ابي فزعتكم دلوني على مكان ربيع مثل صور روضة خريم تطولة الصغيرة [الأرشيف]

مشاهدة النسخة كاملة : ابي فزعتكم دلوني على مكان ربيع مثل صور روضة خريم تطولة الصغيرة

راعي الصغيرة

12/02/2007, 07:47 AM

السلام عليكم ورحمة الله وبركاته

تكفون يالربع فزعتكم

انا اشوف الصور وتفرك تسبدي وودي المرة والعيال يستانسون ويتفرجون بس العين بصيرة والسيارة صغيرة :)

ابي الله يخليكم............... طرار ويتشرط :) بس عارف اني في منتديات مكشات راعين النخوة والفزعات :)

المكان يكون :

1_مكان ربيع مثل الصور اللي في منتديات مكشات و ياليت ( وصف خفيف للطريق_ او صورة خريطة حديثة)
2_الطريق (الطريق معبد لو كان 300كم عادي )(15 كلم ردمية (جلد خفيف مابوه غرازولا حصا كبار) هم عادي
3_يكون المكان ماهول بالعوائل

انا في القصيم

ومشكورين مقدما ،،،

انا داري ان كل اعضا المنتدى كاشتين يعني لو مارد احد معذورين :)

مستبشر

12/02/2007, 10:19 AM

وعليكم السلام ورحمة الله وبركاته00
مرحبا بك يا راعي الصغيرة 00
بما أنك في القصيم 00أتصور روضة الخفس 00الي على طريق المجمعة فيها ربيع زين 00وطريقها معبد قبل الروضة فيه ردمية حوالي 3كم تمشي فيه جميع انواع السيارات 00مع الحذر من التغريز (أحيانا)00ومكانها 00 للقادم من القصيم باتجاه الرياض 00 تاخذ مفرق المجمعة (ماني متأكد من أسم المفرق)وتروح يسار حتى يتجه بك الطريق يمين باتجاه الجنوب 00تجد على يسارك برج جوال 00الروضة تجدها على يسارك 00وتوصل بمشيئة الله وحفضه00

واذا تبي روضة خريم 00وصفها جاهز والسيارات الصغيرة توصلها 00لكنها أبعد000

الأجردي

12/02/2007, 04:01 PM

السلام عليكم ورحمة الله وبركاته
أعتقد أنسب مكان للعوائل ولمثل حالتك (قرب المكان وعدم وجود ازعاج من بعض أنواع الكشاته )هو المكان الواقع بين تقاطع أم حزم/ الغاط / شقراء/ القصيم وشقراء وو صفه أن تصل إلي التقاطع المذكور من طريق الرياض/ القصيم السريع ثم تتجه ناحية شقراء أو ان تتجه للمذنب ثم أم حزم وتتجاوزها ألي التقاطع ومن التقاطع تأخذ يمين بإتجاه شقراء

راعي الصغيرة

12/02/2007, 06:04 PM

مشكور اخوي مستبشر (http://www.mekshat.com/vb/member.php?u=27574)

ياليت روضة خريم بالوصف المطول الممل كاني اشوف الطريق لاني بطبع الموضوع وامشي علي ضوئه

لانه طال عمرك اذا وصلت المجمعة بكمل والا وش رايك.

ومشكور الله يخليك

راعي الصغيرة

12/02/2007, 06:12 PM

اخوي الاجودي

مشكوروالله

ام حزم والله مثل ماذكرت فيها عوائل وقريبة لكن اسمع فيها رمال

مشكور اخوي الغالي..

مستبشر

12/02/2007, 06:48 PM

أبشر تامر أمر ياراعي الصغيرة 00
روضة خريم لها وصفين 00وصف لأهل الرياض 00وفيه طريق آخر لأهل الشمال 00هذا أولا وصف مفصل ومطول
لأهل الرياض أو القادمين للرياض عن طريق القصيم الكرام 0
0والمكان في روضة خريم 00سهل الوصف جدا 00على بعد 90 الى 100كم تقريبا والوصول اليه لا يحتاج الى أحداثيات 00أول ماتوصل للرياض بالسلامة ويجيك الدائري الشمالي تاخذ المخرج الي يوديك لطريق الشرقية وتمشي باتجاه الشرقية مخرج 8 شرقا تمشي تقريبا 20الى 25كم تجيك لوحة بها رماح ولوحة أخرى بها (وزراة الزراعة روضة خريم) تمشي مع اللوحة يمين يسير بك الخط باتجاه الشمال تمشي 50كم تقريبا يجيك طريق على اليمين تمشي 5 كم تجد الروضة أمامك و على يمينك وعلى يسارك 00والروضة الي على اليمين أفضل 000 بعد عقم شركة النظافة(تجد مقر شركة النظافة قبل بوابة الروضة ب400م تقريبا) تخلي مقر شركة النظافة(المؤقت) على يمينك وادخل جنوب(طريق ردمية تمشي فيه كافة أنواع السيارات) 1كم تقريبا تجد الروضة على يسارك 00وللمعلومية يوجد شبكين الاول جديد والثاني قديم 00(والله يعينك على شيلة الأغراض) وبداخلة الروضة الاصلية وهي الأجمل 00تمنياتي لك بالتوفيق والسلامة00ويمتاز هذا الطريق بانه سهل الوصف وكافة الطرق الموصلة له سيدين والمسافة المتوقعة من وصولك للرياض 100كم تقريبا 00
والوصف الثاني عن طريق طريق المجمعة وهو طريق مفرد وهو اقرب من الأول
ولكني لا اضبط الوصف تماما00تمنياتي لك بالتوفيق والسلامة 00وأن يديم عليك نعمه الظاهرة والباطنة أنه سميع قريب مجيب الدعاء

