ريحه بنزين بالمرسيدس

[ضيف الله 44]

السلام عليكم فعلا ريحة بنزين داخل الغماره ماتنطاق علما ان السياره 500 موديلل 95 واعبي لها بنزين 95 ولا يوجد اي تسريب من خزان البنزين وديتها مكانيكي ولا عطونا حل المهم اللي عنده خبره لا يبخل علينا وصلى الله على محمد

[ssas1919]

اذا تأكدت من الليات مافيها تهريب بعض السيارات يكون مكان تركيب طرمبة البنزين من داخل السيارة فممكن تكون يكون فيه ربلة منقطعة أو شيء سبب الريحة

[قليقلان]

اذا الريحه والسياره واقفه حاول تفتح غطاء البنزين
الين يطلع الهواء داخل الخزان

[الصقرالسعودي]

السلام عليكم ورحمه الله وبركاته عليكم
بحكم استخدامي لمورسيدس e 2005
التانكي تحت المرتبه الخلفيه

فك المرتبه الخلفيه بتشوفه وبتجيك صاجه فكها وشوف وضع الطرنبه يمكن الصاجه مرخيه
خلت البنزيم يطلع على المرتبه ويسوي ريحه
انا اذكر يوم غيرت الطرنبه جلست يوم الريحه بالغماره

[alwali]

وعليكم السلام ورحمة الله وبركاته
اسمع اول شي انزل تحت السيارة مكان طرمبة البنزين وفك الكفر بلاستك اسود مكانه عند التاير الخلفي يمين
وخل السيارة طافيه لمدة يوم
وشغل السيارة وبسرعة شوف مكان الطرمبة تشوف واحد من الليات يهرب بنزين بس بدايه التشغيل
اذا حصلت تهريب بنزين دبل القفيز من الجهتين
السبب ان لي البنزين ناشف واول ما يجي فيه البنزين يهرب شوي وبعدين يلين اللي ويوقف التهريب

[ضيف الله 44]

بيض الله وجيهكم ورحم الله والديكم على نصايحكم والله لا يحرمنا من امثالكم من يحب يساعد المسلمين اخيرا اشكركم جميعا والله يجزانا واياكم الجنه