات علمياً باسم Tnipleunospenmum auniculatum.
المحتويات الكيميائية: يحتوي على قلويدات وفلافونيدات ومواد عفصية ومواد صابونية وزيوت طيارة ومواد قاعدية طيارة وسيترولات.
الاستعمالات: تؤكل اوراق النبات وهي ذات مذاق حار لاذع اما الازهار فيضيفها بعض الناس الى الشاي لتكسبه مذاقاً يحبه شريحة من الناس وبالاخص هواة البر والرحلات. كما يؤكل القرقاص مع التمر حيث ان التمر يخفف من حرارته.


وحسب خبرتي أن (القرقاص) الذي ينمو على الامكان الصخريه وفي الشعبان يكون اكثر حراره من الذي ينمو في الاماكن الرمليه والفياض




أشكرك ياغالي على هذه الأضافة القيمة

وياليتها مبكرة وجايه بالصفحة الأولى كان احلى وأحلى

شكرا لك واستغرب البعض يخلط بين البابونج والقرقاص

ولايعلم انها مختلفة اختلاف جذري في الطعم ومتشابهه في الشكل نوعاً ما

شكرا لك ياغالي ولاقصرت
راعي الهـــدد
15/03/2007, 10:08 PM
مشكوووور اخوي على هالمعلومات المفيده
ـــــــ وله اسم آخر وهو ببونج


الغالي ذيب الطبيق شرفني مرورك

والله يغفر لك ووالديك


واحب اقول لك ترى القرقاص يختلف عن البابونج اختلاف جذري في الطعم ومتشابهة في الشكل نوعاً ما

عموما البابونج ليس هو القرقاص


البابونج يختلف عن القرقاص في الطعم

وكذلك في شكل الأوراق

وكذلك في الزهرة صحيح اللون اصفر ومشابههة زهرة البابونج لزهرة القرقاص ولكن زهرة البابونج مدببة اكثر وقاسية اكثر

وأوراق البابونج ادق في التشكيل والتشقق من اوراق القرقاص

والطعم مختلق طعم القرقاص حار لاذع لذعة جميلة مقبولة

والبابونج غير حار ويعتبر مهديء

القرقاص في القوائد مختلف عن البابونج

عموما راجع كتب النباتت البرية وتعلم ذلك

شكرا لك ياغالي
صقر الصحراء
16/03/2007, 03:53 PM
مشكوووووووووووووووووووووووووووووور اخويل ربي يعطيك ألف عافية



والبريق على النار :)
راعي الهـــدد
16/03/2007, 11:04 PM
مشكوووووووووووووووووووووووووووووور اخويل ربي يعطيك ألف عافية



والبريق على النار :)


اشكر لك اخي الغالي هذا المرور الطيب

والله يعافيك

والبريق مادامه على النار فاذا خلص لااوصيك قرطحه كله وبالعافية

دمت بود ومحبة ياغالي
من نجد
03/04/2007, 03:30 PM
مشكووووووووووووووووووووووووور
راعي الهـــدد
03/04/2007, 08:55 PM
مشكووووووووووووووووووووووووور







لاشكر على واجب

الله يغفر لك ياخوي ويجزاك الجنة

دمت بود
الرسسسام8808
03/04/2007, 09:10 PM
السلام عليكم الله واكبر وين الناس يا الغالي عساكم بخير والعيال طيبين
بريق الفرقاص يشهوي
بس ماطعت تعزمنا عليه هههههههههههههههههههههههههه الله يجعله عافيه عليكم ومن يشوف امممممممممممممممممين
راعي الهـــدد
03/04/2007, 09:41 PM
السلام عليكم الله واكبر وين الناس يا الغالي عساكم بخير والعيال طيبين
بريق الفرقاص يشهوي
بس ماطعت تعزمنا عليه هههههههههههههههههههههههههه الله يجعله عافيه عليكم ومن يشوف امممممممممممممممممين



هلا هلا بالغالي ابو محمد

والله ياكحيلان عجزت فيك وانا اتحيل بك ابيك تسير علي ولابك حيلة

اطلبك بالعزيمة ولاتوجب لي

ابو محمد والله ان اغلى من يدخل المحل انت وشرواك

وياليت يحصل شي قريب

شكرا لك ياغالي

تقبل محبتي وتقديري
سلايل كحيلان
05/04/2007, 02:49 PM
ذيب يا راعي الهدد
راعي الهـــدد
06/04/2007, 02:11 PM
ذيب يا راعي الهدد





هلا بالغالي سلايل كحيلان

تسلم والله واشكر لك المرور والرد

دمت بود ومحبة ياغالي
عاشق VXR
06/04/2007, 02:24 PM
السلام عليكم ورحمة الله وبركاته .
مشكور يابو حمد على الموضوع الرائع ... :good:
بس ليته جاي مبكر شوي ... ( يعني بوقت الربيع ) :p
الله يعطيك العافية ... جزاك الله خير ...
لا تحرمنا من جديدك .. :type:

تقبل تحياتي وتقديري :
اخوك / عاشق vxr
راعي الهـــدد
06/04/2007, 11:31 PM
السلام عليكم ورحمة الله وبركاته .

