اللغز للي بالغطاوي قياسه . صوتي 241...الحل : زقاره....حله: تميمي1

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز جديد اتمنى ان ينال رضاكم



اللغز .. للي . بالغطاوي .. قياسه
اللي قبل . ترمع .. تدقق . قياسي
لغزي .. وعيني دب . فيها نعاسه
والعود .. للغطوات كب . النعاسي
حيه . على حي .. قشيره . مراسه
لغز .. بثوب ... للتماويه .. كاسي
في ذيلها .. محصور . يالربع باسه
مع ذا استمر منها يقاسي . يقاسي
مع لعبة بالحرف .. سهل افتراسه
خطوه .. لحله . يالدواهي تداسي
حيه .. اليامن جز .. يافذ . راسه
ياما لفت . ياصاح في قاف راسي


https://d.top4top.net/m_595y4nit0.m4a (https://d.top4top.net/m_595y4nit0.m4a)

مع تحيات ابو ماجد

منتديات مكشات . خيمة الالغاز

[يمكن شاعر]

عليكم السلام
صح لسانك ملاييين يالغالي لاهنت
محاولات على الاناث اللي تقتل ازواجها


العقرب او العنكبوت كلهن يذبحن ذكورهن
او
السرعوف = واسمها فرس
من غير راس = رس منطقه عندك قريبه وفي كلمه راسـ ي

[ابو ماجد 2]

عليكم السلام
صح لسانك ملاييين يالغالي لاهنت
محاولات على الاناث اللي تقتل ازواجها


العقرب او العنكبوت كلهن يذبحن ذكورهن
او
السرعوف = واسمها فرس
من غير راس = رس منطقه عندك قريبه وفي كلمه راسـ ي

هلا بك يابو مريم
صح بدنك يالغالي
ماصادت . في انتظار محاولتك القادمه
تحيتي لك وتقديري

[راعي الجيب2]

وعليكم السلام ورحمة الله وبركاته

صح الله لسانك ابو ماجد على اللغز الدسم
رمعه \ على فرضية حيه وهي النار الحيه نقول شوزن شرها على الصيد ومن غير ش تصبح وزن وهو اساس القوافي الراسيه

[يمكن شاعر]

طيب ي غالي
الحيا نفسها والحي الاخر الفريسه وذيلها محصور في قوتها
من غير راس يا في كلمه راسـ ي

[ابو ماجد 2]

وعليكم السلام ورحمة الله وبركاته

صح الله لسانك ابو ماجد على اللغز الدسم
رمعه \ على فرضية حيه وهي النار الحيه نقول شوزن شرها على الصيد ومن غير ش تصبح وزن وهو اساس القوافي الراسيه

هلا بك يابو محمد
صح بدنك وشرفنا تواجدك
مالك لوى يالغالي
أنتظر مرماعك القادم

[ابو ماجد 2]

طيب ي غالي
الحيا نفسها والحي الاخر الفريسه وذيلها محصور في قوتها
من غير راس يا في كلمه راسـ ي

طبت وطاب فالك يابو مريم
لايزال خارج تغطية رادارك ماشاء الله عليك
أنتظر مرماعك التالي

[تميمي.1]

السلام عليكم ورحمة الله وبركاته ،،،
عودة بعد انقطاعه ...
ماشاء الله تبارك الله عليك يابو ماجد كنت ولازلت مبدعا متالقا )الله لايظرك(

[تميمي.1]

رمعه طرت واللياقه ضعيفه ..
وش رايك في :
دباسه

[ابو ماجد 2]

السلام عليكم ورحمة الله وبركاته ،،،
عودة بعد انقطاعه ...
ماشاء الله تبارك الله عليك يابو ماجد كنت ولازلت مبدعا متالقا )الله لايظرك(