راعي الصغيرة

12/02/2007, 07:34 PM

تسلم والله اخوي الغالي مستبشر

والله اني تعبتك معي الله يخليك

كننت متباعد روضة خريم والله لكن الحين بعد هالتعب وهالشرح الوافي مالك والله الا اني اروح لها

بس قبل اوصل الرياض ابي افرق من السريع القصيم الرياض و امرالتنهات الله يعينك علي هههههه

الحين روضة خريم اوكي

ابي اسئلك عن روضة ام المصران اذا صح علي التسمية بس ماعرف وصفها ياليت الوصف

والله ينغع فيك اخوي الغالي وكل من يفيدنا وينور دربكم في الدارين ،،

مستبشر

12/02/2007, 08:29 PM

روضة ام المصران00 سمعت ان هذا اسمها لكن يا أخوي ما أعرف وصفها 00وبالنسبة للتنهات 00تفضل هذا وصفها00
وهو للامانة جهد أخيناZAIZOOM

( تابع )

( لـــب الموضــــــوع )

الآن سيظهر لك الكروكي (اللي أبلشتك به سابقا :D)

( لاحظ السهولة والوضوح ماشاء الله .. مقارنة بالخريطة )

http://www.9m.com/upload/9-12-2006/0.3730116564.gif
.
.
( اضــــــاءات )

هنا بعض الملاحظات والإرشادات والتنبيهات حول الكروكي .. وكيفية استخدامه ..

http://www.9m.com/upload/9-12-2006/0.2997501165689516.gif

.
.
:alarm: تنبيه مهم :alarm:
الطريق الموضح بالكروكي .. طريق سيد واحد ( رايح - جاي ) ..
وخطر .. لذا لزم التنبيه والتحذير من السرعة :no2: ..
كما أنه تعبره الجمال في أحايين كثيرة :no2: ..
خصوصا .. في الصباح الباكر وعند الغروب :no2:..
( والله خير حافظ )
.
.
( الخــــــتام )

ماقمت به إنما هو عمل بشري .. وجهد شخصي .. قد يعتريه النقص ..

فإن أصبت فمن (الله) .. وإن أخطأت فمن (نفسي والشيطان) ..
.
.

لا أريد منكم ( حقيقة ) إلا الدعاء لي بظهر الغيب

بحسن الخــتام ..

وأن يفرج الله عني ما أهمني ..

وأن يصلح الله أحوال المسلمين ..

.
.
شكرا لأخي مشرفنا الغالي (رسلان) .. والذي دلني على رابط الخريطة المدرجة في موضوعي ..
.

.

( حقـــــيــقة )

حتى بعد هذا الموضوع المجهد .. لم أوفيك حقك يا موقع مكـــــشات ..
فما زلت أنا في طور الوفاء .. و أنت أرهقتني بالعطاء ..
.
.

( خــــروج )

اللهم يارب وكما هديتني لأدل أحبتي .. فدلني وإياهم إلى الطريق المستقيم ..

طريق صلاح الدارين ..
.

مستبشر

12/02/2007, 08:38 PM

وتفضل أخوي هذا رابط فيه صور لأم المصران لعل فيه وصف دقيق 000
http://www.mekshat.com/vb/showthread.php?t=73058

راعي الصغيرة

13/02/2007, 12:28 AM

اخوي الغالي مستبشر

الله يسلمك والله مادري شقولك والا شلون اوفيك حقك

بالنسبة للخرائط اغلبها للي طالع من الرياض وغالبها للي ماشي من شرق الرياض طريق الجنادرية للتنهات او روضة خريم
مع اني بحثت في المنتدى وفي قوقل ولكن لم اجد

المستبشر بيض الله وجهك مره اخرى على تواجدك وخرصك وتفانيك وماقصرت الله يخليك ذخر

مستبشر

13/02/2007, 06:48 AM

راعي الصغيرة

13/02/2007, 07:32 AM

خريطة رائعة لتمير

http://www.tumaer.com/vb/attachment.php?attachmentid=273&d=1077653625