مشكور يابو حمد على الموضوع الرائع ... :good:
بس ليته جاي مبكر شوي ... ( يعني بوقت الربيع ) :p
الله يعطيك العافية ... جزاك الله خير ...
لا تحرمنا من جديدك .. :type:

تقبل تحياتي وتقديري :
اخوك / عاشق vxr





هلا والله بالغالي ابو سعود

هلا بك ومرحبا بك

شاكر لك هذا المرور والرد ياغالي

بس ترى الموضوع له قرابة الشهرين او اكثر

يعني كان بوقت الربيع الا انت الي وينك ماشفته ههههههه

تسلم ياغالي

تقبل محبتي وتقديري لشخصكم الكريم
ابو ناصر 1212
07/04/2007, 02:05 PM
راعي الهدد
أجل خلك حول البيت :D
ههههههههههههههههههههههههههههههههه
الله يرج شيطانك
راعي الهـــدد
07/04/2007, 02:25 PM
لمرور
راعي الهدد
أجل خلك حول البيت :D
ههههههههههههههههههههههههههههههههه
الله يرج شيطانك



ههههههههههههههههههههه ايه خلك حول البيت والا ترى ذمتي برية منك ههههه

حياك ربي ياغالي والله يجعل بسمتك ذي دوم

تقبل محبتي وتقديري ياغالي
برق غامد
07/04/2007, 02:34 PM
يجعلك ربي نسلم يا راعي الهدد.

وترى انا جديد ومحب لكم في الله واملي انكم تبادلوني نفس الشعور ولا هانت لحاكم يالنشامى.
برق غامد
07/04/2007, 02:36 PM
تسلم يا راعي الهدد
راعي الهـــدد
07/04/2007, 02:43 PM
يجعلك ربي نسلم يا راعي الهدد.

وترى انا جديد ومحب لكم في الله واملي انكم تبادلوني نفس الشعور ولا هانت لحاكم يالنشامى.



هلا هلا هلا وغلا باخوي الغالي البياض

تصدق عاد انه زاد غلاك غلى يوم قريت اسمك (( البياض ))

البياض عزيز علي وغالي

واهله عزيزين علي بعد وبيني وبينهم عشرة وحياة

اقصد بياض نجد وانت اكيد تعرفه

يازين البياض وجفجف الأماعز وهريسان والحجرة وعنيز اقصد جبل عنيز

والشعبان الي تحول فيه كلها من الحنو وشطاب وفراج والعجلية والثوير

يالله انك تغفر للأهل ذيك الديار الحبيبة على قلبي

اخوي الغالي البياض هيجت الوجدان بأسمك هذا البياض

ارض حلوه واهلها بعد حلوين وارجال ونعم الرجال

اتمنى ان تكون انت من اهل ذيك الديار


حبيبنا البياض احببناك في الله ولله

والله يجمعنا بك على منابر من نور يوم القيامة


دمت بود ومحبة ياغالي
برق غامد
08/04/2007, 10:54 AM
والله يا راعي الهدد ترحبيك بي انه افرحني فرح الله يعلم قدره واتمنى يكونون اخوان المكشاتيه من نفس الطراز.
ووالله ما اعرف احد فيهم.
واما الديرة التي ذكرتم فلست من اهلها واحببتها من طرياك لها.
بل انا من جنوب المملكة لكن العز والدين في نجد.
وشاكر ترحيبك بي وحعلني فدى صورتك.
راعي الهـــدد
08/04/2007, 02:33 PM
والله يا راعي الهدد ترحبيك بي انه افرحني فرح الله يعلم قدره واتمنى يكونون اخوان المكشاتيه من نفس الطراز.
ووالله ما اعرف احد فيهم.
واما الديرة التي ذكرتم فلست من اهلها واحببتها من طرياك لها.
بل انا من جنوب المملكة لكن العز والدين في نجد.
وشاكر ترحيبك بي وحعلني فدى صورتك.





تبقى اخو وغالي ولو انك مانتب من اهل البياض

تسلم ياغالي
ابوعبدالهادي
09/04/2007, 01:47 PM
http://www.mekshat.com/pix/upload/images31/mk41473_t-200.gif



لقد ابدعت بارك الله فيك شغل ما علية كلام
راعي الهـــدد
09/04/2007, 02:41 PM
http://www.mekshat.com/pix/upload/images31/mk41473_t-200.gif



لقد ابدعت بارك الله فيك شغل ما علية كلام




أخوي الغالي ابو عبدالهادي

اشهد الله على محبتك ياغالي

والله يجمعنا بك على منابر من نور يوم القيامة

يغبطنا الملائكة والنبيون على ذلك

اخوي مرورك تشريف لي يابعدهم

فاشكر لك هذا المرور الطيب

دمت بود ومحبة ياغالي
المفكر الدعوي
12/04/2007, 11:21 AM
مشكووووووووووووووووووووووووووووووووووووورر أخوي

ومنكم نستفيد..........................
ابو شهد
12/04/2007, 11:35 AM
جزاك الله خير

صراحه ممتاز وذو لذه عجيبة

ويسمى احينا القريص
راعي الهـــدد
12/04/2007, 01:56 PM
مشكووووووووووووووووووووووووووووووووووووورر أخوي

ومنكم نستفيد..........................