رمعه طرت واللياقه ضعيفه ..
وش رايك في :
دباسه


هلا . هلا . هلا
ارحب بالغالي
مشتاااااااااااقين
الحمد لله على السلامه
رده مابعدها انقطاعه ان شاء الله
فرحت بتواجدك
صح بدنك يالغالي
ومن عقبك والفترة الحاليه ماشاء الله عليهم ابو مريم وابو مروان قاعدين على ركبه ماغير جز روس للالغاز
وهاللغز محاوله لعله يصمد امامهم
وليس قصور فيك ولكن المنقطع يفقد شي من لياقة الترميع
لذلك فصلت لك لغير وهو جرعه لمعاودة لياقة الترميع
شرفتنا وانت دائما تشرفنا
ولغزنا لايزال طليق

[يمكن شاعر]

طيب ي غالي
يمكن مقصدك الحيه المنقطه
من غير راس
نقطه في قاف راسي

[تميمي.1]

هلا . هلا . هلا
ارحب بالغالي
مشتاااااااااااقين
الحمد لله على السلامه
رده مابعدها انقطاعه ان شاء الله
فرحت بتواجدك
صح بدنك يالغالي
ومن عقبك والفترة الحاليه ماشاء الله عليهم ابو مريم وابو مروان قاعدين على ركبه ماغير جز روس للالغاز
وهاللغز محاوله لعله يصمد امامهم
وليس قصور فيك ولكن المنقطع يفقد شي من لياقة الترميع
لذلك فصلت لك لغير وهو جرعه لمعاودة لياقة الترميع
شرفتنا وانت دائما تشرفنا
ولغزنا لايزال طليق


الله يبقيك ويرفع قدرك ، وانت هامة هالصرح الشامخ من غير قصور بالربع الموجودين والمنقطعين ،
وابو مريم وابو مروان ماشاء الله عليهم روس حربه وهدافين الموسم ،
اما انا راجع عقب اصابه واللياقه ضعيف لكن قلنا نباصيهم كم رمعه علشان يذبحونه

[تميمي.1]

نبي نتمرن على هاللغز شوي لترجيع اللياقه ،
وش رايك في :
عقرب

[الدمرجي]

صح لسانك يابوماجد لغز جزل من جزل

وشرايك

خنيمه = انثى النمر

نيمه= ضجيعة النائم

[تميمي.1]

نبي نتمرن على هاللغز شوي لترجيع اللياقه ،
وش رايك في :
عقرب

توي افطن ان هالرمعه فايته،
ونبدلها ونقول وش رايك في:
المقرصه

[يمكن شاعر]

الحديا والقنفذ
يا = راسـ ي

[ابو ماجد 2]

يالربع اعذروني بالرد الجماعي
شرفتموني
واللغز لايزال صامد

[تميمي.1]

طيب يابو ماجد وش رايك في :
الزقاره

[يمكن شاعر]

محاوله يابوماجد ماينقال عنها


لبطه = الركله او الرفسه على حي اذا حصلها من احد تبقا علامه بالخد او كدمه


من غير راس
بطه = حرف ياء اذا كان ي يسمونه البطه

[ابو ماجد 2]

حييتم يالربع جميعا
هاللغز حسيت أني بالغت بالتمويه فيه وكنت ناوي أخففه بالتوضيح
لكن الحمد لله اني مافعلتها
لتأتي رمعة تذبحه ولعل أكثر من أفرحته أنا لإحساسي اني شطحت
لكن ماأقول الا
كفوووووووووو كفوووووووووو كفووووووووو
كفووووووو كفوووووووو
ياتميمي
نعم
زقاره
اما قولي حيه فبناء على انها متقده بالنار
وقولي
في ذيلها محصور يالربع باسه
باسه من التبويس التقبيل وكأن شاربها يبوسها من ذيلها
وأما قولي
حيه اليامن جز يافذ راسه ... ياما لفت ياصاح في قاف راسي
راسي الجبل والله قال عنها في كتابه الكريم رواسي
وقصدت أنها تلفي على أسماعنا بعد جبل
والمقصود جبل قاره بالاحساء
لله درك ياتميمي والظاهر ان انقطاعك لم يفقدك اللياقه
لاتكون تمرن من ورانا
ماشاء الله عليك