حياك ربي ياغالي

اشكرك على هذا المرور العاطر

دمت بود ومحبة
راعي الهـــدد
12/04/2007, 03:00 PM
جزاك الله خير

صراحه ممتاز وذو لذه عجيبة

ويسمى احينا القريص




الغالي ابو شهد

شاكر لك ومقدر هذا المرور والتأييد على جمال وروعة مذاق هذا المشروب العالمي

انا اجزم انه لو لم يكن في بلادنا وصار يأتينا من الخارج معلب وجاهز للشرب لتنافس عليه الناس كلهم

مثل مانشوف في بعض المشروبات التي لاتستحق ان يدفع فيها ريال واحد ومع ذلك تنافس عجيب في شرائها

فياما وياما في بلادنا من خيرات

دمت بود ومحبة
ssw
13/04/2007, 06:23 PM
كله نمام تسلم يمناك

السؤال البنجاز جديد وإذا ماكان جديد الملمع الي تستخدمه نوعه لو سمحت
http://www.mekshat.com/pix/upload/images27/mk33838_ss33.jpg
راعي الهـــدد
13/04/2007, 07:16 PM
كله نمام تسلم يمناك

السؤال البنجاز جديد وإذا ماكان جديد الملمع الي تستخدمه نوعه لو سمحت
http://www.mekshat.com/pix/upload/images27/mk33838_ss33.jpg




هلا بك ياغالي

مرورك يشرفني ويشهد ربي

وبخصوص سؤالك فلا اعرف وش تقصد بالبنجاز

بس احس انك تقصد الفرن الي طبخت عليه القرقاص

صح

اذا ماهو صح قل لي

الفرن هذا قديم شوي يعني ممكن عمره حول 6 سنوات تقريباً

وهو من نوعية قليم قاز

بس معلومة مهمة

ترى المداومة على نضافة الفرن تطيل عمره

مثال

عندنا فرن ونخوك له فوق 12 سنة ماقال لا شغال زي الحلاوة ولو تشوفه تقول هذا جديد

طريقة التنضيف ياغالي وصيانته كالتالي /

1- تنضيف يومي في المساء يعني بعد ماينتهون طبخ ونفخ ينضفون الأفران الي بالمطبخ تنضيف عام بالماء والصابون العادي وينشف تنشيف تام

2- تنضيف خاص ودقيق كل شهرين او ثلاثة على حسب

ينضفون القطع الداخلية وعيون الفرن حقت النار

توضع في اناء فيه ماء وكلوركس ومنضفات والله نسيت وشهي

المهم تخمر فيها فترة

ثم تخرج منها وتغسل بالصابون وتنضف جيداً

ثم تنشف وتعاد لمكانها

هذه طريقة التنضيف ياغالي وهي تطيل عمره ولاشك

وأي خدمة ابشر بالي تبيه يابعدهم

دمت بود ومحبة
صليب الرأس
14/04/2007, 12:25 PM
لا وازيدك من الشعر بيت اخوي راعي الهدد يبسة بعد ماتنظفة واستعملة طول السنة زي ماسويت , بس لعلمك تراني دايم حول البيت

ودممممممممممممممممممممممممممممممتم
حنوش
14/04/2007, 12:39 PM
جزاك الله خير اخوي راعي الهدد وأنت دائما مبدع وشكرا على الشرح المفصل
راعي الهـــدد
14/04/2007, 02:07 PM
لا وازيدك من الشعر بيت اخوي راعي الهدد يبسة بعد ماتنظفة واستعملة طول السنة زي ماسويت , بس لعلمك تراني دايم حول البيت

ودممممممممممممممممممممممممممممممتم



هلا بك ياغالي

صدقت التجفيف يكسب بعض الأعشاب فوائد غير مافيها من فوائد

دمت بود ومحبة ياغالي

ولا اوصيك خلك حول البيييييييييييييييت ههههههههه
راعي الهـــدد
14/04/2007, 02:14 PM
جزاك الله خير اخوي راعي الهدد وأنت دائما مبدع وشكرا على الشرح المفصل



واياك جزا

تسلم على هذا المرور الطيب ياغالي

الله يغفر لك ووالديك

دمت بود ومحبة
اول 111
13/09/2008, 12:25 AM
مشكوووووووووووووووووور
zoom10
13/09/2008, 02:25 AM
سؤالي وين ألقى هالنبات .

يبيعونه في الصيديلية ؟ ولا عند العطارين ؟ ولا وين بالضبط ؟ لاهنت
جوافان
19/09/2008, 06:10 AM
ياخوي في هالوقت ماحولنا قرقاص وين جبته منه تفكى